新泰東南亞餐廳 (雙子匯1期)

營業中

休息中

啟德Twins喺地鐵站附近，SOGO似乎唔算多人行，但樓上泰國菜反而多人流。地方唔細，座位有室內同室外。室外景色給遼闊，只係天氣熱左，選擇室內比較涼快。裝修係亞熱帶為主題，好多木支柱，同埋綠色植物。餐牌當然唔少得咖喱，海鮮，菠蘿炒飯，米紙卷。鐵板蠔餅值得order，熱辣辣出晒煙，充滿香氣上枱，蠔仔都幾大粒。軟殼蟹牛油果米紙卷，軟殼蟹好脆無返炸。海鮮濕炒河粉，預料之外係河粉先煎香，再加上海鮮同芡汁，河粉非常香口。

新泰東南亞餐廳九龍城啟德協調道12號雙子匯1期崇光啟德店食匯堂14樓1404-1405號舖呢間裝修勁靚 而且地方夠大 樓底夠高日間可見光足夠嘅時候精神爽利 夜晚善用燈光營造氣氛裏面善用綠化建築綠色植物整體感覺好舒服泰式蝦炒金邊粉 $118菜色香味俱全，泰式調味料如魚露和檸檬汁的搭配，使得金邊粉帶有獨特的酸辣風味，十分開胃金邊粉滑嫩 用鳳尾蝦一齊去炒紅辣椒和 韭菜 加上少量青檸汁 作為泰菜，呢個係必食之選燒西冷牛扒 $138肉香濃郁，搭配簡單的調味，能夠充分展現牛肉的原汁原味5分熟 燒得勁靚 肉汁血水 豐富血紅蛋白

今日同老公去左啟德sogo行街，原來百貨公司樓上都有咁多嘢食，我哋就揀左間東南亞餐廳食吓晚飯。餐廳非常大，好有東南亞feel，木系設計，我哋去到都已經好多人，客人都已經開始等位。餐牌好多嘢食，每款種類都好多選擇。最後我哋叫個濕炒菜，燒牛扒，主食同兩杯飲品。泰珍珠椰菜苗炒香菇：椰菜苗爽口清甜，冬菇煮到軟腍，配菜仲有紅蘿蔔，所以材料都吸汁，唔多油，清淡得黎好入味，幾好。燒西冷牛扒：牛扒燒到粉嫩，好有炭燒味道，好焦香。點埋泰式醬汁或泰式辣醬，兩款味道都好好味，怕熱氣就可以食連牛扒底層沙律菜一齊食，幾清新。而旁邊有D醃左嘅紅蘿蔔同白蘿蔔，酸酸地幾開胃。越式燒春雞釀香茅黃飯：賣相吸引，雞size大，燒得幾靚，肉嫩。春雞釀滿黃飯，份量都幾多飯好有香茅味道，味道較甜。旁邊仲有碗沙律菜，好爽口，醬汁酸酸甜甜，無論點雞或做沙律醬都好好食。飲品：凍檸茶味道正常，鹹檸七夠咸，好清爽。

啟德Sogo雙子匯作為香港新地標之一，已經落成咗一段時間，趁有時間就過嚟行下😀行到攰攰哋順便喺商場裡面搵食，十四樓呢間新泰東南亞餐廳絕對係信心保證😁由餐廳外圍裝修望入去，未入座已經感受到東南亞風情😎馬拉盞通菜食東南亞嘢，一定要嗌馬拉盞通菜😜炒得非常惹味，鑊氣十足，喺屋企永遠炒唔到呢種味道🤣串燒(雞肉、牛肉、豬肉)啖啖肉嘅串燒，雞、牛、豬每款兩串，唔少得係配上店家秘製嘅特色醬汁，滿足晒作為食肉獸嘅我👻泰式明爐鱸魚泰式明爐燒魚，材料非常豐富😍湯底味道酸酸辣辣，魚肉吸滿晒湯汁嘅濃郁味道，真係越食就越開胃😋越式蟹肉炒粉絲前面幾道菜比較重口味少少😈主菜一於揀返個清清哋嘅蟹肉炒粉絲🤪粉絲彈牙，加埋一大堆配料，口感層次多元化😀特別一提蟹肉份量勁足，完全對得住佢嘅價錢🤩餐廳雖然設立喺大型商場，但係價格唔算高昂😮難怪當晚幾乎全場坐滿！一定要讚一讚呢度嘅服務員，服務態度好好，而且Fill水速度好快，完全唔需要客人舉手！

