新泰東南亞餐廳

營業中

休息中

今日黎到尖沙咀食飯，平時都見到K11對面擺左架篤篤，今日就去呢間新泰試試佢！啱啱放寛左限聚，明顯入座既人多左，我地兩個人就叫左好幾個菜，包括：泰式生蝦、燒牛柳、燒豬肉串、巴東牛肉、蒜蓉包、椰汁沙冰同埋芒果糯米飯。一上枱既生蝦，外觀唔錯，蝦型算係中等size，有啲餐廳啲生蝦又細隻又少，新泰做得唔錯，配埋蒜頭辣椒同個汁，真係涼浸浸酸酸地又開胃，為之後幾道菜打響頭炮。再黎燒牛柳，成日食泰菜都有燒牛肉沙律，今次第一次嗌，果然唔失望，外觀牛柳偏乾身，食落就juicy，再加上佢大約係6成熟左右，所以牛肉中間係紅紅地同軟身，另外牛柳配有兩個汁，我就最鍾意佢一個好似黑椒汁咁既，食落更加惹味。再黎豬肉串，真係做到泰國街頭燒既感覺，巴東牛肉好味，大大舊牛，個濃汁最啱就係點蒜蓉包，最後就係椰汁沙冰，成舊椰青裝滿沙冰，椰子味十足，最後既小遺憾係食唔到雪糕芒果糯米飯，不過都有芒果糯米飯補數 總算係完美既結局。

食泰菜🇹🇭·串燒沙嗲 雞 牛 豬🍢3款都好好味 肉質仲保持好嫩滑·燒西冷牛扒呢個係出乎意料好味 黑椒面加埋半生熟西冷牛 配埋兩款辣汁去食 配搭得好好 冷盤既青瓜同蘿蔔 醃製得酸酸甜甜 正呀·泰式雞干炒河有雞肉有蝦同芥蘭炒成 唔會太油太濕 呢個都好推介·薄荷梳打🍹食親泰菜 叫梳打都係必須甜品時間 ·芒果糯米飯🥭黑白配既糯米雞 煙韌糯米飯淋上香濃椰汁 配埋香芒 好滿足呀

肺炎肆虐加上禁聚令，爲了自身和其他人的安全早午晚三餐幾乎都在家解決，簡單家常菜不是不好，只是吃多了真的很想念口味濃鬱的東南亞菜式，尤其是泰菜，唯有打開電話相簿，看著上月初新泰的食物相，望梅止渴。隔著熒幕還是能勾起記憶: 晶瑩剔透的生蝦肉，肉質新鮮彈牙，與生蒜辣椒和醬汁是天生的絕配。泰式炒菜苗，以蒜蓉炒起，新鮮爽口。泰式蝦炒金邊粉($98)是我的最愛，把蛋網、蒜頭、花生與金邊粉拌匀來吃，金邊粉炒得爽口條條分明，著實不錯。今晚的主菜是泰式明爐魚，我地選左鱸魚，魚肉鮮甜彈牙，香茅辣椒在湯裏浸泡了一段時間，香味越發突出。吃得差不多的時候，點了芒果糯米飯甜品，作為這一餐完美的終結。

位於尖沙咀及尖東一帶，限聚令平日晚一入去竟然幾乎滿座，知名度果然嚇人！！今次第一次黎食就睇下有咩咁特別~~係香港食泰國菜都食得多，呢間餐廳其中一個優勝之處一定係佢既裝修同擺設，俾人一種高級優雅既感覺，當然泰味非常濃厚~~佢雖然滿座，但可能因為位於底層，空間感非常強！！適合三五知己黎呢到，係舒適既燈光下慢慢用餐。食物方面，我地叫左翡翠苗，炸魚，日式南瓜咖哩，以及必食既生菜包同椰青沙冰。翡翠苗相當爽脆香口，相比平時食開既通菜，我原來更加鐘意翡翠苗！！炸魚係原條上，如果你怕麻煩要挑骨，請放心，佢宜家將新鮮原條魚砌成魚塊再炸，加上醬汁襯托滿滿魚味，相當有心思！講到生菜包，就要講講呢到食物既特點：偏香辣，以及會有較強既香茅味，所以呢到既生菜包又俾我耳目一新既感覺，食極都唔厭！最後首推既係椰青沙冰，千祈唔好以為係椰青水就咁放d冰入去，佢既冰都係特別設計，用椰汁去做！！雙重口感及味道，非常涼爽非常正！

