新源興燒臘茶餐廳

營業中

休息中

這晚下班後，與老婆和她姐姐到此食夜宵。本來打算吃咕嚕蝦球，但店員竟說沒有。不明白為何餐單上有咕嚕班塊和油泡蝦仁，但竟然沒有咕嚕蝦？之後我們吃了些小炒，味道尚算可以。在十點後的中環，這裏不失為一個吹水喝酒的好地方。豉椒炒蜆$45-蜆非常新鮮，滑溜。紅燒班塊豆腐-普通 椒絲腐乳唐生菜-腐乳味不夠，普通茶餐廳之作。

二月廿四日(星期三)就快到三月了,又表示我們的台灣之旅即將開始!看雜誌知道憑機票和passport就可以換到捷運卡今日就同KKY一起到台灣旅遊推廣室換就到附近的機利文新街吃個lunch,再過去吧到了源興吃是日午餐有燒汁班腩意粉,就點了這個老公仔就點了豆腐火腩飯KKY就點了牛肉蕃茄湯公仔麵飲凍檸茶小甜一邊吃一邊見著非常繁忙的open kitchen...很濕的地面說食物方面,凍檸茶沒有小甜到>.<''燒汁煎蛋班腩意粉等了十分鐘左右....很餓呢!而燒汁其實只是班腩汁,不惹味,所以與意粉不match,我連意粉也吃不完呢老公仔的豆腐火腩飯,他都說一般!應該沒有下次了一定要試試盛記呢!

同同事偷懶, 去歎個下午茶, 今日想食個西多加熱咖啡, 見到源興又平, 又可以坐街幾好feel, . 叫左一set 都係18蚊, 啱啱炸起o既西多士, 金金黃黃, 又無多餘o既蛋絲, 巳經好想食, 切開佢見到d 花生醬查得好均勻, 最鐘意佢係查到好邊都有花生醬, 件多士又唔油, 又唔太燶, 嘩, 都係正到暈. 一個人食哂成塊, 無得剩. 杯咖啡須則都係一般茶餐廳咖啡, 但係無咁"雀巢"味喎, 好抵好抵.

14-9-2009沙爹牛癮抑壓多時, 今日終於爆發, lunch 搵間茶記搞掂. 原來想試試結志街尾的舊式茶記, 但出面打風「leh 咁 hea」, 唔爬斜路了, 試試機利文新街呢間吧.先嚟熱奶茶少奶 -- 幾稀,「少奶」做到了, 但飲落茶澀味濃烈, 飲到扁晒嘴. 沙爹牛麵就好少少, 雖然都係一般貨色 -- 牛肉幾新鮮, 無梳打粉痕跡, 食落軟熟又帶點甜味, 不過就完全無沙爹味; 麵係大光麵, 淥得較生, 配上無味湯, 味道一般. 隔嚟位食嗰碗蓄茄湯底通粉吸引好多囉, 莫非我叫錯嘢?阿姐比想像中 nice, 環境就地 mou 又人多擠迫, 食完快閃好了.$25 埋單, 唔飽 (唔好睇個碗咁大, 其實湯多過乜, 食晒成碗麵只 40% 飽!), 唔多滿意, 唯有到糖水鋪「溝貨」吧.題外話... 以前喺金鐘返工, 同事曾經叫過呢度的外賣 tea, 而佢又真係 15 分鐘內由機利文新街送到嚟 office 樓下的, 加上 24 小時營業十分方便, 喺 office 區受歡迎也難怪的.