今次同朋友嚟咗新泰東南亞餐廳喺啟德，環境唔錯，位夠寬敞，坐得舒服。叫咗幾樣招牌菜，整體嚟講幾滿意，但都有啲小缺點。頭先上嘅香芒軟殼蟹米紙卷（$98）好有驚喜，軟殼蟹炸得好香脆，唔會太油，啲芒果甜甜地好夾，好清新，米紙都夠薄，食落唔會笠口。燒豬頸肉（$98）肉質彈牙，燒得夠香，肥瘦比例啱啱好，但醬汁味道有啲重，稍為鹹咗啲。燒原隻魷魚（$128）絕對係今餐亮點，魷魚新鮮又彈牙，燒得有啲炭燒味，配埋醬汁真係好惹味。冬蔭功海鮮金邊粉（$88）就係我最期待嘅，湯底酸辣度啱啱好，唔會太辣，帶啲香茅同檸檬葉嘅清香，入面啲蝦同魷魚都幾新鮮，金邊粉吸晒湯汁，好正宗，飲完湯覺得好爽胃。甜品叫咗芒果沙冰（$55）同原個椰青大菜糕（$75），芒果沙冰芒果味夠濃郁，冰沙細滑，夏天食最啱。椰青大菜糕口感軟腍，帶淡淡椰香，幾特別，唔會太甜。

🦀香芒軟殼蟹米紙卷 $98煙韌嘅米紙加上香脆軟殼蟹仲有芒果牛油果口感好正又唔膩！🥬馬拉盞通菜 $88辣辣地開胃得黎有鍋氣👍🏻🥩燒西冷牛扒 $138表面微微燒焦好香！本身有調味又軟淋配上泰式醬汁別有一番風味🤤🦐泰式蝦炒金邊粉 $118大大隻蝦食落彈牙, 金邊粉炒得都幾香👍🏻蛋絲包住金邊粉擺盤好特別🥥椰青斑戟 $60未食已經聞到好濃郁椰香味煙韌軟糯嘅口感仲有少少椰子肉同椰絲甜甜地, 值得一試！呢到價錢適中又大份性價比唔錯！室內外都好多位置人氣爆滿👍🏻👍🏻

【啟德抵食泰菜午餐！】 今日試咗啟德sogo入面14樓呢間泰國菜，午市套餐$75起，超值！必點**黃咖喱雞飯**，椰香濃郁，雞肉嫩滑，送飯一流；**泰式炒金邊粉**鑊氣足，酸甜開胃，蝦仁爽彈。仲有海南雞飯都係一樣價錢，抵!套餐包飲品，加$28有*炒菜或者串燒*，地方一流，靚位，性價比爆燈！ 環境光猛闊落，冷氣夠，服務快手。缺點係份量小小偏細，大食人士可能要加餸。整體來講，$75.sogo入面食到好味泰菜，打工仔午餐首選！ 👍抵食指數：★★★★☆ 📍地點：啟德sogo

呢度環境好大，又有梳化坐平日都人頭湧湧 價錢大眾化先叫咗六串串燒，已經有齊晒豬牛雞唔使選擇 配合惹味嘅沙嗲醬 都好Juicy 唔會太乾泰式柚子蝦沙律啲柚子好甜 又多前菜嚟講呢個幾開胃，又夠健康原個菠蘿咖哩蝦 呢個比較特別 係喺個菠蘿中間開咗個窿入邊 就係咖喱汁加咗啲菠蘿 令到咖喱味多咗份甜同埋酸酸哋啲蝦都幾大隻 又夠多汁 撈埋啲飯一齊嚟食幾好奄列海鮮炒飯 係用隻蛋包住啲炒飯入邊有充足嘅海鮮配料，例如魷魚青口魚龍眼冰大杯，亦都有香甜嘅龍眼肉

