新煮意美食

營業中

休息中

大角咀揾到間好食嘅餐廳，真心值得更多人認識！叫左瑤柱福建炒飯，即叫即炒，份量多女仔建議可以少飯😆老闆好好人，仲可以加錢加配老闆無味精愛心靚湯👍🏻讚吖👍🏻👍🏻👍🏻今次飲嘅係足料粉葛湯🩷

這間店以開店多年。 我個仔都 12歲,最小食左12年。 老板話唔係出前一丁。 唔好食。 所以他們只有出前一丁。 唔洗加錢都已經係出前一丁。 街坊生意。 食材生鮮。 老板話交來的碎豬肉唔係人食。自己都食唔落。 所以他自己去豬肉店買豬肉回來。自己碎的。 有心的大師傅。這次要提一提。 就係老板的早餐。 豬雜麵和 豬潤麵。 早餐有得食。 唔洗行去深水埗。 唔講太多。介紹比大。自己來試下吧。

幾年沒寫食評，今次為呢隻炸雞脾...特別登入寫呢篇讚一讚呢間小店！！！直到呢刻都仲係覺得好好味，雞脾生炸不特止仲皮脆肉嫩。自從走鬼街邊檔沒落了，好少機會吃到呢啲高質炸物。雞皮脆卜卜，唔會滿口油。雞脾size比一般大，啖啖肉，攞上手扯脾真係好痛快！咪以為大大份咖哩雞脾飯好貴，竟然只係盛惠36蚊咋，真係唔知仲有幾多間做到呢啲價位。對於我呢啲無飯遊民，多間心水飯堂選擇真好。如有路過，不妨一試，真心讚好！！！