新照記茶餐小食店

營業中

休息中

得兩粒..但是是一長一圓大大粒!!外層少少油,但因為夠大粒,所以有咬感.少少鹹.

奶皇糕-說真的,不要期望它有奶皇味,因為它此終只是一件糕點,而沒有餡料,不過咬一口後,我覺得那個期望可以升級!紫米糕-好有口感,原因是糕內充滿了紫米,豆,煙煙UN UN.芝麻糕-黑色的,但有一粒粒的白芝麻...芝麻味偏淡.OVERALL:它們的texture很好,不會太'shirt',又會太甜,吃多了也不會感到滯呢!

上次入黎長洲，記得呢度總係企滿成堆人，塞都塞唔入。今次好好彩，平日兼係12點左右，只有寥寥2.3個。一人一串魚蛋。2粒魚蛋大大粒，彈牙有魚味，所以醬汁都唔駛加。

主人與奴隸獸見頗多顧客在此買各式糕點，卻暫時引不起我們的興趣。反之那些大大粒的長洲魚蛋，看似好好味，所以買了一串（2粒，HK$6.0）來試試。食落軟身，但又爽口彈牙。有魚蛋應有的魚肉味。唔錯，唔錯。

個個入長洲~都話要食糕~乜糕乜糕~都好食咁話呢檔糕點~就在紅豆餅的鄰鋪~鋪面放上十數盤糕點~看似聲勢浩大~就試試看吧..反正只是四蚊件要了小比最愛的芝麻糕~紅豆糕~還有馬蹄糕老闆娘一切件~嘩~咁大件ge~~絕對係平時坤記ge三倍份量~但比坤記一件還要平~~~老闆娘仲問我地洗唔洗中間切多刀方便食~~嘩~變成6件正常size ~頓時覺得好濟~哈哈一吃落口~最憎芝麻糕有紅豆!又無芝麻味~看來我都被坤記縱壞了~人家的是固體狀芝麻糊這裡的...吃了一口就放棄了紅豆糕又如何??大比說紅豆味怪怪的都不是~只是粉的份量太多~又放棄了反而可取的是馬蹄糕~清甜又多馬蹄~最後這6件糕~只有馬蹄糕吃畢~這店~試過了就算....

第一次幫襯應是五年前的一個偶然機會，去完領袖訓練營趕搭船剛巧路過，那就試了令人難忘的紅豆糕。這紅豆糕很足料，就像是把一碗紅豆沙濃縮在一件糕內！紅豆糕保留著紅豆的甜味，不會過甜，結結實實的，吃落飽肚。其他糕都不錯，例如是馬蹄糕，很清很足料；芝麻糕足料之餘也不膩。越諗越想去Encore紅豆糕呀！

有個長洲朋友介紹去食薯片巨棒..等緊佢整個陣...見到隔離好多人食緊1串串魚蛋..原來係新照...佢d魚蛋好大粒lo...所以我地3個女仔都唔執輸,一於食埋一份..哈哈!!!d魚蛋大大粒,好有口感!!

食左碗"豬紅蘿蔔豬腸"好咸呀!!!!!!!!!!!!1豬紅蘿蔔勁硬, 牙簽督都唔爛~_~但阿姐既服務值得一讚佢拎俾我地既時候, 佢話如果唔o岩就即刻幫我換我地話唔係豬皮係豬紅佢即刻講左幾句唔好意思就再拎去換再拎返黎o個陣又有講唔好意思抵讚! ^_^

次次去長洲玩都一定會黎食紅豆糕同魚蛋。大大粒的魚蛋加左價$5.5兩粒，爽口有魚肉的鮮味。o的糕都加左價，$12 三件，但仍然好大件頭，都算抵食。今次揀左紅豆糕、奶皇糕同芝麻糕。紅豆糕保持一貫的傳統風味，夠香滑；奶皇糕起初食時好味，但食多兩啖就有o的漏；芝麻糕今次失晒水準，以前食係好香濃芝麻味的同時亦清甜，但今次食好似冇落到糖咁，仲食到芝麻本身的咸味。大失所望。

見到鋪頭人山人海, 又有雜誌介紹, 男朋友又聽到側邊有個男人食緊, 話好好味wor, 就買黎食啦~!試一試先!粒魚蛋好大粒, 好彈牙, 5元2粒, 雖然唔夠謝記彈牙, 但都好過市區果D街邊檔好多!另外打包左D糕點翻屋企食, 11元3件, 要左芝麻糕, 紫米糕, 同埋紅豆糕, 個人就認為芝麻糕最香, 隔左一晚食都算幾軟熟~呢間仲有好多小食, 豆腐花, 茶果,.....好想試晒...但已太飽了...留待下次吧~

雞屎藤: 好煙"un"!!好有咬口!!我同朋友都超鍾意!眉豆茶粿: 皮薄餡足!!芝麻糕: 一絕!我同朋友都讚不絕口!好足芝麻料!唔太甜!杞子桂花糕: 好清甜!入口好香桂花味!南瓜糕: 淡淡的, 唔多覺南瓜味.紫米糕: 好有咬口!紫米煮得剛好!馬碲糕: 馬碲同糕0既配搭好正!因為馬碲切條, 令件糕0既口感更多!清甜!紅豆糕: 好有食開0既傳統味道!整體以糕點而言, 絕對食得過!!再加上老闆娘好好人咁提醒我地唔好眼闊肚窄, 情願我地食完個肚仲有位先再叫多3件, 好過一次6件XD

路經此店見到有好多人買糕點, 又見面口貼左好多關於此店報章, 所以買一件芝麻糕嚟試...食落口感較腍, 芝麻味唔夠香, 應該可以做好D...

此店門口張貼了很多報章, 推介芝麻糕; 好, 就試一試!糕面有一層半厘米的蛋花大菜糕, 芝麻糕的質感都過得去, 但味道就真係好一般, 偏甜冇芝麻味。跟深水埗坤記比, 實在冇得比!

十蚊三年糕點, 揀左一件芝麻糕, 一件奶皇糕同一件南瓜糕.芝麻糕有一層馬蹄, 很特別的, 而且好香. 奶皇糕普通啦, 鐘意茶樓既奶皇包多d. 南瓜糕就有西米, 很滑.

星期日去長州,經過好多間小食店,見到間間都有賣大大粒魚蛋,行到呢間見好多人,好奇地買左一串(有2粒),魚蛋大粒到成個乒乓波咁,新鮮熱辣,我乜漿料都冇落,原粒咬啖,好彈牙,好熱,皮少少脆,但冇乜魚味,唔知係佢自家制定工場交貨??至於其他d乜糕物糕就冇試,因為個樣吸引唔到我......