新記雞粥 (鴻禧大廈) (已結業)

今日係元朗行行又肚餓，咁岩係又新街見到雞粥，咁當然要試一試「新記雞粥」醫一醫肚！店舖位置都算大，分開埋外賣自取位置同埋堂食位，夠晒闊落又唔會坐得逼，店面姐姐都好好會介紹你有咩係熱賣推介！餐廳雖然主打雞粥，不過都依然有好多唔同種類既選擇，上至點心下至炒粉麵飯都任君選擇！豉油王炒麵（$27）今日麻麻地想食粥，咁就試下出名既豉油王炒麵，份量真係不得了，兩個人食一碟都有夠晒，味道一流再加埋甜醬辣醬十分入味！呢個價錢二人份量簡直超值！酥炸魷魚鬚（$55）仲有一定要推介食魷魚鬚，每一條都大大條炸得金黃香脆，咬落去啖啖肉，又唔會偷工減料好肉出面粉多肉小，點埋醬汁每一啖都係享受！七喜龍眼冰（$23）食咁多野梗係要試下特色飲品，七喜龍眼冰滿心歡喜，雖然味道都尚可以，但係材料就足夠，有成幾粒龍眼肉，都算不錯！總括呢個份量都十分不錯，完全可以夠飽但係價錢都十分之優惠，性價比超值，值得推介！

周末一大早乘降溫來臨之前，與家人趕緊老字號新記雞粥補充下能量，或許能抵禦風寒帶來的威脅！沒想到時間雖早，但店裏吃飯的人卻一點不少，大多係街坊熟客。早餐選擇很多而且中式套餐包飲品最貴不過53HKD，簡直是抵食！🐔貴妃雞粥：粥底油香，肉質鮮嫩，有壹種入口即溶的感覺。🦐海鮮粥：鮮味十足，蔥姜增色，蟹肉、帶子、魚肉料足樣多，碗中的三塊大蝦🍤更是搶眼，食後頓感幸福滿滿。👍🏻豉油王炒面：則把一條條黑油油的細面和一根根白生生的豆芽完美結合在了一起，面是比較脆的款不會太軟身～🐔糯米雞：真可謂軟糯猶香，肉質鮮嫩，大大塊好滿足。跟餐配的叉燒腸皮滑肉韌、炸兩香脆可口，奶茶、咖啡香味濃郁，真不失為老字號美食品牌，而店鋪的外賣更是絡繹不絕，接單繁忙，沒想到疫情期間還有如此生意興隆的景象也是讓人不得不佩服！

今日放假出左黎mk行街，突然掛住新記既乳鴿，見之前都未係度食過lunch,就決定黎試下及第粥配叉燒腸飲中湯 $45加油菜 $8加油條 $10及第粥超多料，有豬潤，豬肚，肉片同肉丸叉燒腸好多叉燒，皮薄餡靚中湯係蕃茄薯仔，幾清甜，仲有幾舊蕃茄食油菜加8蚊 份量好多油條新鮮炸氣超級脆，餸粥一流XO醬豬排炒公仔麵飲凍檸茶$49+$3好有鑊氣，炒得好香，豬扒好林紅燒乳鴿 $65肉質好滑，岩岩燒好個皮好脆，入面juicy脆皮炸大腸 $52好抵食呢個，有成廿幾舊，好食過出面掃街，洗得幾乾淨

天氣最近又開始凍 又係時候食粥 今日去新記食粥 冬天特別開胃所以嗌咗幾多下魚片豬肉丸粥生滾魚片豬肉丸粥 啲豬肉丸係手打嘅魚片亦有好多食完個人真係好溫暖叉燒腸食粥一定要配腸粉我哋就嗌咗叉燒腸叉燒腸入面有好多叉燒 腸粉亦都很軟熟生腸拼海蜇生腸海蜇分量非常多 生腸好爽身冇臭味 海蜇都好爽口 送粥一流Xo醬拍拍瓜平時嘅青瓜通常都係川味呢一間係撈xo醬感覺好特別 就返唔食得辣嘅人 青瓜好爽甜無苦澀味 開胃小菜焗豬扒飯焗豬扒飯分量好足料 番茄汁好多配上炒飯底 炒飯底下面有好多飯焦 撈埋醬汁 朋友話好好食飲品方面嗌咗熱檸蜜同埋凍咖啡

