新記車仔麵 (已結業)

如果想食好味既車仔面，九龍區唔駛諗一定係去車品品，而香港區我就會揀銅鑼灣既新記星期日去赤柱玩wakeboard之前未食野，於是乎就去小巴站附近食野。格局雖然都係好一般，但都好正，尤其係:- 蘿蔔: 好清甜，冇渣- 雞翼尖: 好入味，下次要試埋雞翼先得- 豬紅: 比一般既細粒，但咁樣反而仲入味佢有分清湯同加辣汁，個辣汁好正，唔係太辣，唔會令到成碗野淨係食到辣味!!!

7月9日16:00是日替大魔怪送電話到Nokia修理，等待期間，便到這店食麵，週日下午客人稀疏。要了大腸、牛腩、豆卜，中辣粗麵，配豆漿。湯底：將辣料混入湯前，試了口清湯，無驚喜。辣料勁道可以。大腸：夠淋、夠入味牛腩：柱侯牛腩，夠肥美。大腸：口感夠甘豐。粗麵：鹼水味不重，偏淋。豆漿：So...So題外話：話說我是個大汗之人，有食客竟因我的汗水，不感加辣^m^

上次聚會有網友介紹了兩間食車仔麵的好去處一間位於近金鐘另一間就是新記本身不是一個非常喜歡吃辣的人所以叫了個清湯底配上牛筋腩貢丸金錢肚份量足清湯看似十分濃但嚐落是一陣清甜的味道

雞翼尖者有如雞肋不吃餓不死不吃過心卻不死要享受尖的美味便要付出多點細細咀嚼咬斷了便不能返轉頭便是浪費掉唯有要戒急用忍暗忖下次小心點便是月內不知第幾次捱罵(其實我真係有計既)已經變成被形容為面容憔悴自覺精神萎靡到習慣了那隨到隨停的耳鳴又不知是第幾次決定發奮不過今次有少少唔同因為真係有尐眉目希望食完呢餐魚蛋腸仔根腩雞翼尖米被恰到好處的辣湯底醒一醒之後真係正正式式開竅啦

個人幾鐘意食車仔麵,可能由細食到大,食開有感情.喱度D車仔麵都幾好,湯底出色.牛腩都唔錯,夠腍夠入味,唯一差就係貴左D.

間唔中都會黎食下,最鍾意係雞翼、豬腸、牛腩,因為真係鹵得好入味,好正!今晚同兩個fd去食,不過今日D雞翼就唔夠味...不過蘿蔔同牛腩依然咁好味!!其實好想試佢\個什錦面,但我知佢\有辣既豬紅同豬皮係入面,所以就問個阿姐可唔可以另上D辣既野,點知佢\好串咁話唔得,又話我唔食得辣又要叫,個下真係嬲嬲地,不過佢\地D態度一向都係好差,算...!!

今日自己一個黎左呢度食....要左...牛筋腩..好食....但太少了....豬頸肉...唔係特別好食..同埋菜..不過真係幾貴...又唔係太特別

行開cwb,記起新記既評分唔錯,所以試試。叫左牛腩根,墨丸,菜+米粉,要辣汁!!d牛腩好'林'好入味!!!!正其他既都係差唔多。不過佢d辣汁好好味,送粉麵一流。下次要試下豬腸同雞亦尖

24 March 2006 (Fri) - 晚飯我諗呢間係同謝斐道近總統戲院一樣，甚至係同一間？不過個名就唔同，因為我原本抄低咗嗰間個名諗住寫食評，但係見openrice冇得寫我就掉咗間嘢個名啦，但係新記既所有嘢，包括裝修，食物，tick嘢張紙，價錢都同嗰間係一樣，所以我有理由相信係同一間！好算好味既車仔麵，不過並唔平，每樣五蚊，最少要叫$20，牛腩比較細件，食唔到啲乜味，佢既辣豬皮好好味，我非常鍾意！其他都ok！

我要0左油麵配牛孖筋, 豬大腸, 咖哩魚蛋同蘿蔔, 另偷食0左木頭人0既貴花餃. 各樣野都幾好味, 蘿蔔淋而冇渣, 好入味, 豬大腸冇異味, 牛孖筋又係炆得好夠淋. 個辣汁就幾刺激, 初時食落都唔覺得好辣, 但係食食下就越來越勁, 好得意!後來見佢個辣汁幾掂, 就再叫0左兩串魷魚加辣汁, 呢次就真係相當夠辣, 好惹味呢!車仔麵0黎講, 呢間都真係做得唔錯. 以後車仔麵癮發作, 又多個地方去啦.另: 呢度d阿姐幾好聲氣, 可能我同佢講唔該, 佢又對我好聲氣d啦. 你對人好, 人對你好, 好少食店真係存心同客人過唔去0既.

今日買咗碗車仔麵返屋企做晚飯!豬大腸、牛根腩、雞翼粉絲!三樣餸都好入味!牛根腩雖然好瘦，但係好腍一咬就開!我要咗少辣!Ｄ辣味勁好唔會太搶食唔到!所以唔好念心博命加辣呀!不過味精都好犀利吓！食完要博命飲水!

"辣汁:死辣, 一入口即麻痺,令人冇晒味覺" Exactly!! 直頭係我第一啖食落去既感覺, 得個辣字, 乜野味都冇晒, 都唔知自己做緊乜...

冇乜好講, 唔可以話唔好食不過真係冇乜野吸引到我再去幫襯平又唔係好平, 好食又唔係好好食環境又唔係好好...

車仔麵的話, 至正路就係呢度喇食唔到喇喳味, 係好clean的味。鹵水翼尖好, 雞翼也行, 蘿蔔清甜, 大腸乾淨, 咖哩都幾香。

今日自己去左銅鑼灣買野...先黎新記..想試左好耐...終於有機會啦...要左蘿蔔-係幾甜. .無渣.....但好似唔係好夠鹵水味.牛筋腩-肥瘦岩岩好...鹵水味好足..冬茹-又係好好味...下午荼時刻23蚊包野飲..車仔麵黎講算好好啦...但係要搭枱...可能依種就係香港風味!