新樂海鮮酒家 (已結業)

入到梅窩走走，到中午時間又肚餓，係碼頭附近有間飯店就去試一試。店入面沒有人招呼，自己去揾餐牌，佢哋無午餐，全部散叫，種類都好多，除左有小菜，還有飯，麵等，不過可能已過1pm，好多款都無，西炒飯無火腿叉燒，又無茄子，又無斑腩，最後叫左椒鹽豬扒飯。碟頭飯即叫即整，大大碟 熱辣辣， 都好多白菜，豬扒炸得好香透， 而且有好多件， 肯定夠飽，又有鑊氣另外有一壼茶，係普洱茶，當然最普通個種椒鹽豬扒飯$50茶位每人$5

近年，大嶼山去得最多都應該喺機場，而另一邊嘅梅窩，估計都應該有10多年無嚟，就算今次再嚟梅窩，已經唔喺好似以前咁搭船，而喺港鐵到東涌，再轉巴士入梅窩喇 。至於今次入嚟目的，喺與另一對夫婦朋友入梅窩嘅衛理園靜修，無晌營地訂飯，所以，晚餐走返出梅窩食，反正10-15分鐘腳程，都好方便。朋友食過「新樂」，話味道家常，所以，晚餐就決定於此 。「新樂」喺村屋鋪，所以，地方唔大，紙皮石地板，摺椅膠櫈，防火膠板木枱，一派70、80年代屋村裡啲茶居風格，少少懷舊味，但求乾淨企理就得喇 。而幫襯都喺村內街坊熟客多，對比銀礦灣路大街一帶，或巴士總站嘅冬菇亭，「新樂」顯然十分幽靜 。牆上貼有唔少推介外，而菜牌就做得頗簡單，前後幾版揭一揭就揭晒，或許有啲菜式無晌菜牌上，但一般大路粵式小炒都可以做到俾你，好似有款涼瓜肉鬆煎蛋，所以，我哋想點嘅涼瓜炒蛋就唔難做出嚟。 紅燒豆腐 $65 豆腐裁得幾大件，都算幾香幾滑，配菜有冬菇、草菇，淋上蠔油茨，真喺只可以話佢好家常。 涼瓜炒蛋 $65 差唔多可以講喺涼瓜多過蛋，涼瓜味道甘苦，但唔澀，而炒蛋火喉幾好，嫩嫩滑滑，仲帶有少少蛋汁。雖然喺一道極簡單嘅炒蛋