新泰東南亞餐廳 (馬鞍山廣場)

營業中

休息中

假日約左朋友仔食午餐聚聚☺️馬鞍山既商場最近開不少新餐廳，我地搵到呢間新開泰國菜試一試我地下就兩點幾入去，禁岩兩點半有下午茶，可以有午市套餐8折🥰門口有消毒酒精，可以先消毒雙手👍🏻環境幾大同有落地玻璃對住公園景幾舒服叫左個沙爹串燒配糯米飯肉串燒得好香，個醬汁酸酸甜甜同串燒非常夾😋食完熱氣野再食反個清清地既沙律好清新冬陰公海鮮炒飯第一次食用冬陰公整既炒飯，份糧都幾多😂海鮮亦好足料，不過冬陰公既辣多一點就好了

呢排變做ｈｏｍｅ office,做到好悶呀，決定出黎抖下氣，約朋友食個晚餐，要搵啲濃嘋野刺激下。即刻飲杯青檸梳打爽下先，少少酸都幾醒胃。泰式菠蘿炒飯炒得乾身又惹味，口感豐富，菠蘿汁令飯更清甜。泰式沙嗲串燒（豬/牛/雞）牛肉入口有咬口，雞肉嫩滑多汁，豬肉嫩滑，沙嗲味濃郁香芒軟殼蟹米紙卷清新少油膩感，香芒醬香甜可口。芒果糯米飯黑白糯米相映成趣，椰汁濃，芒果好甜。野食都帶甜味，同泰國食都幾似，職員有泰國人，感覺更地道

今晚同朋友去開馬鞍山廣場，發現有間馬鞍山開張冇耐嘅泰國菜＜新泰東南亞餐廳＞。之前係尖沙咀見過已經想試下，呢間係新開張冇耐，見裝修得幾靚，座位濶落，當然要試下新野。＜泰式燒春雞釀香茅黃飯＞呢個燒春雞烤得好靚，原隻春雞甘上枱，脹卜卜甘，金金黃黃既外皮，包住好多香茅黃飯，仲配有泰式沙律，同埋秘製泰式醬汁，見到已經流曬口水，好吸引呀!~切開原隻春雞，入面滿滿既香茅黃飯就湧曬出來。雞肉入口非常嫩滑，滑到骨同雞肉一咬便可以分離，而且雞肉醃得好惹味，好食到一向吾食雞皮既我，今次連皮都食埋。香茅黃飯好軟熟，充滿泰式香料味，非常好食。泰式沙律既菜亦新鮮爽口，入口酸甜度適中，非常開胃好味。<泰國街邊豬肉串配糯米飯>豬肉串上既豬肉都幾大件，入口肉質實在，而且好彈牙，入口啖啖肉甘，烤得好惹味。糯米飯本身冇味既，入口非常煙韌，配埋烤豬肉串一切食，好飽好滿足。建議如果怕太飽太膩，可單叫烤豬肉串便可。<泰式乾炒牛河>乾炒牛河用上特色泰式醬汁來炒，入口帶微甜，河粉炒得惹味好食。牛肉份量不少，入口冇根有牛肉味，而且配料配菜都用足料，以$78來講算是抵食必食之選。餐廳食物選擇相當豐富，有多

今日同一位老友嚟到馬鞍山呢個傳統嘅美食沙漠，食呢餐之前我問朋友：究竟馬鞍山係咪真係冇嘢好食㗎？佢就話實際上只要你識搵嘅話，都會有啲高質素嘅餐廳，咁佢今日就帶咗我去呢間食泰國菜嘅餐廳。餐牌係好標準嘅泰國菜菜單，普通泰國菜食到嘅菜式都大致上有得食。另外佢有酒可以order，除咗泰國菜必備泰國品牌啤酒之外，估唔到連雞尾酒都有得serve，不過今日呢餐飯我就冇叫到酒。但我見隔離枱有叫到啤酒，睇落大大杯咁，愛酒朋友絕對可以一試。每次食泰國菜，一定會嗌肉碎生菜包試一試餐廳水準。唔好睇呢道菜好似好容易整，其實要整得好食絕對一啲都唔容易。我始終相信越簡單嘅菜式越考到師傅嘅功夫，亦都睇到餐廳著唔著重細節。簡單講，呢道菜靈魂係在於廚師點樣將個肉碎調味。呢碟我會比一個幾高嘅分數，肉碎夠熱，香料用得合適，唔會太搶味，整體嚟講好味至極，我都食咗好多塊。呢碟係濕炒海鮮河，原本無乜期望，只係想叫碟河粉填飽肚就算。殊不知竟然有驚喜喎，師傅炒得好有鑊氣，海鮮用料唔姑寒，仲有唔少蔬菜，吸收到唔同營養。呢味係馬沙拉咖哩雞，外形睇落平平無奇，食完之後覺得整得好有水準，仲有幾舊薯仔同蕃茄仔伴碟，唔會只係得雞件咁寡。我地仲叫咗印

