新泰東南亞餐廳 (已結業)

今日食完呢間泰國餐廳,急不及待要上黎打食評,因為呢到的確有十足既泰國風情一出lift口,就可以見到餐廳細緻既裝修,小至lift口都會掛上泰國風既布簾,而由於係下晏兩點既時間先黎到,所以餐廳既人唔算多呢到既地方好大好寬敞,坐得好舒服,靠牆既位置仲有啲位係設計得好有心思架tim,而且仲見到佢有啲位係特別間開左,相信係for人多既話可以有個private area,而呢到既侍應真係差唔多全部都係泰國人,見佢地自己之間溝通都係講泰文,所以真係會覺得好似係泰國食緊野咁雖然朋友話呢到既椰青沙冰係招牌,但因為每月之事所困唔可以飲凍野,唯有叫返普通既椰青啦,不過好彩椰青好大個!非常清甜而且呢個椰青唔老,好輕易就刮到啲滑嘟嘟既椰青肉了!平時去泰國餐廳黎黎去去都係叫飛天炒XX菜,雖然都好食不過不免會食到悶,呢到終於有多啲選擇,我就揀左羊角豆,啫係秋葵,炒得好入味,而且唔會太辣,岩晒我呢啲唔可以食超級辣既人蜜糖燒肋骨,雖然Ribs應該唔算係泰國菜哈哈!不過同樣做得幾出色,肉質好林好軟,而且面既蜜糖都幾多,所以好夠味,我自己一個人食左三嚿....最後要黎返個甜品先可以走!叫芒果糯米飯既時候其實都有啲猶豫,因為

今日去左食泰國野。之前已經食過另一間分店，水準好。唔知呢間好唔好味。餐廳裝飾風格同其他間一樣，優雅舒適feel，唔係同人搭檯，檯面又夠闊，正。叫左個巴東牛展。牛展整得好軟，入口即溶，但牛肉口感依然係度，真係正。之前係馬拉食既巴東牛都係呢隻味，估唔到係呢間泰國餐廳叫印尼馬拉野味道都好有水準。叫左個青咖喱雞。青咖喱煮得好creamy。賣相靚，味道好香，最鍾意陣淡淡的椰香味，咖喱唔算好辣，呢個辣度係我接受到的，惹味。叫左個冬蔭雞煲。好大煲既冬陰功。雞煲keep住熱辣辣，湯底唔會太酸太辣。啲菇入曬冬陰味，好香好好味。雞肉唔會煮得太老，好滑，啱啱好。只可以講新泰既菜色每樣都係有水準，每次食都唔會失望。

收工同女朋友行完附近的電腦中心，行經Ｗ Square見到Ｄ餐廳唔同左，就簡左間食東南亞菜的餐廳。之前就未食過，驚多味精同香料好多，味道會怪怪地。8點幾上到去都幾多人係度食，又咁岩冇位，於是姐姐們安排私地係大堂坐低，等佢地執多兩個位出來。安排得好好！等左一陣，終於埋到位，第一時間叫左個椰青止渴。椰青其實都幾大個，夠哂２個人飲跟手就叫個前菜，就是豬頸肉。半肥瘦的食豬頸肉質食落夠腍，個汁配合得好好，個汁之後重重用番係海南雞上面！跟住食半隻海南雞，都係係叫做幾大隻，最底個生菜都幾多，所以今次食重口味食物都唔洗叫個菜隔一隔油膩，跟埋有兩個醬（薑末同似係咖哩汁，連埋頭先食豬頸肉的汁，真係好好食！

向來喜歡食泰國野的我一直覺得呢間都唔錯，今日帶左我女朋友過黎一齊食餐勁呢度坐得又寬落又舒服先叫我最愛的串燒佢d串燒真係大大串架，加埋特制醬真係好正雞好滑牛好夠味又唔會太老，豬都幾爽口女朋友都好滿意呢個串燒之後女朋友鍾意食蠔，所以佢自己叫了呢個我都未試過的蠔餅！賣相唔錯，而且蠔夠大粒！原來泰式係炒得咁香有d蔥係入面，更加吊到隻味真係勁推介！之後黎呢個我最愛啦，麵包焗咖哩軟殻蟹！佢d咖喱勁香，軟殼蟹好香脆麵包好鬆軟食完真係夠曬飽，連甜品都食唔落女朋友最後滿意到笑曬口咁走

