日悅極尚日式放題 (已結業)

父親節同屋企的王上去了尖沙咀食放題，這個放題主要是日式為主，但食物款式眾多，價錢都是三百元左右，比較合理。餐廳裏面有自助吧枱，有前菜、小食、海鮮、甜品及生果，另外還有湯及糖水，多款飲品包括生啤、清酒、花茶，還有多種罐裝飲品。海蝦都很新鮮爽口，薯仔及雜菜沙律清新開胃。羊架燒得表面有焦香，肉質嫩腍又唔會太騷。三文魚刺身都唔算太肥美但味道鮮甜，最好味都是劍魚腩，甘甜爆油有驚喜，其他刺身中帶子及甜蝦都不錯，爽甜鮮味。天婦羅蝦肉爽口不厚粉亦不油膩。芝麻雞翼炸得香脆不乾，炸蠔更是外脆內嫩，不過蠔肉味道則比較一般。燒蝦大隻，蝦肉結實彈牙。燒芝士帶子肉嫩醬汁帶甜。另外中段還有片皮鴨供應，雖然鴨皮連著太多的肉，但鴨皮都算脆。最後唔少得的大品牌雪糕，每次都必食兩杯。

這間位於尖沙咀的日悅極上日式放題，晚市時段正價每位連加一約$300，但價錢已包括任飲生啤、清酒及多款飲品，而且食物質式又多。刺身類有三文魚、劍魚腩、甜蝦、帶子、鮑魚等等，其中劍魚腩油脂甚重，入口甘香且有咬口，是必點之一。火炙帶子及和牛則飯較多，帶子鮮甜，和牛肉略薄及細件，但味道不錯，有油脂香味。天婦羅表面的炸漿很薄又脆，而且不油膩，炸蝦蝦肉爽口又大隻。其他炸物包括炸雞翼、炸榴連及炸蠔，炸得又脆又不會油淋淋，食完都唔會成口油。串燒牛舌有咬口，大葱豬肉串則比較韌。清酒煮蜆都是必點，蜆肉大隻無沙，清酒味濃郁，蜆肉鮮甜。除此之外，外面還有很多任食冷盤，包括海鮮的蝦、青口、沙律、素菜等。甜品就比較普通，最驚喜是任食movenpick及Haggen dazs，回本之選。

由5月開始就講：「快啲過11/6。」點解呢? 因為這日有重大的project要處理，所以5月時已book定今日與一班好拍檔大食一餐，以此獎勵自己。終於完成了……結果好不好都不想太諗，只想與好拍檔鬆一鬆。餐店開放式的門口，感覺好寬敞。正門口設有一塊色彩繽紛的美食祭巨型推廣板，好搶眼。內裏環境光猛，裝潢滿有和風色彩，最吸引我是那條有質感的魚兒，很美!地方寬敞闊落，中間是自助區，而前後均設有大大座的飲品凍櫃，取食物飲品都很方便。內裏設有多行座位，一排排梳化座配二至六人枱，另外還間了一區，適合大夥兒相聚，地方大，令人坐得很舒適。晚巿放題限時2小時30分鐘，分三個時段，我地揀了自選時段18:00-20:30 ($278+10%)。原來4人同行會加送優惠咭和活魚薄切一份，可惜我們只有3人，噢!******************************每次都必先揀飲品作好準備，凍櫃有不同的韓式飲品、汽水、紙包飲品等等，而自助區就有咖啡、朱古力、清酒、梅酒、果茶、花茶、山楂烏梅汁、蜂蜜雪梨、玄米茶、煎茶等等，還有熱湯和糖水，包括蟹肉昆布清湯、味噌湯、銀杏腐竹豬肚煲西施骨湯、圓肉紅棗杞子茶、海帶綠豆沙