乘船回到市區已近八點，下午吃過的美食實在太過精彩，晚飯想簡單一點，便走進位於機利文新街的源興茶餐廳，貪其鄰近巴士站，食飽可立即乘車回家。這間廿四小時營業的茶餐廳，共設有兩部平面電視，店內播著 ESPN 的體育節目，方便一眾波友通宵睇波，店外則是無線電視，由於當時正播著食神滔的飲食節目，遂決定在餐廳外的空地用餐。等了一會，先來的是常餐，這個鮮茄湯底豬扒通粉 ($28)，豬扒浸在湯內，肉質無可避免地較淋身，但將原個番茄切成兩半，加配合尚算鮮甜的湯底，雖沒同區勝香園做的好，也算是有所交代，合格有餘。 至於另一道蝦醬干炒牛河 ($28) 則空有創意，加入蝦醬炒製時有點重手，味道實在過鹹，油光滿佈河粉上，明顯是鑊氣不足，故效果只是平平。至於跟餐的凍朱古力，因個人口味要了少甜，味道相對較淡，是預計之內的。這間位於中環寫字樓區的茶餐廳十分注重衛生，所有餐具都浸在熱開水中，保証乾淨，絕對值得一讚；而餐廳老闆也相當好傾，一邊看新聞提要，一邊對青少年騎劫的士高談闊論，巷仔頓變「城市論壇」，地道風味十足，找個晚上來這裡吃吃小菜應該是個不錯的主意！

七月廿八日(星期二)是日同老公到上環搵食!行到機利文新街,又試試新食肆吧!\本身想試忠記,不過太熱,不太適合吃粥!於是吃源興吧!選來選去,我最後要了鮮茄牛肉米線加凍檸茶-$30老公要了是日午餐a:蒜汁雞扒司華力腸意粉加凍華田先來飲品,不錯!大大杯!鮮茄牛肉米線,茄湯沒有勝香的濃!也不錯!清清的,感覺健康!沒有味精!牛肉也有牛肉味!不是"那"到稔的那種!米線分量少蒜汁雞扒司華力腸意粉,是用碗盛著的!意粉很粗,可能炷過了!不過比想像中好!蒜汁很香!司華力是半條!怕老公不太飽呢!下次再試試他們的燒味!

午餐不飽,便到此飲下午茶,叫了個咖喱角下午茶餐,咖喱角新鮮熱辣炸出,夠香夠脆,不過都幾油.薯條是早已炸好的,只得暖意,不夠熱!同事左選,右選下午茶餐,全部都是煎炸食物,惟有選了唯一一個的熱狗下午茶餐,怎知食了少許就放棄,說麵包不夠新鮮,早知食其它食物便不用浪費!兩個人埋單$36,在中環來說是便宜.

這裡晚上賣小菜，中午賣碟頭飯及ABC餐，早上就有出爐麵包、粥及炒麵，所以由日到夜都車水馬龍的，很是旺場，充分顯示出港人應變力十足的生命力。但見這裡的出爐麵包幾吸引，找個早上來試。 很多人在門外等外賣，要坐進堂內，也不難找位置。要了個叉燒餐包，熱烘烘的，外邊脆，內裡的麵包較「立口」，叉燒餡是醬比肉多，也甚濃味；又要多碟齋腸，很彈牙，但毫不滑溜，其實不吃也會知，在這等地方，怎會有即拉腸粉？多也是交來的，下足麻醬、辣醬及甜醬，也不錯。加杯熱咖啡，埋單22蚊，已吃得飽一飽。有一點要特別提提的，這裡環境很一般，衛生情況亦然，坐得入來要預左的了。