喺銅鑼灣一帶，朋友話想食越南菜，我第一時間諗起這間新泰東南亞，據我所知，喺香港都幾出名，有幾間分店，就係灣仔就有兩間分店。木人個小食209先！蛹蝦$78，有點像在日本餐廳吃到的薯絲蝦般，外皮炸得十分鬆脆，同時亦不會太油膩。裡面包住一隻大蝦，蝦肉的口感偏彈牙爽口，還看得出是晶瑩剔透。蝦味不算太重，口感而言算是不錯，但味道就一般般了。408 泰式去骨海南雞＄128 半隻，賣相非常之唔錯，雞皮呈鮮黃色，看下去不會太油膩。醬汁分別係薑蓉和酸甜醬，個人口味而言，原汁原味是最好吃的， 所以我選擇不加入醬汁調味，以保留雞肉的鮮味。雞肉夠嫩滑，而且食雞有雞味，是正宗的海南雞味道喔！！雞肉的口感剛剛好，不會太鬆散或太實，同時亦引證到食雞必須食雞皮這個道理。559 泰式乾炒河（牛）＄85 這個炒河的火猴十足，看下去油油的，若然能少一點油會更加好吃，主要配料有雞蛋、牛肉片和寬河粉。味道同港式乾炒牛河無異，也是十分香口的，只是這個味道較為濃郁。炒蛋是老了一點的，但口感非常鬆散，配上這個炒河簡直是一流。當晚坐滿曬，估唔到越泰菜是那麼受香港人歡迎的，這一點令我有點出乎意料。

星期日諗住會好難搵野食, 行經灣仔 , 見呢間泰國菜好似唔錯  就上左去意外地竟然唔需要等位, 後來先發現原來呢間鋪都幾大下, 座位之間有唔會好迫, 好適合坐低傾下計講返野食果方面:首先我地叫左個青木瓜沙律 一望個樣 以為會好辣  但係食落係酸酸辣辣既感覺 朋友唔係咁食得辣都接受到主食方面就叫左個焗南瓜海鮮飯呢個焗飯真係好好味  出面成個南瓜都可以食  裡面真係有好多海鮮而且份量好多  基本上係3-4人share 都好夠 最後仲叫左個椰青沙冰呢個沙冰個人覺得比較失望  相比起朋友叫既椰青水  沙冰好似有d 唔夠甜同埋沙冰黎既時候竟然冇比匙我地''不''   所以要快D飲 如果唔係上面d 冰溶左就會好瀉唒出黎

好開心，最近想食泰國餐廳，朋友介紹新泰，既返嚟之前去尖沙咀食過分店，應該質素差唔多，入到去真係好多人，好明顯係泰國人但係就好識講廣東話，同local差唔多。我哋都超鍾意食泰國地道特色食品，今次就叫左一個大嘅冬陰公同埋菠蘿炒飯。泰式菠蘿炒飯$108其實本身叫嘅時候都覺得有少少貴架，但係上到黎嘅時候真係原隻菠蘿，而且最尾啲菠蘿肉仲可以食，證明不是重用。表面材料豐富，有爽口的蝦仁，腰果，另外有甜甜地嘅臘腸好搞笑！最重要係每一粒飯粒都係黃色，菠蘿味道入晒，仲要旁邊有好多一粒粒正方形嘅菠蘿甜甜地好開胃。冬陰公＄138（L）聽朋友介紹話依度嘅冬陰公好好飲，最尾一次過叫咗個大嘅冬陰公，真係好大，每人可以飲到三碗即係總共大約六碗左右嘅份量。我平時食小辣，今次嘅辣味就比小辣多少少啦。裏面材料都好豐富，有兩隻蝦，不過就係中間切開咗所以有四件，裏面已經冇晒蝦嘅質感非常稔因為已經煲咗好耐。仲有好多香料，包括芫荽同埋香茅，不過入味方面就唔錯，唔建議另外食，太濃郁。整體味道都比較好飲，因為味道香濃，唔似得有啲得個辣字冇香味。飲品方面價錢由＄30至＄60左右，價錢不算便宜，而且店內本身提供暖水，超級窩心，飲品我們就

泰國位於雲南省之南，飲食同樣重视酸與辣。越南菜分北，南，都偏向酸，泰國菜重视辣。越南菜受宗主國法國影響，泰國菜受印度，馬來菜影響。店名新泰，有新派泰菜之意，指混合越南，馬來亞等菜式。泰國菜受土產農作物影響，酸辣風格偏重多蒜頭，辣椒，酸柑，魚露，蝦醬，羅勒，黃姜，椰子。受廣東移民影響，泰國菜重視鑊氣，色，香，味很濃烈，很適合香港人口味。我食了椒鹽軟殼蟹。78蒜葱太多，蟹太少。味道一般。屬越南菜的蒜蓉包普通質素，焗的時間不夠。冬蔭海鮮炒飯85較好，因為有濃郁的冬蔭功湯味，海鮮頗多。上述3樣均失色，主因是不夠熱，脆，鑊氣，估計是店員只顧講泰語，未及時到厨房傳遞食品。所以好的員工與厨師同樣重要。大菜糕有特色，有椰汁液，椰子肉伴食。綜合來說，環境很好，服務欠佳。宜加設下午茶餐，善用非繁忙時段，讓員工勿懶散。

