方媽小籠包 (已結業)

今天和朋友1心核到就快清折的牛頭角.食1食方媽的小籠包!點知.1入到去坐低.個伙記見我地係咁睇小籠包.餃子的單餐單.就跟我地說: 無哂小籠包啦! 無做好耐啦!@@! 下..個下即刻down哂........不過伙記都好好人.送上茶耍同我地講: 睇下食咩先啦.唔岩唔緊要呀 !咁我同朋友仔又唔太好意思走..就係到食算啦:) 只好食其實啦.叫了個沙嗲牛肉飽$9同埋雜扒餐$24!個飽唔太好味.個飽唔熱的.只係d牛肉熱熱地.. 但d汁好鹹-3-雜扒餐..聽個名就諗住佢會好多野食好大碟..點知-_-'''有1件牛扒.火腿.煙肉,腸仔.雞翼同埋d 薯條.......但都係1般炸.... 唔太好食...好似d野放哂落去炸咁就算....''算啦.同朋友決定下次再到牛頭角揾其實野食…查看更多

上次食過方媽既小龍包, 油酥餅十分好味, 今次又再來過.真係怕佢拆左唔知會唔會再重開, 所以都係食多幾次.今次照樣食油酥餅, 小龍包, 仲有多叫左個豆沙窩餅同埋豆漿.樣樣野都好正, 豆沙窩餅即叫即整十分可口, d豆沙餡又唔會太甜唔錯.…查看更多

　　幾個月前睇左「吃喝兄妹」雜誌介紹，特地同愛人黎食小籠包同飲酸辣湯。　　記憶之中，小籠包冇煙出，即係唔熱，直情只係暖。冇肉汁冇肉鮮味，皮亦不見得薄，完全同「好食」兩個字扯不上關係。講平，佢真係平，坐70年代最舊式屋村樓下街邊，又點賣得貴呢？之不過，平唔係大哂嘅，難食我咪冇下次囉。仲有，自從食過呢間野嘅小籠包，我就非常佩服「吃喝兄妹」雜誌Ｄ撰稿人妙筆生花神乎奇技，將普通上海太太響屋村擺檔廉價賣上海小食，寫到好似隱藏於屋村中嘅上海廚神一樣，我咪就係因為咁坐左響度囉！「盡信書不如無書」，我就響果時明哂啦！　　酸辣湯，料係多，但酸辣味唔協調，而且飲得出好多粟粉。　　本來我都唔想寫到咁，不過就好似前文食家話齋，我特登走九條街黎試食，你唔洗好好食格，你唔難食我咪算囉，但係你真係好難食呢！　　對唔住亞方婆婆，冇心倒你米，我只係覺得果本雜誌報道失實到離哂譜姐！…查看更多

十四座大排檔夜晚滿晒人，日頭只有一些老人家經過散步。方媽行開左，旁邊輝煌小食餐廳幫我地熱返食物，好有人情味既小店！韭菜餅($6)暖暖的幫我地切開左一半，韭菜滿滿，味道不過不失，有些小昆蟲在旁同我地一齊搶食..小籠包($18六隻)豬肥皮厚有口感，但略油，薑醋唔錯。望見旁邊既舊式賣煙櫃和汽水櫃，拍下幾張照片，複製回憶。…查看更多

係八座食完生腸......炭燒雞蛋仔又未開~唯有改到先去14座食~~個邊都好多正野食~想搵方媽小籠包呢間鋪~但係13同14座搵足5個圈都搵唔到.........忍唔住問人先知原來係我地第一檔見到ge輝煌小廚ge一個counter...真係啤一聲........=.=''坐係戶外~對正counter~環境.....有潔癖ge小比......已經有d身痕....d餐具用個生晒銹ge罐裝住~=.='''' 一拎對筷子上手...嘩!~手感唔知點形容~痴痴地~好jui手~即係如果抹筷子~係唔可以好順暢咁一下抹過~~~~忍唔住用杯茶由頭洗到落尾~~~~縱使三番四次提醒大比~2個鐘之後我要食露比~還是點了生煎包x 2~鍋貼x 2 ~小籠包x 1~~個問題係....一個人食正餐前點會食得晒~?!雙拼先來~~~wow~~好油~haha鍋貼乃是大比最愛產物~水準還不錯的!吃一口~有大量肉汁漏出來~倒埋d醋入去~再食~~好鍾意酸mei mei的感覺!再試一試個生煎包~~~平時都好少接觸呢樣野小比成日都覺得好似怪怪的咁~hahah同埋食半個已經好飽~所以好少食~小比成日都覺得以上呢3樣野個餡係一樣的~但實際上又唔係~生煎包ge餡係比較濕潤的~而且濃味一點~這次小比較愛吃這一款~但是這2樣東~d油真係可以多到搽身~小籠包就放在我們檯邊ge大鐵桶蒸~睇住佢出煙出煙~好香~等左咁耐終於有得食~~一籠6隻~皮薄是不錯~但很易穿的~~!做不到皮薄餡靚而不穿~失策失策~雖然漏晒d汁~不過都唔錯~皮不會像南翔的硬崩崩~最後當然吃不晒~~~因為特別程度又不是很高~大比也有點失望~畢竟以為我找得這麼辛苦一定是很好~有點期望愈大~失望愈大ge感覺原本想叫泡菜吃的~但呀姐卻說沒有做泡菜的~唉呀~!?算了~不吃也罷或許在清拆前都不會再來了...…查看更多