馬鞍山最近新開左一間食東南亞菜嘅餐廳，主打泰國菜，我自己好鍾意食，所以約埋朋友試一試。店鋪環境好有東南亞民族風情，卡位好似一節節船咁，而且夠大，坐得好舒服，廚師、serve我哋嘅姐姐真係東南亜人，感覺好地道。頭盤叫咗我最鍾意嘅青木瓜沙律，正正常常都唔會失手，青木瓜好爽甜好開胃！冬陰功都係必叫，細size啱啱好夠兩個人一人一碗。味道應該好啱香港人口味，酸酸地，椰奶味重，唔會太辣。隻蝦都正正常常，唔會霉或者有雪味。飲完個冬陰功，嚟一杯嘢飲係好合理嘅。我叫咗青檸梳打，成支梳打俾我慢慢倒！開心！朋友係雞翼控，點左蒜蓉越南牛油雞翼,好香蒜味同牛油味，肉質嫩滑，如果可以再脆身啲就更好！終於嚟到重頭戲，主食嘅部份，泰式燒春雞釀香茅黃飯。隻雞燒到好香，卜卜趣，一切開，香茅黃飯嘅香氣撲鼻而來，真係流晒口水。放入口亦都冇失望啲，飯煮到啱啱，由於釀入雞入面，亦都吸收左雞嘅精華，非常好食！大推！今餐我同朋友合共食咗$600，價錢唔算最抵，但質素高，而且環境舒服，推薦大家試一試！

今晚返嚟馬鞍山搵食，呢間餐廳都有少少偏僻，不過都易搵嘅。嚟到覺得個門面好得，泰國風味出晒！好好地坐低望下餐牌先......有機會想再試試麵包焗咖哩軟殼蟹，今次人少試唔到。點左份生蝦，略嫌一般，主要係唔夠新鮮！唔夠爽，蒜片唔夠大片，有點可惜！😞冬蔭公海鮮湯麵，本身以為係炒架！有點點失望，好在食落都夠晒味，幾好食😋幾開胃，我地連湯都飲晒！豬肉生菜包，唔食豬既朋友可以放心，仲有雞同鴨可以揀！肉碎帶點冬蔭味，生菜都夠新鮮，相信係成晚最好食最值得推介的！蒜蓉包，唔夠蒜得嚟真係無蒜味咁濟😅整個濃縮版話俾大家試有咩海鮮😂整體而言真係唔算話太好食，不過不失，如果再揀我都想試吓嘅，我覺得比較適合一大班人食

今日朋友約我去馬鞍山食飯，心諗唔係啩，果頭邊有嘢食㗎，搞笑咩。佢話唔我有所不知，馬鞍山啱啱開咗一間東南亞餐廳，OK 㗎，既然佢咁講到，就即管試吓有幾OK🤪🤪。我同朋友得兩個人，侍應安排左個四人嘅卡位俾我哋，非常細心，坐得好舒服，未食嘢先加分。頭盤叫左青木瓜沙律，木瓜切得均勻爽脆，食落去有淡淡既魚露味，唔錯冬陰功我哋叫咗份細嘅，分量兩個人岩岩好，唔洗驚叫左一大碗食唔晒。講一講個味道，辣味冇話超搶，食得出唔同香料既味，有層次！唯一唔好嘅係啲香料切得太細，好容易飲到成口渣，扣少少分作為雞翼控邊可應唔叫牛油雞翼😙雞翼唔厚粉，面頭薄薄拍一拍生粉就拎去炸，唔會食到成口油同粉，抵讚，加埋面頭既炸蒜，極邪惡椰青新鮮，椰水完全無酸味，椰肉夠厚，加上價錢又唔貴bo，鍾意飲椰青必叫朋友叫左青檸梳打，估唔到比晒成支泰國製嘅梳打水我哋自己加，足足飲到兩杯😛炒椰菜苗食材新鮮，清清地中和返其他菜色😋menu仲有個係炒椰菜仔，望落一樣咁好味去到呢個位其實已經飽左九成，諗住cut單之際，朋友話呢到主打既雞飯（？😂）唔miss得，幾