怎樣吃羊腩窩才最滋味？我覺得就如是夜：北風呼呼的吹，在路邊吃著滾燙的羊腩窩，再加幾支大啤，人生一樂也。又開夜，要等人交功課至可以繼續下去，就拉了同事去吃點宵夜。適逢翻北風，氣溫徘徊在十一度左右，記得這裡早上賣腸仔蛋早餐，下午賣ABC餐碟頭飯，而晚上好像也有醉雞窩及羊腩窩的，就二人來試試。可能也因為天氣凍，室內坐滿，唯有坐在室外，不過有爐火相伴，也是坐到出面才有風味一點吧！要了個細的羊腩窩，兩碗白飯。先來一支大啤，靚姐姐說是日匯泉啤十蚊一支，也不理什麼泉，就來兩支。雪在冰桶，夠冰凍，沒有什麼啤酒味，不過可幸兩杯下肚，也有和暖感，寫意。細的羊腩窩份量也不少的，看來二人甚至三人也夠吃，用氣體爐燒著的，很快就滾燙冒煙了。羊腩是連皮的，用南乳醬炆過才拿出來的，都幾夠味，而肉質不算很腍，但不韌而幾有咬口。夾起熱辣的羊腩件，冒著燙熟咀巴的危險，呼嚕呼嚕的吃來，很有風味。除了羊腩，還有不少的腐竹、馬蹄及冬菇在內的，這些配料吸滿了醬汁，也很美味。二人吃一窩，相當飽足，亦暖在心頭。坐在路邊，環境當然很一般，這個要有心理準備。連白飯兩碗及大啤兩支，埋單一百有找，經濟抵食。

好少入源興午餐, 這裡坐得不舒服, 一般燒臘茶餐廳業式.食物上得快, 選擇亦多. 而且24小時服務, OT完, 基本上別無他選. 星期六放工, 有時兩點開始的下午茶餐, 幾抵食

廚房出單亂黎, 你可能叫個公仔麵等45分鍾, 有次仲谷氣, 叫涼瓜牛肉飯等左半粒鐘, 問佢竟然話未有單要等齊2碟先炒!! 真係火都黎埋﹐以後全中環食店無晒位都唔會再入去. 早幾日行過見到個亞嬸同個細路屙尿, 射正門口等候洗既杯碟, 佢地竟然若無其事!!!!!!!!!其實呢間野早期唔錯, 早餐做得幾好, 今日搞成咁睇怕遲早玩完。

13-10-2005為何這裏的食評咁差呢? 可能大家叫的食物不同吧! 通常我們會叫炸雞翼、燒賣同一碟炒粉/麵之類。隔了很久才來一次，為的是很想念燒賣與雞翼的美味，可惜發覺雞翼已經今非昔比了，希望燒賣不會是同樣吧!今次見到有新出品，以我的一貫作風一定會叫來試試的，我們叫了蒜椒香辣炒魚麵($45)，聽到魚麵這個字都幾吸引，但頗貴，不算大碟一個人也可吃掉。我估可能魚麵較貴，所以材料比麵多很多，初初還以為係青椒肉絲原來是叉燒、冬菇絲與火腿絲加埋黑椒去炒﹐唔會太辣﹐不會話太油喎! 而材料好似星洲料，魚麵唔錯幼細，有少少魚味﹐可能有黑椒食不到太濃的魚味! 這款幾有新鮮感。

兩個星期前來食過﹐話以後都唔會再來﹐言由在耳﹐上星期一個人兜落上環﹐本想求其搵間餐廳吃個午飯﹐但結果間間餐廳﹐包括金華和港式茶餐廳﹐都人頭擁擁﹐行過來發覺有位﹐便坐底繼續食我的切雞米粉加凍奶茶。我可以話﹐燒臘一次差過一次﹐雞肉好“骸”﹐份量又少﹐所以見到叫的人不多﹐多數人叫蒸魚飯、雙丸麵等等﹐凍飲就非常大杯﹐一定飲唔晒。坐的地方非常迫夾﹐檯係超細碼﹐裝修後光猛左﹐但座位同食物都差左好多。

以前都幾常幫襯﹐現在放眼世界﹐發覺好吃的地方到處都是。那天忽然想起﹐再專程過來﹐發覺原來裝修了﹐光猛了﹐同時價錢亦加了。沒有細心留意餐牌有沒有改變﹐只隨便地叫我慣常叫的燒肉切雞瀨粉﹐加凍奶茶。看上去好像沒有改變﹐但吃落便知一切已經唔同晒﹗係冇可能再好似以前那樣﹐咁我唯有講聲bye-bye ﹗

哈哈我都係今日先知道呢個Term. 同個朋友仔去茶記開飯,佢又係要"茶走"~ 我問佢點解..佢解唔到...