等咗咁耐，新限聚令下終於開放番晚市堂食！感覺上自己已經好耐冇試過夜晚喺街上😂😂餐廳位於K11對面，N2出口一出直行就到。門面已經好有到泰國氛圍，仲有架好colorful既篤篤tuk-tuk，頓時勾起番當時去東南亞旅行嘅回憶🥺要行落一層先到用膳既地方，疫情嚟講都算幾多人嚟食飯。地方比想像中大，好有高級餐廳既感覺，環境亦都好舒服，聽住東南亞style既背景音樂，坐住民族風既沙發，身邊既店員着住泰式制服用泰語溝通，周圍都充滿住濃濃既泰國感覺，唔講都以為自己去咗泰國度假👻👻食物選擇都幾多，以呢個環境同服務嚟講，價錢亦都非常合理，性價比高👍🏻👍🏻椒鹽軟殼蟹 ($78)一上菜個下係有少少嚇親，冇諗過份量咁大！好有鑊氣，軟殼蟹炸得啱啱好，仲熱辣辣，唔會太咸🤘🏻配菜亦都過度豐富，好多三色椒、洋蔥同蒜粒，就咁食呢個前菜已經有少少飽🤣泰式燒春雞釀香茅黃飯 ($188)今日嘅重頭戲燒春雞🐓 份量亦都係好大🤣超級推薦！香茅味好重，雞雖然有少少「鞋」但好入味。切開雞，入面既黃姜飯吸收晒雞嘅精華，加埋香料簡直同我喺泰國食嘅一樣！隨雞附上泰式沙律，入面有沙律菜苗、花生同洋蔥等，微微酸辣食落好開胃同啱晒消滯！🥗越式蟹

佢勁近尖沙咀地鐵站出口，勁方便，係正K11對面，好易搵到！而且勁顯眼，成架titu係門口做生招牌🤣原來餐廳係係下個，落幾級樓梯，就到！一入到去好大，好闊落！6點半左右，已經好多圍full哂！啲侍應都係講泰文㗎，著泰國衫，裝修都充滿異國風情！好似真係係泰國禁😎🤣蒜蓉炒貴妃苗 $75好大碟！好抵食！而且炒得好香口！略略多咗小小油，但好好食😋好少係外面食到！生菜包 $72好新鮮啲生菜，而且好靚！肉碎比較辣，但香草味檸檬葉味好濃，好泰國味！份量都比較多，完全吾洗慳住黎夾🤣日本南瓜海鮮焗飯 $118以為無咖哩喇！原來都有紅咖哩，不過就偏甜吾辣嘅！南瓜淋淋地，配搭上黎又幾得意！上面有海鮮，有青口魷魚，有咬口！！香茅魚配青木瓜沙律 $168擺碟好靚好生猛！魚比較多小小骨，不過都係大骨黎嘅！點個醬食甜甜辣辣都幾醒胃!!青瓜沙律好清新，而且偏辣嘅！最後到最喜歡嘅椰子沙冰 $58好好味！！超推薦！！！！個椰子沙冰係用新鮮椰肉打，所以好有味，好濃味，好解辣！就算放咗成粒幾鐘，都無淡過！！！簡直係食過最好食嘅椰子沙冰！！

尼家無得去泰國 就唯有去泰國飯店回味下～裝修得好靚 👍🏻服務好👍🏻串燒牛同豬都ok ,不過不失～ 冬陰功湯（細）好飲個味絕對係合乎香港人口味 辣同酸都恰到好處，又唔會無左泰國既風味，泰尼到既濕河粉，啲汁多到瀉🤤，一啲都唔會dry~我覺得係最似係泰國食到既樣，係用一大片既河粉～令我回味到集度集食既街邊炒濕河最值得一讚係d姐姐，一見客喝完水就即刻添，非常細心希望尼間店撐得住能夠渡過疫情難關🥺🙏🏻🙏🏻好想日後都繼續食到，撐住💪🏻💪🏿

