方太糕品舖

好耐好耐經過, 但一直未有機會試, 今日去佐敦個邊, 忽然想試一下, 原來有好多款, 有白色砵仔糕, 有黃🫘色砵仔糕, 有芝麻糕, 芝麻卷, 白糖糕, 黃糖糕, 紅豆🫘糕, 馬豆糕, 綠豆糕, 千眉豆糕, 亦有馬蹄糕, 紅棗糕, 桂花糕😘, 沒有華麗的裝修, 好簡單的小店, 試左一件紅豆🫘黃糖砵仔糕, 原來唔止面層多豆, 連糕底全部都係豆😁, 咬一口, 有QQ爽彈的感覺😘👍, 唔會感覺好硬, 有驚喜, 味道也不錯, 有下次🤩, 不過我個人食野偏淡, 就覺得甜左dd😅, 但也可以接受😋 下次再過來, 再試下其他款先😍…查看更多

【2024 年 5 月】之前去廟街食煲飯諗住順路買幾件米芝蓮推介中式糕點食吓離遠見到條人龍即刻掉頭走 ...都係平日下午嚟買穏陣啲 ~~唔使排隊唔便等，仲可以慢慢揀 ~~榮獲《米芝蓮指南》必比登推介嘅街頭小食有多款傳統中式糕點，全部都係每天人手蒸製HK$21 有三件，可以任選搭配儍媽就揀咗 2 份 (HK$42) ...蓮子桂花糕、馬蹄糕、龍眼紅棗糕、椰汁千層和兩件芝麻糕再加多件砵仔糕 (HK$8)糕點用糖量較少，甜度很低，質感軟彈砵仔糕好足料，有很多紅豆，口感紮實彈牙儍媽最鍾意味道濃郁嘅芝麻糕和清甜嘅龍眼紅棗糕 ~~** 以上分享是以我的口味、體質和情況作出分享及感受，一試 / 合用與否請自行決定…查看更多

工作後路過，買了芝麻糕和椰汁紅豆糕，兩款都唔甜，其實冇咩味，芝麻糕質感硬，椰汁紅豆糕味道好一點，唔甜但係紅豆味也不突出；21元3件比同區另一間我食開的貴1元，味道非常普通，不會回購了。…查看更多

要排隊，係因為賣嘢個女士手腳非堂慢排隊排到隔離舖，仲俾隔離舖個阿姐喝我哋叫我哋唔好阻住佢。排排下，呢間方太個女士先話叫我地反方向排，態度又差，仿彿係我哋排隊嘅人做錯事咁！終於排到買嘢喇，俾張十蚊紙佢，都要驗屍咁驗，唔知張銀紙有乜問題，佢唔肯收，問我有冇另一張(後來見到只係痴咗少少膠紙，但完整嘅，冇崩，俾的士司機都唔會咁啦)，一肚氣幾好食都唔會再去，更何況白色砵仔糕係相當相當難食本身想買啡色砵仔糕又話要等一個鐘頭…查看更多

Office搬咗去佐敦，行過先醒起，米芝蓮名店，之前上海街排大隊，反而廟街冇人排，多人買芝麻卷（菲林卷），三十幾蚊皓大條，但食唔哂冇買，最後買咗黃白砵仔糕（$8x2)同馬豆糕（$7），砵仔糕出色，實淨，多豆，但馬豆糕一般…查看更多

每次經過都見有勁多人排隊，一直都好好奇一間糕點舖點可以做到要攞飛排隊咁勁，仲要職員速度已經唔算慢。難得今日禁到張飛只係排幾個，就湊熱鬧去買嚟試下。芝麻卷 $35/條份量算多，卷嘅直徑唔細。食落淡淡芝麻清香，係因為巻嘅內層包咗一粒粒芝麻，芝麻粒令到個卷更香，有驚喜！砵仔糕 $8剛剛出爐，熱辣辣。口感唔會太實太黏，甜度剛剛好，亦算多紅豆。中式糕點店實在買少見少，喺呢間舖頭買左嘅幾件都算滿意，價錢公道份量十足，難怪會吸引咁多顧客慕名而來。…查看更多

一向對傳統中式糕點好有興趣哩間曾經喺上海街開舖因業主加租與疫情原因而要暫時停業依家搬去廟街 不時會出現人龍更獲「米芝蓮」推介～.種類好齊全 有18款糕點選擇佢主打低糖配方製作 某程度上係好事但有啲糕未免太清太無味😂😂亦見唔少評論話冇以前咁好食.不過喺香港有咁齊全款式嘅糕點舖買少見少經過又口痕嘅可以買幾舊食若要排隊 就未必了🫣 唔算特別平.會回購嘅有✅黑芝麻卷✅黃糖糕✅椰汁馬荳糕.🔎黑芝麻卷💰35🔎黃糖糕💰21@3🔎龍眼紅棗糕💰21@3🔎椰汁馬荳糕💰21@3🔎蓮子桂花糕💰21@3…查看更多

成日經過佐敦都想幫襯呢間曾獲必比登推介嘅小店幫襯完反而覺得一般般🫨𓂅 芝麻卷 ᴴᴷᴰ 𝟹𝟻個人覺得糕點唔算好平芝麻卷嘅芝麻味都唔叫濃郁而且食落膠膠地😳 而且衛生水平欠佳，可能開始熱多咗烏蠅總結就是不會encore…查看更多