好耐冇食泰國嘢，今日就同朋友去咗搵泰國嘢食揀咗呢間喺馬鞍山，好就腳嘅泰國菜，好近馬鐵站雖然係平日嘅晚飯時間，但都已經坐滿晒人呢間餐廳都幾大， 仲有卡位坐，坐得好舒服同埋有個特別之處，就係佢大部份嘅店員都係泰國人，咁就一定正宗啦揀咗呢啲嘢食：生蝦：呢個一定係食泰菜必點嘅項目，生蝦好新鮮，仲有佢點生蝦這汁，辣得來酸酸甜甜，好好味沙嗲串燒：豬牛羊各兩串，串燒燒得啱啱好，仲有佢嘅沙嗲汁真係好入味，配串燒一流冬陰功湯金邊粉：呢個冬陰功好刺激， 係偏辣嘅，但係朋友同我都食得辣，覺得好滿意鹽燒烏頭：呢個真係好出色，鹽包住嘅烏頭， 入面仲有芫荽香茅各種嘅香料，條魚燒得啱啱熟， 魚肉超嫩滑最後食埋個芒果糯米飯，畫上個完美句號呢一餐整體好滿意，唔怪之得係呢段時間，餐廳都可以坐滿人，係有原因嘅

上次同朋友去馬鞍山食西餐中伏後，今次相約去茶樓飲茶，但因疫情關係两間酒樓都落咗閘唔開行行吓見呢間泰國菜全單八折!即管试吓，不用等立即有員工招呼入座好有禮貌，全部又有佩戴口罩，地方又幾整潔woo我同朋友点了個二人套餐,再加半打串燒，同一個豬扒河，二人餐春卷香脆，配埋個汁一陣已經食光牛腩，同個汁幾好味，送飯一流!不過薯仔唔夠淋又入唔倒味，失色牛肉豬肉鷄肉串燒，串串啲肉大大舊馬拉通菜一般，飲品改配紅豆冰，椰汁味濃，冰多咗啲埋單四百蚊有找！食到好飽下次再幫襯

又出發到馬鞍山揾食啦😏其實新泰我食過尖沙咀分店，真係幾好味😋尤其係鹽焗烏頭,食到停唔到口！一知道馬鞍山開咗分店，開心到笑呵呵🤭馬鞍山店座位寬濶，坐得好舒服呢我哋叫咗生蝦，非常新鮮，一啲雪味都冇鹽焗烏頭必點，肉質鮮嫩，食到少少粗鹽，好正呀冬陰功海鮮湯金邊粉，有青口、大蝦、仲有好多蘑菇喺入邊，又係食唔到口串燒半打，豬牛雞各兩串，嗰隻沙嗲醬真係好好味，我成碟點哂黎食最後甜品梗係點埋芒果糯米飯，甜滋滋嘅椰醬真係一個大滿足！住馬鞍山嘅朋友唔驚冇好嘢食啦

成日都覺得馬鞍山係美食沙漠，但原來有間新餐廳係餐廳一個唔起眼嘅角落已經開張咗幾個月一食就覺得係滄海遺珠，價錢唔係特別貴，但食物質素又幾好餐廳內部裝修其實都幾大氣，而且座位間隔都坐得好舒服，一家人嚟食飯都唔會覺得擁擠一睇Menu就已經比燒春雞深深打動，再加個小食鐵板蠔餅就okay泰式燒春雞釀香茅黃飯燒春雞嘅size比預期中大，再加啲小菜比三至四人分享都冇問題燒春雞嘅外皮燒得金黃帶點點焦，而且皮脆肉夠嫩，雞胸位都亦唔會覺得柴而內部薑黃飯亦都能保持恰當嘅濕潤度，帶香茅等泰式香料味，整體好滋味而燒春雞旁嘅沙律菜都唔好錯過，醬汁應該係餐廳自己調，帶點微甜酸，同樣惹味鐵板蠔餅都相當之厚身，但入面亦保持到濕潤質感，而且蠔仔夠大隻有鮮味，確實不錯

近來肺炎情況嚴重，為左減少在街上除口罩，所以放工都係食外賣，通常搭緊車就叫，咁15分鐘後去到就拎得回家吃。今次試呢間外賣，就未食先打30大板1. 我20:21打去叫外賣，最後竟然要21:11先拎得，足足要50分鐘先煮好3樣野，我叫的只是炒金邊粉、炸蝦餅和馬拉盞通菜，都只是好平常菜式，應該無什麼難度2. 等等下打黎，問我拎左未？下？你係漏單定點呀？3. 我去到等左15分鐘仲未有，還要我先付款，加快流程我無問題，但點知找錢時找少左$1，講真，平時唔會同佢計較，當俾貼士，但今日要我等咁耐都未有得食，真係忍唔住出手要埋那$1講完外賣情況，講下野食先炒金邊粉: 入盒都可以用蛋紋包著，賣相幾好！但麵質有d爛，要諗諗點樣可以適宜外賣炸蝦餅：另一半晏d先食，但蝦餅都係脆既，炸得幾好！馬拉盞通菜：我ok, 但另一半覺得稍辣整體來說，食物ok, 外賣效率麻麻

