新泰東南亞餐廳 (馬鞍山廣場)

營業中

休息中

馬鞍山新開左間泰國餐廳，朋友成日話馬鞍山餐廳選擇少，既然有新開的食店，當然要去試一試新餐廳的水準。餐廳環境富有泰國特色，擺有多款泰國裝飾，充滿泰國風情。睇下餐牌食咩先，食物種類都幾多。我地左揀右揀，最後揀左馬拉盞通菜($75)，馬沙文牛腩($88)，泰式蝦炒金邊粉($108)，泰式炒青口($108)同埋鐵板蠔仔炒蛋($98)，飲品就揀左三色冰($38) 同埋泰式奶茶($25)。等左一陣，食物就送上了，馬拉盞通菜($75)鹹香可口，微辣惹味，通菜新鮮爽脆。馬沙文牛腩($88)咖喱香濃，牛腩夠入味，煮得夠淋唔會太韌。很喜歡這個馬沙文牛腩，惹味得黎滿滿椰香，唔會太辣，味蕾一大享受，推薦俾怕辣的朋友。泰式蝦炒金邊粉($108)賣相一流，格仔蛋花包住d金邊粉，人未食相機先食。泰式蝦炒金邊粉分量足，味道酸甜相配，不錯。泰式炒青口($108)，本來我地揀左泰式炒花蛤，不過侍應話今日花蛤質素一般，建議我地轉青口。幸好有聽侍應的建議，青口超肥美，大大隻啖啖肉，泰式炒青口，出奇地夾，好味道！鐵板蠔仔炒蛋($98）炸炸聲上枱，熱辣辣夠香口。極力推薦這款鐵板蠔仔炒蛋，蠔仔肥味大隻分量足，蛋身香口夠滑，仲有少許

人稱美食沙漠嘅馬鞍山，估唔到會有媲美土瓜灣泰國街嘅泰國菜食。裝修好有泰國特色特別係泰國布藝卡位最有驚喜係一入座有杯暖水。非常貼心又係例牌食一啲去泰國餐廳必點嘅美食。每次去泰國餐廳一定會是冬陰功湯。酸度甜度辣度都啱啱好。唔會好似一啲泰國餐廳一係辣得滯一係甜得滯。海鮮有蝦青口魷魚都算多海鮮種類。值得推介冬陰功湯。菠蘿炒飯都有滿滿嘅肉鬆仲有腰果係表面每粒飯都有菠蘿嘅香甜味最尾我老公連入邊嘅菠蘿肉都刮埋來吃。真係原隻菠蘿炒飯影真好味。迷你椰菜仔真係唔係度度有每一粒都好有咬口唔油膩。串燒拼盤真係抵食，每一寸都係啖啖肉。個醬汁就不過不失都係一般泰國風嘅沙嗲醬。最後老公加點咗個咖喱軟殼蟹好鬼正軟殼蟹啖啖肉配埋野味嘅咖喱汁趣卜卜嘅麵包真係食過返尋味。原隻椰青海菜糕。這個我推介好清甜好味最啱最後甜品食清爽嘅海菜入邊夾雜新鮮嘅椰青肉。鮮甜清新為一日嘅晚飯畫上完美句號。

早排先同朋友食完泰國野，覺得幾好食，搞到又心郁郁想食返泰國菜，見呢間新開泰國菜未食過，所以就黎試下新野。睇佢MENU都幾吸引，最後同朋友點左 馬拉盞通菜($75)、泰式蝦炒金邊粉($108)、鐵板蠔仔炒蛋($98)、泰式炒青口($108)、馬沙文牛腩($88)、泰式奶茶($25)、三色冰($38)馬拉盞通菜：少少辣辣地，夠惹味，差唔多每次食泰國菜都必點之選馬沙文牛腩：呢個係泰式咖哩，但因為有加入椰奶煮嘅關係，所以唔會太過辣，少少椰香甜味，而且個味道都幾濃厚，牛腩都煮得夠淋同入味裡面都有D薯仔，不過稍微硬左少少泰式炒青口： 呢個算係隱藏MENU皆因本身係得 泰式炒花蛤，但職員話今日花蛤麻麻地，所以建議幫我地由花蛤轉做青口，都幾細心佢呢到D青口每隻都幾大隻下，配合埋佢秘製嘅泰式醬黎炒，真係一流泰式蝦炒金邊粉：呢個一上菜時都幾靚仔，用蛋整成網狀咁樣包住金邊粉金邊粉炒得夠乾身，唔會痴埋一舊，味道酸酸甜甜，再吱埋青檸汁撈埋花生碎黎食，認真開胃蝦唔算多，但勝在好味兼新鮮彈牙影張合照先鐵板蠔仔炒蛋 ：呢個等左DD時間先上菜，因為佢鐵板上時熱辣辣出晒煙，不過下面加左D芽菜喺底，咁就唔駛驚會過燶。食落去