其實之前睇到介紹又見牛頭角就來要拆啦..所以今次去試吓怕等時都唔知佢會唔會再做呀.此店無記錯叫方媽小龍包.2個人叫左個小龍包, 油酥餅, 蒸餃子, 酸辣湯同埋豆漿..樣樣野都係即叫即整保証熱騰騰呀...最正係油酥餅味道似蔥油餅啦都係咸咸地又夠鬆化, 反而酸辣湯就好一般唔算特別正, 小龍包都多汁不過唔會似出面d皮薄啦..如果大家唔介意環境唔乾淨都可以一試既.…查看更多

在牛池灣自閉完,落到另一「牛」,牛頭角下邨蕩蕩。聽聞這屋邨會在今年拆卸,有機會的話,會多些來逛逛。比較少到這一邊,位置也較隱蔽,好不容易才找到。午餐,只點一籠小籠飽,伙記說要等約十分鐘。反正有空,不要緊。小籠飽即叫即蒸,方媽親自拿來。賣相一般,看起來皮軟,水份較多。小籠飽做到皮薄,來時有一只的皮已穿,流出湯汁。皮,食落覺得比平時食的較濕與軟身,尤其底部,比較易穿,夾的時候弄穿兩只。湯汁不多,豬肉餡較腍身與入口快溶,不是啖啖肉那種,有肉汁但不太多。這裡的小籠飽,不是我杯茶。不過也希望,下次可以試試其他食物。…查看更多

去megabox 前經過牛頭角下邨，記得一早已想試他們的小龍包，於是到此吃一個tea。點了一籠小龍包、鍋貼和生煎包。鍋貼和生煎包一早煎好，上菜前番熱，但不足夠，但餡料味道ok。小龍包就一般，即蒸夠熱但沒有汁/湯，不過算吧，18元有6隻，仲要熱辣辣，都可接受，吃完令我想起小時候在屋邨冬菇亭吃的上海店小龍包，都是差不多的感覺。…查看更多

晌淘大附近住左2年, 平價同高檔既餐廳都試得七七八八. 講真我呢個無飯家庭日日出街食真係食到有d悶.有日放工又再經過方媽既檔位, 咁岩最口淡淡, 就去方媽度買碗酸辣湯麵返屋企做晚餐. 雖然有一段時間冇幫襯方媽, 但去到佢都仲記得我呢個"舊客仔". 唔知係咪因為我係第一批晌方媽岩岩開業時就幫襯既人呢? 例牌叫左一個酸辣湯麵扲走. 期間望一望牆上既價錢牌, 只係事隔2個月, 一碗湯麵已經由來$15加到處$17! 無計啦, 而家乜都加價, 好似唔加就係有問題咁. 返到屋企即刻開餐啦, 一打開...咦? 碗湯冇煙出既? 食一啖, 面色一變, 成碗野只係暖, 最後要我自己開爐整返熱佢. 而個麵底明顯係少左好多, 以前食到大半都已經好飽, 如今食晒成碗都唔夠. 到底係我大食左丫?定係佢地偷工減料? 我有同自己講話係我生大食積, 但望住碗湯就好明顯係料少左好多. 以前有木耳, 豆腐呢d材料, 而家只係得幾條木耳, 三小片豆腐咁就出貨畀客人. 將貨就價呢種精神已經不可避免...到底係邊個既錯呢? 要晌九龍灣/牛頭角搵一餐平過$15既晚餐, 怕且除左晌明星海鮮酒家既$14外賣飯盒外,都冇其他選擇.…查看更多

其實食完野已經好飽..但路經方媽個時方媽問我地想食d咩,抵受唔住誘惑..又坐低左啦..方媽呢樹都幾多小食架播-熱豆漿味道唔太甜相對地豆味亦都唔濃,無乜驚喜-鍋貼皮有點厚..都幾油膩下~我比較中意鍋貼大王的鍋貼多d-小籠包話明方媽小籠包,小籠包就緊係佢既招牌貨啦~即叫即蒸..都等左幾耐下小籠包既皮好簿..好易夾爛,可想而之我夾野既手勢幾好小籠包既汁係由d肉入面滲出黎的,姐係肉汁!但係唔多不過可能我始終唔太好小籠包呢樣食物啦,所以我覺得麻麻地方媽佢好nice架,唔知牛頭角下村拆左之後方媽會搬去邊呢…查看更多