我覺得係香港搵泰國餐廳其實唔難，但係難在要搵一間好食又有氣氛嘅。呢一間朋友帶我去，佢話呢度除咗正宗之外，而且成個氣氛都好好。一入到黎嘅時候，啲待應都好好招待，而且啲座位都好闊落， 坐得好舒服。泰式奶茶係我嘅最愛，而且味道啱啱好，係我之前喺泰國飲嘅嗰個味道嚟嘅🤩由於我真係好掛住新加坡嘅肉骨茶， 所以見到佢呢度都有得嗌，我就嗌左一碗嚟試吓！就算我嗌左碗細嘅，但係個份量都足夠兩至三個人飲，而且啲料超級足，仲有其他材料包括冬菇同豆卜等等 。個人覺得佢冇正宗嗰種咁有黑椒味，但係個味道都好濃。 而呢一個芒果雞丁，佢除咗有啲椒同腰果之外，芒果個味道完全冇被蓋過，而且啲雞肉好滑身，都炒得好入味。呢個通菜真係一百分，同平時出去食啲打冷一樣，咁有水準！最後梗係嗌咗一個芒果糯米飯嚟食啦，佢啲奶味好重，而且個芒果都幾甜！

終於恢復返晚市堂食，我就約咗好朋友一齊去食呢一間想試好耐嘅餐廳！一入到去完全俾佢成個氛圍同埋環境嚇親，因為真係好有泰國嘅感覺！仲要冇諗過連啲侍應都係泰國人，佢哋之間會用泰文溝通，真係好有感覺！泰國餐廳梗係要飲佢嘅泰式奶茶，呢度嘅泰式奶茶味道都幾正宗，而且一開始飲，會覺得有啲甜，要等啲冰融晒，先會覺得味道啱啱好。呢個通菜一定係必食嘅菜式！除咗佢份量多而且入味之外，成個味道真係好出色，最重要係唔會過鹹， 就算我成晚冇配白飯食，都唔會好頸渴！朋友最鍾意食嘅椒鹽軟殼蟹，呢度除咗份量都幾多之外，雖然佢油左少少，但係個味都調得啱啱好，唔會過咸。而最後梗係要嗌呢一個牛展試下，之前喺好多餐廳食都覺得個味調得好怪，但呢一個真係意外地好食！我哋仲要為咗食呢一個以特登嗌多咗一客薄餅，而且個薄餅份量都超級多有成八塊咁多！

泰式蝦炒金邊粉我地坐既位燈光比較陰暗柔和，當侍應姐姐拎過黎既時候，第一眼以為佢拎左個蛋包飯埋黎😂原來係炒金邊粉，個賣相都幾得意。炒得好乾爽，而且好足料～有兩隻彈牙嘅蝦肉🦐 芒果糯米飯煙煙銀銀既黑白糯米飯配上香濃嘅椰汁，真係最佳組合，好好食呀🤤啲芒果好甜。係食到幾飽都一定要食既甜品！泰式去骨海南雞太飽食唔晒， 唯有打包返屋企！！晚上屋企食海南雞肉質仲嫩滑彈牙，有兩款醬汁，辣椒和薑末，味道不過不失。

太耐冇去過旅行啦，尤其是夏天真係好掛住泰國個種度假feel～唯有食下泰國嘢懷念下個種味道入左呢間新泰真係覺得去左第二度咁，環境好大好舒服😌裝修都好有度假feel，二人都可以坐到闊落卡位，疫情時期都可以保持距離～蜜糖燒肋骨 - 燒到剛剛好有焦香，同埋一咬好易離骨啖啖肉，點埋個酸辣汁就更加惹味泰式炒花蛤- 呢個送飯真係一流呀，個醬汁無蓋到啲花蛤鮮味，停唔到咁食日本南瓜焗海鮮飯-估唔到呢個飯咁正，啲南瓜焗到超級軟綿綿，加埋芝士更加香，有青口、魷魚、蝦，好足料，強烈推薦呀燒原隻魷魚 - 好新鮮，超級肉厚，可以講係我食過最好食嘅燒魷魚，出面個啲一係就太乾，一係就無味，但呢度仲keep到juicy椰青-夠哂凍，完全無酸味，襯泰菜最夾(˶‾᷄ ⁻̫ ‾᷅˵)椰汁西米糕- 最後用呢個甜品作結 實在太滿足啦呢間一定會再嚟，因為係香港實在太難搵到咁高質又坐得舒服，服務又好嘅泰國餐廳啦

