新照記茶餐小食店

營業中

休息中

2008.11.30(日) 賣糕點可以同時賣咁多款，真係市區難尋﹔四蚊一件(不論熱唔熱﹑煎唔煎，都係$4，多買冇優惠)，細盒加五毫，大盒加一蚊。綠茶紅豆 ~ 有特式 ok馬豆 ~ 正桂花 ~ 清甜 ok紅豆 ~ 一般馬蹄 ~ 正芋頭 (熱) ~ 掂蘿蔔 (熱) ~ 香 (我冇食，不能致評)雞屎藤 ~ 因我走之前返來買馬豆&馬蹄時順便買，可能擺得耐風乾咗咁，但味道 ok 既基本樣樣都好味，唔知佢地會會拎出市區賣既呢，新年食到呢d糕就真係 very good

14.11.08 (Fri) 晴第三（食）站，就係去食茶果，原來呢度都幾易搵！買咗『雞屎滕』同『眉豆』（＄４件）。- 雞屎滕：估唔到咁熱！朋友第一次食『雞屎滕』，佢話佢好鍾意個texture，『雞屎滕』唔係個個都食，但鍾意食『雞屎滕』就一定要試，因為雞屎滕味好濃！原本仲想買多件『雞屎滕』，但又要繼續掃街，所以都係唔好…- 眉豆：我一直覺得眉豆茶果只係一般，但呢個ｄ味唔同出面嗰d，我覺得幾好食，不過衰在佢係凍。呢度附近有好靚嘅Ｂ＆Ｂ，即刻有個衝動住返晚（但係第二朝我地兩個都要返工=.=）。

加豉油唔好食, 反而加佢d咖哩汁好食好多~太多人喇, 賣野個個妹妹仔唔得閒理咁多人, 只可以密密收錢彈牙, 但無咩味咁, 7蚊2粒就好似真係貴左少少咁...見到好多人叫左糕點, 但我就無買喇, 因為好似好甜好膩咁...

真好彩我地間渡假屋樓下有齊咁多間出名食店,食完薯片, 行過隔離就係呢間長洲出名嘅紅豆糕喇, 我叫左紅豆糕啦,南瓜糕啦,芝麻糕啦,紫米糕同埋椰汁糕, 真好彩,咁啱,紅豆糕同椰汁糕都新鮮出爐,好軟林林,老闆娘話剛出爐所以好林要涼一陣先好食,但我就反而鍾意軟林林,熱辣辣喇,另大大粒魚旦我諗佢唔係自己整呱,但好似頗重味精.總之我地五個都一致認為紅豆糕同南瓜糕係最好味, 熱食仲正呀.

吃完紅豆餅，再到隔鄰吃糕點。$12 三件任擇。有十款八款傳統中式糕點，樣貌似曾相識，是我在孩提時見祖母造過，款式與這間不遑多讓。我們選了馬蹄糕、芝麻糕和紫米糕，如要發泡膠盒外賣加五毫。芝麻糕很粗糙，富有芝麻的香味和質感，給我帶回兒時與祖母的片段，馬蹄糕很煙韌，略嫌馬蹄太少，但吃得出馬蹄是自己批皮的，不是街市交來的足肉(酒樓廚房用語：即已批皮的淨馬蹄肉)，紫米糕有椰汁，味道也不錯。三種糕點都夠甜，有些人可能覺得太甜，偶爾吃一次也無傷大雅，吃甜點不夠甜就不太好吃。想起很多時餐廳或食譜都會用的字眼“Grandma's Recipe”，正好形容此間店的食物。還有很多品種想試，但胃納有限，祇好留待下次。如要同時吃齊兩間店，建議先吃隔鄰的紅豆餅，才吃這店，否則會更覺紅豆餅不夠甜，及這店的糕點份量也不少。

在薯棒的旁邊，很多糕點。甜的點了兩款比較少吃的糕 - 南瓜糕，紫米糕。可能在家中常常吃糕點，對此的要求高一點。兩款糕算ok，南瓜糕有用南瓜整蓉，加上少少南瓜粒，不是太甜，4蚊大大件。第一次食紫米糕，都用左幾多紫米，算係有新鮮感。各有各好。之後吃了蘿蔔糕，都是4蚊大大件，加左醬是是但但就試一試，都是ok。最好食的，就係大粒魚蛋。因為大大粒，一串只有兩粒，彈牙加好味，入到黎一定要食一食。可能在長洲，蒼蠅特別活躍，食的時候手要一路潑，仲要食得好快。唔建議大家堂食。一路行一路食糕會辛苦，不過好過不衛生吧。

