新錦園大排檔

營業中

休息中

之前老公的同事講過這裡的椒鹽九肚魚好食, 於是在聖誕假期第四天晩上走到來一試我當晚胃口不太好, 沒什麼想食, 大約8:00, 已坐了八成枱, 有的是打邊爐, 有的是食小菜, 見碟碟都很大碟, 打邊爐也很大鍋, 大排檔就是這樣, 地上滿是廢紙, 環境嘈集, 我們點了椒鹽九肚魚, 京都肉排, 很快便送上了, 真是很快, 好像3分鐘就做好了, 但是椒鹽肉排, 我們沒點這個, 問問店員, 是她入錯單, 於是好快改番, 上枱的九肚魚真的是很足料, 大約成30條魚, 看是香脆的, 但見有4-5條是炸得連著的, 感覺一麻麻, 但食落唔算油膩, 唔點汁, 有點淡, 沒太多椒鹽味, 兩個人真的吃不消, 京都肉排有成15片, 但好像醃得不入味, 只是靠個獻汁的甜酸味, 肉質又不夠林, 沒香口的味道, 沒有起穫乾蔥的香味, 似是炸得唔夠香這埋有茶供應但又收茶錢, 又不收加一, 算是實惠的一餐

呢間大排檔在熟食中心差不多是獨市生意，大件夾抵食，所以未夠七點已經差唔多坐滿，真係好誇張！係唔係真係咁好食呢？今次去有點失望...白飯魚煎蛋($38) - 好大碟，煎得幾香口，白飯魚都好大條但唔算多，仲好油膩。椒鹽鮮魷($50) - 都係勁大碟，色水好似炸得唔夠透同乾身，食落唔算好脆...麻麻地...唔算好食。金銀蛋莧菜($32) - 超大「盆」，皮蛋比鹹蛋多，加了冬菜十分香。莧菜多到好似食極都有...食大排檔其實係食風味，呢度風味係有，不過水準時好時壞。環境方面，有冷氣唔駛熱住食，雖然地方唔係好乾淨因為價錢平又大碟，間唔中食吓都幾好。

帶同小友到大角嘴市政大厦內的室內兒童遊樂場走一圈。因利乘便，要解決中午一頓飯，自然就在二樓的熟食中心內攪掂....之前從未來過，發現原來偌大的一個地方就只有兩個大牌檔。這名為"新錦園"的算是當中的大户，一抵達後阿姐便飛撲而上安排就坐，想逃也逃不掉了....一張超大枱中坐着的全大多是來自附近地盤的勞動階層，市井味十足十。我們一家三口一坐進去，可真是有點格格不入，奇怪透頂。不過自己一向不拘小節，多地踎多不衛生的地方也可忍受，連帶太太及小友也受到感染，而且吃完後馬上便要趕下場，所以對如斯環境亦不會太介意的....求求其其要了午餐內的紹菜火腩飯。碟及飯量皆是大得令人吃驚，完全符合勞動階層應有的食量，但對於我這等凡人來說，就是過量了。整碟東西除了量大之外，另一最大的特點便是師傅量也大，吃了兩三口之後，便馬上要相應地灌兩三口檸樂進口才可以舒懷....論味道....還是不要有太高要求，只求飽肚就可以了....太太的那碟所謂的家鄉炒米的味道吃起來就更與平常粥店賣的普通銀芽炒米是完全沒有分別。米粉是一早炒定的，入口冷冰冰，這是太太最不喜歡的，而且整碟東西的調味亦是來自師傅。唯一的像樣點，便只是夠乾身而已

本來想去楓樹圍,老早18:15便到來霸位,但新錦園的伙記落力拉客下我又到了新錦園.今次有點慘,18:40等到19:10催單,到19:15先開始有得食.而新錦園不像隔離楓樹圍,是沒有花生送的.結果同家人就局住空肚飲啤酒

