新港明珠海鮮酒家 (已結業)

對比明星同豪庭都會呢間酒樓係筲箕灣中最平的一間不過食物質素方面其實唔輸蝕比其餘2間酒樓例如炒米粉,其餘兩間的表現就一般,不過呢間就勝在料多同爽口,好想叫多碟而燒賣蝦餃亦都好新鮮,好爽口而且有糖水可以點,為週未的一餐早茶加上完美的句號不過環境同衛生方面就真係比較差,環境方面有一點點擠迫,而且可以而清潔方面,有一次上左酒樓的三樓(之前好少開放)食食下見到大大隻小強在附近走,令我成餐都提心吊膽,而服務其實只係一般,有時會漏單以這種價錢來說,雖然其不足可以接受,不過如果清潔方面再更重視的話,一定可以同那2間大集團酒樓爭長短

之前老友父親牛一, 其他好多食肆都試過, 就試下呢間拉, 叫左好多送, 仲係魚缸揀左条班, 因為好抵, 才二佰幾好大条, 不過個waiter 好努力咁推介最好兩食, 我地好想清篜, 但佢都堅持應該兩食(抄球& 蒜泥蒸骨腩,魚云)!老人家生日,開開心心, 又係弟一次黎, 順下waiter 介紹,...........點知,菜遠抄球一般(唔新鮮), 蒸骨腩仲大wor, 梅梅攔攔,直投係雪藏野, 真係過份!!!新鮮海魚經常食,未見過咁衰,老友唔想激壞老人家, 保持氣紛, 只食其他送, 食完就走, 大家共識" 以後都唔會再黎食"!!

其實差唔多每個禮拜都會幫襯一次，最近果2 次真係差左.. 唔知點解.. 唉~~腸粉、鳳爪、雞扎、乳鴨都差左奶黃飽、蘿蔔糕、燒賣就無變

見到新港明珠有record, 點都要留番幾隻字.其實都開左幾年.就在電車總站側.呢間茶樓是我家的飯堂. 每個禮拜都會在這兒飲茶.有三層, 地方比較小.但點心真是好好味.價錢仲好平.下午茶時段更抵.員工都好好人.講番野食, 最好都是流砂奶皇飽...d奶皇真是流出來的.燒賣大大粒, 腸粉就一時好一時好普通啦.很多點心都有蝦的..d餃, 腐皮卷等等都是..這兒的千層糕和鳳爪我都很喜歡.

多數同屋企人黎呢度飲茶，款式多，味道唔錯又抵！難得星期六mummy 又o係度，同佢2 個人黎左呢度去飲茶！(我地多數去呢度同迎福，因為抵！)平時無咁迫爆，但可能因為落雨，所以等左45 分鐘先有位，同mummy 講過不如食其他，但佢又唔肯走！所以，唯有照等！呢度既茶幾好飲(如果我同daddy 去飲茶呢，佢會嫌人地d 茶唔靚、自己帶埋茶葉叫人沖)，不過呢間佢就唔會，所以都ok。黎呢間我多數都叫淨菊花。因為得兩個人，所以叫唔到多。點左鳳爪(mummy 至愛)、煎腸粉(mummy prefer 煎)、叉燒腸(我prefer 蒸)、燒賣皇、糯米雞、雞扎、香脆龜苓膏。鳳爪屬一般質素！腸粉水準高(蒸/ 煎都掂)，燒賣、雞扎okay，糯米雞好大隻(其實無食到原隻拎左返屋企俾細佬，不過係幾好食的)。香脆龜苓膏呢個好好笑，因為本身我係見龜苓膏都係中點，所以叫(果陣無留意到"香脆" 二字)，佢送黎果陣我都唔知果碟係咩！但明明自己有叫，唔係自己諗咁都要要架啦。佢外面就係炸到脆一脆(好似油利蘇既外貌)，外層味道好似炸雲吞咁脆，入面就好似蘿蔔糕咁樣(但想像係龜苓膏既味道)。就係咁亂打亂撞試左呢樣！呢度既點心款式真