新曼谷泰國菜館 (已結業)

好耐冇試過兩個人出去撐"木台"腳，原本打算去九龍城食地道泰國菜，不過因為路程太遠而留番向銅鑼灣食。多謝各openrice食家既useful information，先知道原來登龍街開左呢間泰國菜館，於是向睇戲之外一於來試試~~一入登龍街遠處已經見到間舖頭前面有好多人等緊位，有個肥肥地既人(我估係老闆)同我地講話好快就有位，仲話其實間舖係有兩層，叫我地點定菜先。果然等左15分鐘左右就有得入去，由於之前等位時已經點左少少菜，所以我地一坐底就已經有野食~~^^我地點左三個菜+一個冬陰公湯:冬陰公湯(細)--兩個人都好夠食，每人都有at least兩大碗。唔算好辣，都幾甜~~^^仲有三隻大蝦tim!!(GOOD!)生蝦--都幾多隻，好鮮甜~~抵食!!串燒(雞+豬)--$35蚊有六串，好抵~~我個人覺得豬好食過雞，下次可以Only叫豬~~^^燒雞青木瓜沙津--好似都係30幾蚊，都好大碟~~青木瓜切絲上加埋D花生同酸甜Source，勁開胃。燒雞都ok。我地仲叫左個椰青($18)同埋椰汁紅豆冰($10)，個椰青好清甜~~~紅豆就反而唔係好夠甜……總括來講好滿意今餐，唯一差少少既係環境比較迫，坐得唔係

星期一晚2個人又來此店食泰菜...又叫炸蝦餅- 一樣份量多..不過今次既蝦餅好似無上次咁彈牙...不過都叫ok...泰式炒河- 有少少沙嗲又加d九層塔好香好好味.原本叫豬頸肉炒椰苗..但第一次上通菜已經叫佢地改...點知第二次就俾左唔知咩肉炒椰苗..算啦照單全收...不過碟菜麻麻太油啦.最後叫埋燒魚...這味就保持水準啦..不過佢地點魚個汁真係勁辣...如果無咁辣就會好味d.青檸7-up...嘩只俾一片青檸好孤寒呀...忍不住叫佢地俾多幾片..最後係俾多2片有少少爤青檸...明顯今次既服務員無我上次來咁好,食物有d都可以有d就麻麻地..不過2個人食左百多元..叫抵食啦.

之前試過幾次呢間餐廳都覺得好OK ！價錢又平，d 野又好食。所以今次有人生日話想食泰國野就立刻打去訂位。佢呢到地方好細，但我地有10 個人，所以一定要book 定唯一的一張大台。o個朝book 完話一定要準時到，訂左7:30，我7:15 就到左，去到的時候竟然見到唯一的一張台已坐滿10 幾人！！仲明顯係o岩o岩上菜，食到如火如荼…見狀立即找人理論，但d 人仲要話：人地都有訂位架，人地都要等，你等下啦！哇！點等呀？你之前有人訂左就唔好比我訂位啦！我訂完位你又要賣我台！攪到人地失哂預算！

亞媽day, 亞媽唔想出街食飯同人地迫, 所以我地就去買d野回家一起食. 叫左個小食拼盤(蝦餅及魚餅), 串燒(雞及豬各半打), 椰菜苗.d串燒好正, 個sauce有好多花生粒- 正正個蝦餅就無堂食咁正, 可能凍左啦, 個魚餅就有d辣唔係太"arm"小朋友食. 個菜就一般啦, 都係覺得佢地唔係用菜苗嫌唔夠嫰.p.s不過我都係覺得堂食好味好多

看到這間新曼谷的評語那麼好，便決定去試試。訂了晚上八時三位，七時五十分左右便到了餐廳，已見到有很多人在門口等候，再等了約三十分鐘，問待應還要等多少張枱，起初她也答不上來，並叫我再等，之後我再問另一位侍應，她也答不上來，並說：「訂了七時三十分的也在等候中。」我表示會離開，但她連一句「不好意思」也沒有，只說：「你走吧！」這樣的座位安排方法及服務態度，就算食物再好吃也沒有用！