十多年前，這一片土地還未有大角咀市政大廈，當時的大牌檔完全是香港風味，既平又正，但環境真係唔係人人接受到。當年我仲係窮學生，中午時間間中同同學黎一次大魚大肉，好不快活。之後畢業出黎做野，由窮學生升呢做窮小子，同當時的女友黎呢度晚飯，雖然搵錢唔多，但時日也是快樂的。如果我無記錯名，當年的大牌檔，等於今天的新錦園。今天同友人來到大角咀，想不到有甚麼好吃，腦海靈光一閃，想到這裡的大牌檔。搬左上樓，地方大左，但面目全非。我還記得當年一碟炒豆苗，大碟到暈，兩個人叫兩碟餸，都唔會食得晒。今天，這裡依舊嘈吵，但不要緊，大牌檔就是要這樣才好玩，不過傾計就要大聲ｄ了。唔駛講野，先來一枝啤酒，但最近對酒類興趣大減，是因為囡兒的出世嗎？我諗係因為自己睡眠質素轉差有關吧，哈哈。先來一碟西檸雞，大大碟，熱辣辣。檸檬汁酸味恰到好處，炸粉不太厚，但略嫌雞肉薄而削，但質素還是很不錯。豉椒炒蜆是看到隔離檯吃得異常過癮而叫的，蜆仔唔細隻，夠鑊氣，炒得隻隻開口，殼與肉比例相若，無偷工減料俾番堆殼你，但始終還有少少沙。椒鹽鮮魷最出色，椒鹽味夠，鮮魷新鮮，炸粉唔厚，份量大碟，配齊准鹽喼汁，我應該是吃得最多，哈哈。蒜蓉炒菜心一條

大角嘴廟會，幾乎封左半個市政大廈。我們18:00抵達幾乎都要等位，而這兒這個時間等位幾乎也等於可以走得，因為有排等。好在我們最後也找到一張門口檯。食品：環境：環境就是這樣一般，而且門口位不容易坐，太多人出入了。服務：落單快，追單慢(因為佢地話追唔到廚房)，不過有電腦單都勻真。衛生：每個麵包已用膠袋包好，衛生情況不錯。價格：其實我地次次去到都差不多叫某個Range的東西。不過上次蒸鱔明顯好過今次蒸倉魚.仲鱔平幾蚊.總評：以明碼實價嚟講真係抵食，而且係少有的大排檔風味。可惜今日撞正廟會，人多到爆，可能因為咁廚房都做唔切，好多檯都叫追單或cancel單。不過對外區人都係可以一試既。對我地區內人係常光顧的食堂之一

大角咀市政大廈實際上只有兩家大排檔，據說都是由昔日九龍殯儀館外的大排搬遷入的。全個場的檯櫈放得重重叠叠，坐下前先要看看是新錦園還是楓樹圍的，不然可會叫錯伙記。雖然兩家大排檔的出品差不多，但名菜不盡相同，而且價格也有些你平，有些你貴。三個人叫了以下小炒：招牌菜：、蒸鱔入味，豆苗勝在大份，而油泡鮮魷則比較油。揚州炒飯，飯底粒粒分明，而且配料豐富。席間啤酒全線加$1，通脹逼人來。18:30前同18:30後係兩個世界，18:30後已經幾乎搵唔到位，或者要搭檯。新錦園勝在有電腦打單，比較勻真。楓樹圍則有例湯同前菜送。各有千秋。

已好一陣子沒來,今日再與家人來到新錦園做冬,唔知上次大廚係咪心情唔好,食物水準下降了,今日再來,食物比上次好番好多了.今次我們叫了個八人餐,因為,唔駛諗餸嘛~樣樣都好食,唯一係果半隻沙薑雞,咬落去仲有血水的,赫死人,叫他們拿去再蒸熟少少,入番廚房都唔夠五分鐘又捧番出來,但...依然係生生哋的,不過....除了隻雞,以其它食物水準,價錢,份量來衡量,新錦園依然係值得去的.