今個夜晚又嚟食新記雞粥但係唔係食粥 係食其他野，同我哥諗左陣，因為諗住食少少野，所以決定叫牛肉炒麵，炸兩，同埋酥炸魷魚鬚， 先黎左個牛肉炒麵 ，個面係超幼嘅面，味道正常，但因為通常粥鋪啲炒麵都係炒定再放喺個熱撐度，所以可能太夜變咗啲麵有啲乾，牛肉拉過油再放上去撈勻，加啲蔥，不過如果唔係咁想食炒麵嘅可以唔好叫，因為同價錢唔成正比， 炸兩同之前一樣外面嘅腸粉滑不過中間條油炸鬼有啲啲脆，同之前晏晝食差唔多，如果條油炸鬼熱啲同脆啲就會好好食，今日仲叫咗個酥炸魷魚鬚，55蚊魷魚鬚超大條，我好耐冇食過咁粗嘅魷魚鬚啦，份量多又好食，等咗差唔多成十分鐘係值得嘅， 不過可能放咗喺度一陣先拎過嚟，所以冇咁熱，不過可以一試，好耐冇食過啲咁粗嘅魷魚鬚啦！！

花園街新記雞粥， 店舖雖小但係無論堂食定外賣都 做到冇停手。 原因無他，因為材料足， 午市套餐 粥品，炒飯，燒味飯都可以有得選擇 ，cp值高，客似雲來。蜆介鯪魚球52第一碟當然要叫鎮店之寶 蜆蚧鯪魚球， 即叫即炸，香炸爽彈酥鯪魚球，外皮脆肉厚又彈牙，熱熱的咬下去，再加絕配的蜆蚧醬，粒粒都超好食。及弟粥 配蝦米腸 配湯 午市套餐有幾款粥品，可以再配米粉，腸粉，炒麵等等。 一客及第粥配蝦米腸菜配飲品或例湯，都只是40多元起，超抵食。 及第粥材料足， 豬腰豬腸豬肉丸， 粥底綿滑，好食。蝦米腸即叫即蒸, 多蝦米有多聰冇得彈。 跟餐可以揀例湯，冬瓜 湯材料足，無味精，正。貴妃雞四寶飯 55 配熱檸茶 除咗粥有套餐， 呢度出名的貴妃雞四寶飯飯都有午市套餐。 貴妃雞皮彈肉嫩滑，夠入味。 鹹蛋叉燒 同紅腸都各有睇頭， 碟飯夠大男士一定夠飽。揚州炒飯47 熱檸茶炒粉麵飯即叫即炒，揚州炒飯 粒粒炒得金黃又乾身， 料多不在話下，叉燒火腿生菜。 唔怪之得 外賣十個有八個都食揚州炒飯。酥炸魷魚酥 魷魚鬚即叫即炸， 炸熟後外脆內爽彈， 鹹香惹味極了, 而且仲食得出條魷魚好新鮮，超好食。

今日放假和妹妹去旺角行街，先醫飽個肚先。妹妹提議去新記雞粥。新記雞粥除粥出名外，有很多小食都好味，食物多選擇，一定有你啱食的。今天不吃雞粥，試下海鮮粥和田雞粥轉轉口味。田雞粥好鮮甜，有好多田雞，健脾養胃，促進消化。海鮮粥超正，蟹，鮮蝦，帶子和魚肉鮮甜，粥绵滑鮮味。蝦腸香滑，又有大大隻的爽甜蝦仁，正。小食包括炸鲮魚球和炸乳鴿都出色。鯪魚球大大個彈牙好食，喜歡可點埋蜆介更和味。炸乳鴿皮脆肉嫩有肉汁，口感好，不咸。食完炸物來一杯七喜話梅柑桔超滿足。兩個人吃到好滿足好飽只是256元，不用加一，經濟抵食。有很多人叫外賣，有八折。樓面阿姐好好人，服務好，值得加分。下次再來。

星期六放假訓到黃朝八晏先落旺角食早餐，見到有間食雞粥好多人食,就入去幫襯佢啦🤣沙嗲牛肉麵配太陽蛋及菠蘿包沙嗲牛既醬好香濃，牛肉都比得好足，再配過公仔麵，菠蘿包表層好香脆，咬落鬆軟又有牛油既香味，完全係港式口味啊～貴妃雞粥 雞肉煲完都仲保持到好嫩滑，食落個陣好香既雞油味，加上熱辣辣絲綿幼滑既粥，為晨早注入力量啊！佢地既貴妃雞好香滑，肉質嫩口而不粗糙，好有雞香味，推介比「雞精」啊～蝦米腸，鮮蝦腸佢地既腸粉米香味幾濃，食落都好幼滑。蝦米腸俾足料，鮮蝦腸用料食鮮，蝦肉彈口唔失禮～炸鯪魚球外表香脆而不焦，食落好香鯪魚味道，咬落質感仲有小小彈口！