臨近聖誕，好多朋友外遊，我選擇留港消費，當然要搵朋友聚下，近日好掛住泰國美食，美食沙漠都有選擇既泰式蝦炒金邊粉這是我每次泰菜必點的，外層有蛋皮，造型有新意，金邊粉甜，蝦煎香又爽，配搭花生醉和青檸，酸味醒胃，多重口感香芒軟殼蟹米紙卷香脆軟殼蟹，配上米紙卷減油膩，配搭香芒醬更清新青檸梳打酸酸甜甜解渴又消滯三色冰椰汁香滑，三款配料爽口，冰凍解渴泰式沙嗲串燒（豬/牛/雞）牛肉入口有咬口，雞肉嫩滑多汁，豬肉嫩滑，沙嗲味濃郁泰式菠蘿炒飯炒飯乾身，蠟腸、腰果、三色豆令口感更豐富，菠蘿有好多果肉，配合食清甜又消滯芒果糯米飯白糯米和黑糯米合併，椰汁香甜味濃，芒果清甜職員友善，上菜速度快，環境乾淨企理下次會再來！

入去食呢間嘅時候，環境尚算OK。但係叫完食物後，佢同我講可能要換位。但係食物到了，他才叫我換位，要我移走啲食物，我先唔肯。其次，食物好凍，食唔落口（冬天）。唔係特別好食，細份，好貴。

朋友話馬鞍山無好嘢食，有美食沙漠之稱，咁啱我要過去做野，上網睇下係咪真係無乜野食，睇到Openrice 依間的食評挺不錯就預早訂位試下。入到去環境很有泰國的味道，2排齊整的卡座很寬敞舒適，店員安排了我們坐卡座，每排有2個咕臣，作靠背用很貼心。食物款式很多，餐牌設計也算精美，點左幾款心水菜式，包括冬蔭功湯、串燒、春雞黃飯和馬拉盞通菜。冬蔭功湯($78)泰國香茅香葉味濃，帶有微香椰汁味，酸和辣的比例恰到好處，2隻蝦肉彈牙，高質素的冬蔭功湯。串燒沙爹-雞牛豬($88)肉類醃得入味燒得好香，不用點附配的沙嗲汁也夠美味，最好食係豬肉，肉嫩不會嚡口。泰式燒春雞釀香茅黃飯($188)燒春雞細細隻燒得微脆，脾和背部皮脆肉滑，特別讚讚甜酸汁是以梅製成，沾雞肉原來很夾，及以泰國香料炒香黃飯，每一啖飯都係泰國的味道，兩者相當合配。另外配上酸酸甜甜的沙律，越食越開胃。馬拉盞通菜($75)通菜炒得夠鑊氣，可惜馬拉盞偏咸，下次可以叫少咸會好些。整體來說好有泰國的風味，算是馬鞍山美食沙漠中的綠洲，下次約多啲朋友可以試多幾款。

在馬鞍山返咗兩年工，食嚟食去都係那幾間店，最近發現商場新開了幾家店，其中「新泰」是其中一家⋯⋯不過，有機會是因為它位處商場最角落的地方，所以一直都無為意！但姑勿論係咩原因，上幾星期發現後，就一直想去試下，今日終於等到同事一起返工，可以去試下新店！去到發現，原來佢有午餐，個價錢都又幾合理的，75元包飲品，一於試下海南雞飯和青咖哩雞，然後加咗一個前菜的豬頸肉沙律，同同事share食！青咖哩雞飯有驚喜，個咖哩好香好好味，白飯夾住食好得，海南雞就一般般，但個沙律好出色，只食青木瓜沙律的我，現在又多個選擇啦！飲品都係正常⋯⋯食得開心就叫了個甜品拼盤，兩個人每人每樣一件，都剛剛好⋯⋯日後又可以再嚟食過，值得推介的餐廳！

聽過新泰呢個名好一段日子，一直無去試下，最近馬鞍山開左新分店，見門面幾光鮮，一於試下。以前以為新泰只係食泰菜，原來全名係新泰東南亞餐廳，其他東南亞菜都有得食。椒鹽軟殼蟹一黎到已經香氣撲鼻，炸得金黃香脆，無多餘油脂，食落似避風塘風味。蠔仔炒蛋用鐵板上，熱辣辣出晒煙，一路食都保持到溫度。蠔仔又多又大粒，好鮮甜，無沙無異味，點d辣醬更惹味，揭開底部有芽菜墊底，都好好食。串燒沙嗲一客有六串，豬、牛、雞各兩串，唔會燒到乾晒，唔韌，保持到肉汁，沙嗲醬亦夠濃稠，香而不辣。燒春雞好香，火喉剛好唔會燒到變老雞，內裡ge香茅黃飯先係精粹，盡吸燒雞精華，食到一粒都唔放過。食左咁多好野，最後飲椰青水清一清，椰青水相當清潤，刮埋椰青肉一齊食，簡直雙重享受。

