新星海鮮酒家 (已結業)

同流沙包緣慳一面！同阿媽星期六飲早茶，佢話嚟呢度。3個人9點幾到好易搵位，唔使搭檯。12點前埋單大中小點$7.8，另有兩款蒸飯$4.8。就叫了5款點心(炒腸粉、燒賣、窩貼、莧菜餃、流沙包)加嗰兩款蒸飯(素翅蒸雞飯；茄子排骨飯)。點心質素都ok啦，係嫌蒸飯油咗啲，不過最差嘅係窩貼，啲皮淋嘅，而且好少餡。最期待嘅係流沙包，可惜等咗好耐兼追咗兩次都冇，失望。茶錢@5，有加一，埋單$61，普普通通啦。

好慢呀d 野食黎得個阿姐又好似唔多想serve我地咁, 真係豈有此理!! 我地成圍有十一, 二個人, 次次俾個d 火鍋紙, 俾3張先黎一次野食, 叫d阿姐拎野飲俾我地又唔show我地, 想自己出去拎又話唔俾, 一定要佢地斟....完全唔知個張姐想點lol總之個服務就超級唔好啦, 成班人bo乾水都未黎野食, 唉, 食得唔過癮, 又唔飽, 好差呀><

２００６／６／１８B(屯門海趣坊分店)因為上個月母親節我有去茶樓等位飲茶，做仔女既不可能厚此薄彼，所以父親節我都照樣去等位飲茶！經過上次遲左出門口導致要等１．５小時既經驗，我今日就比上次早一個鐘出門口（０７４５）＞＜去到唔見有太多人等位，十個八個度，果然早黎係岩既！而我就要等３張木台（呼）等左半個鐘終於入得＞＜／／開埋位洗埋杯，就呆在著等家人黎～最後爸爸０９００到，媽媽０９１５到，妹妹最遲０９４５先到（唉）而我，變相今次仲等得耐過上次，分別在於響酒樓外同內等人．．．唉人黎到就開始叫點心，原來今次張點心紙同上次9號黎飲既唔同左ｗｏｒ！Ｏ口Ｏ由爸爸拍版叫點心（因為佢唔畀人選架～＞＜）燒賣：超好食，全家大讚！流砂奶王包：上次我食過，今次叫諗住畀妹妹試下，佢同爸爸食到成手都係奶王哩～＾＾菜肉包：爸爸點的，我覺得一般。羅漢齋腸：腸粉皮很滑，都唔錯啊～金錢肚：好好味呀～好野味！墊底塊蘿蔔仲正（哈）杞子鮮竹卷：用左杞子黎蒸（唔同之前食過開ｄ），加上用個燉盎上好棧鬼呀。本身食鮮竹卷都覺得好‘溜’，呢款配埋ｄ杞子酸酸的一齊食幾開胃啵～煎腸粉：一般，只因為我想食才叫而已，哈～薑蔥牛柏葉：比其他酒樓好食一ｄ

其實成日都同男朋友去呢度打邊爐, 不過今次突然係門口發現一張poster, 寫住啤酒椰皇湯底, 覺得幾得意, 入到去見到枱面又冇, 咪問下亞姐係咪有, 個亞姐都要周圍問人先知. 原來我地係第一個試呢個湯底既人, d部長亞姐經常走埋黎問我地覺得得唔得, 佢地話唔敢promote, 驚個湯苦苦地俾人鬧喎. 我地兩個酒鬼食落又覺得ok, 係有少少苦味, 我地全程都加任飲生啤, 都冇加過水, d味就梗係勁d, 我諗如果之後加水唔加啤酒會淡d, 易接受d.

2006/6/9因為突如期來的黑雨，返返下工就閃返回家，仲約左媽咪去海翠坊間新酒樓飲午茶。去到等左陣位，估唔到平日都咁多人飲茶~叫左6樣點心蝦春卷(超好食，蝦肉又多，皮又脆卜卜)流沙奶王包(勁正，d奶王多到一咬就標哂出來，而且d奶王食到流哂成手都係添)豆苗蒸餃(一般，淡左d，不過幾清)津菜雞扎(一般雞扎，條津菜差d哽到我同媽咪<太長了又咬不斷=.=>)煎蘿蔔糕(一般，反而媽咪話好好食，佢話d糕夠軟身)蝦腸(蝦勁唔新鮮，梅的，反而d腸粉皮好滑好軟)水仙茶都幾好飲，至少唔會越飲越濃味。以為好貴點知埋單都係$97.00PS:飲完茶竟然除下左黑雨訊號，又要怱怱忙忙返返公司(唉)

２００６０６１１有２位外國親戚遠道而黎，今日同佢地去左成日街，最後返黎海翠坊食晚飯。連同伯伯，伯娘，７個人，散叫了ｄ餸菜食：貴妃雞（超好食，全部人都讚，新鮮雞，皮滑雞嫩）白約蝦（蝦身比較林）沙茶醬茄子駝鳥肉（超超好食，茄子和駝鳥肉都係我至愛，而且唔辣，岩我～）南乳齋煲（好好食呀，爸爸同伯娘話ｄ味比出面食開既正！）羅漢齋（成碟都係菇類，味道唔太特別。反而我最ｌｉｋｅ菇下面ｄ芽菜，撈埋ｄ汁好好食，哈哈，我係芽菜ｆａｎｓ）今次叫得太少餸，食唔飽我＞＜最後有紅豆沙送，都唔錯的＾＾