平日早上吃點輕食，今日想暖暖胃便決定吃粥粥！ 憶起旺角有間元朗新記雞粥很出名便過去一趟粥～ 地點在旺角花園街鴻禧大廈即家樂坊附近。 即油麻地A2出口再步行5分鐘 黃蟮 田雞 粥 HKD 61 粥底相當美味，入口又軟又綿！ 黃蟮沒骨，肉質有彈。 田雞好厚肉地 潤腸 HKD 24 肉切得有點粹，如一片片有口感就更好了 貴妃雞粥 HKD 52 小編點了雞粥，雞皮簿而肉質嫩而有彈性 粥底軟綿綿沒得輸 ！ 炸兩 HKD 29 及 油條 HKD 10 皮簿又脆口送粥一流啦！ 脆皮乳鴿HKD 65 這個也很棒！ 上菜後已感到富亮澤又不會太乾身！ 入口脆 肉質良好 ～ 友人更把骨髓都吃得津津有味！ 樽裝鮮奶 HKD 16 地方不大，環境光猛整潔。 枱與枱有點相近但有隔板。 座位剛剛好，來個快食之旅晤錯！ 職員對餐牌熟悉，點菜快而準

👩🏻‍💻做完瑜伽梗係食返啲嘢補充啦😋👍🏻時間尚早就去咗食粥😋平時食開都係皮蛋瘦💕今次呢間有貴妃雞粥👀‼️入到黎高朋滿座，人客一枱接一枱，店員甚有效率，忙裡忙外都未停過手‼️​​​🍲馳名貴妃雞粥 HKD$52​🌟呢個粥入邊好足料好多件雞，主要係雞髀🍗肉😋👍🏻粥煲得好綿滑，入口即溶，夠晒滾😋👍🏻雞肉新鮮味道濃郁鮮甜，雞都好滑唔鞋口‼️雞件啖啖肉，帶有咸味，粥有雞味，一同入口口味配搭得啱啱好👍🏻👀‼️食嘅時候需要留意碎骨，因為佢係原件雞，砌件入饌👍🏻🤤​​🥗海哲手撕雞 HKD$52​🌟滿滿一碟冷盤，帶着好輕微嘅辣味，雞絲同海哲都好足料，上面有白芝麻，海哲爽口彈牙🥰雞絲口感軟滑👍🏻😋​​🍹泰式青檸冰 HKD$23​🌟清甜冰涼，微酸寧舍醒神💕🥰👍🏻​​✒️小記：正中港式茶餐廳服務，效率高👍🏻雞粥味道真係好好食💯👍🏻‼️環境舒適，外賣既人絡繹不絕👍🏻

做野做到好夜，好想食腸粉同粥，見到有粥食就去試吓！我哋柯打咗海鮮粥，叉燒腸加淨鮮蝦雲吞！海鮮粥好足料，有蝦，蟹，帶子同魚肉，海鮮都新鮮，粥底的確係正，綿綿有米香，粥底吸收到海鮮嘅精華，甘香清甜，但欠油香，相信貴妃雞粥應該更好味！叉燒腸我喜歡手拉腸粉，因為比茶樓整的，皮較滑較煙韌，依度嘅腸粉皮滑叉燒多，十分出色淨鮮蝦雲吞足足有成8粒，係屬於細細粒，一口一粒，一粒有齊蝦加豬肉，爽口彈牙，湯底有魚味，仲有2大條菜心，性價比高！

周末與老公到旺角一趟，到好景附近午餐，找到了一個熟悉的名字，元朗老字號新記雞粥，立即入去醫肚。旺角店中式裝修，座位舒適有膠板隔開餐枱，午市非常熱鬧要等位。餐點款式非常多，有粥、粉、麵、飯、小食、腸粉，款款也想食，因為我倆沒吃早餐，所以叫了多一點，點了午餐的及第粥加炸梁，豉油王炒麵、香脆炸大腸、XO醬蘿蔔糕、鯪魚球、蠔油菜心。及第粥足料，豬粉腸及豬潤特別好味，肉丸也鮮味，粥軟綿，多蔥好味。炸梁大碟大件，加入甜醬更好味。豉油王炒麵乾身，惹味，點辣醬味道更好。小食也很出色，炸大腸香脆一點也不油膩，點甜酸很搭配！XO醬蘿蔔糕夠鑊氣，香口惹味，而且夠熱！鯪魚球一客五粒大大糕，外脆內軟而且很juicy！鯪介醬好味！特別一提店員服務態度非常好，雖然忙個不停但服務正面積極👍🏻

