新樂園魚蛋麵餐廳 (已結業)

今日同家人一行六人。黎左呢問新樂園小廚食晚飯。大家都未黎食過所以就是但點左幾個餸。蒜容炒菜芯$38  ～味道ok 夠獲氣九菜豬紅$38 ～份量都幾多。味道一般千島醬朱扒$58  ～雖然樣就晤太𡃁不過味道搭夠三色蒸水蛋$48  ～老左D。正常味道自家制牛仔骨$65  ～味道一般。不過口感大淋。晤似食牛肉咁沙鍋魚頭煲$80 ～份量多。有豆腐有燒肉。味道   好好味另外叫了2支啤酒。2支汽水。4個白飯。1個白粥埋單多謝$438。我個人應為就幾抵食。味道ok。會再去食飯

來到這間店食，係因為佢地容易搵到位。老實說佢地既食物就真係麻麻。 全個大埔街市，不計新開既店，真係間間都有D來頭，但係新樂園真係唔同層次。不過勝在位多。【牛腩魚蛋米線】﹣ 牛腩不夠淋，不夠味。﹣ 魚蛋，不似手打魚蛋既口感，但又不似機製既死實，總之，口感不好也不壞，但不夠魚香味。﹣ 湯底係最差既一部份，不夠鮮甜，不夠香。﹣ 米線太淋身，沒有咬感。

這天又來新樂園吃飯了，見到是日午餐幾款選擇都唔合意，剛剛阿妲各知還剩有一客蒸魚飯，便立刻落單要了蒸魚飯。 我平日下午都較晏才吃午飯，這時候多數都賣光了。豆醬蒸鯇魚飯等了幾分鐘阿姐便送來最後一碟豆醬蒸鯇魚，白飯一碗另上，這種調味用來蒸沒那麽新鮮的魚就最適合， 能蓋過魚腥味，但這兒樓下便是街市所以鯇魚都很新鮮，其實豆醬本身是挺鹹的，所以用來蒸魚通常會混入糖搽在魚身上，頗大件的魚肉上面鋪滿帶甜味的豆醬，醬汁用來撈飯食最正，所以最好可以加多碗白飯！這客豆醬蒸鯇魚飯索價廿八個大洋，在街市如自己買一件鯇魚肉也差不多這價位了，價餞是挻抵食的了，味道也算不俗，值得安哥！

在大埔工作，平曰經常跟同事去匯集名種有名平民小食的大埔墟熟食中心吃午飯，新樂園以魚蛋粉麵稱著區內，但其實我認為它的牛筋、牛腩、牛雒粉麵也很出色，我老闆最愛吃這裹的牛筋飯，今天我也叫了一碟試試，粗身的牛筋煮至晶螢通透，入口富有鹵水香味，彈牙而絕不韌，伴碟總會加上幾條唐生菜，牛筋及白飯份量都落足料，飯面淋上濃而不膩的腩汁，用來撈飯食特別開胃，牛筋含有豐富的骨膠原，雖然平宜但都好有營養，賣廿八蚊包飲品，凍飲也不加收相當抵食，算得上是新樂園的精品，別家少見這麼多粗肚的牛筋，路經大埔墟的朋友不妨來試一試。

今日2013年2月17日去完踩單車之後, 唸住係大埔街市食飯但無奈地全部食肆得返而張大枱我地7點30去到, 有十四個人所以點了十個餸菜, 點知惡夢開始, 首先黎左d 白飯, 到了8:15先有第一碟餸每隔20分鐘先有一個餸黎, 根住我地吹吹個老闆娘, 叫佢快d, 佢話就黎架喇我見隔離張枱個家人都發脾氣叫埋單, 最終我地食左5碟野之後都叫埋單好心佢做吾切咁多就吾好開咁多枱喇, 做臭自己個招牌

上星期六, 和家人特地走入大埔墟街市首先我們到頂樓熟食中心閑逛一下那時是下午一點左右, 整個熟食中心擠滿了人走著走著, 經過了出名魚片頭的<<新樂園>>剛巧當時魚片頭新鮮炸起我們也湊熱鬧買了半磅老闆娘用膠袋袋著的魚片頭還在冒煙, 真誇張回家後, 我們煮了幾件來當小吃微微金黃的魚片頭內裡有濃濃魚味, 頗鮮味而且質感很彈牙吃多幾件, 也不覺油膩下次經過, 我也會再次光顧