夜晚8點叫肥司機去買砵仔糕，佢搵到呢間，相信其他糕點店鋪已收工了，我喺屋企品嚐咗個砵仔糕，砵仔糕應該係自家製低糖糕點，因為佢唔會有種死甜嘅感覺，砵仔糕個面同個底都有紅豆，不過如果多啲就更加好，砵仔糕咬落去係煙煙韌韌，所以係幾彈牙，同埋食完兩個好飽，但自己偏好一啲更甜嘅食物，如果可以揀普通版同低糖版會更加好！…查看更多

話說以前都有幫襯開佢嘅芝麻糕，超級濃嘅芝麻味真係好正。一排冇幫襯去開附近發現原來搬咗去廟街嘅新舖，即刻9秒九衝過去排隊，點知一經過門口見到竟然一個人都冇嗰下已經覺得奇怪，玻璃櫃入邊嘅糕點款式都冇以前咁多，仲要喺個玻璃櫃入邊見到好多一隻隻嘅昆蟲….唔理啦，一場嚟到就照買！返到屋企就急不及待食啦，點知一放落口….究竟我食緊啲咩？🤮完全冇芝麻味，得少少甜，口感仲要完全唔掂….當吓我仲懷疑自己係唔係幫襯左山寨舖…..真心好失望….…查看更多

今日去本舖見唔使排隊，就買咗啲糕點試吓😜馬豆糕，馬豆只有面嗰陣有，入邊根本就係一舊冇椰汁味嘅粉糕😫紅棗糕，簡直差到一個點！冇紅棗味不特止，感覺食緊得個甜字嘅一舊粉😣椰汁紅豆糕，只有輕微紅豆味，又係唔好食😣芝麻卷，完全冇芝麻味，又厚，真係食咗一件就唔再食😤好老實，啲糕根本好似完全同一個味咁樣，質感已經唔好，又偷工減料；真係唔值得特登去排隊買！…查看更多

每次經過都必定見到排長龍，不過去貨速度快，所以每一次都忍唔住排缽仔糕：正正常常，無乜特別芝麻糕：太硬，膠質太重，有芝麻味，但都係芝麻卷好食啲紅棗糕：略嫌紅棗味唔夠出，比較彈牙，但我個人就比較鍾意煙靭啲嘅口感抹茶糕：有驚喜，抹茶味比我想像中濃，而且夠煙韌，可以一試椰汁紅豆糕：最出色，香甜煙靭，椰汁味同紅豆味都幾出，紅豆泥好幼滑椰汁馬豆糕：有大大粒豆增加口感，椰汁味都好出，但比較起上黎椰汁紅豆糕好食啲買太多，最後擺咗喺雪櫃兩日都keep到個口感…查看更多

小兒最愛吃冇豆砵仔糕，家住鰂魚涌，一直都揾唔到，同事介紹廟街有間方太糕品做冇豆的。放假同仔去旺角，就撘多個站地鐵去買冇豆砵仔。去到果然有，所以買了三個，等佢食到夠。另外亦買了芝麻卷，芝麻糕，紅豆糕，馬豆糕。離開途中，佢已急不及待試食冇豆砵仔，佢話好好味，爽爽韌韌的，不會淋patpat。當晚回家，就同公公一齊消滅其餘四款。最好是芝麻卷，好有芝麻香有口感又太甜。紅豆也不錯，大大粒紅豆很有質素，芝麻糕同芝麻卷差不多味道，不過都係芝麻卷得意啲。馬豆糕有椰汁味，不過馬豆不多，也可以試下。總括糕品時有水準的，而且不太甜。老闆娘一家服務也很好，會主動同客人傾計，撩下小朋友，氣氛很好。一眼望落店舖清潔乾淨，對他們的衛生都有信心。下次再過九龍，都會再惠顧，除了冇豆砵仔及芝麻卷，會再試下綠豆糕及千層糕。今次食得太心急，所以忘記影相，唯有以文字代替。…查看更多

上次太晏去到，已經賣晒我最想試嘅芝麻糕😢今次早啲過去，買咗個芝麻糕試一試，點知好失望，食落係完全無芝麻味，得少少甜味，雖然唔係死甜，但係都唔知自己食緊咩...呢個價錢$7一件，唔算貴，但我唔會再食呢度嘅芝麻糕...…查看更多

難得唔係太多人排，今次終於有機會一嘗方太手勢，不過就失望而回我只買到呢D款，芝麻卷買唔到 我見到上面白色個舊唔醒係乜野糕，反返黎睇先知係馬豆糕面睇好似好多豆，入面放空城計，一粒都冇囉，好騙案砵仔糕尚可以，冇乜驚喜，紅豆都算大大粒馬蹄糕，都係得半層有料，唔係太滿足囉眉豆糕，第一次食，比想像好食綠豆糕，我本人唔太喜歡個口感，唔彈牙紅豆款係我至愛，不過呢度既就冇特別，不過起碼足料豆大大我落單係桂花糕，不過真心認唔出，又冇桂花味，沒有桂花既痕跡，顏色又唔吸引，唔知自己食左乜芝麻糕都算可以暫睇情況，只會有未食既芝麻卷會再吸引我去買，下次要浪費時間排咁耐，就唔會再試…查看更多