影片
開飯介紹
原名為「渝味曉宇重慶老火鍋」，招牌九宮格麻辣火鍋味道不變，辛香惹味，火鍋配料有數十款選擇，店舖設計則簡約而大氣。
繼續閱讀
營業時間
今日營業
12:00 - 23:30
星期一至日
12:00 - 23:30
以上資料只供參考, 請與餐廳確認詳情
有關獎賞計劃
優惠
相關文章
「方叔叔」火鍋配料份量可以半份半份咁order, 最為適合人少少，又想點細細份又唔同款的人。雖然呢度主打重慶麻辣湯底, 不過亦有幾款唔辣嘅養生湯底鍋。【潮汕手打牛筋丸】爽口彈牙, keep到香甜肉汁, 推介!【鴨血】口感彈滑, 配唔辣嘅湯底同樣唔錯。【手打魚籽蝦滑】口感微彈, 有淡淡蝦嘅鮮甜味, 加埋魚籽, 增加左口感層次。【皇帝菜】放入湯底盡吸湯底精華, 同時食到皇帝菜本身嘅清香清甜。餐廳環境舒適, 冷氣都夠足, 全程打邊爐都唔會感覺熱。入座即送上雪耳紅棗糖水潤下喉。每張檯均有醬料供自由混醬，而且枱面上已有教程如何混醬最後仲點咗甜品【糍粑】炸到金黃鬆脆, 中層軟糯, 內有流心甜甜地嘅黑糖醬, 配有黃豆粉, 整體唔會太甜, 推介!
繼續閱讀
鍋底叫左重慶辣，但一上幾乎可以話係冇味既！不過店員好好，有不停幫忙加辣，前後加左3次辣，終於都有昔日嘅水平！唔知係咪廚房睇錯咗要微辣呢？配料方便，依舊正常發揮，唯獨鵝腸麻麻哋！好似橡筋咁！蝦滑就都係咁彈牙好食！希望keep住飲品依舊係咁大杯 其實叫一杯洛神花橙茶，真係可以飲成晚啤酒，生啤冇記錯好似$56杯，其實都抵過出面，出面普遍$68，雖然呢度配料相對貴，但係飲品其實都幾抵飲希望下次再嚟嘅時候會有特別嘅配料啦！嚟到先知之前個聖子冇左了。
繼續閱讀
之前淨係食過方叔叔午市套餐，一路都好想試吓其他食材今日放假，一於拉埋老公嚟試吓～一如既往湯底都係食重慶麻辣鍋加皮蛋芫荽鍋首先，當然要嗌我最愛嘅嫩嫩嫩牛肉每塊烚3分鐘就食得啦～另外原來晚市嘅食材可以揀半份，所以我哋都嗌咗半份珊瑚蚌試下，30秒就食得，好爽口！之後仲嗌咗一份四寶丸每粒都好大粒好新鮮，其中我最鍾意係墨魚丸同埋蝦丸，十分推介！當然唔少得我最愛嘅苕粉口感十分煙靭，類似薯粉～老公好鍾意食芋頭，所以我哋都嗌咗一份炸芋頭另外嗌咗半份萵筍同娃娃菜～放落皮蛋芫荽鍋吸晒啲湯味個人認為晚市比午市更出色，而且價錢都唔貴，兩個人食咗五百蚊～比港式邊爐平下次一定要再嚟試吓其他嘢食！
繼續閱讀
方叔叔好好食🤭❤️係可以開心狂食😋✨一坐低職員就會比冰糖雪耳糖水我哋解定辣，之後就可以坐定定慢慢揀嘢食☺️ 方叔叔午餐仲有火鍋一人餐，有肉類、海鮮、素菜、主食、甜品、飲品等各種美味，唔使$100😱下次可以試埋鴛鴦湯底貴州酸湯鍋同重慶辣湯，貴州酸湯湯底好好飲，酸得來係容易入口嗰種味道🤭 同行嘅朋友仔話嚟到呢度一定要食辣湯底，入面有好多、金陽青花椒，辛香味十足🌶️晨洲生蠔🦪原來冬天係晨洲生蠔當造嘅時間，意外地好食，蠔肚非常之飽滿，記得千祈唔好過火，咬落去蠔味香濃，口感軟滑。一啲都唔腥，反而係濃郁嘅鮮味。牛小排 肥牛嘅紋路清晰，睇落去係雪花狀，油脂分佈平均。每一片都好靚，肉質軟嫩唔會痴牙，牛肉味香濃🤤賣相好靚好吸引🧡珊瑚蚌 口感爽脆，高膠原蛋白、低脂、低膽固醇😉白鱔 份量比我想像多🐟大大件，肉質結實，咁嗰條白鱔應該好大條，靚。手打香菜牛肉滑牛肉冇完全打碎晒，香菜好正㗎👍🏻箇中獨特嘅香氣會一齊滲出嚟，食落去有口感，而且口感結實新鮮📍 方叔叔重慶老火鍋 (太子集團中心) (尖沙咀)尖沙咀北京道12A號太子集團中心19樓
繼續閱讀
🌟方叔叔重慶老火鍋🌟8週年優惠🎉，全日免收加一之餘，仲有唔少特價食材😍！午市一人火鍋套餐亦全面升級📈，包晒食材湯底醬料茶位，都係98蚊起，勁抵玩🤩！♨️貴州紅酸湯鍋 拼 麻辣鍋（小鍋）$98貴州人愛用酸代鹽，佢哋嘅特色紅酸鍋不含防腐劑同埋香精，湯底色澤紅豔，味道酸醇柔和！木薑子油浸味仲好似檸檬咁清新，用嚟烚牛肉有助提升鮮味同埋解膩！而麻辣鍋一向係方叔叔嘅招牌重慶style湯底，既香且麻，勁度十足！🥩美國Prime特級牛胸腹（半份）特價 $85方叔叔嘅食材都可以嗌半份，就算兩個人食都可以嗌到好多款，正！8週年特價嘅牛胸腹，好抵玩！🥩手切鮮牛肉（半份）$149靚靚嘅手切鮮牛肉，食落特別軟嫩多汁！🥓極品黑豚腩肉（半份）$45豚腩肥瘦相間，入口甘香！🦪晨洲生蠔（半份）$98生於鹹淡水交界嘅晨洲生蠔，隻隻都好水嫩飽滿，肥美鮮甜！🪸珊瑚蚌（半份）$69｜🦐手打魚籽蝦滑（半份）$45爽口鮮甜嘅珊瑚蚌，仲有鮮味十足嘅蝦滑，都值得推薦！🥟韭菜豬肉餃（半份）｜💛方叔叔現炸豆皮（半份）$29韭菜豬肉餃一咬即爆汁！現炸豆皮好香脆！💚大刀萵筍芯（半份）$25大大片嘅萵筍芯，爽嫩無渣！🍹水仙烏龍檸檬茶 $39｜🍺日本七寶札幌生啤 500ml $48大大杯嘅檸茶同埋啤酒，價錢公道！🍧紅糖冰粉 Free喺大眾點評打卡同埋收藏餐廳，即送紅糖冰粉，超足料勁解辣！
繼續閱讀