今日早收工可以喺灣仔度搵食，我哋揀咗間東南亞菜，我哋兩個人等左5分鐘就可以入座，佢哋安排咗四人枱比我地兩個，坐得好舒服，好闊落。因為真係太肚餓啦，我哋叫咗個雞牛豬串燒，燒春雞香茅飯，蝦米紙卷，最後加多個甜品拼盤，加多兩杯椰青，真心啲串燒葉醃得好入味，沙嗲醬好香！發燒春雞裏面讓左啲香茅飯，香茅焗得好香，啲雞燒到啱啱好。蝦米紙卷個sauce 酸酸甜甜好開胃。令一亮點就係個甜品拼盤，必食推介下次可以試吓菠蘿炒飯

因為book 左位既關係好快就入坐了~黎呢到記得要book 位呀~因為係lunch 時間，好快就坐滿左人喇~泰式海南雞飯~個油飯好香好食~個雞都好滑~個湯飲完好口渴~如果佢會有埋平時食海南雞飯果個豉油就正喇~友人叫左南瓜咖哩帶子焗飯~試食左少少~香芧味都幾重~如果你鐘意食香芧既咁就要一試喇~上檯果陣熱辣辣，份量都幾多~另一友人叫左椰香青檸海鮮湯粉絲~我試飲左個湯，味道唔錯~個粉絲吸左湯既味道~相信應該唔錯~

朋友介绍呢间吃东南亚菜的餐厅环境安静舒适有氛围，老友记一起聚餐当然想稳个舒服的环境。。。于是上了openrice看了环境果然吸引就订了晚上位。。 环境果然无失望     先来个椰子汁解口渴先，好香椰汁味好新鲜汁很多椰子肉 椒鹽軟殼蟹，份量約有一只蟹左右。用西椒、 蒜 葱、辣椒等去炒，好惹味！軟穀蟹唸唸脆脆地，一咬就開。好香口  主泰式甜品超大併盤！甜品望見都已經好吸引！有馬豆糕、椰汁糕、芒果糯米飯等。而芒果糯米飯超正点芒果甜滑！椰汁糕好清香！推薦大家来到一定要试满足不同口味选择只雞熱辣辣，外皮唔算好脆皮，鸡皮好入味，肉好唸一切就開。肉質嫩滑！配有一個醬，甜甜酸酸辣辣咁，点住食，好好味！鸡里面包着好多香茅飯係入面，香茅既味道好浓郁飯香軟有D辣马拉盏通菜吃泰菜几乎必点  菜炒的唔会太老，咸度足，吃肉济吃D菜下去消晒膩感蠔仔煎蛋蛋包 蠔仔好多好丰富，底部是洋蔥整道菜香口可口，蛋味好足

The whole dining experience was good, EXCEPT after we went home. We went there during lunchtime, at around 1. The place was pretty empty, the food was of good quality (the Laksa seafood noodle soup, deep fried shrimp balls and pad thai), and the price was reasonable.   But a few hours later, we started to feel really bad. First there was the gas in the stomach, then there was the vommiting and diarrhea for the whole night.  *Please make sure your food is clean before serving them to customers!*

As well as good food, the desserts are also good but unfortunately I was a bit full.Started with the Vietnamese noodles which had a great strong broth but the noodles were a bit too sweet and didn't soak the broth.The glass vermicelli had a strong garlic taste so I should have skipped this dish and ordered an extra dessert.For dessert, I had the Thai pancakes which were panfried with a crisp surface topped with young coconut and the bottom part was quite tasty.The coconut smoothie is a must orde

之前同朋友講開香港成日泰國菜啲味道同係泰國食成日都係有啲唔同，唔係好正宗 於是佢就介紹左呢一間佢話試過味道算係好正宗嘅泰國菜，所以一於試吓黎到唔使等位即刻入座，呢度啲菜式有好多選擇，有越南菜，泰國菜同馬來西亞菜，同埋啲侍應大部份都係泰國人，好有禮貌推介我哋串燒，燒春雞配香茅飯，越式蝦米卷，之後追加左個甜品小拼盤。確實個香茅飯用嘅香料係同喺泰國食嘅一樣味道㗎，好感動而隻燒春雞燒到啱啱好，香茅又好香，極力推介今日每樣菜式都有配sauce ,我就重口味啲，Mr Tea就食得清淡啲，滿足我哋兩個要求，確實唔錯

好耐都無食泰國野 於是去左呢間朋友推介既泰國餐廳 交通幾方便又坐得舒服兩個人叫左兩個菜同一個飯先黎叫左個小拼盆 分別係魚餅加蝦餅 每樣有4塊而且唔細件所以價錢都OK魚餅外皮乾身 咬落又會有D汁咇出黎 就咁食有少少咸 不過配埋麵飯食就岩岩好 蝦餅就正喇 咬到粒粒蝦肉 入面彈牙得黎出面層皮又煎得有少少脆 加埋泰式酸辣醬 正!青木瓜沙律 份量比較細 但味道唔錯 食落會有D陰D陰D既辣 愈食愈想食黎到主菜 日本焗南瓜海觧飯賣相同做法都幾特別 面頭加左D芝士一齊焗 一啖飯一啖芝士又有海鮮 配搭幾正 有青口大蝦魷魚等等食左面頭D飯可以刮埋D南瓜肉黎食 成個感覺都健康哂