新逸茶餐廳 (已結業)

果日星期五,無意中和友人經過~見到出面既餐牌都OK,決定入去入面巴環境都幾好,有沙化坐坐左陣點左一個早餐有意粉+牛肉,牛油包,煎蛋,火腿意粉+牛肉麵都幾好食~果包係豬扒包既包(好似係法國麵包)我覺得有D咬口~朋友點既係粥同腸粉試左一舊腸粉都幾滑...$20都算係咁~

之前其實都嚟過, 佢個扒餐全日供應, 鐡板+熱飲都係$39, 好抵所以決定再嚟晚上妁八時到, 依舊冇咩人, 不過咁仲好, 一入去就坐卡位佢個扒餐有得跟飯, 意粉或薯菜。有牛, 豬, 雞, 魚等妁六款揀。我叫左牛扒薯菜+熱檸水=$39我個扒嚟到時仲"咋咋"聲好熱, 不過冇油彈上嚟, 十分好! 仲好大塊, 食得好飽牛都好易入口, 汁夠, 不過薯條過淋太抵, 會再嚟食!!

兩個人...食左:海南雞飯 + 熱奶茶 ($56) - 油飯沒有飯味....海南雞沒有雞味....咁呢個餐仲有咩好味????差爆水餃米 + 油菜 ($26) - 水餃勉強合格...但...無味湯底配無味米粉......簡直想死....成餐飯最好味的只有碟油菜......唉完全唔知點樣可以俾個笑面佢

行街行到攰攰地，隨便地選了此店食tea。論裝潢衛生，都係麻麻；服務也很一般。不過，食物方面還可以。常餐無乜特別；反而雲吞麵唔錯，雲吞味道幾好，麵質亦彈牙，OK。

諗住呢間鋪,咁耐都未試過,就去試試.點知...入到間鋪裡面,係好靜坐低之後就睇有乜下午茶.點知,個價錢真係嚇到我囉!普通一個下午茶炒粉麵餐都要$29,凍飲仲要加$3.叫:豉油皇牛肉炒麵:成碟裡面都唔知有冇4,5塊牛肉, 而且又唔夠味. 雪菜肉絲炆米:味道係幾好,又夠熱,可惜唔夠乾身個杯餐飲(凍檸茶):見到都唔想飲,D茶太深色(太濃) 飲落,仲覺得有點苦味.PS:2個餐,個份量少到我都唔相信,仲話要收$29. 出外面食個雲吞麵都抵食過佢,

琴晚同一班fan來食宵夜,我就叫o左個土魷肉餅飯,要等成20分鐘,不過都冇乜所謂啦,因為天氣實在太凍啦,20分鐘後就有一煲熱辣辣又香噴噴o既飯食啦,食落去d飯煮得剛剛好,又有d飯焦,土魷肉餅又好夠味,幾好食,下次來一定要試多次.

今天一早到漆咸道傾成單job，便沿金馬倫道行回MTR站，見到新逸，又碰0岩未食早餐，便入內試試。我叫了早餐A，即喺普通到周到茶餐廳都有嘅腿通、煎雙蛋及方飽，份量ok啦，我一個女仔就夠，男仔可能唔夠喉，味道就……十分普通，不用多講。不過令我想寫呢個review喺杯熱咖啡，來的時候已咖啡香撲鼻，雖然我叫的是「少奶」，但入口仍很滑(黑白淡奶應記一功)，咖啡飲到最後(因等到食完個通粉)，已經微涼，但都無變酸呀!! 幾好。(雖然未算我飲過最好嘅熱咖啡)食緊個通粉時，一路望番個餐牌，原來早餐仲有個牛尾湯通粉，同埋個唔記得什麼鮑魚(咁勁??!)雞絲通，兩款餐都喺配豬仔包和飲品，如果下次朝早再經附近，可能會再試吓掛……不過，點解「牛尾湯通粉」隔離有個「大」字，什麼「鮑魚雞絲通」就有個「小」字? 喺有份量之分? 但喺都喺收22蚊個喎，算啦，都唔喺要叫，所以無問侍應哥哥lu……(不過如果有人知，都可以向openrice 回應吓我嘅，thank you!!)仲有，今朝都幾多外國人喺到食嘢(有3枱呀!!)，聽到侍應哥哥講英文，個picture都幾搞笑……(喂，講得唔錯架，可能好過而家D中學生)回應吓quayt

好耐無黎喇!今次黎番,坦白講,有點失望呀!同樣係叫雞絲泰式湯河,但係雞絲已經同上次唔同左喇!今次多好多肥膏黏住雞肉,仲要浸晒落湯度,一睇已經見到碗粉面頭大浸油,好唔鍾意...肉又唔夠好味,怪怪地咁,好以唔係十分新鮮,所以成碗粉唔及以前咁好味喇!如果維持係咁,我諗我唔會再食囉!本來以為係雞既問題,碗粉先會油,點知小牛既墨丸湯河都有一層油係面,連佢都要畢起d油至食喎,可想而知係幾咁多!唉,以前都唔係咁既,明明好好食架嘛...

