新記車仔麵 (已結業)

叫左油麵+ 魷魚+ 魚蛋+ 豬紅+ 清湯樣樣都幾好味由其是個豬紅~真係幾好食不過呢......佢o的味精實在係太多了= =a...我都明白食車仔麵要無味精簡直係天方夜譚小弟體質比較奇特，食少量味精都ok，一食得多就會不停標汗結果今次食新記，由第一啖開始就一路標汗標到食完o個刻，由此可以證明佢o既味精係好勁架但我諗以後有機會的話都會再試埋其他餸我覺得o的個價食車仔麵又ok喎始終平o既車仔麵周街都有得你食，但整得好食o既車仔麵就真係唔多

小弟今年電影節頭場在時代,差點忘記.及時鬧鐘響起,幸未至失場.沒吃午飯,一定要吃少少東西.時間緊逼,只有十五分鐘時間進餐,附近一帶速食之選,一想就想到去登龍街"新記車仔麵".昔日在老銅上班,經常光顧.亡命英倫之前,先來個"亡命車仔麵"吧.下午客人不多,由落單到上桌,五分鐘不用.依舊要招牌辣汁,油麵底,鹵水蛋,蘿蔔,魷魚等等.其實她們自家的辣豬紅同辣豬皮亦很出色,不過今次沒有吃.鹵水蛋亦是每次來到必點,雖然只是車仔麵店,用的鹵水也很芳香醇厚.魷魚爽口,蘿蔔鮮甜沒有渣.全碗麵的靈魂,就是在面頭的辣汁身上,小小份量真有點石成金之效,入口香濃,其頭辣度一步一步轟炸閣下之味覺.其後的濃厚餘韻,仍然留在口腔內.闊別經年,已經不知不覺地加價,每種材料$6,來個五"送"麵,加麵底也要$36.在車仔麵而言,的確是貴得離奇.為著這個濃厚而實在的辣汁,小弟仍然甘之如飴.由坐下到走人,全個過程,剛好十五分鐘.也來得及看Opening..

20070320一個人在銅鑼灣，選擇其實不多，最終又來了這裏。好像比以前人少些，當然了，孖枱還是免不了的。施施然寫一份孖筋牛百葉通菜清湯瀨粉，兩分鐘後已經放在面前。通菜煮的時間不夠，上來的時候硬得用筷子都插不動，湯又過熱，索性就讓它浸多一會。孖筋保持住了水準，通菜放得略腍些之後也算甜嫩，其他的就差點。牛百葉太硬，煮的不夠；瀨粉卻基本上全斷掉了，一小段一小段半透明的在湯裏不知幾難找；湯底的味也……是今天師傅的水準退步了呢？還是我的胃口不好呢？總之是沒有辦法吃完……P.S.喜歡它的湯底的，粉絲倒是一個不錯的選擇，看到身邊那位女仔，整碗湯都被粉絲吸去了，變得好“杰”：）

佢未算最好但您地可以試下豉油沙爹撈麵不果重好過湯麵

我們點了腐皮卷生腸豬頸肉香腸牛柏葉豬大腸因為嘴饞最後還點了魚蛋和魷魚豬頸肉很香牛柏葉不會像其他店的脹到失去口感可是豬大腸的味道就有點怪(雖然口感不錯)生腸也不好吃辣汁不夠辣有朋友說燕肉餃才好吃大家可以去試試雖然比普通的車仔麵特別可是6元一款連麵都是6元未免太昂貴了

星期二黃昏六時進內, 客很少只有十人以內, 自己獨享一張枱加價了, 以前是五元一個送, 現在要六元, 所以也由以前點四送改為點三送雞中翼, 豬大腸, 豬紅, 河粉, 少辣汁, 但送來是卻很辣, 味道也只是一般這店不設茶水, 要解渴或解辣就只好幫襯買飲品了, 很沒品…汽水8元, 豆漿6元, 點了豆漿, 味道尚可登龍街的選擇多得很, 新記價錢貴了兩成, 食物質素卻沒上升新記, 這就是你的生意成功之道嗎

好似咁出名咁... 就要試下啦, 但期望太高, 失望就越大lu...三車仔麵所有都係$6. 叫蘿蔔大腸貴花餃米粉加辣汁($24)蘿蔔- 夠淋, 但唔夠甜.大腸- 夠味, 鹵水味ok, 但唔淋!貴花餃- 好爽口, 特別但唔係咁自己口味.辣汁- 雖然辣, 但好快就無d辣味.總括講, 好普通唔係特別好味. 而且價錢都算貴.

上星期六, 諗住趁年三十去CWB 作最後衝刺買鞋過年, 行到肚仔餓就搵野食啦！剛行完times square, 想食車仔面, 記得呢個後巷有間車仔面檔, 就入去試下啦！點知真係不知所謂呀！不知是否我叫錯送呢？當日, 我是叫米粉的, 送就有：紅腸、蘿蔔、咖喱魚旦、西洋菜, 除左咖喱魚旦外, 其他都一般啦！唯一讚的是蘿蔔, 夠林、夠味, 但都只得3 舊（但收＄6 份）, 紅腸都係得4塊左右（又係計一份＄6）, 都算幾貴！至於咖喱魚旦, 嘩！一咬落去, 係實的, 細細粒, 真係估佢唔到囉！好似食緊一舊打得好實既粉團咁。d 湯係無咩味既, 但d 咖喱汁就好黃囉, 令到碗粉都變埋黃色, 好似仲有少少螢光色添呀～雖然好黃, 但我又唔覺得有咖喱味囉... 真係失敗之作！食左呢碗米粉+一罐可樂, 共＄38！碗面實在太細、送又小, 我諗正常食量都未必夠呀！每款送咁少, 都唔知係咪想人地叫多幾款, 收多d 呀！佢每款送都係計＄6份的。

