新羅寶韓國餐廳

營業中

休息中

好耐都冇食韓國嘢喇，尤其同拔兄……上次佢買外賣人蔘雞及炒粉絲比我，我硬係覺得同在韓國食不同（廢話）啦，於是佢話下次去堂食……今天一齊食lunch，佢話食韓國嘢~新羅寶，應該正宗啲……我反而今日冇叫人蔘雞（留待下次機會），叫咗豆腐湯鍋、同一個鐵板燒肉套餐，又可燒吓嘢，又可食湯飯，正 ……我覺得個豆腐湯好好味，小小辣好醒胃，又有湯飲，燒肉呢，D肉類醃得吾算濃味但我覺得ok，雖然份量吾多，但一人一個飯，又有配菜都夠飽喇，期待下次試人蔘雞...

新羅寶係我覺得係香港為數不多可以有韓國feel既餐廳肉多選擇，菜式多選擇，而且保留到韓國既風味。相對黎講價錢亦都偏高。食得出肉唔係出邊任食燒肉既質地，夠厚，脂肪瘦肉分布均勻。之前生菜係送，而家要買而且價錢唔平，所以無要。少左包肉食既樂趣。我地叫三份肉，一個湯，一份年糕，同埋一份煎餅。四個女仔都夠飽。份年糕好似1XX，其實唔抵，不過黎到韓國餐廳無理由唔叫一份年糕。牛骨湯辣辣又足料，好味韭菜煎餅好好味，食完想去韓國超市買一盒煎餅粉自己整下。個汁同煎餅好夾，唔知點樣整架咧

在那麼多國菜中, 韓餐一定是我其中最喜歡吃的菜式之一, 因為我冇辣不歡, 而且特別喜歡喝湯, 所以韓餐中的熱湯和伴菜我最喜歡! 有一段日子沒有光顧新羅寶了因為價格比較貴, 所以平時就算要去也是有慶祝活動和會選擇在晚餐時分光顧! 以往都是去銅鑼灣分店, 今天剛好約了朋友在尖沙咀所以在美麗華看看有什麼好吃, 所以就去了3樓吃韓餐吧! 原來新羅寶也有提供商務午餐, $80起, 有齊湯、飯以及小菜(泡菜還可以任添)我們分別叫了泡菜豬肉湯飯以及牙帶魚定食, 可能很久沒有吃了遺忘了原來那麼好吃! 燒牙帶魚雖然要等候, 但是皮脆肉嫩! 而泡菜湯的酸度也調校得剛剛好, 不錯!

新羅寶的牛排骨湯飯真的太好喝喇！湯頭順喉清甜伴隨滿滿牛肉香氣，內有牛排骨、紅棗、白蘿蔔及韓國粉絲，牛排骨爽嫩口感極佳，絕對不會失望啊！👍🏻👍🏻👍🏻海鮮煎餅貌似普通，但味道非常優秀，蔥餅十分足料比一般厚一點，幾乎不沾醬直接吃也覺得很正，光是這兩道菜已能滿足了我的胃。這裡晚餐時間相當熱鬧，幾乎坐滿了人，但餐廳空間感大比較沒有壓迫感，我覺得蠻好的。

#韓國菜 #韓國餐廳 #韓燒 #燒肉 #烤肉 #烤牛肉 #燒牛 ，收加一服務費。環境寬敞，有點像印度餐廳感覺。提供玄米茶～今次試 #燒牛肉 ，但沒有提供鹽和調味料，只有麻油，較原汁原味和淡#烤特級雪花牛肉 #雪花牛肉 $255@150g牛的味道濃郁，算不錯👍🏻肥瘦適中#烤牛脷 $130@100g 不夠薄切和大片，燒起來一係唔熟，一係熟得滯好硬😂嘛嘛地-3-#燒元貝 #烤鮮帶子 $165+1 超大隻，同餐牌差好遠，沒有蔥粒。好多汁，小小鮮甜，但要燒好耐，也可以一試🤔食烤肉的價錢偏貴，還是午餐比較抵食～份量比牛角多一點點，但是牛角的質素好像比較好🤣日式烤肉好像較好吃旁邊有免費任拎的前菜，晚上8點的時間已被拎光了🤣🙈收10點ᶘ ᵒᴥᵒᶅ個人口味評分：6.5/10

