新曼谷泰國菜館 (已結業)

上完 training，中午時分同同事們到登龍街覓食，行過見到係泰國菜，又冇乜人就入去試一試個 lunch。我地就散叫叫左雞肉乾炒河、香葉海鮮炒飯、椰汁咖哩豬、豬頸肉同咸魚炒芥蘭。雞肉乾炒河 - 夠鑊氣，佢 d 河粉係好似一塊塊不規則 o既河粉皮，好入味，不過就略兼 d 雞肉碎左少少香葉海鮮炒飯 - 鐘意食辣 o既必選！比我地平時食 o既炒飯濕 d，帶 d 辣味，海鮮配料都夠份量，唔錯！椰汁咖哩豬 - 帶 d 辣味，大概到中辣 o既程度，主菜配菜都足料！咸魚炒芥蘭 - 味道都 ok，不過 d 芥蘭就老左 d ，可能唔當造啦 ~服務同環境衛生都算唔錯，不過佢 d 椰汁紅豆冰就麻麻地，紅豆太少喇…鐘意食辣 o既朋友可以一試 ~

the food here is okexcept the set lunchthe food in the lunch set is not special and doesn't taste goodbut the food in a la carte is betteresp. the roast fish and chickenthe curry is ma ma deithe price is reasonable

八時左右嚟呢度食飯...第一次嚟登龍丫,平時搭車回家都經這條路,但一直沒有嚟過食丫~因為有一次BB話嚟呢條街行下睇下有乜食...加埋我上網睇食評知道好多人讚佢吔既食物~所以....就嚟左~ 兩個人叫咗個後冬陰公 (好正,好濃,好好味)椰青 椰青海鮮焗飯 (好香椰青味,加埋椰肉炒..正呀....真係好清香和特別)鳳爪沙律....(呢個真係超辣,我食到個口麻痺晒...要勁入水同椰青呀.....) 但味道就一般者當然不少得我至愛的黑糯米啦~ 熱辣辣的黑糯米飯,加埋泰國芒果及少少帶酸的椰汁....真係無得頂呀.....我一定要推介我的朋友來吃呀....P.S. 呢度只收現金,仲不收加一架.....

本人特別喜愛試不同的泰式蝦餅,因為間間不同但新曼谷的蝦餅香脆,口感彈牙也十分低食，大概有五舊再切開,一碟有十件左右(切開左之後)另外串燒也是不能錯過之選,味道不錯,醬料十分好味再來特別推介,椰青海鮮焗飯,香味燶郁，味道一流誠意推介之選

呢日中午約左tama食飯~問佢想食咩~佢未開口我就醒水知佢想食泰國野~之後被tama大讚醒扒~ kerokero~十二點幾到無咩人~ 正! 睇睇menu~心諗~咁抵食嘅!!!!佢d野真係好平~~二人餐都只係$78~不過我地選擇散叫~ 價錢差唔多~~第一次來要試下泰菜館最基本嘅野~點左炒金邊粉 ,蝦醬炒飯,龍眼冰,椰汁西米冰兩者份量足而且有鑊氣~ 味道皆屬中上品~唯一缺點係炒飯油了一點~龍眼冰淡了一點~但是兩種都係三十八蚊連野飲~ 午餐之選~!tama食到飽到唔識郁咁嘅樣~~~haha~

這間泰國餐館位處銅鑼灣內街較偏僻位置，一點也不起眼要不是朋友介紹，也不會行經這條登龍街，光顧這間餐館進入餐館前，先看看門口展示的餐牌價錢尚算吸引... 好啦，就入去啦...叫了一客冬陰功湯、拼盤、炒金邊粉冬陰功湯份量十足，辛辣得來帶點鮮味，適合一般香港人的口味拼盤的炸春卷皮炸得十分香脆炒金邊粉口感也十分不錯兩個人食，埋單計數，只是$160，以這樣的食物質素，真是相當抵食！這家餐館面積不大，檯數也不多，如果要約一大班人食飯，恐怕未必太適合

之前來過好幾次,泰式蝦醬炒飯最令我心掛掛,因為我真係好鍾意食泰國菜~~~泰式炒金邊粉旁邊有辣椒粉,花生碎,小半個青檸,可以隨意搞伴一齊食,不過辣椒粉太辣,所以不會混和,至於青檸一定會榨汁,可以令味道更加鮮,金邊粉炒得好乾身,鮮蝦爽口,有十足火喉. 泰式蝦醬炒飯每次必食之選,有泰式臘腸好香口,不肥膩,味道較甜,同香港臘腸好大分別,我已經愛上它的蝦醬味道,真係好香,好野味,每一粒飯都沾上蝦醬味,而且豬肉鬆和炒蛋好配合同蝦醬炒飯一齊食. 香葉肉碎炒飯是我的朋友最喜愛這個炒飯,喜歡它的辣,喜歡它的香葉味道,又有一點點豬肉碎,可以選豬,牛或雞肉,炒飯裡面有一種好香的醬油味,應該都是泰國出品.