今晚約了好友黎食放題，一入餐廳覺得位置好闊，好舒服係大門口附近仲放了好多食物，如前菜、冷盤、湯、梅酒、啤酒、甜品等等美食，可以自己自取，又快又方便。仲好乾淨企理。飲品櫃都有大量不同的飲品，任飲，好正食放題當然有好多餐牌紙，自己睇清楚想食什麼，再寫上所需的份量，食物很快便會送到。食物種類都不少，基本放題的刺身、壽司、燒物、炸物、鍋物、烏冬、飯、串燒、應有盡有，我跟朋友都看了很久才決定點什麼，因為真的花多眼亂。我們食了很多輪食物，由於不能放太多相於此，所以便每種放少少，給大家作一個參考。這裡的刺身十分新鮮、肥美。而且都十分厚切，仲會叫幾多黎幾多，不用怕常常寫完，但又會走單這個問題。壽司都是我的至愛，有生的壽司，亦有火炙壽司，因應大家個人不同的口味來點選，所以食放題的好處是，大家可自己點自己想食的份量，每樣食物又可嘗一嘗。雞翼都是我吃放題必吃的食物之一，外皮香脆金黃，中間肉嫩多汁，正仲有炸榴槤和芝士年糕，外皮脆卜卜，中間都係好creamy，不過呢d炸物會比較膩，不可進食太多。天婦羅就會冇咁膩了，外皮金黃香脆，包著不同的食材，有蝦、茄子等，多款任選任食。呢度好多野食，食物質素又唔差，時間又充裕

今日本想去海洋公園玩，但因端午假期非常多人，要經過好好多蛇餅先入得場。4個大人帶住3個小朋友，天氣熱到不得了。當然唔再等啦，於是轉地區好玩近近地就尖東啦。呢個地方以前成日黎飲茶，裝修左之後都係第一次黎。原來已經變左日式放題店。🍱主菜（1人前）已包沙律🥗，飲品🥤及甜品🍮價錢由$98-$118都有，餐牌上面還有小吃可以追加份量非常多 ，味道都唔錯。出面既自助bar都好多不同的甜品，冷盤選擇。而值得推介既因為呢度有個細細既playhouse,有鞦韆、滑梯、搖搖板同大黑板，足夠小朋友放電，小朋友玩得開心又滿足。小童90cm以下免費，90-140cm以上以小童收費計算$58

今次揀放題揀左間空間感夠曬大既放題，分左右兩邊，地方大都建議預約定啊！新鮮北海道帶子、象拔蚌、QQ既紋甲魷魚、赤貝、北寄貝甜蝦唔小得！凍食唔夠仲有青口、翡翠螺、凍蝦，無限量供應！飲碗湯暖暖胃，無味精既飲多兩碗都ok，老黃瓜赤小豆豬展湯！ 雞絲胡麻醬菠菜，菠菜幾鮮爽，配上雞絲咬感十足！鹽燒雞中翼、睇到旁邊都多人點燒香草羊鞍、芝士蟹粉焗帆立貝必點啦！黑松露玉子 鮮冬菇 清油煮蜆火炙壽司揀左饅魚、三文魚腩、海膽赤蝦、芝士蟹棒（厚身），紫菜脆脆新鮮製作！ 凍食有我最喜歡既海蜇，素鮑片，微辣青瓜梅酒、水果茶都好多食客排隊斟！精緻甜點 特別一提～～仲有兒童玩樂部，小朋友食完玩一陣，放放電，返到屋企就乖乖地訓覺！

因為在尖沙咀返工，所以之前在中午時間已經來食了幾次，$60-$70元左右有日式套餐，都算抵食，所以今次在兒子出訪非洲個半月前帶他食得豐富D，已預計非洲都唔會有好野食。晚市6時前入座收$258，6時後$278，所以最終都選擇了6時前可以平$20元，4個人計加都差1百元。這裡地方算大，座位亦闊落，2邊都分別放了飲品櫃，但好似有少少飲品只有一邊櫃有，建議有時間2邊行下，啤酒另外放在一邊，清酒及梅酒放在自助任選食物大堂內，一入去看落自助食物大堂好似好多選擇，有少少海鮮、沙律、生果、甜品、湯及一些飲品，但實情都係普通食物為主，我自己都只係拿了一轉;酒精飲品，梅酒太無淡，清酒亦無什麼特別，啤酒還可以，但建議可以提供350ML細號裝，500ML太大了。一來到已經送上一個鯛魚刺身，擺設精美，令人垂涎欲滴特別開胃，但食落魚鮮味不算突出，唔知是否此品種問題定用了次一級的貨的原因。刺身款式都係大路選擇，但我欣賞帶子係原隻上，因為好多放題店都係半件上，整體上都十分新鮮，亦無漏單或比少D份量問題，由落單到上食物都係幾分鐘內，服務效率高。壽司選擇亦多，鵝肝帶子都唔錯，我最欣賞係海膽壽司，海膽份量足亦很鮮甜，估計我