其實大角咀市政真係全天候座無虛席當然唔係味味都好食，但都唔會差咖喇客氣說話都唔多講四人行晚飯叫左五送京都骨椒鹽雞軟骨蒜蓉炒唐生菜煎芙蓉蛋梅菜扣肉先講京都骨，最後黎既一碟送先講佢係因為真係頗差!!講白左就係豬扒+甜酸汁豬扒肉質超差，用紙皮黎比喻最好不過~個汁冇特別又唔夠多汁，只係剛剛好有D汁包住D豬扒跟住椒鹽雞軟骨，例牌菜黎喇其實味道方面OK，以前有D蒜同辣椒，而家少左勁多根本唔夠惹味而份量則少到以前一半咁上下以前約係大半年前左右啦，六個人食六個送，最後都未食哂D雞軟骨而家真係少左好多，價錢當然冇降到啦蒜蓉炒生菜，冇特別好味，油多過自家製既好多好多但又唔見得夠鑊氣，怪怪的煎芙蓉蛋，都幾考功夫，外層煎香但裡面有點漿漿地滑滑地餡料都幾足，有蝦有肉有芽菜有蔥等等味道唔算好好味，不過睇得出裡面有下功夫，算係值回票價梅菜扣肉，用煲仔上，香噴噴熱辣辣送飯一流扣肉入口唔洗多咬，自然會融化係口中真係好正至於白飯，認真差到痺...痴埋一舊舊，唔知會唔會係隔夜飯埋單先$230，每人60蚊唔洗算係咁啦~

十月尾又來生日飯局，今次轉陣到九龍區，光顧大角咀市政大廈熟食中心的新錦園。熟食中心的環境不用多介紹，但最厲害的是新錦園佔了整層熟食中心的大部份位置，只餘三兩檔位為另一間小店。而整個地方都充斥著食客高談闊論的聲浪，再加上電視聲、搖骰盅聲等等，嘈音指數實屬超標！ 食物方面，這裡賣的是一般大牌檔鑊氣小炒，份量十足，但價錢卻很相宜，平均由廿多元到五六十元不等。我們一行連大連小十六人共點了九個小菜再加兩個炒飯，已經飽得再吃不下，要打包外賣哩。 霸皇雞：先來一隻霸皇雞，雞略嫌較瘦，但肉質嫩滑，味道也不錯，加上椒絲薑蔥鋪面，賣相尚算可取吧。 古法羊腩煲：羊腩煲以大鑊上檯，份量十足，不像外間店鋪，其他的配料比羊肉還要多。羊肉不羶不膩，蘸以腐乳同吃實屬絕配。 椒鹽墨魚咀：新錦園招牌菜之一，大大粒墨魚咀酥炸至金黃色，爽口彈牙，配以淮鹽或醋均很美味。 椒鹽九肚魚：外表與坊間的椒鹽九肚魚無異，但入口才分出高下。九肚魚炸至外皮香脆，入口如吃炸薯條般爽脆，內裡魚肉仍很嫩滑，是全晚最好的一道，絕對是推介之作。 蒜子火腩大鱔煲：火腩大鱔煲兩款主菜均很出色，非常惹味，而且份量十足，煲仔小小卻吃極不完哩。 西

星期六晚, 共八個家人一齊來到大角咀, 早已聽過朋友介紹市政廈裡的這間食店, 來到點都要一試。入到市政大廈, 原來不只這間大排檔, 入門口的那間還有很多吉位, 但我們亦一直入到去新錦園, 但這裡已經沒有位了, 要等位! 唉! 我這世人就最怕等位的, 但都無辦法, 足足等了十五分鐘呢!!坐下後, 大家已肚子餓了, 很快已點選了九個餸, 包括: 炒蜆 -- 唔錯, 但很多蜆只見殼, 沒有肉, 但炒得不會太老。椒鹽九肚魚 -- 我的最愛, 不會太咸, 外脆內嫩。紅燒八珍豆腐煲 -- 都ok, 還有一些菜做配料。蒸三色蛋 -- 很大碟, 但到我們吃完飯才上枱, 較咸。砂鍋魚頭煲 -- 味道唔錯, 魚頭很入味。椒鹽豆腐 -- 亦是很大碟, 很香口。豆豉鯪魚油麥菜 -- 份量充足, 油麥菜很香脆。蒜茸白菜仔 -- 亦是份量十足, 蒜味很濃, 但較油膩。粟米石班塊 -- 石班塊炸得較為硬身, 粟米汁少了一點。最後我們還加多一碟椒鹽九肚魚, 因為太好味了! 雖然環境是嘈雜了一點, 但這餐很抵食, 十個餸加十幾碗白飯, 再加兩枝飲品, 只是$500元!!! 實在平、靚、正!!!