一直以來都好鐘意食冬蔭菜，果種獨特的酸辣香茅味是廣東菜所沒有的，今次難得搵到有人唔怕辣，一於試o下呢間野。店鋪位置不算太難找，不過稍嫌殘舊了少許，時值週末正午，竟然冇乜人真難得。由於好多野都想食，於是點了唔少餸。青咖喱豬肉配飯：出菜超快，有香味及少少辣，唯飯是用碗上，比較不方便。泰式蝦仁炒金邊粉：賣相不錯，但金邊粉炒得比較「痴」身，而且配以辣椒乾粒，反而比青咖喱還要辣蝦膏炒青口：香噴噴，o的汁用來撈飯一流，不過價錢稍貴冬蔭功湯：細碗已夠兩人用，大路貨，不過已經比好多出面o既餐廳，至少我唔覺佢特別用辣油調味！泰式拼盤(炸蝦餅及沙嗲豬肉串)：炸蝦餅係大路貨，唯一值得提係豬肉串燒，真係好好食，豬肉非常嫰滑。泰式凍飲：龍眼冰同椰汁西米冰都係大路貨，不過不失。可惜冇泰式生蝦，如果唔係就perfect啦！平平地每人百零蚊一餐，食到飽飽，唔錯

早幾個星期日~行完書展~約9pm左右去食....三個人 叫得唔多餸: 蒜蓉包 ,泰式海鮮炒金邊粉,黃咖哩牛+2碗白飯,串燒半打-豬雞各一半.泰式海鮮炒金邊粉: 有好多海鮮喎~青口,魷魚,虾.... 但就辣o左d (餐牌上有一隻辣椒)蒜蓉包:好香!黃咖哩-牛 (另加2碗白飯) : d咖哩好好味~ 送飯一流 牛肉係牛肉片.... 仲以係會係牛腩之類大大嚿的....有少許失望.串燒半打-豬+雞 : 又係好好味!!! (d豬串燒 有d深色~搞到我o地以為佢畀o左牛..但食落就知係豬))

多數黎呢間都係食lunch多,因為食飯或粉麵有野飲送埋,好低食,飲品可揀龍眼冰,椰汁西米冰等.....價錢都係$2x-$3x有交易,比較欣賞佢d炒飯, 炒得好好.湯粉略嚴佢比較淡,可能我食得比較咸不過泰國湯粉都比較淡架啦...同埋唔太鐘意佢d炒河, d河粉好粗,好似炒到一pet野咁(濕炒)

常說新不如舊,這間例外。十二月底,由"泰國人"帶路來吃,那個滿到瀉的芋頭煲仔飯,印象猶新。全免加一,午餐送特色飲品,龍眼水最多人揀,幾清甜。珍多冰、三色冰都不錯。數週前與友人晚餐,叫了沙律、青咖哩牛,當然少不得芉頭煲飯，飲品。好像還有其他一兩樣。蒜蓉包一早售罄。閑日七點到,七點八入座,過八點菜才到。除了車仔麵,登龍街所有食店晚市都等得痴線。味道和黃珍珍差不多,對粗食的本人來說已算幾好。煲仔飯的芋頭像被高壓煲壓過,很粉。吃了一段時間後,人和煲一樣,都滿面油光。與幾步之遙的泰成,味道則差不多。不過新曼谷份量多兩三成,價錢平一兩成,泰成無得揮。

上星期五和男友專誠黎試食當時大約6.45, 冇咩人....好彩之後, 就非常多人!!!我地叫咗1. 冬陰功湯我地諗住叫大size (our favorite soup), 但個侍應好老實咁同我地講, 細size夠晒架啦, 唔駛大啦. 酸味都夠, 但再辣返少少就perfect. 侍應仲問我地駛唔駛用個火幫我地烘住個湯添, 招呼一流.2. 咖喱鴨胸好香椰子味, 味道一流3. 蒜蓉飽冇咩特別4. 菠蘿炒飯嘩, 非常抵食, 好滿, 好多餸, 味道又適中!!!呢度除咗野食好味之外, d招呼都幾好, 又唔貴.一定要再幫襯!!!

21.2.08同成班FD去左LEE到食8個人食左1.生蝦刺身- 好新鮮, 好甜, 本人好喜歡2.蒜蓉包- 嘩, 正到痺...一定要食3.紅咖哩蝦4.黃咖哩雞5.炒椰芯- 好似D荀咁...麻麻地6.燒烏頭- 面頭灑左好多粗鹽之後去燒, 點佢D汁食好好味, 唔鞋7.濕炒海鮮河粉8.炸蝦餅- 一流呀!!9.拼盤- 豬頸肉, 雞翼, 串燒雞&豬10.炒蠔蛋11.冬陰公湯(大)- 幾好味喎, 好多料,我地8個人都夠飲12.火車頭炒飯- 好普通的炒飯囉13.生菜包(豬)甜品- 甜品黎講...就真係麻麻地啦...14.千層糕15.芒果黑糯米 +9 杯野飲

咩都好咸.個個乾咖哩好咸...叫個西蘭花.好辣.....蒜X包正常但6件.有一件係超細佢咁都計一件.真係吹漲.........................只可以話係個日個大廚無返工囉之前食都唔係咁....

我第一個食評!昨晚由中央圖書館找野食行到呢道, 見到有泰國野食就入黎了, 點知發現呢間野好味道!我同男友兩個叫了(1) 青咖哩雞(2) 泰式乾咖哩軟殼蟹(3) 蒜蓉包(4) 白飯x 1青咖哩雞係我最愛, 但唔係間間好味ga, 但呢間的無令我失望! 佢夠香又唔會太重椰奶味! Good! 連汁都食晒呀!男友就覺得乾咖哩軟殼蟹好好味, 炸得黎有唔會好多炸粉, d蟹咬落又啖啖! D咖哩汁味唔會太蒜蓉包又香又脆! 又趁熱食!由於太好味忘記了影相, 我相信會再去食的! 下次補回!