新酷啡

剛和朋友在西貢運動完，路上受到新酷啡老闆的熱情大推銷，便入座吃吃下午茶。老闆說我們坐的位置是小紅書熱門打卡位。西多士、菠蘿油、雞翅膀，都是經典的港式美食，即叫即做，有一定的等待時間，但味道都挺棒的。還有馬來咖喱角，趁熱食，皮有少少脆身，口感一流。老闆說冰鎮絲襪奶茶曾獲獎，我們都叫上一杯，但與一般奶茶沒多少區別。奶茶用了大量不鏽鋼金屬冰塊，以致分量奇少。這些金屬冰塊雖然能保持溫度，但想叫少冰又唔得。…查看更多

假日到西貢行吓，食咗個下午茶，點知食到一肚氣！一日去坐低，本身坐4人位，有其他人黎就叫我哋轉2人位，咁而家生意難做我哋都明嘅，店員態度都好，所以都接受。但之後有其他枱4人位走咗，無問我哋轉唔轉返過去或者俾張櫈仔我朋友擺嘢，佢攬住個背囊食嘢真係唔係咁方便，都算啦諗住茶餐廳無咩服務都無辦法。到點嘢食，嗌個下午茶，原來唔包嘢飲！冷熱都要加8蚊！叫咗瑞士汁雞翼配薯角同公司三文治，雞翼無咩味，個汁普通可入口，薯角口感極差！公司三文治嬲得滯無影相，但用料都好一般，配料都少。都最後俾錢，比原本自己計嘅貴咗，個店員指指上次一個牌仔，原來星期六日假期要加一！餐牌都無寫，而且一啲服務都無都好意思加一！Blacklist, 唔會再食，希望大家都唔好中伏..…查看更多

週末入西貢出海玩，諗住食個靚早餐開展一日，結果食了一肚氣。眼見間間茶餐廳都滿晒客，心諗應該間間都差唔多，換個街角見到呢間嘢有早餐，店員標榜沙嗲牛超正，好似好熱情，就係中伏嘅開始。坐到埋位，叫個沙嗲牛麵早晨，點知週末不賣早餐 ($3X-4X)，只可點常餐 ($57)，但又大大個醒晨早餐木牌放出路口。算。叫得做常餐/套餐，正常香港人都知會係有餐飲先叫餐，點知原來細細個括號寫住凍熱飲品+$8 ，自己冇睇清楚，算。埋計再發現週末要+10%，頂，又係餐牌冇寫，掛個細牌就當係，真係算唔落，本身沙嗲牛見到有塊膠片都拎走算數，但都係同店員反映返正到咁，好唔好意思收加一呀，先做返免加一。中途都有叔叔又係食到燥，三文治「餐」，跟咖啡計特飲+$15 (又係餐牌唔講)，連加一埋單$5x。跟本唔係食唔食得起問題，係間餐廳一啲都唔老實，又話乜乜西貢係咁㗎啦，你一早清清楚楚講明大家都仲可以選擇，係都要坐低先陰啲陰啲劏人。就係覺得大部分都係週末遊客，劏完根本都唔會返轉頭，唯有默默留下一星負評.....結論：一個麵餐 $57 + 飲品 $8 (咖啡$15)，連加一超過 $70，值唔值自己諗。…查看更多

話想假日去左西貢行下揾野食。途經海傍時被一位熱情嘅老闆打動左。一行四人入去食個下午茶，座下休息下。問題就黎喇，老闆極力推薦自家嘅沙嗲牛肉菠蘿包配上冰鎮奶茶！真心食物未嚟的時候滿懷期待，心目中的冰鎮奶茶理應應該係沒有冰的情況下，奶茶放上一個有冰的器皿上。可是餐廳竟然用金屬冰粒放喺奶茶入面造成冰鎮奶茶的效果！認真其實咁唔係一個好大嘅問題，只不過冰粒一定要徹底洗乾淨。我相信餐廳都未必會逐粒逐粒洗。然後主打嘅菠蘿包都到咗。味道。。。認真*一般！其實食個下午茶最緊要都係坐得舒舒服服。 食物正常就可以。到最後最大嘅問題係埋單先發現一個菠蘿包配上一杯冰鎮奶茶價錢竟然要去到62+15=77。仲要係因為星期六日嘅關係：需要另加一服務費。即係最後意然係HKD84.7。我真係當時都呆咗！喺一間茶餐廳入邊竟然食一個下午茶要俾成八十幾蚊。如果你話個環境好舒服，食物好好食，其實真係唔介意。 不過...事實並不如此，試過一次都一定唔會再去第二次！…查看更多

首先，同我地講，咁生面口，介紹我地食“沙爹牛肉關注組”推薦嘅沙爹牛麵。我都冇問題照嗌啦，然後冇問過我就加咗隻煎蛋，加埋多士同埋一杯奶茶，埋單收我50蚊。問題就嚟喇，原來有加一服務費，喺得一兩台客嘅情況下，想同佢要杯水都要自己到，咁都仲夠膽收我服務費。另外，冇嗌到煎蛋，夾硬加咗隻煎蛋落去。最後，上網完全搵唔到佢所講嘅推薦，伏上加伏。一句講曬非常唔老實！！！睇返其它地方既評論，先發覺原來加蛋係呢間鋪頭既慣常做法，非常唔要得。…查看更多

星期日潛水前入咗呢間茶餐廳食早餐，門口嘅牌顯示嘅價錢係正常早餐價錢，可以接受嘅所以入咗去。入到去之後scan QR code落單先知原來逐樣計錢（除咗送個包俾你）。所謂嘅早餐，只係送一個餐包，個餐包又凍又硬，牛油都冇，平時嘅早餐起碼有條腸仔蛋；然後揀嘢飲，加要加錢嘅，加埋野飲仲要加一服務費。講完價錢講味道，味道只係一般，奶茶仲要係苦嘅，要另外叫佢再加奶先正常返，而且更加冇服務點解要收加一？呢間餐廳完全唔合理，食物相冇影低，食完之後好想寫個食評同大家分享，唯有cap低價錢……查看更多

上個月中秋節晏晝，帶埋我隻狗狗入西貢因為夜約左屋企人食晚飯。未夠鐘，所以就諗住搵地方飲嘢食個下午茶。之前都有嚟過呢間舖，但係唔知已經轉咗老闆，一坐低，我就話今日農曆15，我要素食，就問佢有啲咩介紹，個店員好好，即刻推薦咗我～大啡菇漢堡餐，再介紹我飲杯菠蘿飲之後我老公就叫左鹹牛肉炒蛋菠蘿包同埋即磨咖啡😋令我好喜出望外，因為當時我諗大啡菇都可以做漢堡包呢？🤔個漢堡嚟到，個賣相望落去唔太吸引，點知一試好好味，個大啡菇烤焗過，然後加埋蔬菜蕃茄同埋佢哋嘅特色醬，完全係你估唔到可以咁夾😋😋杯菠蘿特飲就冇乜特別，不過我老公話佢嗰杯即磨咖啡好好飲👍🏼我試咗一啖，平時唔飲咖啡嘅，我都覺得真係好飲👍🏼另外不得不讚嗰度嘅員工，因為當日天氣都算幾熱，佢拎咗個狗狗飲水嘅碗，裝咗一碗水俾我狗狗飲，好窩心🥰原來舖頭老闆都係愛狗之人，唔怪得知咁有愛心我老公仲話因為呢杯咖啡下次一定會再去👍🏼…查看更多