新釗記 (已結業)

前幾日去左灣仔果間同朋友食飯~大家坐低冇幾耐就睇餐單~唔夠一分鐘個侍應就過黎落單，我朋友有禮回答轉頭先~再不夠一分鐘侍應又過黎催單，要食咩？！見佢咁既態度，已經想走= ="其後求其叫左D野食~成30蚊既野…只可以話勁少…又唔係好味…其後埋單，個收錢果個態度仲差= ="發誓不再入去食野= ="

經常在外用膳時常遇到的情況就是當見到食物的賣相很吸引色香味俱全時偏偏那碗白飯卻破壞了一切今次是第一次在新釗記吃小菜最滿意是這碗白飯可能比較喜歡吃得硬一點這裡正合我意米也夠香但,$10一碗也太貴了一點啊!真的有點吃不起呢!今次點的小菜是咕嚕海鮮味道還可以甜酸道適中海鮮料可以多元化一點會更好

本來只係黎hea下陪下朋友食tea,但見到個menu有好耐未食過既紅豆冰,心血來潮想食下,所以叫左一個,卻要大拿拿18個大洋!好在係好味既!佢好係好在唔會太甜喎!的確難得!而家好多地方既豆冰都加入大糖水,再加花奶,又太甜又唔健康,仲好肥!而今次可以一嚐無咁甜豆冰,真係幾好,我估係無加額外糖水既!而且奶都係偏淡個隻,不過味道好足夠,另外,豆好重要,簡直係靈魂,最怕大家樂個隻淋晒一pat既豆!呢度就一定唔係咁,係一粒粒豆豆放入口可以咬,但係太硬咬到你牙崩,係剛剛好!而且我叫佢多豆,佢真係俾左好多豆,啖啖豆令我好開心啊!哈!喜歡紅豆冰人士,可到新釗記一試呀!仲有,隻杯幾鬼靚!為豆豆冰生色不少!

20050923 9.30pm(我唔sure 有無落錯comment, anyway 我grade o既係天后屈X氏則的那一家)晚上9.30pm, 從朋友的office 出來, 開完會, 好支力好肚餓. 近+ 食得煙+ 可小hea 傾計, 朋友話去新釗記, 我無所謂, 因為真係好支力.朋友無胃口, 只要了個凍菜蜜. 我呢排唔多想食肉, 要o左個鹹魚芥蘭炒飯(芥蘭代替雞絲!) 加多杯凍檸茶.9.30pm 一坐低就order, 9.45pm 見無o野食, 問個伙計. 伙計話以家整, 我問: "下?! 以家先黎整? 我3個字前落單o架wor!" 佢就即刻諸多藉口. 又話o的芥蘭要響出面洗又話要拎入廚房, 仲要話, 唔係我煮架wor! 你同我講都無用. 好彩有《酒店風雲》大結局分散我注意力! 結果, 10pm搭正. 先有得食, 飯本身比較寡, 味道OK. 同埋好大份.全港最差服務的新釗記! btw, 冷氣好勁呀呢間o野!total 唔知幾錢, 朋友請.

幾好味~叉燒係半肥瘦,而且唔係切得薄o個種.同埋夠份量,一定唔算少.仲跟夠件厚身d o既牛油多士,夠脆,雖然冇澳洲牛奶公司咁厚,但一樣好食~賣相亦夠靚.茶餐$25跟杯o野飲,我次次都係飲熱杏霜,我唔識分正唔正宗但ok o羅.星期六,日同公眾假期冇茶餐供應就$26一個庵列冇跟o野飲,雖唔平但值.p.s.之前叫過火腿庵列好似大份過叉燒o既,唔知係咪心理作用.

新釗記開到周圍都有，琴日見凍冰冰，就同個frd 去食粥，我叫個及第粥，個frd就牛肉粥~碗粥好大碗，料都有好多，都幾有鮮味，豬潤大大塊夠爽口，牛肉略嫌落多左梳打粉~19蚊一大碗粥冬天食好暖粒粒~不過最唔滿意係個度係吸煙區，食完走個陣食大陣煙味!

食評是寫天后琉璃街新釗記的。新釗記有好多間，但天后呢間就少說都幫襯左十幾年，呢度的牛筋麵同疏打粉及第粥食過不少。尋晚放工同兩個朋友行經附近，剛下風球周圍都無野食，得呢度同晶晶甜唔有開，諗住來係咁易食碗麵，但點知一坐低朋友們想食小菜，就唯有跟大隊。叫左涼瓜煎蛋角、節瓜炆排骨同蔥爆牛肉，另外再叫了油菜及白灼鯪魚球。例湯淡淡的，明顯是溝左唔少水，不過附送的期望都不大；幾味小菜都不太及格，涼瓜蛋角的涼瓜相當硬身，跟軟熟的蛋角南轅北轍，如果可以先飛水再煎蛋角會好好多，唔知係廚房偷懶定係特登整成咁，個人而言不太喜歡；我已經食得鹹，但都覺得個節瓜炆排骨好鹹，節瓜唔腍，呢個就應該係炆煮的時間唔夠，不過已經係煮得最耐的一味菜；蔥爆牛肉味道不俗，但蔥少牛肉多，多點蔥段更佳，而碟菜又「浸」在小半碟油中，未食到一半已經塊塊牛肉都油淋淋；可能係打風關係，菜的質數極差，完全唔掂；白灼鯪魚球竟然跟醬油，叫佢再拿蜆芥來，見廚房搞了一輛至拿來一碗，這個蜆芥是少見的難吃，酒味非常重又鹹，嚐了一口都無再吃，終於知道佢不給蜆芥的原因。如果食鯪魚球主要是吃蜆芥的﹝至少我係﹞，呢度的可以不吃。埋單都要一百七十幾，唔係平又不夠水準