醃無骨鳳爪沙律 $78-酸辣醒胃的泰式風味，鳳爪去骨後口感爽脆彈牙，醃料以魚露、青檸、辣椒及香草調配，層次鮮明，開胃首選。泰式莈蘿炒飯$138-原個菠蘿炒飯，鑊氣十足，伴肉鬆、腰果(另上可以按自己口味加落飯到)，另外葡萄乾，酸甜果香平衡油膩。麵包焗咖哩軟殼蟹$248-整隻酥炸軟殼蟹浸潤於濃郁黃咖喱中，麵包吸盡椰香醬汁，外脆內綿。軟殼蟹炸得透徹，連殼入口鬆化無渣，份量都幾大，建議多人分享以免膩口。芒果糯米飯$78-食泰國餐一定要食既經典甜品，芒果熟甜無絲，糯米加紫米飯溫熱軟糯，淋上濃稠椰奶。**環境係新淨企理, 所以用餐感覺都唔錯. 經理同有D waitress 係泰國人, 個feel都幾好~

位於啟德SOGO 14樓的「新泰東南亞餐廳」，環境寬敞舒適，裝潢帶有泰式風情，適合朋友聚餐或家庭聚會。菜式選擇豐富，部分菜色表現出色。牛油大蝦蝦肉新鮮彈牙，牛油香氣濃郁，醬汁惹味，配薄餅非常適合！冬陰功湯底酸辣平衡，香茅和南薑的香氣突出，味道偏鹹，不推薦。柚子沙律柚子新鮮多汁，搭配腰果、椰絲和魚露醬汁，口感清爽。好吃！ 煎蠔餅蠔餅外層酥脆，蠔肉份量多，粉漿不厚鑊氣足，有口感不油膩。搭配辣醬一流。十個讚！ 泰式奶茶茶香濃郁，甜度適中，奶滑順口，冰涼解辣，必點。青咖喱雞咖喱椰奶香濃，辣度溫和，雞肉嫩滑，配料有茄子、豆角等，非常下飯。但醬汁稍稀，若再濃稠一點會更完美。 薄餅現點現烤，外層酥脆，內裡柔軟，蘸咖喱或牛油蝦醬汁一流。份量足夠有八塊，推薦必點！ 泰式金邊粉配料有蝦、豆腐乾、蛋絲等，味道酸甜平衡。味道普通。 雜錦串燒串燒（雞、牛、豬）肉質尚可，沙嗲醬香濃，但部分肉類稍乾，建議趁熱食用。 總結推薦菜式：牛油大蝦、薄餅、煎蠔餅、柚子沙律整體而言，泰菜水準中上，適合想在香港品嚐泰式風味的食客，部分菜式值得回頭再去！

今日同一班朋友去咗雙子塔食泰國菜服務員都係泰國人 地方同環境都一流 我哋今日叫咗個4人餐 加冬陰功湯 生菜包 菠蘿炒飯四人餐包括有豬頸肉沙律 🥗 （辣辣地幾好食）串燒 （d肉都幾大舊 ）咖喱蝦 （唔好食 咖喱汁唔香咖喱味）蒜蓉包 （好食）炒金邊（唔好食，感覺好似食緊蕃茄意粉咁）太濕4杯野飲 ….綠豆沙冰幾特別同好飲～而另外加嘅冬陰功湯 好咸 麻麻地 菠蘿炒飯 個飯都好濕 生菜包 普普通通 不過不失 最後埋單$800 左右 6大1小份量 ….4:30前有8折優惠總括嚟講呢個環境食嘢算抵 有得坐露天環境都幾舒服但係食物嘅水準就麻麻哋 。

今次嚟到呢間啟德雙子匯食泰國菜，店內環境好有東南亞氣氛🏖，窗邊嘅卡位坐位非常舒適，仲有枕頭可以挨住。蒜蓉炒貴妃苗 $98份量好多，啲貴妃苗堆到成座山咁😮，蒜蓉嘅香氣好吸引，貴妃苗亦帶有鮮甜嘅味道，口感又爽口又滑😛。燒豬頸肉 $98食落肉質好嫩，肥瘦比例啱啱好，彈牙嘅口感👍🏼。豬頸肉嘅邊位亦被燒到有焦脆嘅口感。本身就咁食會有少少辣味🌶，配埋佢嘅醬汁，酸酸辣辣嘅感覺，又再開胃左。燒西冷牛扒 $138牛扒好厚實，口感有嚼勁🥩，牛味都好重，燒完嘅牛扒食落更香口🔥，再加埋泰式醬汁，令肉味更出色，昇華成個味道。馬沙文牛腩 $108牛腩大大舊，面頭有啲椰汁作點綴，賣相非常吸引，咖哩食落味道甜甜地，香料同椰汁香味好濃厚🍲，牛腩每舊都好大舊，但食落依然好稔。另外叫個薄餅用嚟沾個醬汁🫓，牛油味好香，令人想一啖接一啖咁食晒成個薄餅。番石榴沙冰 $55係平時比較少見嘅飲品，番石榴嘅味道好香濃，唔係死甜，食到咁上下飲返啖沙冰，冰冰涼涼又解膩🍹。