放假日無咩做，就陪妹妹去左尖沙咀買野，之後再孖住去食泰國菜，好耐都未食過泰國菜，所以心血來潮就搵左間餐廳食。椰青出面天氣熱辣辣，於是就叫左個椰青飲下，清涼解渴，椰青無椰皇嘅味道咁濃，味道清新，比較岩我，食到咁上下仲可以食到啲椰肉添，甜甜地幾好食。炸蝦餅、炸魚餅心思思想叫小食拼盤，但我地得2個人黎食，點小食拼盤就驚食唔哂，於是就點左兩款黎食，炸蝦餅同炸魚餅即點即炸，蝦餅炸到好脆身，啖啖蝦肉同魚肉，點上泰式辣醬就更加好味喇~ 燒豬頸肉講到泰國菜我就最鍾意食燒豬頸肉，呢到嘅燒豬頸肉燒得好香口，點埋一個辣辣地嘅秘製醬汁，惹味又開胃，非常好味，充滿泰式風味。呢到嘅野食真係幾好味，所以我地決定疫情過後再黎食過~

同朋友聚會一定要搵間就腳方便大家嘅餐廳，呢間餐廳地鐵站一行出去就見到，地點好方便，所以我地二話不說就揀左佢。椰青: 味道好清甜，清涼爽口，仲可以食到椰青肉，又可以飲又可以食，配上之後上嘅泰式料理，味道好夾。肉碎生菜包: 肉碎份量非常之多，一塊生菜可以包到好多肉，食到最後仲有好多豬肉碎，就咁食都已經好好味。爽脆嘅生菜包住青檸味同胡椒味濃郁嘅豬肉碎，非常好味，好有濃濃嘅泰式風味。蜜糖烤肋骨: 有甜絲絲嘅蜜糖香烤風味，燒到金黃色，火候掌控得幾好，食落好惹味，豬肋骨一咬落去就骨肉分離，點埋個秘製醬汁更加香，呢道菜我同朋友都好鍾意，大獲好評麵包焗咖喱軟殼蟹: 軟殼蟹炸到好香脆，有埋椰香味豐富嘅咖喱，麵包經過焗過，所以皮面有少少脆嘅口感，單食麵包可能會覺得好單調，但點上咖喱，好好味，令麵包味道更加豐富。

一向都好鍾意食泰國野,最近就去試左新泰東南亞餐廳,佢有幾間分店,今次去左加拿分道既分店,一入面口就有架泰國好出名既篤篤車,好似去左泰國咁🤩落到去環境好大裝修都好泰式麵包焗咖喱軟殼蟹軟殼蟹好脆好好味,平時點咖喱都係用薄餅多,估唔到點麵包都好夾,而且個麵包好鬆軟好脆口泰珍珠椰菜苗炒香菇之前食嘅泰式炒菜都比較辣但係呢個就唔算辣,而且有埋香菇令成個菜好豐富冬陰功每次食泰國嘢都會叫,呢度嘅冬陰功湯好有泰國嘅味道,唔會太過酸而且隻蝦重好大隻添泰式生蝦同樣都係每次食泰國嘢必叫既,好大隻同新鮮,蝦味好鮮甜泰式柚子蝦沙律鍾意食柚子嘅朋友唔可以錯過,成個沙律都好清新好開胃,有好多有柚子肉越式蝦米紙卷除咗泰國嘢之外,佢哋都有好多越南菜供應,例如越南好出名嘅米紙卷佢哋都有架叫咗佢哋嘅椰青飲味道好鮮甜,之後仲叫咗兩個甜品,分別係椰汁西米糕同埋原個椰青大菜糕,椰汁西米糕好好味,椰子味好濃另外聊青大菜糕佢係成個椰青上,但入面全部係大菜糕,同埋椰子肉,份量都幾大啱晒一班人分享

今日去尖沙咀，就係為左食新泰，因為佢既泰菜真係幾正呢間都幾大下，起地牢位置其實都唔駛點睇，好似熟客咁，哈哈椰青係必點野飲，真係好清甜，夏天飲就最好啦炭燒豬頸肉呢個加埋個酸酸地既汁好開胃，豬頸肉又唔會整到好乾。炭燒串燒一定唔會錯過，雞牛豬3樣齊哂沙爹又做得好好，甜甜地幾惹味飛天通菜炒得好惹味，幾爽口，醬汁都岩岩好咖喱軟殼蟹呢個個蟹脆口，又唔會炸到好乾身，配埋咖喱食一流唔夠喉要叫多杯泰奶，試多次正唔正宗🤔結果係正宗既