如果想吃離島的風味小吃，我會選到這裡。這裡有出名的有大大粒的魚蛋、中式糕點、車仔麵和各種孩童小吃（如麥芽糖夾餅、燒賣），全都保持著傳統的風味。($4) 煎蘿蔔糕：我認為是這裡最好的食品；切得厚厚的，煎香後點少許甜醬，不但惹味，更吃到有外脆內軟的感覺。($13) 車仔麵：公仔麵底不錯，加上咖哩醬後味道更為濃郁。我推介這裡的豬腸，不但滷得非常入味，而且質感亦帶點結實，不會只是沒有質感的油脂。($7) 酸梅湯：可以忘記它吧，免致後悔。非常的甜；現在不想談論不達標的食品了！

中秋入左長洲賞月，當我帶住我個私家金魚燈籠到處走的時候比我見到呢間野仲未關﹗仲有好多糕點，工友心血來潮叫左件馬豆糕﹗食落不是太甜，清清軟滑的好有馬豆香，誠意之作呢﹗好味道﹗三蚊一大件，食完個感覺好似食左碗飯咁﹗超級抵食﹗

去長洲一定要去依間買糕食一定要試紫米糕，係超好食$4 一件 貴左 lu 紅豆糕好正，好有陳味 ~~另外黑芝麻糕都好好食!!

八月廿五日(星期一)ohhh~~繼續遊逛,同時向搵食進發XD行到累,剛好來到新照記,決定坐低抖抖先我嗌左碗椰汁紫米露($7)第一啖既感覺係...好 透 心 涼啊~成碗都較為稀,椰汁香,但有部分紫糯米較硬身,西米露最正總之唔係得個甜字啦!p.s.個婆婆真好人,幫你拎到埋去個位,勞煩了

吃了4樣東西...1. 花奶涼粉$6 (好普通)2. 豆腐花$6 (豆味唔夠濃同埋碎濕濕就一碗, 好似俾人食淨加埋一齊)3. 大大粒魚旦$7 (真係好大粒, 平均每粒$3.5好貴, 不過都值得一試ga~~)4. 煎蔔白糕$4 (平, 但煎左一邊又唔煎另一邊, 感覺好奇怪, 因為切得好厚好大件)

上星期黎長洲,發現呢度既魚蛋加左價由半年前既5蚊兩粒, 35蚊1磅(14粒)加到6.5蚊兩粒, 42蚊1磅..冇法啦, 物價通漲不過呢度既魚蛋係好食既,夠大粒, 新鮮炸起仲正!雖然冇甘永泰D魚蛋咁彈牙多汁,不過都值得一吃既~

補回上週太平清醮的食評：睇完飄色，專程來買芝麻糕（$4@）。落完單，就有姨姨手起刀落，即場切下兩吋厚的黑色長方形（若菱形的會特別大舊）入袋。入口十分香滑，特意保留大量不完全磨碎的芝麻粒，當堂升幾個grade。坊間少見有此做法，有口感又不費功夫，why not呢。又不會變成「烏嘴狗」，這就是食芝麻糕好過芝麻糊的地方了。順便一試紅豆糕。天時暑熱，打蛇餅時捧著飯盒吃，糕已開始「融」，若立刻吃應無咁「削」。雲雲覺得豆夠多，不如芝麻糕爽口。是甜了小小，送粥就啱喇。又買了巨形魚蛋及眉豆茶果。魚蛋剛炸起，引來十多人搶購，$6.5兩粒乒乓球咁大，食得痛快。剛出爐很難不好吃，有魚的鮮味，「師傳」亦算少。隔壁廿多元一串巨形薯片，足夠在新照記食飽飽了。

食完個麵出番去已經開始解封, 諗番起雜誌介紹個薯捧店係附近就走過去八卦下, 點知人龍長長長, 仲誇張到要拎籌等一粒鐘先拎得, 係咪真係咁好食係一個疑問? 不過肯定雜誌既影響力都唔少見隔離檔炸魚蛋望個好似幾對路, 就買一串($6.5)來試下, 長條和圓形各要一粒, 咬開好爽口彈牙, 魚味亦好重, 本來食完個麵都有D飽, 但都係忍唔住追加多一串臨走第二日諗住再買來食, 點知未開...

都唔係特別好味吖...只係大大件豆夠多同唔會太甜..紫米糕($4/件) -- 紫米好硬紅豆糕($4/件) -- 成件野好淋