睇演唱會前喺啟德搵嘢食朋友帶我嚟Sogo呢間泰國嘢位處14樓 居高臨下望出去 外面景色一流仲有室外位置 夜晚涼涼地坐出去食 一定好chillMenu選擇超級多Weekend都仲有lunch set 抵食👍🏻先要咗個泰式柚子蝦沙律好大份好fresh啖啖柚子肉 非常juicy蝦大大隻 食落爽脆加埋洋蔥、腰果、熟蒜 好開胃好好食🥰香芒軟殼蟹米紙卷冇諗過有8件咁多 勁抵食件件都份量十足軟殼蟹入面有少少蟹膏 咬落去湧晒出嚟好食！🙂‍↕️泰式蝦醬炒飯顏色非常靚 蝦醬味道幾香飯粒粒粒分明 加埋肉鬆、蛋絲、腰果粒同腸口感豐富 非常開胃👍🏻跟餐+$28仲可以有小食 要咗個馬拉盞通菜馬拉盞醬冇得輸 超香加咗少少辣椒同蒜頭 香口而不辣燒豬頸肉 必點！！超級好食 肉質好鮮嫩 顏色呈粉紅色燒得剛剛好 加埋sauce一齊食 簡直係perfect🫶🏻甜品試咗芒果黑白糯米飯賣相好靚綿滑嘅黑白糯米 加埋椰汁好香芒果新鮮鮮香甜A great ending!跟餐加$8又可以升級特飲椰汁冰甜度適中 唔錯朋友嘅咸檸七都好正啱晒睇演唱會前飲🤣食咗咁多嘢埋單又唔算貴性價比高！👍🏻

今日同朋友去啟德行下街，去埋新商場雙子匯行SOGO，見到有好多餐廳，大家都想食泰國菜，就決定食呢間！餐廳裝修幾靚，好有東南亞feel，座位闊落，坐得舒服😁餐牌有好多選擇🥳我地叫左4個菜，香芒軟殼蟹米子卷、泰式蝦炒金邊粉、鴨肉生菜包、排骨山香芒軟殼蟹米子卷 $98軟殼蟹炸得好香脆，配上芒果，牛油果同新鮮爽脆蔬菜，仲有炸蒜，口感好豐富，味道清新🤤泰式蝦炒金邊粉 $118金邊粉用蛋漿整成嘅網包住，賣相精美，金邊粉有鑊氣，炒得剛剛好，唔會太油膩太濕，仲有幾隻大蝦，好新鮮彈牙，味道甜甜酸酸，好開胃😘鴨肉生菜包 $118鴨肉味道香濃惹味，唔會太肥膩，生菜新鮮爽脆，包住鴨肉一齊食，口感豐富又清新😁排骨山 $248排骨份量都多，啖啖肉，食到好滿足，湯汁酸酸甜甜，好惹味🥰

呢間新泰係sogo上面星期日都有午市套餐，價錢非常抵食！仲配埋呢個環境，唔怪得咁多人等～午餐 椰香青檸海鮮粉絲湯呢個湯底充滿椰香，仲帶點青檸既酸，非常開胃，粉絲吸哂湯底既味道，清新而不膩，仲配上唔同種類既海鮮～午餐加錢可以配小食越南蝦米紙卷米紙包住唔同既蔬菜和蝦，蝦好彈牙，口感清脆！馬拉盞通菜炒得充滿鑊氣，馬拉盞既咸香令到成碟菜都好惹味，帶微辣！香蘭葉包雞雞肉用香蘭葉包住後燒，保留左濃郁的香氣，令到雞肉鮮嫩多汁，一d都唔柴！串燒牛有6串，份量十足，牛肉外焦內嫩，肉質鮮美，配上惹味既沙嗲汁，正宗泰國味道👅燒原隻魷魚大大隻，燒得岩岩好，唔會太燶，魷魚口感彈牙，配上燒汁