新港中心美食廣場 (已結業)

塊牛又硬又難cut, d 意粉一d味都冇( 唔用牛油at least都用鹽tall tall水啦)食左一舊之後全部無再食! 垃圾之中既垃圾( 大家樂重好食過佢) 唯一可取係個gravy, 但唔通只係食佢d汁咩!?唔信大家可以試下!

將太餃子, 皮薄餡靚, 滿足之選!!ps: 銅鑼灣times foodcourt 都有間!

二人晚餐, 食左越南果個counter 同埋香辣屋越南: 豬頸肉凍檬$36 配柚子蜜茶, 豬頸肉好爽, 大大片好有口感, 同埋碗野都有番咁大碗.香辣屋: 泰式炒金邊粉同埋中國茶, 都係$36. 外層個蛋膜煎得好香, 金邊粉酸酸甜甜地幾開胃, 配以雞肉.

(18/3)而我則選了新加坡counter的食物：蝦醬雞翼湯河，附送汽水。湯底是可以的，沒有太多味精，而闊河粉我很喜歡吃，很煙韌，有咬口，雖則河粉是頗油膩，偶爾吃吃也無妨。而它的蝦醬雞翼，香口，蝦醬的味道與雞翼是配合，幾好味。吃完後還是要繼續逛街，諗起對adicolor又真係幾靚，但又好貴。

(18/3)剛和朋友於新港逛街，原想去海防道熟食市場，不知是行錯還是其他原因，很骯髒，結果和朋友於新港city's super food court坐坐，她於泰式counter叫了個牛丸湯粉絲，附送油菜及汽水。我試了她的牛丸及粉絲，湯底清清地，牛丸是大大粒，但有些粉，不是太出色的食物。

尋晚同朋友黎左呢度share一個韓式牛肉雜菜鍋飯，我覺得都ok喎，牛肉唔韌，D醬汁又甜甜地咁，而且都好足料！不過如果D飯有多D醬汁就更好喇。連我個朋友都話好少可以o係food court食到D唔難食仲幾ok既野tim！

呢間食店一向都唔算好好,只係fried food 吸引到客人光顧ja, 我試過食curry rice都唔好食ga, d 飯好"諗"放o左好多水一d 都唔似飯,去佢opposite的curry 大王好好多,又有正宗india pizza食

今日口淡淡, 想食d香口野, 所以o係味吉打包左件炸蝦漢堡返家o係晚飯加餸. 塊漢堡好厚, 問店員時佢話係蝦肉撈薯蓉, 以為似薯餅, 但係食落發覺佢成件都係蝦膠加蝦肉粒, 好彈牙! 而且炸得一d都唔油, 面層仲好脆! 不過略嫌淡味左d, 要勁點tonkatsu醬!

上星期睇左本關於蠔o既書, 先知道原來蠔係可以補腦o既, 古時法國o既皇帝每次設宴招待學者, 都迫佢地一次食幾打蠔補腦! 見有咁好功效, 我呢個日式炸蠔癡又點會唔乘機食多d!o個日經過尖沙咀, 見到新港中心o既味吉而家供應埋炸蠔, 一客兩件$18, 就即刻買左客, 再加一客炸豬柳(都係兩件), 當下午茶. 炸豬柳以前已經食過, 依然炸得幾有水準, 只係有豬柳o既通病--瘦左d, 所以較鞋口. 至於個炸蠔, 質素同元綠差唔多, 無魚一丁咁juicy, 但係都唔腥有鮮味, $18算食得過! 下次會再翻炒!

尋日o係尖咀行街途中過黎歇一歇, 食d野充下電.兩個人, o係味吉叫左兩隻吉列炸蝦同一份吉列豬柳(兩小塊).兩款炸物都係即叫即炸, 即刻加分! 一咬落去, 脆漿唔厚, 真材實料, 炸得唔算油(當然唔可以expect 佢完全無油啦), 雖無同集團tonkichi o既炸物相比, 但係價錢係tonkichi o既四分一都唔駛, 有咁o既水準, 值得再光顧!

約了友人在尖沙咀交收物件,完成前,已經肌寒交迫,因此完成後,急忙道別,便去找點吃的,基本上本人不太愛在週末或假日去找吃的,到處也人頭湧湧,海港城與新港的美食廣場也難逃此境況,據以往經驗,新港的是較易找位置,雖然好想試試富久保,但仍是去了新港那邊,果然不出我所料,這類人流較稀.本來心目已有一兩個目標,但奈何長崎良美,因此選了味吉的中價食物-----吉列豬扒三文治($28).跟飲品一杯,付款後,也不用等太久便有得吃了.食物賣相也不錯,首先和它來個影像留念先,之間便吃一口,噢!已經可以用八個字去形容它了,“金玉其外, 敗絮其中”, 麵包很乾和硬,像在吃隔夜麵包似的,幸好豬扒加番分數,雖不是熱辣辣,但也帶點脆口,豬扒未至於好硬,不過就無咩肉汁,因為麵包難以下嚥,因此只吃了豬扒,生菜,番茄和青瓜,吃罷似沒吃過什麼似的,差不多三十元食塊豬扒,今餐真係貴夾唔飽!!

雖然只係food court，但自從唔比人食煙，對非吸煙者來說當然好。其中我最愛韓同日本咖哩。節食時食小D野就合晒我。中華料理店，左Muji右面，吉列店同日本咖哩都在中華料理的大對角。醬油湯底韓國牛肉雜菜粉絲煲，跟白飯一碗走飯都夠食。

以前新港中心地庫的美食廣場環境較差，總是令人提不起勁吃東西。自易手後，耳目一新，感覺較以前舒適，可以一試。 <br>「鹿兒島」以賣「黑豚肉」馳名。黑豚肉拉麵 <br>$56，並不便宜，所謂黑豚肉，並不覺得特別好吃，只是較有咬口、味道有別一般豬肉而已；而且麵質較腍，沒有咬勁，湯底濃得來亦有味精之嫌。有點名大於實的感覺。 <br>隔鄰「達磨」專賣弁當、飯團。看似是招牌貨的「達磨精選定食」$48，有煎三文魚、煎帶子，另有麵豉湯、蒸蛋等，夠份量，惜味道不是太特出，只屬一般。 <br>下次有機會試試其餘的檔口，看看水準。 <br>