一家大角咀好多年既大排檔在地下，變到宜家上去市政大樓而我同老公向度咁多年都只係經過，無食過既大排檔這夜...就去試食喇~網上話佢上菜快，真係超快轉眼就兩碟上左台仲無諗過呢度既野食咁大碟架 @0@ 蝦醬通菜成斤上都係廿四蚊 南乳脆炸豬手比起其他感覺係細碟點不過48蚊碟...平時向酒樓都咁上下價但細碟好多啦 菠蘿咕嚕肉覺得幾足料，平時出去食都係食到粉多，但今次真係好多肉肉 椒鹽九肚魚的肉好嫰，剛剛好，都係好大碟可能因為係炸野，都幾膩但係又忍唔住都係係咁夾黎食...叫左四個送，就好似係六至八人餐咁既份量好在，我這大角咀師奶醒，拎左個大飯盒去不過裝完之後發現，可以當二人飯盒呀~ 哈哈哈我地仲叫左兩支jolly sandy同埋兩個白飯成餐都係$187蚊好抵食只係略嫌環境嘈左點，傾計就難點

補回19-1-2009 食評因二家姐也是住在大角咀的,因此,以前都常來這兒吃飯的,今晚一家大小的去大角咀市政大樓"新錦園"吃飯,我們叫了南乳豬手,京都骨,油墨菜炒豆豉鯪魚,涼瓜牛肉,粟米魚肚羹,蒜蓉炒菜心,椒鹽九肚魚,蒜蓉豆豉蒸大鱔.................這兒最好吃的是"椒鹽類"食物,炸得好好~~南乳豬手都好好食,其他就一般喇~~大排檔比較有鑊氣,我個人就幾喜歡喇~我們一行十二人,連埋3枝啤酒,飯及粥,埋單$480元~抵食又大碟~

跟一眾巴打到這裏吃晚飯，我們沒有想太多，有甚麼想吃便點了甚麼。我們點了蜆芥西洋菜、炒豆苗、羊腩鍋、菜莆蛋、椒鹽雙併、蒸魚、涼瓜炒田雞、沙薑雞腳、梅菜扣肉鍋等等。基本上每個菜都合乎要求，只是並不突出，有幾個菜特別好，例如菜莆蛋，用炒滑蛋的方式來處理，不像潮州式的那種把蛋煎得微焦的，吃起來的口感不錯；涼瓜炒田雞也不錯，田雞的肉很滑，很新鮮。只不過也有不大好的菜，例如羊腩鍋，150塊一個大的，但羊腩不多，而且很羶，味道不太討好；兩個菜也很醎，真的很需要配白飯才能吃完。其實我覺得菜太醎的話，味道有多好都沒用，因為吃得辛苦，便享受不到當中的美味。個人認為可以一試，因為很便宜，而且上菜速度很快，不消一會兒都來了。不過追求質素和乾淨，可以考慮到樓下的埃華街、大全街，那裏有很多食肆，一定可以滿足你的要求。

今日一行六人去食飯, 打電話去訂位,接線o個位阿叔話人數太少唔駛訂枱,大把位.好啦,唔可以留位就算啦.一去到只係得番幾張十二人枱, 唯有坐住先等轉細枱.幾經波折以為終於可以有餐安樂茶飯,點知厨房成日漏單,催兩個"食送"都玩o左半個鐘!一人一"食送"決策下, 叫左唔太心水o既"食送" :豉椒炒蜆 - 成碟得o的殼,蜆削,無肉食,零"wok"氣,唔夠味,阿媽都炒得好食過佢!菜甫蛋 - 一啖鹽, 一啖蛋.菜甫原來係伴碟. 唔該可唔可以搞均o的先炒呀?炒豆苗 - 應該叫油浸豆苗.早知就叫芥蘭啦...咕嚕肉 - 賣相靚, 多配料,可惜主打豬肉唔爭氣.多筋又炸得硬.個汁太酸,好似飲緊醋咁西檸雞 - 全場最正常o既"食送",個汁味道夠,面漿唔太厚,可以食多舊豆腐青菜鹹魚湯 = 滾鹽水全程嘈到傾唔到計,o的o野又唔好食,仲唔快食快走咩...