住馬鞍山咁多年，一直都唔易搵泰國嘢嚟食，始終真係無咩選擇。不過前排先知原來係馬鞍山廣場入面有間叫「新泰東南亞餐廳」，收工一於約埋個friend去試一試！🤪平日晚飯時間，雖然未去到門口要大排長龍，但入面其實都full要等一等。而餐廳入面好寬敞同舒適，坐低慢慢諗食咩好都未遲。鐵板蠔仔炒蛋 $98份量好大，兩個人食嘅話預有少少多。呢款係我去泰式餐廳都經常會叫嘅一味菜，而呢間煮得好好味，蠔仔好大隻又夠多，仲要炒得嚟一啲都唔乾身！椒鹽軟殼蟹 $78係避風塘嘅味道！😋軟殼蟹炒得好香口，相對較為濃味。同埋軟殼蟹即使唔算好多，但以呢個價錢嚟比都算合理！泰式燒春雞釀香茅黃飯 $188燒春雞送到上枱後店員再即場切開，香噴噴熱辣辣嘅黃飯再湧出嚟～燒春雞肉好雛，而且因為要釀飯入去，所以春雞入面嘅骨都去晒，啖啖肉！串燒沙爹 $88串燒共有6串，雞牛豬各2。好適合多人share食！沙爹醬甜甜哋，串燒本身亦有醃好，就算無沾沙爹醬都好有味～今次人少，叫唔到太多嘢食，所以無點到咖哩同印度薄餅。下次有機會都要試吓佢～😋椰青 $45去得泰國餐廳，當然要飲原個椰青！非常清甜解渴同解辣！不過呢度飲品選擇都算幾多，下次食可以試吓

話說今日老婆話唔想煮飯咁就去馬鞍山睇吓有咩好食老婆話想食泰國菜，跟住就search下OpenRice發現有間開咗唔係好耐嘅泰國菜咁就試吓啦環境非常舒適唔會坐得太迫Menu入邊都好多選擇，見到有軟殼蟹即刻就order麵包焗咖喱軟殼蟹，軟殼蟹炸得好鬆脆，個麵包炸得都好脆一唔會好硬。咖喱好惹味，唔會太咸。冬陰公湯海鮮金邊粉，非常足料青口超級大舊，金邊粉唔會煮得太林，冬陰公個湯底夠辣又唔會太酸真係好食過九龍城嗰啲泰國餐廳。菠蘿海鮮炒飯，個菠蘿好大嚿好鮮甜，炒飯肉鬆非常夾，又唔會炒得太硬。串燒拼盤有雞有豬有牛，唔會煮得太熟，肉非常嫩口。價錢又唔貴非常抵食$78有六串椰菜仔煮得非常好食蒜蓉味好夠甜品就叫了椰青大菜糕，好特別，椰青味好夠。

下午茶時段去，係門口無職員，想攞位都攞唔到飛。等左十幾分鐘嗌到飛，入去坐低嗌完野食，講麻煩要兩杯水，好聲好氣咁前後問左3次，每個侍應都唔出聲又唔應機，最後個位仲大大聲咁惡返話：唔夠人，跟住又走開，之後再問另一個即係成第4次先有。叫左個海鮮焗飯，我地都知係需要耐少少，但其他野食到齊晒，都無黎焗飯，等左一個鐘後問佢落單未，侍應又係聲都唔應句，我地唯有行過去廚房問先話落左落左焗緊。未試過食到咁嬲，唔好意思一句都無聽到，十問九唔應就行開，未食已經飽到成肚氣。等到焗飯黎到，太焗氣，直接叫佢外賣走。

馬鞍山某商場新開不久的泰國餐廳，裝修靚、座位也舒適，而且不用等位。見有午市套餐，所以決定一試。點了泰式海南雞飯，賣相算不錯。套餐有冬瓜湯、蒜蓉炒什菜、雞、油飯及餐茶，份量很足夠！冬瓜湯味道不錯，淡淡胡椒味但不會太辣，什菜炒得很惹味鷄肉味道尚可，油飯算幾香，不過較濕和較淋。提供了兩款醬汁，薑蓉正常，我較喜歡麵豉醬，微辣不太咸！餐飲我點了熱檸茶，味道正常。另外，餐廳收加一服務費，但午餐12:50前結賬有九折。午餐這個價錢對我來說略貴了點，不過間中一次也無妨！