聽過人講話呢間係全港最好味既車仔麵，老實講計味道都真係可算一絕，麵爽，豬肚夠淋而且好入味，豬頸肉切得夠薄易食又好味，鹵水蛋唔算突出但都係好味，個湯底亦都正夠晒濃。之不過其他野可以話無樣好，地方唔乾淨都算喇，碗麵食倒有頭髮，d麵仲有小小黑色唔知係咪o左，我仲聽倒隔離有人投訴漏o左料，食咁耐車仔麵都未聽過..... 仲有呢度既價錢都真係相當貴，三料一麵加汽水要成$32

本身響cwb返工，所以三兩日就一定會食新記做午餐，如果食得辣既朋友，一定要加辣汁，不過都真傢伙的辣，要自量才好。麵就無咩特別，因為都係外來貨，不過料就真的出色非常，當中有幾款是必食無疑~~1.)辣豬紅---連豬紅入面都入味，試過未？2.)蘿蔔---唔好以為普通野，又係無筋之餘連入面都有味，唔講得笑。3.)雞翼---個樣鹵到變左黑色，不過佢濃烈既味道會令你一食再食。4.)鹵水蛋---雖未至於入面都入味，不過因為佢地既鹵水較濃，所以都好夠。5.)翼尖---唔好諗住食完雞翼算數，因為翼尖煮到透晒，係另一種更深既滋味。6.)魚蛋---魚蛋就算唔係最好既貨，不過個汁已經值80分，我平時起碼食兩份。一般我黎，六料兩麵走唔甩，不過真係好貴......飲埋野五條野無咩剩。

2006年5月4日睇左呢間店既食評好耐,今日終於有機會一試,兩個人前來,叫了淨送共享,有:雞翼,貢丸,冬菇,紅腸,鴨腎,片頭,牛孖根,腐皮卷,貴花餃,蘿蔔......比較出色既最後個三樣,特別想講既係蘿蔔,如果無記錯,好似有說這裡的蘿蔔與大角咀的車XX不相伯仲,不過個人品嘗過後,仍然覺得暫時無一間食店比車XX的好,但若果以港島區來說,新記仍然是有可取的地方,我最愛都係佢既湯底,好濃呀,如果配粉麵食,一定好過好多地方!

向來不愛車仔麵，不客氣說，有點像高級的餿。朋友介紹，姑且一試，不理是味精的功或是辣汁的德，新記竟成為我會返頭的車仔麵檔。豬紅、雞翼尖、貢丸，「食送」本身其實不至驚人，但那口辣汁，已足夠刺激起我味蕾。愛吃辣者，搵個機會試下。

地名可會收風水之效？香煙日漸鼎盛的登龍街（或說燈籠街）看來如是。入夜之後尤其繁華，桌子直擺到車路上去，攬客的也奇招各出。誰說需要政府來設立行人專用區，只要民眾的“聲音“足夠強便可以了：P一個人，飯量有限，選了街頭那間名聲在外的“新記車仔面”，有食友認為它與糖街“榮記”不分軒輊，有人聲稱“九龍車品品，港島數新記”。哇，聯想上述種種，再看眼前這間店面，難道真是“大隱隱於市”？預了會逼，會嘈，會多少有些邋遢，前兩者也還罷了，最後一個……第一啖與第二啖便已分別令我赫然見到兩條不知來自洗碗刷還是廚娘秀髮的可疑黑線……劃了三樣“食送”，牛筋、蘿蔔、香滑齋，加油面，清湯底，20元。平心而論，蘿蔔實在是完美，厚身，入味，清甜，無渣，夫複何求：）牛筋與其他家的決不相同，也還過得去，香滑齋嘛，浸透了湯底的味，作用與豆卜差不多，因人而異。至於湯底，我實不知“清”從何來，顏色上已與醬油類似，晃兩下更有“掛壁”的效果……只怕太濃重，連舌頭都已麻痹，品不出真味；抑或，這種街頭市井之味，本就是要這樣濃，反襯生活之平淡？

因成日只係食左墨魚波所以未到7點已經好肚餓, 因之後仲要轉戰times square所以就快靚正咁諗起呢間魚蛋+尤魚+牛筋+米線+可樂($28) - 加左辣汁但都唔辣, 湯底比以前淡, 但可能太肚餓所以我覺得都好好味豬紅+9菜+雞翼尖+瀨粉+可樂(#28) - 呢個係朋友食, 但望個樣好似好食過我個碗

尋日朋友專程帶我黎呢到食車仔麵，我叫左魷魚、香滑齋、紫菜粉絲，我好少起車仔麵檔食到粉絲，都ok好味~因為d湯底都ok~魷魚、香滑齋同紫菜的份量都好多，香滑齋重有d脆，吸左湯底，味道好好~另外，我地叫左魷魚、豬腸、八爪魚串，份量少，覺得5蚊貴左d囉~而o個碟通菜就比較油~我始終覺得碗車仔麵最好~