新潮興牛雜粉麵檔

營業中

休息中

魚皮唔脆，還說自家製，同店員細聲講。店內幾個人自己試味後，幫我換咗菜心，個蠔油怪味，酸酸地，系未壞咗？最終食菜唔點油。魚蛋河個湯都OK。可能係有啲雪菜之類啦。可以食。唔打算再去。

叫佢加多小小腐乳，說已經好多，不能再加，真係唔敢再去食，已經不是只一次，生意亦不是很好，服務態度非常之差，腐乳又值多少錢，由其幾個阿姐奉勸大家都唔好再去食啦食完都生氣下來魚旦河40$腐乳通菜$12午餐凍檸茶就贈送的

見佢開咗咁耐，有日收工特登去試吓佢，本身係諗住食牛腩麵，但係俾佢嘅特價粉面吸引咗，我記得有三至四樣嘢都係$25 碗，所以我哋一個就叫咗普寧肉丸麵，另一個就係牛丸麵，我哋覺得佢嘅湯底好多味精🥲唔係好好食，不過碗麵入面就有幾條菜食下都幾好，而普寧肉丸同牛丸叫做正正常常，但係呢個價錢收貨啦但係店裏面有隻貓貓好可愛，會喺店入面行嚟行去🥰有時仲會跳上凳上面訓，好親人，完全吾驚人😍，有喵喵加咗啲分俾佢🤣🤣🤣

想食譚仔但排隊，見到哩一家係隔離，因為貪位置方便先會食，午飯時間人唔多，好多吉位。侍應態度很差無禮貌，食到一肚子氣。食物一般般，唔會再幫襯。食完先睇到openrice多負評，都係有原因嘅

晚十行過大部分已關門，只有這個地方及附近燈火通明。點菜很快送到，不過牛腩變牛什員工很快取回修正，牛腩厚薄度剛剛好又冧滑，紫菜四寶麵變河，墨魚丸非常彈牙，整體不錯。

見到佢話自己崩沙腩係招牌, 我就入左去試.崩沙腩河: 崩沙腩係唔錯的, 河粉及湯底都唔錯.鮮炸魚皮: 也是唔錯的.(加入$14跟餐就有).炸雲吞: 可以的.京都炸醬麵: 普通.如能改善不hold起卡位, 睇人比, 會好些. 但睇"佢"唔會, 堅係好巴閉, 懶有寶的, 服務很重要. 好服務就是招財神.cash only.

香港地百騰物貴🥺🥲食過晚餐普普通通都百幾二百😣咁唯有盡量揀平d嚟食啦！行過葵芳見到有$40碗牛雜河，咁就試下先，因為同朋友都好肚餓唔想再諗食咩🤪又要𡃶住荷包+$8仲有杯凍檸茶不過牛雜不太夠味，湯底加咗腩都唔太夠味，河粉ok,最抵讚係有2棵生菜，等我慳返唔洗嗌油菜😆😁但$40一碗又不能要求太高，2個人食加埋唔洗$100算喺咁

經過想食碗牛腩河，並非繁忙時間，入去見5，6張吉枱都唔比我坐，喺都要我埋去有人既枱度搭枱？咁咪去第二度食囉！咁巴閉？再入嚟睇下食評，差啲中伏添！ 全部負評，好極有限啦！

【葵青區】【新潮興粉麵餐廳】近排寫葵青都係青衣，今次過對岸寫吓葵芳。近排葵涌廣場好似因租金問題變到冇以前咁旺咁，不過從來呢個商場都好似不死咁，變極都係呢個樣。只係佢裡面間咗出嚟嗰啲細舖好似就真係十室九空咁，情況唔係好樂觀。之但係今日唔係想同大家講葵廣，而係佢對面葵芳匯嘅一間餐廳。呢個商場新開，但都好似新咗十年八年，地舖有啲小食店，仲有間粉麵店。我去到呢間粉麵店嘅時候，佢都好似已經改咗一次名，之前好似係叫牛雜粉麵。咁我入去就食碗 $70 嘅「牛坑腩牛雜粗麵」，點解咁鬼貴我相信係同我跟咗牛坑腩有關，碗麵一上無啦啦有隻三色貓走嚟同我爭食，勁好笑，佢勁為食，完全唔怕醜咁衝出嚟，店員就抱返佢入廚房。不過，碗嘢唔係話好特別。佢啲坑腩唔算大塊，發揮唔晒啲肉香，而啲牛雜亦都好普通，難怪餐廳名都冇咗牛雜二字。飲品我飲「凍檸茶走甜」，都幾大杯，唔錯。之後叫碗 $48 嘅「淨紫菜四寶」，有墨魚丸、魚皮餃、香菇貢丸同豬肉丸每款各兩粒。味道上，佢又唔算好特別，都係普普通通咁。要埋 $14 嘅「秘製鮮炸魚皮」，有另上一碗湯夠誠意，魚皮都炸得幾好，係滿意嘅。成餐夾埋 $132，不過不失，有貓有分加。另外佢叫潮州 T

簡直垃圾！晚市無小食叫唔在講！失敗！四寶河無魚皮餃，變左 貢丸、猪肉丸、魚蛋、魚角，去學x買齊自己都淥到！失敗！湯底似味精水，啖茂茂，得個咸字！失敗！牛坑腩飯$65蚊，連蘿蔔都無舊，仲要啲腩係凍ge！失敗中ge失敗！😡😡😡乍乍臨去𨋢口呵舊x先講啦！😤😤😤😤😤😤😤😤😤😤😤😤😤😤😤😤😤😤😤😤😤😤😤😤😤😤😤😤😤😤😤😤😤😤😤😤😤唔想再為佢嘥腦汁了！

呢間牛腩河好難食，牛腩好硬，湯無牛味，河粉都好硬，完全唔掂！🤦‍♂️🤦‍♂️牛腩河$38+2外賣（3/10）地址：葵涌興芳路208號葵芳匯地下G05A號舖#牛腩河 #牛腩 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfood #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong

今日放工番屋企路過新潮興門口，心血來潮想食碗牛腩河，由於已經過左6點既原因就外賣返屋企。由於怕河粉索乾曬D水，我都特意叫老闆娘分湯。經過一輪番到屋企之後好彩D湯仲係熱，即刻將D湯加入粉度首先賣相上已經普通，點知味道更加普通，如圖片所示湯底好普通，可能因為臨收鋪原因？另外就係牛腩，兩個字-難食感覺就好似一舊煲左好耐既煲湯豬肉一樣另外雖然已經分湯，但係D河粉都係唔知點解好梅最後食唔到幾啖就放棄左一句講曬只可以用難食形容！以後亦都唔會再幫襯

我叫左外賣兩碗，一碗係雲吞魚蛋幼麵，另一碗牛腩米。伙記覆單係覆岩，但拎到返屋企一打開個碗係剩米粉黎。無左個雙併，點解可以幼麵變米粉？好嬲，錢就收足，但啲野唔齊。

葵涌廣場食得多，今日轉一轉口味食對面的新潮興。鋪頭人不多，幾光猛。點了一個早餐和午餐。因為價錢的問題問侍應，其實好少事，但回答得非常冇禮貌。坦白說就算你的東西有米芝連的質素但侍應的質素低也沒有用，何況食物只是一般。早餐選了沙爹牛面加雙蛋。一般接受的質素，其中一隻蛋附送蛋殼。唔敢同侍應說，怕又被駡。牛餐選了五香牛腩飯，炆得好焾，但冇牛肉味，而且好肥。餐飲質素一般。另有小螞蟻在枱上伴食。應該只會幫襯一次。