影片
呢間新都會茶餐廳分兩部份,除左興芳路大門口個邊既茶餐廳之外,中銀對面都有飽餅部,今次講住飽餅先。呢度飽餅款式屬於比較傳統,唔會有較新款款式,所以連炸蛋球都有得食。4件卷蛋($3.5)已經充塞左一個餅盒,盛惠14大元!雖然而家望落都幾巨型,其實開業初期時體積更加巨哩,而家已經縮水了!!味道方面唔會太甜帶有蛋香,質感較實淨,唔似其他連鎖式餅店個種輕盈感,中間奶油部份唔太厚,所以食完不覺太膩。我同家人鐘意食呢度卷蛋多過其他連鎖餅店,除左味道唔錯之外,抵食夾大件都係原因之一!!另外買左兩個菠蘿包($3)比大人做早餐,又係大大個貨色,只係自己無試過不能作準,觀乎外表都係實淨貨色,因經過小妹左fing右fing之後,外皮仍然保持完整無缺,同包身緊密接合。
繼續閱讀