新港海鮮火鍋

營業中

休息中

小妹生日😍今日嚟到太子打邊爐😏好在有預左 估唔到閒日晚市都大排長龍 🤣香港經濟都唔係咁差姐😌嚟到緊係叫左孖寶 豬骨煲同象拔蚌刺身都係388超抵😍象拔蚌刺身好新鮮好鮮甜 所以我對佢嘅刺身好有信心，跟住叫咗三文魚同埋赤貝 個三文魚就瘦左d 因為腩位賣晒😆 赤貝堅新鮮即開 原全爽口鮮甜叫咗碟牛頸脊肉 肉質豐厚份量都大油脂分布正常平時唔食丸既我叫左碟黑松露芝士墨魚丸 出奇地覺得正 食落口芝心會爆出嚟 同黑松露好夾😋最後啤酒都好抵飲 大部份都做買一送一酒鬼岩晒🤭！．

呢間火鍋店，真的超出我的期望！！！海鮮超新鮮，又多選擇！我最鍾意嘅象拔蚌刺身同赤貝刺身。牛肉大碟又好吃，但真正的亮點是魚，如果你鍾意食海鮮邊爐，呢間絕對首選。火鍋湯底是用真正的豬骨熬製而成，你見到成舊骨仲係到！味道濃郁，非常美味。認真，我甚至覺得唔需要去中環阿咩姐到食，當然氣氛係唔同嘅，但呢間位於太子，唔駛一個月前網上預訂或排隊等候。仲要有好多雙併優惠 。我強烈推薦這家火鍋店，海鮮新鮮，牛肉美味，豬骨湯底是必試的。

今次揀呢間，原本係因為和班老友仔一齊搞個小聚，結果發覺食物出乎意料之外正。一踏入店，個香濃撲鼻嘅味道，令我即刻食指大動！我哋揀咗個豬骨煲同象拔蚌打邊爐孖寶；夾硬啲講，嗰個湯底真係鮮到喊出聲，豬骨熬得入味到！象拔蚌滑又嫩，一入口即刻知味道純正。至於哩碟手切雪花肥牛，入口即溶，彈牙得嚟唔肥膩，煙韌有嚼勁而且牛味十足。炸個魚頭骨椒鹽味，又香又脆，簡直無得輸！當然，凍天氣嘅食飯王道，我哋肯定係再消三兩碟牛呢，都係咁滑咁香！個整體食飯過程，就係舒服、熱鬧加上滿足三大要素一次過滿足到。蟶子皇蒶蚵訓得晒，大大隻飽滿得滯，嗌嚟啖啖肉！當然，梗係有啲不如意嘅地方，例如韭菜餃就真係只得韭菜味，冇乜新意。牛頸脊就贏晒，入口即化，完結飯局有杯牛奶布丁，香滑撲鼻至極，真係係咖啡店都攻唔到嘅水準。個體驗絕對係難忘，歸根究底，我一定會再嚟光顧！🌟🍲💯

同事生日當然要去打邊爐慶祝下啦😏星期五食飯一定要book 位。如果唔係食唔到飯架啦🤣🤣一黎就當然要食刺身啦。佢d 孖寶set好抵食象拔蚌刺身好鮮甜，爽口。正野。鱆紅魚刺身好大條，但唔知係咪食左象拔蚌先既關係。覺得無咩味。不過食下食下開始有鮮味啦。都好好食。個魚身仲可以做椒鹽。一食兩味👍🏻👍🏻食完刺身就打邊爐啦，豬骨湯底有4舊大豬骨。（唔記得影🥲）個牛係跟set 叫。但都好好味。好大塊好食🤤響鈴係即叫即整。炸魚皮一黎到唔洗浸湯都好好食，好脆。同平時d 魚皮好唔同。唯一缺點枱與枱太近。地方細有d 迫。咁岩隔離枱大叫好嘈。我地講野好似嗌交😅😅不過整體都係幾好，價錢唔太貴，食埋刺身請埋生日食飯都係$4xx太子黎講平啦🤪🤪

屋企人揀左係太子既新港火鍋食晚飯近地鐵站而且泊車方便小妹最愛既海膽同象拔蚌刺身配豬骨湯底（孖寶)當然要叫啦呢到既刺身好新鮮 所以鮮甜可口活鱆紅魚刺身之前都食過好好味不過今次賣晒所以叫咗第二隻魚🌟安格斯牛肉🌟推介❣️比起出面食到嘅好重牛味而且價錢唔貴👉🏻沙巴龍躉片👈🏻個人認為麻麻 因為好似有啲魚鱗同埋碎骨🌟牛胸油🌟超級邪惡但係值得一試✨屋企人話出面好少地方有得食 入口好香油脂味🫣🫣五個人食埋單大概2000 性價比高💗