大埔熟食中心成日都人山人海，無論早餐，午餐，晚飯都好多人幫襯見到隔離叫左秘製豬扒飯，好多豬扒，又香～於是～自己都叫返個: )好大碟！！ 飯多豬扒多～豬扒多到食唔晒椒鹽香味十足，比普通的餐廳更入味～豬扒軟度適中，不會太(鞋)，醬汁酸甜，特別！唯獨豬扒肉質麻麻～ 加上兩生菜，減少油膩既感覺不過gum既價錢～有gum大碟～算係唔錯ga喇

平曰偶爾會跟同事去匯集多種有名平民小食的埔墟熟食中心吃午飯，新樂園雖以魚蛋麵冠名，但其實我認為它的牛筋、牛腩、牛雒粉麵比魚蛋更加好，我老闆便最愛吃這裹的牛筋飯，牛筋煮至晶螢通透，入口富有鹵水香味而不韌，份量又重好抵食，這算是新樂園的一味精品。 今天店員向我們極力推介它們的鮮肚三寶飯，包飲品凍飲也不加收，見店員如此賣力，我便隨意點了這三寶飯試試。鮮肚三寶飯 ($23)三寶其實是豬肚、豬腰及鹹菜，加上白胡椒果一齋煮成的鹹菜胡椒豬肚湯，一大碗白飯另上，奶白色的湯中浸很多湯料及不少大片的鹹菜，份量很足料，湯水辣度適中不會太辣難以下嚥，相信一般人都接受到，煲過的鹹菜鹹味也不過重，店家把豬肚及豬腰都處理得頗干淨，不覺有內臟的尿臊味，湯味充滿胡椒的天然香辣味，在近日濕熱的天時來一碗鹹菜胡椒豬肚湯，能令人胃囗大增，是夏日中能下飯的佳品，廿三蚊還包一杯凍奶茶，抵食到冇朋友，曰後再來必定 encore！

呢間野夜晚食打冷...愈黎愈多人食. 不過好好服務...去到果陣o岩o岩無位....老闆娘即刻開左張新既檯比我地坐......今日叫左豬紅同煎墨魚餅....好味.... 平時多d人食既時候會叫埋佢個卤水拼盤....送飯一流!!! 呢個係我地每星期六日係大埔開餐既必選之地!

環境普通, 大排檔的格局, 但總算清潔整齊。點了兩個午餐, 每個才$26連飲品(凍飲加$2), 且碟頭份量大!福建炒飯, 飯底炒得乾身, 配料足!豉椒炒牛河, 炒得有鑊氣, 用料亦新鮮!如此價錢加上如此品質, 街坊之選呀!!!

就快過年, 要就住使錢, 午餐來到2樓熟食中心解決.平時去開間鴻發冇開, 其他粉麵檔多數賣魚蛋, 左騰右騰, 至搵到呢間位於大單邊新樂園有賣牛腩.餐牌所有粉麵類一律$17, 連冷熱飲是$23, 油菜另外加$6. 牛腩河的 湯底唔算太出色, 但牛腩火候就啱啱好, 炆得腍中有咬口, 肥瘦適中, 一碗仲有六七件, 合格合格.碗粉都幾大碗, 好在我冇叫飲嘢啫. 油菜是芥蘭加腩汁走油, 忘記叫佢淥腍啲, 但嚟到都淥得好腍.周圍望, 八下其他人食乜, 見多數都食碟頭飯, 啲飯好鬼大碟, 俾著我, 分兩餐都未必食得哂.不過連餐飲都係賣$24-$29真是抵食夾大件

豬肉丸米.豬肉丸都好食....湯一般味精湯....飲品...好差..苦味阿華田而阿姐好努力拉客去個時都係有位.先要在這裏食.......講俾大家知....呢間店不來也罷

24 蚊 一個雞扒飯 呀姐話好食咪試下lor 黎到都好大碟 真憬幾抵食包埋野飲 ps:呀姐都好好人

吃完碗粥，响熟食檔周圍走一圈，再來呢度食碗蛋河..隔離嘅欽記排晒長龍，洪記仲好賣到早早執嘢收爐，唯獨呢度仍然做生意，仲要阿姐响門口拉客。有D唔對路..試一口湯，頗鹹；粉切得粗了一點；主角嘅魚蛋冇洪記嘅質感咁淰，魚味亦差個十萬八千里；魚片及魚皮亦只是普通...食完隔咗一陣，喉嚨極不舒服，味精作粹已...响呢度食過咁多間，呢間絕對在水準以下...