#韓國菜 #韓國餐廳 #商務午餐 ，收加一服務費。星期一至日都有，環境寬敞，有點像印度餐廳感覺。提供玄米茶～#鐵板烤肉套餐 $105+1烤肉不錯吃，韓式會偏甜，送珍珠米飯一流，肉質嫩不錯👍🏻果然呢間餐廳應該食燒肉😂套餐有海帶湯，清清地。旁邊有免費任拎的前菜，醃製菜不會辣，有驚喜。南瓜粥一pat pat,有南瓜味但係凍咗 就不太好吃。#炸醬麵 #韓式炸醬麵 套餐$78 +1有很多炸醬，比較稀，冇乜味道（有點失望）偏淡，面質不錯#韓式泡菜煎餅 #泡菜豬肉煎餅 $145 +1旁邊有鹹鹹酸的醬料沾點。熱騰騰脆皮，在熱石鍋上，少辣，少少泡菜酸味，但個人覺得味道一般😂ᶘ ᵒᴥᵒᶅ個人口味評分：7/10#food #hkfood #hkfoodstagram #hkfoodpic #hkfoods

專登開戶要講呢件事，想各位食呢間店都要小心。今晚是3人聚會，要咗3碟燒的及一碟海鮮餅。埋單時$12xx，張單亦是4碟食物，但果啲似英文非英文嘅名唔知是什麼。問個waitress, 佢話是牛肋骨$350，我話我地無叫。我枱上有本menu即刻打開指比佢睇我地食邊幾碟，之後有另一個waitress行過唔駛睇張單但即刻同佢講，呢張單36號枱㗎。根住原先果個waitress先走返去更正。隔咗幾分鐘佢先返嚟，原來我呢枱只是$900幾蚊。我錄完卡後佢只比返卡收據同卡我，要問佢佢先比埋張單。返嚟同其他朋友講，原來佢在呢間食野都試過。所以，肯定是有心的。大家小心。講返食物，牛肉同牛脷都好un，個5花腩最好食。服務是差差差差。叫咗幾次攞多一個食物夾都無，要自己起身攞。叫佢比公筷亦從無出現。水都唔比。一定唔會再去。

The place was pretty empty at 7pm. Overall food quality was okay but their Korean staffs were just really rude. When we place an order or ask for sauce for Korean bbq(which they should have provided), they never replied. Could have simply say ‘okay’ if they heard us but just acted like we asked for something unnecessary and bother them. Staffs were also inattentive. There were only few customers sitting at the restaurant but they were having a chat facing back to all customers.

又一間米芝蓮餐廳🍴今次係韓野炸醬麵+炸雞柳，個炸雞柳係甜甜地，兩樣搭埋一齊食味道岩岩好😋主餐未上之前，已經上好多配菜，淨食配菜都已經飽左幾成😂中意食韓國菜嘅大家又想試下米芝蓮韓國菜係咩味，可以去try try👣

今晚想食韓國餐所以去左美麗華食四方既四樓充滿韓式風味既新羅寶韓國料理🤣因為男朋友之前試過叫外賣話好正 所以帶我去試下泡菜 芽菜 青瓜個d配料需要自己出去拎 不過記得要帶番口罩先好出去攞 保障番大家既健咁我地點左烤肉眼 牛排骨 豬腩片同埋得左獎既炆宮廷牛排骨牛方面有好靚既雪花 冇經過調味 燒完之後油汁均衡 好香同埋肉肉好嫩烤肉片要專心好好燒 唔好燒太燶 燒到一部開始剪成小塊 燒完個邊脆卜卜油脂甘香炆宮廷牛排骨🏆肉質好軟 覺得好似入口即溶咁 入面既冬菇都好入味 d汁係甜甜的 撈飯超正

新羅寶係我以前經常光顧嘅韓燒餐廳，有高質食物，有專人幫你燒，每次都食得好滿足！以前仲係米之蓮餐廳！但隨住越來越多韓燒餐廳所以冇食幾年，點知變得極差！原來其他劣評係真嘅！！！首先帶位嗰位香港人同事已經目無表情，到上咗燒肉後，冇俾個肉夾又冇俾醬，問佢先有，但啲牛係咬唔開，超唔掂。終於燒晒（唔係食晒，因為咬唔開啲牛），請侍應執執枱，上個蛋糕，點知扮聽唔明，咁唯有自己執枱，快快趣切蛋糕走人....到埋單喇.... 望一望發現佢俾錯張單我哋！整體嚟講，呢餐生日飯最好味就係個蛋糕，因為我自己帶去嘅！

忽然想食韓國野，搵下正宗既韓國餐廳，見新羅寶又有lunch set，就即刻試下！星期六只係得商務午餐，選擇都算多，星期一至五每日都有限定lunch menu。餐廳中間有不同泡菜免費試食，不過lunch set都會跟泡菜同其他小菜做前菜。我地叫左泡菜豬肉湯同烤肉set！湯酸度夠曬又多泡菜，唯獨辣味唔重，滿足唔到我對辣既要求！個飯夠軟熟又夠熱，值得一讚。烤肉餐有曬豬牛雞，一次滿足曬你既願望，味道相當正宗，韓燒肉既味！總括黎講，不過不失，價錢係尖沙咀黎講亦唔算太貴，但味道亦唔係超級出色！加上服務態度唔太友善，有d扣分。

