新錦園大排檔

營業中

休息中

這家店真的是又愛又恨，人多的時候，服務簡直是爛道炸，沒有人幫你找位置，凭运气吧，服务也很离谱，不过很有街坊氛围，都是住在附近的街坊，有人在这里喝酒聊天打牌菜品也很不错，小炒皇非常新鲜，量很大，小鱼干好吃，菠萝咕老肉也好吃，不单单是面，很多肉，还点了一个豆腐火腩煲很好吃，里面的支柱简直入味

昨晚和朋友聚會去了這間大排檔，上到去看到很多枱已經滿人，幸好剛剛有都一枱走人了。坐下後，拿了一張餐牌看，餐牌菜式很豐富。我們點了5個菜。魚香茄子煲——份量很多，侍應拿上枱的時候，滾油在煲裡滋滋地彈跳着，茄子軟硬適中，但咸魚卻沒什麼味道，咸香不夠，整體不過不失。生炒排骨——排骨炸得酥脆，裡面則鬆軟，配合少少肥豬肉，非常有口感，汁方面酸酸甜甜很開胃，配角菠蘿也很甜，不會太酸，和白飯很配搭，而且份量也很多。小炒皇——新錦園的必點之一，裡面有韭菜，蝦乾，小魚仔乾，腰果，菜脯。韭菜爽脆鮮嫩，易入口，蝦乾選用的是大隻蝦乾，鹹鹹香香的，非常香口，小鱼仔乾也很好吃，配合其他配菜一起吃很有層次，菜脯則沒什麼味道，可能怕太咸，過了很多次水，而腰果則炸得很脆，個人最喜歡腰果，整碟菜都很有獲氣，是喝酒吃飯的必點菜之一。椒鹽鮮魷——原本想叫椒鹽墨魚咀，但已經賣完，唯有試另一碟招牌菜。鮮魷肥厚鮮美，每隻都好大隻多肉，外皮炸得酥脆，不會吃到一口粉，配上椒鹽粉和喼汁，微辣又惹味，值得一試。蒜蓉粉絲蟶子——這碟蟶子的肉鮮甜肥美，非常大隻，加上蒜蓉粉絲的精華與蟶子完美結合，令人食指大動，雖錢海鮮比較貴，但這個價錢與味道是

如果下次人多，一定再上嚟encore !首先，在場嘅哥哥姐姐服務態度良好，又會細心幫你諗，完全有爸爸媽媽果種溫暖😌但又有大排檔果種爽快～比起出面其他餐廳嘅樓面，食完趕你走，叫極都唔應嘅態度真係差好遠！今次人少少，所以叫嘅餸都唔多，但份量好足，碟碟都大大件，仲成日食咗先記得影番相⋯除咗份量夠，味道亦都相當不俗！我哋叫咗個椒鹽雙併（係姐姐推介嘅）- 椒鹽魷魚拼墨魚咀，哇！簡直不得了！咬落香口又脆身，一啲油膩嘅感覺都冇，送酒一流👍🏻再嚟一個生炒排骨，個汁並唔係出邊嗰啲染色素加上去無味道，而係脆口又有少少山渣味，鑊氣夠，一上枱冇耐都清晒⋯食咁多肉梗係帶返啲菜同埋蒸海鮮啦~個鹹魚茸炒芥蘭，啲鹹魚唔係死鹹，而係堅有鹹香，同埋啲芥蘭食又冇骨，啲芥蘭又炒得脆卜卜😌 仲有個蒸聖子同扇貝，兩個都份量夠，絕無呃秤，彈牙又新鮮！要咁多數埋單$500有找，鑊氣夠，食物份量又大碟，服務態度又好好，怪不得咁多人都嚟訂大枱食飯囉～～

今日跟住好友過黎試下呢間大排檔，當然今時今日嘅大排檔通常已經入左室內，有冷氣，今日叫左個六人餐，有豉汁蒸魚，咕嚕肉，菜心炒牛肉，砂礓雞腳，蒸水蛋，大部份食物都好有鑊氣，好大碟下，味道都唔錯，不過可惜嘅係，室內環境十分嘈雜，基本上不能與友人傾到計，而且勁多人公然係室內地方吸煙,十分討厭煙味既我，是晚食不知味，食完飯後完全感到成個人俾D煙味籠罩左甘