年三十晚與家人吃飯，外甥女提議今年換換口味，不吃中菜，改吃泰菜，就來了這家新泰泰國菜館。設計及裝潢很有泰國氣氛。人多吃飯真好，多人分享，可以多點幾道菜。這晚的菜式很豐富，不能盡錄。以下的是較喜歡的，也不少。香芒軟殼蟹米紙卷($88)至愛的芒果十分清甜，米紙薄饀靚而豐富，軟殼蟹、蝦乾、甘筍絲、青菜、米粉，質素很高!燒牛肉沙律牛肉很香很入味，配蕃茄、香芹、洋葱、香葱，加了酸甜微辣的沙律汁，相當醒胃!泰式去骨海南雞半隻($88)海南雞嫩滑而雞味濃郁，已去骨啖啖肉，好好味，加上大大碟的薑蓉醬汁，沾著吃一流!燒豬頸肉($78)肉質油潤甘香，烤得金黃脆口，加點醬汁更惹味!飛天通菜 ($75)通菜青嫩，炒得夠鑊氣，加上紅椒和金蒜的微辣，味道很好!泰式菠蘿炒飯 ($118)炒得夠乾身，大大粒新鮮菠蘿粒、多多腰果和肉鬆，很美味!串燒沙嗲 -雞、牛、豬 6串 ($88)有雞、牛、豬各2串。我吃了串燒豬肉，腍滑肉厚，沙爹醬很香濃!泰式青咖哩雞($88)印度薄餅($32)我們點了青咖喱雞，配菜豐富，味道尚可，但青咖哩味略嫌略淡。不過薄餅很出色，熱烘烘，酥香鬆軟，用以蘸咖喱汁，滋味十足!原個椰青大菜糕 ($68

農曆年放假梗係要約食肉獸出去食好嘢啦。今日走入馬鞍山拜年，老友就帶咗我去食泰國嘢。我哋六點去到好早，去到就有得入座。呢間餐廳都幾大間，環境氣氛都唔錯，啲枱凳又夠大，坐得好舒服，招呼好好，真係幾好 FEEL。食物方面選擇都唔少。頭盤我哋點咗個拼盤，有蝦餅、魚餅、春捲、肉碎生菜包。蝦餅夠彈牙，魚餅不過不失，春捲 OK 喎，好香脆，肉碎炒得好乾爽，調味又啱啱好，唔使包生菜就咁食肉碎都好正。食肉獸點少得啖啖肉㗎，叫左半隻泰式去骨海南雞真係唔少得。海南雞賣相唔錯，皮光肉滑，見到都流曬口水啦。隻雞本身夠味，唔點汁都ok，絕對冇得輸，正。食肉獸本身唔鍾意食菜，但係畀個菜名吸引咗: 參峇炒羊角豆 (Stir fried Okra with Sambal) 中文完全唔明，睇英文先知其實係一隻東南亞醬料炒秋葵。Sambal 唔係周圍有得食，而且每一間鋪頭都有自己秘方，呢間就偏向番茄味重，少少少少辣 only，炒秋葵都幾 match。新年點少得兩杯㗎，我點咗個 Sun Thai Beach, 有泰國冧酒, 青檸汁... 再加幾塊薄荷葉，酸酸甜甜幾開胃。老友就簡單啲，就咁叫咗個薄荷梳打。點解話佢服務好呢，一開

老公生日，梗係要同佢好好慶祝啦，但今年流感好勁，唔敢周圍走，留返喺馬鞍山睇戲食飯慶祝。新港城嗰邊好多餐廳都試過，今次行咗過去馬鞍山中心睇下，呢間新泰東南亞餐廳我哋未食過，門口望入去嗰個氣氛好似唔錯，就揀呢間老公發板點咗佢最鍾意食嘅軟殼蟹。用椒鹽炒，同我哋平時喺其他餐廳食嘅唔同，因為軟殼蟹細隻，所以畀啲配料搶咗鏡，但整體嚟講炒得好香口，唔會太鹹泰國菜必食海南雞我哋都有點，好味，分量好夠，雞皮好滑，啲肉夠彈牙。肉碎生菜包都幾好，有啲香葉落去炒肉碎，味道好有特色，夠曬惹味，用生菜葉包住食非常夾不過我欣賞都係個泰式炒花甲，好好好好好好味 有好多花甲肉，唔會淨係炒淨個殼啲配料又夠豐富，顏色繽紛，賣相已經靚， 味道仲啱啱好，唔會太辣。最後要讚下間餐廳個環境，好舒服。我哋坐長枱，每邊長凳有兩個泰國刺繡 cushion， 感覺好舒服，仲有啲浪漫，撐枱腳真係好正