放假同傻鬼睇完戲去食晚飯. 6:30pm已經full house...好勁.這間服務比起登龍街前一些既泰菜館好好多. 2個人叫左炸蝦餅- 好味又大碟, 有成4大塊只係38蚊...超抵食. 香芧燒則魚- 又係抵食之作....魚肉香甜又滑.咸魚炒椰菜苗- d菜有d老老地...唔似菜苗啦...不過味道算ok架海鮮炒金邊粉- 成晚算這碟最唔好食啦...唔知係咪無泰式酸酸甜甜既醬俾我呢....總之此店可以反食好多次..不過環境就真係麻麻地.

味道唔錯~兩個人叫四碟o野都食唔曬~但只是每人六七十元~Very good~

尋晚約左朋友仔食飯，又唔知食乜好，就上黎哩度巢巢有咩好野食，結果見到哩間泰國菜館，雖然只得四個食評，但四個都係正面架喎，咁應該唔錯啦!於是我地三個就去啦~~嘩，都好多人喎，睇怕都至少要等半個鐘，結果都真係等左差不多半粒鐘呢～我地叫左：1.印尼炒飯2.半打串燒(豬同雞)3.一人一個椰青4.蒜茸炒通菜5.咖喱肉蟹6.蒜茸包食到我地攤攤腰...好飽呀!!!全部野都幾正~係個椰青好似怪左少少，唔知係咪我地飲唔慣呢！地方都幾迫，始終間舖係細，不過都預左了～侍應的態度都幾好～～總之一個字：抵吃！哈哈！

二人吃晚飯，叫了:生蝦刺身- $58有8(或10)隻，蝦身新鮮爽口，夠辣夠香，好抵食好正辣椒炒蟶子–$58 辣，香，正小拼盤- $45 可自選兩款小食。揀了蝦餅(有3塊, 好味)和沙嗲雞串(有3串, 味道正常一般)，抵食泰式海鮮濕炒河–$38 河粉薄身，好入味椰汁紅豆- $10 椰汁味偏淡，一般檸樂- $10 用了青檸店員服務很好很有效率，有禮貌。環境略為狹小，但乾淨企理。不收加一。整體來說好味又抵食。只是...我倆又吃得過飽了。

宵夜同boss去食的,,生牛湯河(不錯)香葉炒飯(超不錯)串燒豬&牛(不錯)仲有椰青..都幾正宗!!地方唔大,,,估唔到會咁好食,, =]我會keep住去食的,,,kaka

呢度服務態度非常之好! 食物味道都非常正宗，大大碟非常抵食!!!心水推介: 芋頭鋦飯，泰式濕炒河，各式湯河，龍眼冰

哈哈! 依然係生日宴，朋友話呢度泰菜好好味，而且都開好耐，即刻上黎睇睇，估唔到之前原來無呢間餐廳data，在此推介俾大家，有機會值得一試。我們當晚兩人點了以下菜式:-1) 蒜蓉炒芥蘭(好好味，芥蘭一d都唔苦呀)2) 冬蔭公湯(好味，唔會太鹹，也足料，每人仲可以分到兩碗)3) 辣椒炒蟶子(好正呀，雖然蟶子較細隻，不過完全無沙呀)4) 泰式南瓜海鮮焗飯(都好好味)其實呢度環境較擠迫，亦沒有華麗裝修，不過食物質素好好，所以都要等位呀! 估唔到直至晚上十時多還突然有一班人來等位，老闆也多次走出門口叫大家不要離開，會儘快安排入座!侍應服務也不錯，最重要係真係好抵食，全店更不設加一。呢餐我們吃不完所有食物，肚子飽得不得了，也只需用$165!