好耐都冇食過大排擋啦! 適逢今日星期五晚，約埋好兄弟一齊去食大排擋！依然去返我地老地方~ 新錦園!!! 呢間大排擋成日都好爆! 我地兩條友都要等左15-20分鐘先等到張二人枱，如果唔系就要同人搭大枱每個人對大排擋既定義都唔一樣，雖然新錦園呢度唔系露天。但系食物同埋份量系我多次回頭既原因! 次次兩條友黎叫三個餸都食唔曬! 因為實在太多多多多多多多多多多多多多啦!!!!!!!! 廢話少講!!! 即刻去相!小弟超中意食生炒骨，呢度生炒骨多肉少骨，而且份量好大碟! 大碟當然唔系話配菜多，而家佢系超多肉肉肉肉肉! 睇相就知啦! 色澤鮮艷! 熱辣辣! 最岩用黎餸飯啦! 之前出去食個D生炒骨得個幾舊肉仔，仲要勁大舊骨，驚死唔知佢叫生炒骨咁。呢度就唔同呢~ 人多D食都唔驚一人得一舊仔。由於次次都食唔曬，所以我地兩個大男人只系叫左一碗飯share 炸! 墨魚咀~ 據講系度招牌菜之一，又系新鮮炸好! 粒粒大到好似魚蛋咁! 重點系完全唔硬! 都幾彈牙嫁! 可惜系炸既我又唔食得太多，不過次次食完都好想再食完全停唔到口! 隨碟跟左梅子粉同埋豉油，任君選擇啦喂~ 當然都要食下菜啦，由於菜系第一碟上，我地兩個鬼咁肚

大角咀福全街市政大厦熟食市場二樓有間新錦園大排檔，大大碟有獲氣，還有一個非常超值的生日套餐，一圍只收1038，有白灼生蝦、霸王雞、清蒸石班、西芹鲜鱿、椒鹽九肚鱼、京都骨、小炒皇、紅燒豆腐、粟米羹、還送紅酒或壽包。12人每人連飯連啤酒才一百元，真是抵、抵、抵，而且足料冇花巧，難怪座無虛席，冷氣又足夠，而且很乾凈，招呼也不錯，唯一就是很嘈，但這也是特色吧，最讚賞的是小炒皇，霸王雞，我覺得這2小菜真可以是新錦園的精選。

好耐無黎過新錦園，對上果次應該都有 6-7年前，今日講下講下忽然決定晚餐就食佢。因為家中兩位長老要求多，呢樣又話好簡單，可以自己整，果樣又話自己買返黎平好多... 下刪幾百字。心諗，出街食都咁多要求 。不過算，咁佢地又係整得幾好食。所以我地就叫咗一 d 大排擋得黎又難係屋企整嘅（太多工序嘅佢地唔會係屋企搞）上菜好快，又大碟，大排擋嘅鑊氣新錦園嘅同事都好好，見我地三個人，本來打算點四個餸，佢都話「點三個先啦，好大碟」善意嘅，人地咁有心，咁我地當然係聽人講啦

一向我對食嘢有個要求，我次屋企人揀咗呢間熟食中心嘅大排檔，本來無帶好大期望會係好食，當晚叫咗九個小菜，叫咗隻燒鴨幾好味，無食食下有d 怪臭味，個雞煲都足了，雞肉唔會係骨多過肉，炒咗碟通菜及一碟蜆都夠鑊氣同入味，生炒骨都大碟，梅菜扣肉煲好大煲，面好多梅菜同肉，低面仲有白菜仔所以都有多種菜食，講真今次都無諗過會好食，但食咗後覺得去食大排檔好食過中式酒樓，價錢都合理，所以如果唔係食環境，熟食中心大排檔都係不錯嘅選擇。