新鮮海胆及象拔蚌都係靚媽至愛美食排行榜，排名在前五名位置的選擇，因揾食肥華呢個長期病患者，不獲醫管局轄下診所醫生括免，要被迫打抗疫針，肥華自知係金牌黑仔，所以在6月18日就專誠請靚媽到比店，食番餐有佢至愛食品嘅海鮮火煱晚餐，因自己知自己事，六合彩唔方有得做，但打疫針後一至兩週死云事例就是鐵一般的事實，所以肥華點都帶靚媽去食番餐開心晚餐，假若真係好嘅唔靈，醜嘅靈揾食肥華都帶少個遺憾走人，所以肥華特登揀番在此間慶祝和靚媽紅寶石婚的食店，來進行呢個別有意義的晚餐😘😘😘

太子 海鮮火鍋專門店🥰新鮮刺身 超級好食😋太子站C2出口, 步行約1分鐘❤️呢一間係屬於傳統港式火鍋🍲嚟緊天氣都比較凍😆最啱一班朋友打邊爐🤝呢間餐廳簡直啱晒呢啲天氣😳首先試咗佢呢一個孖寶$368- 象拔蚌刺身加豬骨湯底😋象拔蚌新鮮肥美🙂亦都比較鮮甜可口☺️另外入邊亦都有三至四舊嘅大豬骨🤭入邊亦都有骨髓😄超級好食☺️性價比極高另外，我哋都叫咗安格斯肥牛🙆‍♂️蝦滑😇芋絲😀非常好食😆仲有好多唔同嘅丸🤣同埋雞件❤️最後亦都送埋甜品🎁服務非常好👍🏻性價比極高。抵佢生意咁旺🎑可以再去一試☺️地址：太子大南街12號地舖餐廳名稱：新港海鮮火鍋🍲好去評分🎖(5個👍🏻為最好）- 環境：👍🏻👍🏻👍🏻👍🏻👍🏻- 服務：👍🏻👍🏻👍🏻👍🏻👍🏻- 價錢：👍🏻👍🏻👍🏻👍🏻- 推介：👍🏻👍🏻👍🏻👍🏻

平時打邊爐都係去連所店打，自從加入左火鍋關注組，就開拓左我既眼界。同男友一齊去食，門面簡單係傳統港式火鍋店，主打「平，靚，正」路線。我地無book位，我地食5:30所以有位，8點交枱。叫左個優惠孖寶HKD348新港豬骨煲一個+北美象拔蚌（約斤半至兩斤）嘩！煲入面有3至4大舊豬骨，4-5舊粟米，蘿蔔等等，真材實料，我地都食晒d豬骨。象拔蚌新鮮爽口，男友食唔停口，一大半俾佢食晒。隨後叫左安格斯牛，鮮鵝腸，原味韭菜，黑松露蝦滑，牛柏葉，花雕雞子。安格斯牛好好味鵝腸都幾好，其他ok。唯獨黑松露蝦滑同花雕雞子有少少失望，黑松露蝦滑同花雕雞子未煮熟之前好香，熟咗就無左黑松露同花雕味。最後仲有埋椰汁甜品。會再有下次。要讚讚佢地，服務都好好，有人情味。

唔知食咩既時候、朋友又要分開唔同時段到，最好選擇就係打邊爐。上次食過一次，之後想再食訂唔到位，今次早兩個星期就訂定先。火鍋湯底叫咗豬骨湯加刺身象拔蚌，套餐嚟嘅，抵呀！湯底好足料，豬骨都好多舊👍🏻叫左魚頭、脆腩、手切牛肉、筒蠔、炸響鈴、叫咗份三文魚刺身，有哂攞盆，不過不失。食物全部大大份，抵食。牛肉有咬口、有牛味脆腩好新鮮。炸響鈴好大份，又唔會成口油，推介。全場爆滿，不過啲服務姐姐都好好態度，真心讚👍🏻絕對可以再食過。

📍新港海鮮火鍋📮太子大南街12號地舖.三日唔埋兩日就打邊爐, 腦海裏面當然有好多間出色嘅火鍋店啦😏新港絕對係其中一間隔一排就有朋友會叫我去食嘅火鍋店.新港係傳統港式火鍋店,主打「平, 靚, 正」親民路線, 我相信食過嘅人都唔會反對我咁樣講.優惠孖寶*HKD348新港豬骨煲一個+北美象拔蚌（約斤半至兩斤）優惠孖寶*HKD368沙巴龍躉一份+頂上手切牛肉一碟千層響鈴鮮鵝腸原味韭菜餃手打鮮蝦滑娃娃菜唔好話我hard sell, 因為真係樣樣都好好味😋第一個孖寶, 必叫👍🏻平時出開去打邊爐叫象拔蚌都知唔止呢個價錢, 所以個豬骨煲基本上係送俾你😳最值得一讚係佢無將貨就價, 煲入面有3大舊豬骨, 4-5舊粟米, 蘿蔔等等, 新材實料, 食之前記得飲啖湯, 鮮甜足料唔油膩, 而象拔蚌新鮮爽口, 食唔停口, 唔好掛著影相, 小心手快有手慢無😆第二個孖寶, 見今次同行既朋友仔都鐘意食魚, 所以叫埋黎試下, 又真係勁抵食, 1大盤沙巴龍躉, 1大盤手切牛肉, 真係4個人都無唔晒😌沙巴龍躉切左薄片, 淥2-3分鐘已經食得, 啱晒啲心急無耐性嘅人, 食落肉質嫩滑, 好有魚味🐟手切牛肉無得輸, 好有嚼口, 應該