2019年5月28日 星期二今晚收咗工之後就約女朋友同埋佢屋企人一齊去尖沙咀食放題，因為世伯前幾日行開尖沙咀，見到有間放題好似好抵食，就諗住試下位置係一間中心裡面嘅二樓，一上電梯就見到我哋入咗去坐低左冇耐已經急不及待咁叫嘢食，首先當然係放題第一樣必食嘅刺身，全部拎黎都好新鮮，其中帆立貝好大粒，咬落好彈牙之後我哋仲有叫花之戀壽司，包住壽司嘅三文魚好大塊，三文魚嘅份量仲多過啲壽司飯，而上面嘅三文魚籽都幾大粒跟住又叫幾款唔同嘅火炙壽司，其中我覺得最好食既係火炙蟹棒壽司，真係有一絲絲嘅蟹肉同好濃郁嘅蟹味，加埋上面融融地既芝士簡直係最佳組合突然食食下嘅時候，有店員拎左盤活魚刺身過黎，原來每枱客都有一盤，賣相好靚。之前完全未食過活魚刺身，好怕會咬唔開或者好腥，點知食落完全無呢d感覺，好鮮甜，唔難咬開，點埋豉油一齊食仲更加鮮甜之後當然有放題唔少得食嘅天婦羅，個炸漿好薄而且鬆化，點左蘿蔔汁一齊食會無咁油膩，而咬落裡面係出晒煙，其中蝦天婦羅有成隻手咁大添串燒方面，我地最欣賞既係燒蝦，叫左好多串黎食，除左因爲夠大隻之外，仲好彈牙同埋燒得岩岩好，唔會燒到過晒火最後我地仲叫埋個海鮮粥share黎食，個粥煲得好

28/6/2019 @ 尖東 日。悅極尚日式放題爸爸生日，一向都最喜歡吃放題， 剛好之前屋企人在街上收到張放題的宣傳單張， 在openrice上評價都幾好，地點都方便就一於去試下首先餐廳係非常之大， 所以坐位亦都坐得好舒服。 而且自助區拿食物的地方也很大，不怕跟別人有碰撞 飲品種類超級多， 烏龍茶…韓式汽水都應有盡有，還有一些自己煲的中式飲品… 果茶… 日本酒等等。 另外雪糕更有haagen Dazs 和movenpick兩款， 非常驚喜！非常足料的桂圓紅棗杞子茶！食物種類都非常豐富！四人同行更送活魚薄切一份生日優惠要夠六個人才可以享有一人免費刺身非常新鮮，而且很多都厚切，口感十足！壽司和花之戀的壽司飯也不大！ 特色壽司配搭也有驚喜！天婦羅炸得鬆脆，炸粉不厚！鹽燒海蝦更加是我的最愛！蝦肉又大又結實 ，而且又夠爽，證明蝦都十分新鮮！這間放題在尖沙咀半島中心其實並不是太起眼， 但質素和食物都很高！跟旺角或彌敦道的價錢也相約， 真是滄海遺珠

放題是家庭歡聚嘅熱門節目，日式放题也深受大衆歡迎，今次地點是尖東半島中心日悦極尚日式放題。餐廳面積很大，每張枱都有充足空間，自助區食品包括水果，甜品，啤酒，多款飲品Movenpick 和Haagen Dazs 雪糕。枱上有兩本彩色印製點餐纸，有刺身，壽司，煮物，燒物，炸物等，任君選擇。刺身以盆盛放於冰上，三文魚和劍魚很鲜甜肥美，象拔蚌爽脆鮮甜，希靈魚厚切有嚼口。炸蝦天婦羅脆漿薄而蝦肉滑，串燒牛肋肉肉質嫩滑，酒煮蜆鲜味清甜。忽然驚喜還有新鲜乳豬，香脆可口。加上啤酒飲品和雪糕，確是一頓豐富嘅放題。