想食夠獲氣 去市政大廈就岩🔥🔥🔥🔥🔥🥘🥘🥘🥘🥘🥘第一次黎 見其他客碟頭都好大 🍛🍛🍛豬扒帶骨 個汁味道適中 夠鑊氣🐷🐷🐷🔥🔥炸鮮魷就差d 個粉漿一般 硬左少少

新錦園大排檔。炒小菜識食一定要走入黎大角咀市政大廈食晚飯呢度長期都爆滿 唔早啲黎 就要等下位呢度雖然係室內 冇坐街甘有feel但小菜好有穫氣 又大碟 推介小菜👍🏽👍🏽菠蘿生炒骨 $75甜酸適中 粒粒都脆卜卜 唔會舊舊都係骨冇肉椒鹽九肚魚 $75每次去都必定會點 炸到連骨都食到 又唔會油冧冧 薄薄嘅脆漿霸皇雞大大隻 肉質好嫩 加埋啲蔥 正👍🏽👍🏽啲汁送飯一流冬天必食推介羊腩煲一煲真係好多舊 舊舊都皮連肉 唔會好大陣蘇味 有埋菜俾你黎呢度食飯 一定要早黎或者book位 尤其大時大節 同埋呢度都好嘈 有啲污糟 不過要食好野就要有啲代價😂😂

父親大人最近情緒不穩，想帶他吃大排檔懷舊，選了新錦園，老遠專誠坐的士大角咀去，為的是吃上一頓令老人家滿意的！結果是：椒鹽鮮魷又薄又韌欠爽口失敗！火腩蒜子炆大鱔燒肉欠火候大鱔陽萎成蜡筆小新的大象失敗！蒜子少又炆唔鬆化失敗中嘅失敗！老板淨係守住係收銀站收錢，忽略出品水準。現場看，只是一班慕名而來的後生仔在襯熱鬧嘈喧巴閉，食家和街坊都轉到旁邊的細檔悠閒享受撚手小菜去……我想，他們大概都像我一樣，都是曾經在大檔吃出一肚子氣來的識食之人。新錦園舊了，不想就咁玩完，就要看緊廚房了！

今晚見到收早， 悶悶哋吹雞去食飯， 哈哈又有四個人響應， 一 人推薦去大角咀街市 食肆， 唔識路唯有從旺角搭的士去， 去了2樓的新錦園 大排檔由於與間晚上九時， 而且 生日 閒日， 人流不多 ，聽聞平時很旺坐低 當然點了我們最愛的啤酒 新寶只需16蚊支叫了小炒王， 椒鹽九肚魚， 薑蔥牛柏葉， 鹽水雞腳，小炒皇用蝦乾 腰果 非常好味。 薑蔥牛柏葉也用大量的薑吃起來不太 腥， 唯一覺得麻麻的是鹽水雞腳一行五人吃得十分開心， 十一時多埋單， 平均每人連走才一百元， 極平下次也會經常來， 搭的士都值回票價

首先大排档在街市楼上，毗邻两家酒店，给了游客最便捷的选择。所以这也是为什么我带我朋友去新锦园。其次，除了不是露天以外，很有香港氛围，周六的晚上大部分都是香港人一家人去吃饭。食品质素不错👍分量很大，味道也很好👍唯独有所遗憾的是没有香港特色的煲仔饭卖…非常可惜…最好的餐单可以跟埋图片，这样更易于点餐朋友们吃得很满意，价格也很公道合理，以后朋友如果还住在大角咀附近，一定还会去这里吃饭。另外希望可以增加点小食～

諗左好耐都唔知食乜好，就食下好耐無食既大排檔！呢間係由佢開街檔無冷氣食到佢搬左去熟食中心都依然食緊既大排檔粉絲蝦米什菜煲，食大排檔通常都比較油膩所以一定要食番碟菜，呢個煲真係咩菜都有仲有雲耳枝竹，粉絲索哂啲汁好鮮味必食 椒鹽九肚魚上檯仲係熱辣辣，粉漿唔會太厚，外脆內軟，食到停唔倒口！啫唱滑雞煲，呢個就普普通通無咩特別，不過雞都入味，仲有豬潤！如果啲雞再滑啲就好喇！蒜蓉蒸扇貝，蒸耐左小小，好彩都唔太鞋，粉絲絕對係精粹！但我覺得母親大人整得好味啲大排檔大多唔會太乾淨，呢間都如是，不過野食夠哂大碟同鑊氣，再飲番兩杯啤一啤佢，夠哂麻甩

這次已經是第二次光顧新錦園大排檔，上次經朋友介紹來的，不用等位。今天可能是假期，人流相對比上次較多，要等15分鍾才有位置安排我們坐下。我們想試開邊正蝦，店員表示已經賣完，希望下次有機會試試。點了豉椒炒蜆味道不錯OK，還有椒鹽牛仔骨的口味還是挺不錯的，很入味。種類比較多價格適中抵食、食材新鮮，味道值得推薦！