我試了小籠包和鍋貼，我不太喜歡兩者的餡，覺得味道怪怪的，沒有肉的鮮味，不過食品很新鮮。…查看更多

呢個食評足足遲左成個星期先寫, 無他師傅呢期真係好懶! 師傅早一排冇意間睇到食家KC兄食評, 見講得咁正, 就心思思想去呢間食店度試下, 終於上星期去左試, 不過去到又唔係好識路, 左兜右兜好唔容易先搵到方媽!去到門口都唔知坐街邊好定入去坐好, 門口攪左一陣最後一個帶住好親切笑容人叫我地入去坐, 師傅估呢個應該係方媽! 入到去就睇下食咩好啦, 好多上海點心都好吸引好想食, 最後叫左粢飯, 鮮肉鍋貼同埋小籠包!最快到係粢飯, 粢飯一開二都幾大條, 煙煙韌韌但一d都唔硬, 幾軟熟, 肉鬆夠多炸菜唔辣但好爽口, 好味; 鮮肉鍋貼一碟四隻, 講真都幾大隻下, 皮就唔算薄, 但肉質都幾鮮不過就幾乾身, 師傅就冇咁鍾意喇; 小籠包一籠有六隻, 都頗大隻, 等左十分鐘先有得食, 因為係即叫即蒸, 呢個小籠包都算皮薄, 一夾個皮已經即穿, 豬肉都幾靚幾入味, 但裡面湯比較少, 幾乾身, 如果唔小心夾穿埋個皮就連少少湯都冇埋, 激死; 不過師傅始終都係鍾意多湯小籠包!雖然師傅呢個係一個遲來的食評, 但絕對冇忘記呢間食店味道! 總括黎講食物質素係可以, 環境就一般喇, 不過服務招呼就好好, 加上價錢相宜, 一籠六隻小籠包都係十五蚊, 抵到爛! 想平平地食下上海點心, 呢度都係一個選擇, 笑臉就比唔到喇, 因為真係唔係咁出色, 不過師傅下次都會再黎, 因為好想試下個酸辣湯!…查看更多

工友們最鍾意去呢度打躉，0係度食左好多次，原來呢度個名叫方媽小籠包都係今日先知﹗咁岩呢頭開工，lunch再走黎呢度食上海野做午餐﹗先試酸辣湯，很多料味道濃郁，比起出面食到的較酸，唔係係咪呢0的先係正宗呢？生煎包即叫即煎，包皮很厚，就係鍾意呢0的口感﹗入面岩岩好熱辣辣，肉汁很多很香，正﹗小籠包要等十分鐘因為係即蒸的﹗皮做得很薄差不多一督就穿，要小心翼翼的放在匙羹上吃﹗肉汁鮮甜入面湯汁不多，不過新鮮的食物永遠是可愛的﹗…查看更多

看飲食雜誌的，多只會大清早來吃一客小籠包；幫襯這裡多年的，便知方媽其實賣大件抵食的上海點心，小籠包不是特別出色，當然也不是差，而窩貼/生煎包/蔥油餅.....等等也吃得過的；而我，就最喜歡她的泡菜。大部份時間也會見她在舖面，而所謂的舖面，現在是另一間快餐茶檔的另一邊。方媽十年如一天的親切好客，跟她打招呼，她自然會瞇著眼的介紹你那種包點最新鮮，又或是老實說什麼什麼未煎起，際此情況，就要吃小籠包，因為這一味必是即蒸的。當然先來一碟泡菜，泡菜可也是幾款可以令我吃不停口的小吃，而無論見到的是北方或韓式或日式，總會吃上一大堆才進入主菜的部份。方媽的泡菜，用椰菜來做，是又鮮又爽脆，如這款泡菜如吃起來不新鮮爽脆，其實已經可以放下筷箸。泡菜還要夠辣，這裡的沏上不少的紅尖椒，夠勁道。要辣亦當然不是「死辣」，而又要與酸度和甜度的平衡做得好，這裡的先嚐酸，辣隨後至，最後是微甜，做得有層次，很對胃口。分5蚊及10蚊兩個份量，我通常是堂吃「5蚊」，之後「30蚊行街」，次次如是。想吃生煎包，但剛下鍋子，就要了小籠包。這裡的是即叫即蒸，最少也要等上十分鐘的。小籠包非「精緻版」的，這裡是在滬江街頭一斤斤吃的「結實版」。粒粒夠份量，皮略厚，不會「爆湯」，但肉餡鬆軟，一樣有肉汁及好吃。一客六件，份量十足，盛惠16蚊，很經濟。順路經過又想吃上海點心的話，這裡也是一個不錯的選擇。…查看更多

呢頭真係冇咩好食，於是去左下村發掘新世界，第一次行暈成條村都唔見影，第二次終於俾我搵到! 方媽係咁叫我坐入去冰室，不過我中意坐出面，有風味啲 !叫左碗酸辣湯同小籠包，小籠包即叫即蒸，要等十分鐘，酸辣湯上先! 幾好飲... 不過我唔太食得辣，飲到喊晒=P小籠包出場! 個底稍嫌有啲濕，皮係幾薄，起碼薄過以前食過啲上海菜館，肉汁都OK 多，熱辣辣放入口，正!之後食過生煎包，呢款唔太好食，皮稍厚且油。方媽好熱情亦都好好招呼，睇得出佢對自己整既包點好有信心同熱誠，我會再黎既:)…查看更多