7月16号是小弟將靚媽私有化，四十週年日子，知靚媽鍾意食，象拔蚌及海胆，所以選擇了位於太子港鐵站，附近的新港火煱店食晚飯，慶祝這個紅寶石婚日子，當晚我俩柯打了一個火煱孖寶，有斤半左右的象拔蚌一份，另加一份海胆刺身，一碟大牛肉，水餃及，蔬菜籃這些火煱食材，總結當晚每樣食品都Ok，象拔蚌及海胆刺身都夠新鲜，牛肉和個豬骨煱亦係水準之作，水餃及菜籃就一般較好火煱店貨色，此火煱店以海鮮作為賣點，喜愛用呢類食材打邊爐嘅朋友，可到此店一試

一行6人，唔知食咩，打邊爐一定唔會錯。有食齋、有唔食牛，各式各樣一樣滿足到。叫咗半份象拔蚌刺身，加多少少錢就跟一份刺身拚盆，包括有三文魚、帶子、劍魚、原隻赤具、北期貝、喜靈魚⋯⋯象拔蚌半份都有好多，新鮮、好味。刺身都夠鮮味。叫咗海鮮湯底，有好多隻蝦及花甲，仲有好多菇菇一起。肥牛、肥瘦適中，有口感。豬腩片，有肥味，好食炸魚皮，出色，大大片又唔會油淋淋。鱔片，正常味道。菜肉餃子，大大碟、大大粒，都好新鮮。蔬菜都好大份、綠油油。最窩心食飽送你奶凍甜品一份，正。食物質量好、服務員態度唔差，有禮貌，難怪6:30已經有8成以上入坐率。

3/5象拔蚌刺身套餐價格非常底，牛肉，龍躉魚片(有點魚鱗)都幾好。呢啲價錢打邊爐先合理，食物大部份都好。見花雕雞子幾特別，就叫嚟試吓，答案係冇花雕味的。野生竹笙超大棵，但係可以用難食嚟形容。豬嵐片肉味超濃香，但係真係肥得滯。(Google translate)The geoduck sashimi set meal is very low price, beef and dragon fish fillet (a little fish scale) are very good. The price is reasonable first, and most of the food is good. Seeing that the Huadiao Chicken is so special, I called it a test, and the answer was not like Huadiao. Wild bamboo fungus is very large, but it can be described as hard to eat. The pork flakes

朋友生日，想食打邊爐同埋海鮮，所以揀咗呢度。聽到佢啲海鮮魚生刺身平靚正，試一試佢先。未人齊我哋帶咗三個小食，「脆皮牛腩」，「椒鹽豆腐」，同埋「炸魚皮」。「脆皮牛腩」— 太薄啦完全好似食緊粉漿咁，聽講以前冇咁薄🤦🏻‍♀️椒鹽豆腐 - 正炸魚皮 — 👍🏻食到咁上下人齊當然開波啦！豬骨煲嚟啦🤣話咗黎係食海鮮刺身，又點會少咗佢哋呢😍象拔蚌刺身 - 新鮮鮮甜好味😋原版加拿大海膽 - $2xx堅抵！新鮮好味😋魚刺身 - 好味😋太好食黎多個🤣黎返D正常打邊爐嘢食先！點少得牛肉呢🤣當然仲有其他丸同餃啦！全部都好好食！有下次👍🏻

其實去依間新港火鍋，已經去咗好多次，今次要寫個食評表揚一下話說我幫襯左佢都有三年以上，無論食物質素、服務態度，都一樣咁好咁今次我又係食佢哋嘅孖寶，孖寶就係象拔蚌刺身加豬骨鍋，食咗起碼五次以上都係食依一個孖寶，非常之失禮到琴晚先至發現原來可以唔要豬骨鍋改其他同價錢嘅鍋底，或者補回差價叫啲更貴嘅鍋底...咁我同女友就即刻馬上改咗要滋補雞鍋，因為我同佢都係唔食豬骨嘅...再點左都係例牌嗰啲蟹子墨魚滑、安格斯牛、炸魚皮、萵筍象拔蚌刺身保持鮮甜，安格斯牛我覺得係最有牛味嘅一款牛，炸魚皮爽脆，萵筍有少少老少少渣，不過影響唔大三年來保持水準，會繼續支持，遺憾係琴晚無心太軟甜品