完全完全唔建議黎依家餐廳食嘢！！！嘢食唔抵食同埋服務態度超級差！！！職員吾識廣東話又吾識英文，完全溝通吾到。嗌完十幾樣野食之後等左多於三十分鐘，一樣野都未黎。咁我哋就食嗰啲配菜，食完就叫啲職員幫我地refill(間餐廳係可以refill 配菜），但係某啲職員完全溝通唔到👎🏻，仲要叫左超過三次都冇人幫我地refill😾。咁我哋就自己去攞，跟住啲職員就勁大聲同埋超級無禮貌咁話我地，叫我哋唔可以自己攞（大佬啊你又唔上菜，又吾refill，咁我哋可以點。。。）跟住職員就攞住張單同埋用一個超唔友善嘅語氣講啲嘢食已經黎齊晒😐，我哋就同佢對質，佢後尾就發覺原來啲嘢食根本全部都冇攞過嚟。。。佢哋做錯野仲要唔道歉！！！之後我個細佬唔小心整跌咗張凳就比啲職員啤住晒😡 同埋喺度密密針（好似講緊我哋壞話）！！！之後，我屋企個老人家要坐輪椅，佢哋一個二個仲要喺度傾偈阻住晒啲路，完全唔諗住讓路比我個老人家！講咗好多句excuse me都冇人肯讓路！！！🤬

二人套餐八百元，另加一湯二份肉（一豬腩，一＂頂級＂牛肉），三個人食（二女一男），只得七成飽。前菜，只得五小碟，每碟量非常少，小家，味道港式。2百多元一碟頂級燒牛肉，賣相像垃圾一堆在碟上，是冰到硬哂的上台，嚡口又有渣，我近排用70元一塊的價錢入1855近200g重的西冷扒質素比它好百倍，你比D垃圾肉（成本幾多？）要收2XX一碟？虾肉（蝦是套餐內唯一可接受的水平）上放上檸檬，不知有什麼作用？追加五花腩，x百幾元，又係是 二條冰硬肉倏上碟，要自己剪？！，貨色肉硬，乾，無肉汁，燒牛筋條，味道跟韓國超市買的味道一樣最後二人餐內的的所謂牛肉麵，份量是一人份，牛肉片，放入熱水煮，即刻散如肉碎。一千五百元，你比的貨色是劣等級！肉的成本唔駛200，所謂老字號，服務唔得，食物唔得，唔怪之得被摘星，搶錢級別，韓食之恥！上菜速度超慢！7點食到10點。

想食韓國野就睇下附近有咩韓國餐廳，見呢間四四正正就揀左佢，如果時間可以倒流，我希望我從來都無遇見呢間餐廳...兩個人，一人叫左牛肉拌飯，一人叫左炸醬麵，兩個都係商務套餐，有啲小菜咁。照計兩個都係穩陣野，點知間餐廳可以整到咁唔穩陣。先講牛肉拌飯，一上嚟，嘩，你整完容嚟呀，同張圖好唔同。據我朋友形容，好似碟頭飯一樣，多汁甜牛肉放在白飯上，伴以寥寥可數嘅紅蘿蔔同生菜，話係拌飯都有啲侮辱個拌字，因為無咩好拌。至於炸醬麵，睇落就靚靚仔仔嘅，但食落就知真章。我都總算喺韓國食過幾餐炸醬麵，每間餐廳都總有啲唔同，但食落會知係炸醬麵。但呢碗炸醬麵食第一啖就覺得唔對路，咁樣係炸醬麵的味道嗎？我點解會有一絲西式意粉嘅感覺。泡菜無醃到我地覺得係攞錯左只醃左一陣嘅泡菜比我地，你睇，仲白色嘅。泡菜蒜頭我地第一次食，有種奇妙嘅味道，奇妙到我嘅表情令我朋友好想試下係幾咁奇妙。大豆芽呢碟係最超乎水準（相比其他嚟講），但有啲會過鹹，懷疑係因為啲鹽撈得唔勻。個湯得我朋友有，佢話係凍嘅，味道正常，係啲豬肉好難食，我見佢飲左一啖就擺埋一邊。佢有一個角落有得比人自己拎泡菜，由我地一坐低去到食到中尾段都係吉嘅，然後終於等到佢地re