週日和家人在尖沙咀行街購物，晚餐在尖東食吓日式放題，食肆位於半島中心，地方相當大，座位寬敞舒適。放題多元化，點餐纸以彩色印刷，有刺身，壽司，天婦羅，炸物，燒物和串燒等，還有雪糕、飲品，水果和甜品。刺身很新鲜，三文魚，油甘魚，肉質鲜甜，象拔蚌爽脆可口。炸物芝士年糕煙韌滑溜，貓山王榴槤炸球榴槤饀料爆漿而出，熱辣芳香。壽司款式多，以海膽軍艦最突出，海膽鲜甜有海水味，一口一件很合適。燒羊架肉質嫩而有羶味，串燒牛舌爽脆有嚼口。飲番杯啤酒或者冰凍飲品，邊食邊飲，感覺幾自在。

小食有醃青瓜,十分之爽口,而且酸酸的令胃口大開,麻辣無骨鳳爪和麻辣牛展同樣都是出色的小食, 都係本人最喜歡的餐前小食, 而且都不會太凍, 證明即使係小食也有經過解凍處理刺身的質素亦令我喜出望外, 解凍方面做得十分到位, 不會令你吃到凍冰冰的刺身,但亦唔會令你有種放置了很久的感覺, 刺生的厚度都令人滿意~而串燒方面, 鹽燒海蝦跟牛肋肉值得推介海蝦燒得香香的, 而且肉質鮮甜, 不會梅梅的而牛肋肉都燒得十分之好, 充滿肉汁又不會太乾炸物方面, 我推薦脆皮貓山王,, 芝麻雞翼和米紙海鮮卷脆皮貓山王除了炸得香脆外, 還有濃濃的榴槤味道甜品就有很少會在放題見到的MOVENPICK和HAAGEN-DAZS,可以任食呀! 淨係喪食雪糕都回到本啦對於喜歡吃這兩個品牌的朋友, 一定會滿心歡喜~最後2個人埋單$612~價$ OK, 食物都好唔錯呀~下次想食放題可以再來!

之前聽朋友講話日悅極尚放題質素不錯，一於來試試。係尖東站行幾分鐘就到，很近。入面好多位置，場地十分大，坐得舒適。一入到去就見到甜品區及冷盤區。我們先點了刺身，有三文魚，帶子，赤具等等。刺身很新鮮及鮮甜，帶子最值得推介。食完刺身就點熱食，有很多選擇。牛肉壽喜燒，味道甜得黎很好味，牛肉很香甜。芝士蟹粉焗帆立貝，好香芝士味，帆立貝也很鮮甜，必食推介。另外也點了雞翼，秋刀魚，炸榴連得得，好多野食，食到好飽！最後還有Haagendaz 雪糕食！

近排幾多人推介嘅親子餐廳，係食日式自助放題。不過可以更抵嘅價錢，就係食定食啦。$60左右就有一份，包少少刺身，沙津，湯。真係非常之咁抵食。有三文魚刺身同赤貝，正常質素啦。 因為係自助放題，所以飲品係出面自己揀。定食就當然係一份就揀一款飲品啦。一般汽水、枝裝、紙盒裝飲品都有。放題來黎選擇都ok。 雜錦天婦羅配冷麵  天婦羅份量都唔少野，大蝦、蟹柳、南瓜、薯仔等。冷麵夠冷已經可以，味道就真係普通貨色了，總算誠意搭夠。 豚肉生薑燒 煮得入味，味道正常，豚肉夠多足夠送飯。 稱為親子餐廳，因為場內有一個小小嘅兒童遊玩。當日人少少，幾乎包場。幾樣遊樂設施，足夠2歲左右細B玩一餐，開心一輪。 假日出街消費，每個定食$60左右嘅價錢，食物味道正正常常，有得玩有得食，邊度搵？

呢度地方都好大所以覺得好舒服唔使再同人逼下逼下咁啲刺身都幾新鮮所以都唔錯另外呢度出面有個自助吧可以自己攞嘢食主要係一啲熟悉來的味道方面都唔錯 嘢飲亦都係自己出去拎都算多選擇不過最鍾意飲可樂