影片
流浮山一向出名食海鮮，大大小小都有好多間酒家。食咗咁多年嚟講，要坐得舒服又好食，就真係非依間莫屬👍🏻星期日訂座6點，時間算早去到唔多人。環境寬敞坐得舒服，侍應招呼快兼有禮。上菜時間算快唔駛點等，可能因為早食。就連加水都一叫就有人埋嚟，好高效😆豉油王大蝦🍤招牌菜，非試不可！外脆內軟，豉油味香而不鹹。乾身夠鑊氣，唔會油淋淋。連殼都食埋，超正😋沙巴龍躉兩食（炒球+炆骨）🐟炒球魚肉爽口彈牙，魚皮煙韌帶膠質。炆骨香脆惹味，送酒一流，又係非試不可👍🏻豉椒炒蟶子肉夠大隻飽滿，爽口冇沙。豉汁惹味，撈埋煎米粉底又另一番味道。薑蔥鮑魚煲🥘鮑魚剛剛熟，軟滑彈牙。充滿薑蔥香味，聞到都已經流口水🤤第一次食絕對有驚喜👍🏻蒜蓉粉絲蒜元貝元貝蒸得剛好唔韌，蒜汁加埋粉絲都係一貫食法。粉絲有先浸軟再蒸，咬落唔會硬。招牌炒飯飯炒得夠乾身大碟，好多配料。食落似楊洲炒飯嘅味道。
繼續閱讀
次次黎都揀呢間，因為好鐘意佢個辣酒花螺 ，味道超好，酒味適中椒鹽瀨尿蝦亦非常出色，唔會死咸😋 撈飯好正楊洲炒飯亦好好食😋炒得粒粒分明鋪頭環境好好，乾淨又闊落👍🏻
繼續閱讀
因為喺隔籬舖頭自己買咗啲海鮮帶過去加工，所以啲海鮮嘅質素同餐廳無關但係餐廳嘅加工都做得幾好🦀鹽焗奄仔蟹啲蟹膏真係好多 雖然係滯咗啲但係真係一定要食😚啱啱焗完出嚟熱辣辣好好味又唔鹹🦀薑蔥炒蟹啲蟹新鮮炒好入味又好夠鑊氣只不過係鹹咗少少😂稍為失色🦐豉油王大蝦大蝦都幾新鮮炒得好入味😚鍾意重口味嘅人必食！我最鍾意成隻咬因為可以食埋啲皮😂唔好睇佢咁脆但一啲都唔會戒到嘴 特別係啲蝦膏位真係不得了🦪酥炸生蠔生蠔都炸得好酥脆好juicy🐟清蒸黃腳立條魚好新鮮好大條😉佢唔會蒸得太過火🍴豉椒炒蟶子買咗啲大大隻嘅蟶子王，所以炒落就好Juice好入味仲要啖啖肉好夠鑊氣😋🍴白灼東風螺東風螺好新鮮好甜😚
繼續閱讀
流浮山食海鮮應該係任何一個香港人心目中都係代表了挂，但係貴係真貴，自帶海鮮加工費都會好貴，但係又值得去食既，一魚兩食，魚片炒西芹、炸魚，連骨都炸酥脆，好香口，聖子、膏蟹仔，唔大，但係好多膏，肥美，椒鹽鮮魷，勁大碟，好入味，呢個餸都好餸酒，通風餐閒中一次兩次好啦，龍蝦伊麵，龍蝦係細小小既，呢個就比較中規中矩啦。流浮山食海鮮除左貴之外，應該無咩大缺點，哈哈
繼續閱讀
今次我就來講下我試過啲海鮮嘅真實招數。首先，啲上湯龍蝦伊面，湯頭鮮甜到彈牙，龍蝦肉滑嫩得嚟又保持住彈性，食落口感無得輸🦞！攞碟蒜蓉粉絲蒸扇貝嚟講吓，肉質爽口，蒜香粉絲吸晒海鮮精華，每啖都令人難以忘懷😋。至於啲炆鮮鮑，我要豎起大拇指👍。汁道完美轉化鮑魚嘅海味，滋味豐富，鮑魚腍滑有口感，不過我覺得鹹香再重啲就攞晒廿分。咪話我唔提提你，呢家店嘅蒜蓉粉絲蒸象拔蚌仔同炸生蠔，真係夠晒夠鑊氣添！蒸象拔蚌粉絲夠味，透着一股地道海味，而炸生蠔外皮炸到啱啱好，蠔肉入口即溶，鮮美得來又保持住彈性，一試難忘。整體嚟講，今次食海鮮嘅體驗真係好正！地道港式處理海鮮嘅手法，真係做到平民化之餘又唔失格調。我會再嚟呢家店嘅！🍽️
繼續閱讀