這天約了在朋友的會所玩， book了羽毛球場， 好耐都冇試過咁盡情做運動， 久違了的流汗感覺😁😁。 運動過後又到了 補充體力嘅時間， 肚餓嘅時候特別想食 香口嘅食物😆😆蜆蚧鯪魚球超大粒 彈彈波⚾， 好似哥爾夫球咁大粒嘅鯪魚球， 外表金黃香口， 魚肉彈牙， 仲有六粒咁多😚😚香脆炸大腸好邪惡的食物， 朋友的最愛， 我就不太喜歡吃內臟， 朋友話好好食，夠爽身又夠乾淨， 外皮脆卜卜。海蜇燻蹄最鍾意食海蜇， 海蜇爽口彈牙， 加埋少少芝麻好香口。xo醬豬扒炒公仔麵豬扒份量不少， 啖啖肉又大件， 公仔麵夠彈牙，又沾滿了xo醬， 非常惹味。鮮蝦滑腸粉即製蝦腸熱辣辣， 腸粉滑捋捋， 鮮蝦夠大隻， 每條腸粉有兩隻， 廿幾蚊真係好抵食。新鮮熱豆漿熱豆漿都幾好飲 豆味夠香濃， 跟餐附送唔需要加錢。七喜話梅柑桔冰食咁多熱氣嘢，梗係嗌返杯解辣下火的話梅冰， 咸檸嘅味道差唔多， 都幾好飲。

星期六等老婆收工自己出左旺角， 因為自己太早食早餐所以去到3點幾就有啲餓，行咗幾條街， 因為近住登打士街馬會嗰條街以前食過貴夾唔抵，所以都冇乜點喺嗰度食，不過呢間雞粥想試好耐， 見佢下午茶都唔係好貴真係嚇一嚇，我就入咗去啦， 問一問個職員星期六有冇下午茶， 佢話有之後去放過水就坐低 ，喺某一個食評個度講過，我係好鍾意食出前一定嘅，咁我就叫咗個下午茶餐就轉出前一丁，凍咖啡， 本身都有諗過試雞粥但係粥呢家嘢真係有啲驚唔好食， 睇咗一陣個餐牌，太耐冇食炸兩，佢個炸兩都係20蚊， 咁加加埋埋都好似係五十幾蚊， 而家求其喺一度地方食個餐都50幾60蚊喇所以我就嗌埋， 嚟到個出前一丁煮得岩岩好， 唯一唔好係佢唔記得咗畀包味粉我，之後問佢拎返自己落， 出前一丁呢， 我覺得就唔可以配沙爹牛肉或者五香肉丁，唔知點解配襯個面都唔好食，所以我通常食出前一丁都係配一啲清清地嘅嘢，多士好食腸仔正常，跟住試埋佢個炸兩，當你曾經食過一啲蒸嘅炸兩之後基本上普普通通一個正常嘅炸兩已經覺得好好食，不過佢呢個炸兩都好食因為佢嗰個皮好滑，炸兩仲有少少脆，但唔係好夠豉油，正常人可能唔食咁多豉油但係我鍾意就落多啲，食完都係五十幾

今日要去旺角處理公事，同事說想吃雞粥，又想「新記雞粥」在旺角有分店，於是乎今日lunch 就決定去吃「新記」。新記旺角有2間分店不過只係隔一條街而已⋯⋯我們選擇了好景商業對面的那間分店，中午2:30仍然也有很多人🙈幸好剛剛有2位不用等🤪下午茶時段2:00-6:00pm 貴妃雞粥跟炒麵$55 （亦可以選擇炸両，叉燒腸，蝦米腸，油條等等）熱飲加$2，凍飲加$3粥底夠綿，很有雞味👍🏻貴妃雞件不少和肉質鮮嫩不會鞋口！炒麵很幼但很爽口很入味但不會過鹹😊酥炸魷魚鬚$55，份量很足，魷魚鬚亦很大條厚肉，炸粉漿不會太多剛剛好！還有蜆蚧鯪魚球$52，夠彈牙夠大粒，配埋個蜆蚧汁，味道剛剛好🤤今日還吃了很多如香脆可口的炸両$20，香滑的蝦腸$27🙈🙈很滿足的一餐😝🤣🤣