下午食完Tea, 晚餐來個勁快餐才返學，叫左個巴西汁豬排飯加奶茶晚餐，奶茶都算好味，可惜豬排兩片，其中一片有怪味，就放棄o左佢喇，反正一件o既份量都好驚人。不過～食得落o個件都幾好味，算啦！都無衝動再o黎。

原本想身先士卒，本著大無畏的精神，一試（日日行過見到）佢個sunset yellow 得來「過度活躍」的蛋撻，同佢個極度「黑口黑面」的「致癌」雞批。「唔好意思，師傅今日岩岩返，等十分鐘啦。」原來，想死，都係要等。二十分鐘的蛋撻，蒸氣上騰：圖中的蛋撻，不如平日的黃。一口…蛋漿有蛋漿的暖滑軟熟（其實好燙，還得用羹），曲奇餅底有曲奇餅底的剛硬鬆化，一點也不濕…噫，竟又不差。二十分鐘的雞批，也是蒸氣上騰：圖中的雞批，不如平日的「黑仔」。一口…曲奇餅底比蛋撻的曲奇餅底，搓得明顯地hae，但比蛋撻的曲奇餅底，竟又進一步的鬆化…噫，竟又不差。杯葛黑白淡奶，來個齋啡走奶：即煲，但煲得剛好，雖然燙口…噫，竟又不差。噫，竟又不差wor。

已有一陣子無食呢度既泰式河粉,有點心癮,於是再黎...今次貪新鮮,揀左個炸蝦餅拼肉燕餃泰式湯河,炸蝦餅如常好味就唔使講,一樣咁香咁脆,皮薄肉靚,個醬更加係無得頂!至於肉燕餃,係平平一個半圓餃咁樣,食落會係咩呢?我好心急咁試,普通肉味...原來只係豬肉...比我想像中普通好多!改個咁既名,以為好有特色,原來唔係,又唔係特別好味...下次唔會叫呢個咯!同埋,今次等左十五分鐘先有野食,係呢黎講叫好耐喇!

熟呢頭既朋友介紹,話呢度既泰式粉麵好正,所以反正路過,就黎試下...我叫左個雞絲泰式湯河,小牛要鯊魚丸泰式湯河,大家再點一個小食,係泰式炸蝦餅...我覺得前兩者只係普通,清清地,唔係好特別,每碗都有蘿蔔,芽菜,芫茜,而雞絲都唔係太油,不過有才才雞皮,份量都唔算少,係清清地既泰式湯河,而佢既河粉係幼果類,特別好味!最最美味既係泰式炸蝦餅,一碟三,係三大件喎,好新鮮,好脆,又夠厚喎!食落啖啖蝦肉,個皮因為夠脆,唔會太難食,點埋的酸汁,簡直係一流!只可惜,25蚊真係貴左d...

一大早見重要客戶, 做完數學後, 食過早餐先, 過馬路就到新逸, 9點了, 人不太多, 都算坐得舒服.脆豬仔飽: 6分, 未算脆, 又不夠熱, 味道還好.牛尾湯通粉: 6分, 叫做牛尾湯底, 但加了好多餐肉粒, 又有一D番茄, 牛尾就一粒都無, 勁過Kary, 但味道又唔算太差.熱奶茶: 6分, 茶味不夠濃, 平平.$21一個早餐唔平, 要凍飲加$3, 茶餐廳早餐嚟講, 太貴啦. 當然希望後會有期, 下年再同而個客戶傾計.

記得以前食過不算差的, 但現在唔知係唔係換了廚!咖喱牛利: d牛利好粗糙, 差點好似'梅'的一樣, 顏色黑到好似舊炭, 唔知係揀料唔好定放得太耐! 對我來說, 真係好少可以有食物真係難食到食剩好多, 這一味真係勁!海南雞飯: 最重要的飯竟然完全無雞油味, 得d棷汁味! 我懷疑冇用雞油煮!...反而雞就都OK的...搞到好似食白切雞飯咁...不過就係貴d同埋有多一碟菜同一碟調味料的白切雞飯!!!

有人十一點幾話想食早餐既野食, 行過依到研究仲有冇早餐呢就有一男一女就好熱情叫我地入去.但寫單果個人好似好心急...搞到我地叫野食時叫到心跳加速.好似阻多佢一陣會驚佢鬧咁.可能已經十一點幾, 冇哂餐包得番方包.野食黎lu~有牛油方包, 芝士腸三小條, 炒蛋同五香肉丁通粉.炒蛋唔算滑但幾香蛋味, 而且唔係薄ee乾哂咁都幾好食.碗通粉因為d肉丁好辣呢條利已經冇左味覺.好彩朋友嗌左火腿通俾左d湯我先食到.食得辣既人應該會鍾意.個早餐份量唔少架, 十八蚊但食得飽.唔會因為咁而俾少少.