餐廳位置比較隱蔽，係商場角落位都搵左一陣。餐廳環境唔錯，仲有d泰文燈，唔知個燈意思係咩呢坐低後，職員都好細心咁俾左暖水，岩哂有d涼既天氣。今次因為好肚餓，所以2個人叫左5個餸。分別係生蝦、細嘅冬蔭功湯、鹽焗烏頭、馬拉盞通菜同叻沙米線。生蝦上面有辣椒碎，怕辣既朋友食前可以拎走。生蝦肉質彈牙，點埋個汁就更加惹味。鹽焗烏頭上到黎熱啦啦，打開魚皮見到俾多幾多香茅。魚肉滑，想更有泰式風味可以點汁食。餐廳冬蔭功有加椰漿，個湯第一啖係甜甜地，之後係冬蔭功辛辣同香料味，有2個層次湯料又幾足，好味。馬拉盞通菜都食過好多次，一般食泰菜都會叫。今次呢個菜鑊氣足又惹味，水準唔錯。最後係呢個叻沙米線，不過黎到我都食飽左，交左俾老公食，好彩無浪費到。餐廳水準唔錯，可以下次再食過。

話說馬鞍山廣場一帶而家都開左好多新餐廳，都算係逐漸搣甩美食沙漠依個名號。不過唔知點解，依度都已經有好一段時間冇泰菜餐廳進駐，攪到想食泰菜下下都要出市區。但係原來商場新裝修之後，開左一間都算幾大嘅泰菜餐廳。我見好似佢開左咁耐都成日有人等位，就趁今日早去到，未有太多人就去試下。今日早來到，避開左晚飯人潮。一個人獨霸一張卡位，非常舒適。因為過黎買野只有一個人食個Quick Dinner，所以只係叫左3樣野試下，分別係小拼盤(即係炸蝦餅同炸魚餅)、燒牛柳沙律，同埋一個細冬蔭公湯。首先黎係泰菜考牌菜冬蔭公湯，一客細的都算幾多。有成隻開邊大頭蝦，同埋好多雜菇同香茅香葉，幾足料。湯嘅質感係幾濃郁，唔會好水好淡咁。入口好香但唔太辣，合格有餘。再黎係小拼盤，即係炸蝦餅拼炸魚餅。話說我個人係好中意食泰式炸蝦餅同炸魚餅，所以每一次都要糾結究竟叫邊樣，依度有得咁樣叫雙拼，就實在太好喇！蝦餅同魚餅都係新鮮炸起。蝦餅外表微脆，咬落彈牙，有蝦嘅鮮味。唔會好似食擦膠，又唔會好多粉一劈咁，好。至於魚餅，香料落得足，一口咬下，有肉汁不會太乾，有檸檬葉嘅香味，又有爽脆嘅豆角粒加強口感，正。再來係燒牛柳沙律，沙律中嘅牛肉、蕃

朋友介紹這間在馬鞍山開了幾個月的泰國菜，我未試過，心諗在馬鞍山的泰國菜館，究竟是什麼水準？一行四人，特登入馬鞍山試菜。這間店在蕯利亞附近，蕯利亞門口一如既往，有長長的人龍，它卻零人等候，我的心即刻冷了一截。幸而入門口立即見到店舖裝修有特色，富泰國風情，餐具亦十分雅緻，正！！餐牌選擇多，我們挑了越南烤蔗蝦（$78-）丶泰式去骨海南雞（半隻）（$128-）丶麵包焗咖喱軟殻蟹丶泰式炒椰菜仔（$95-）及泰式菠蘿炒飯（$118-）。蔗蝦先上，蝦肉尚算多及新鮮彈牙，不似一D菜館的蔗蝦咬落似一舊粉團。它亦炸得香口，完全合格有水準。我食完蝦肉還貪玩的咬幾啖竹蔗，竟然有清甜蔗汁，yummy! 😋😋😋海南雞半隻望落份量很足，鷄已起骨，肉質無比嫩滑。這個海南雞不肥，食落有鷄味，啖啖肉，很好味。👍🏻👍🏻👍🏻麵包咖喱軟殼蟹可以一菜多食。首先它足足有一隻蟹，軟殻蟹炸得脆脆，點咗咖哩汁，脆中帶軟，十分好味。這個咖哩汁稠度剛好，不會太稀，點麵包，又是另一種食法，香濃美味，只食麵包，都已經飽咗一半。😋😋😋👍🏻👍🏻👍🏻泰式炒椰菜仔亦好味，不單止份量足，菜仔樣子QQ的，可愛。菜亦很新鮮，健康美味。👍🏻👍🏻👍🏻泰式菠蘿炒飯