新星餐廳小廚

叫左3個炒飯 ，一個楊州炒飯 ,一個咸魚雞粒炒飯 ,一個蝦醬炒反 ,收我153，買左反去先check ,全部係楊州炒飯 最平個個，我住廣林唔想行咁遠返去 永久black list…查看更多

同朋友食 晚餐 雞煲無辣味 連辣椒都無味 菜貴左d 貴過d 出名小廚 菜單係度 又唔到水準 優點就係好快上齊嘢。唔會去第二次 唔推介 唔推介 唔推介！！ 對面廣源村裡面仲多餐廳 好食好多。。。…查看更多

我哋三個人叫咗一個乾炒牛河，鹹魚雞粒炒飯，三杯飲嘢，因為兩個其實都算大碟，所以三個人都夠食，佢仲送咗三個例湯俾我哋，所以完全夠食，我想講嘅係，而家好少茶餐廳叫冷熱飲品都係同㗎，凍飲也不用加兩蚊，比我又點好着數嘅感覺😂…查看更多

廣源咁多茶記黎講。真係冇間 ok, 新星變左飯堂。午餐沙嗲牛。下午茶炸脾。晚飯各式小炒。價錢公道。茶記黎講地方算好坐。乾淨企理。商場果D 要檢討下。人多到要等位。真心好評…查看更多

行完山，3點幾去食個下午茶，住咁耐廣源邨都冇食過新星既下午茶，就去試下啦~ 見有生炸雞脾薯條wo, 35蚊份， 即刻同男友叫2份~凍奶茶加3蚊， 凍檸樂加8蚊。薯條同雞脾都係岩岩炸起，賣相唔錯，熱辣辣咁~正！ 波浪形粗薯條，幾好~不過個雞脾。。。食落有陣"soso" 地味既？！ 男友話冇變，係d奄肉粉味wo~不過本人就唔太中意陣味啦。。。…查看更多

廣源邨對面的大排檔，到夜晚都多人來食晚飯，所以特登去試一試。當然一個人去試，就唔能夠叫好多嘢食，就唯有要一個最家常地道嘅土魷蒸肉餅配個靚仔。簡單來講，靚仔(白飯)正常，唔借凍晒或者起「骨」。值得一讚是肉餅含豬肉量極高並不是加了很多粉。每一啖咬落去都實在、有肉地。亦都唔會將某些新派肉餅般，盲目追求好滑嘅感覺，其實我個人偏向食肉餅有肉味、有咬口才正宗。除了土魷本身香之外，還有冬菇粒，所以特別惹味。豉油並沒有落得太多，有點熟油豉油已很足夠。雖然只係一個很簡單的測試，不過俾到信心我。一於下次增加火力集合人馬，試食煲和小炒先！…查看更多