上星期同朋友慶祝生日，我地一行六人嚟咗呢間酒樓打邊爐。當晚我地order 咗肥牛啦、菜啦、魚啦、幾樣肉丸等之類之類一般打邊爐會order 嘅食物,而我地覺得最正就係碟鮮牛肉，又新鮮又唔un，幾好味。而個侍應d服務態度就十分好兼值得一讚，皆因由我地初初入嚟時佢都幾好笑容又識講吓笑，到後期當佢一個人要照顧差唔多半個廳咁滯時，明顯有好大差別(咪就係"殘"咗好多囉)! 雖然係咁，但每當d客人叫佢換嘢呀，order嘢呀咁，佢次次嘅應對都好好，無話黑口黑面，悔悔氣氣咁，只係會幫人客快快趣趣落單，反而個什麼部長呀或經理呀仲無佢咁好態度添，大家話呢d咁嘅員工真係邊度搵呀!!所以總括嚟講，我覺得呢間酒樓都值得大家去幫襯嘅。

26 April 2006 (Wed) - 晚飯友人唔駛返工，周圍搵人打邊爐，即管奉陪，叫下叫下，都有成十個人去，佢既號召力都唔錯喎！我未黎過呢度，所有嘢都覺得一般啦，柴娃娃成班人黎食既好去處囉，嘢食都係嗰啲囉！只係記得我哋叫肥牛十個人，都只係比得嗰幾塊．．．仲有就係剔咗好多菜，完全冇黎過，要催至比返我哋，連菊花蜜都係咁．．．．算啦，反正呢度都係普通水準！菊花蜜ok，唔太甜又滋潤；仲有個龍蝦丸都可以！話平都唔係平，可能我哋叫咗好多啤酒啦．．不過九點後任食，食到成十二點幾都未關門，西利！

又dirty 又難食食完會肚痛的唔好去食呀仲有d人的態度好差仲話自己新星海鮮酒樓好勁都唔知有無搞錯呀仲叫我地唔食就唔好過黎行開一二角添都唔係做生意的、仲有個短頭髮金毛的女人仲要鬧客....搵埋d 低下文化的人黎影衰自己名聲唔食好過食啦....大家自己諗過啦.....仲話自己好出名、原來不過如此.....唉...好失望呀

食物ok, 某些侍應既服務還可以, 但整體服務, 尤其d經理態度實在令人火滾!! 原本一家五口團年開開心心, 結果換來一肚火。首先, 黎到門口, 個姐姐唔到我地既booking, 比左張勁暗既檯我地(得半張檯有光到), 當時全場入座率約3成, 叫個侍應調位, 佢都好好聲氣, 叫個部長埋黎幫手, 點知一時又話冇細檯, 話全部都係大檯, 又話三人檯你坐唔坐丫(係高音o個隻)...人地訂晒檯架...我知佢今晚都好full, 於事我都好好聲氣同佢話, 我再強調我都係一樣有訂檯。其實其他人都唔係mark實一張檯, 點解我唔可以要張光少少既呢? 後黎個經理即刻叫個知客過黎, 個知客即時幫我調。本來相安無事, 家人未到齊時諗住叫定d野, 黎齊加左d菜就叫佢可以同之前order定既都一齊起。結果除左後叫既幾味黎左, 之前叫既每一味(包括飯)都要三趨四請先到, 差唔多每個侍應曾經經過既我地都問咁過咁滯, 因為每一個都之係敷衍話黎緊, 之後又冇check, 又冇話幾時黎, 發火都冇人理, 直至之前幫我地落單, 好好笑容咁埋黎想幫我地加湯, 聽到我地咁爂, 先拉個經理埋黎理下我地, o個時已經等左一粒鐘。我

屋企人係度買左兩碟點心返黎,燒賣和流沙包,共$17.8, 個包食之前蒸熱左,一搣開,D蛋黃巴巴聲咁流出黎,好香咸蛋黃味,仲食到有少少椰汁,不過自己覺得稀左d,流哂出黎,食哂d餡,剩係個齋包。另外燒賣好平,$7.8,個樣唔錯,但唔多夠味,肥豬肉都唔少~~

每一次上大型連鎖酒家打邊爐,全部唔係出自我主意,個人而言,坊間火鍋店大把選擇,為何仲要去呢一類連鎖酒家?風味,唔夠老坑,鴻福,甚至九龍城金牛.勝在價錢平,由其在某些特定時段入座.一大班人,所費無幾,樂也融融.就係咁多.食完都唔知食過咩野落肚.某日同事收工飯聚,彭慶記係我主意,新星打邊爐,係佢地主意,一個對廿個,不敵,唯有屈服.柴娃娃叫左十九幾碟,無邊樣值得推介,來來去去,都係果幾味,肥牛,當然街邊檔好啦.同班同事,一次半次,總能忍得到.私下同朋友,一定唔會去呢類地方.

早兩日辣椒女約了朋友去銅鑼灣行街買東西，之後約了一起去食火鍋。我們先叫了香茜皮蛋湯底、什錦拼盆、皇庭貢丸、蟹粉包心丸、鮮火腿扎、沙井生蠔、小杬鯪魚滑、菜餃和珊瑚蚌。香茜皮蛋湯底- 料唔多，味道唔夠香濃，普通。什錦拼盆- 看圖片好像幾多幾好，但來到時，原來都幾少，味道一般。皇庭貢丸- 比較好味的了，唔會死實實。蟹粉包心丸- 外皮像魚蛋，內裏包蟹子，味道也算幾好。鮮火腿扎- 都唔知係什麼，差，不提也吧！沙井生蠔- 唔新鮮，沒有什麼味道，只是一般。小杬鯪魚滑- 好粉，都唔知落了幾多魚肉，今晚最差的一味。菜餃- 味道好普通，飽肚的一味吧了。珊瑚蚌- 又係唔新鮮，死實實，可以不要。價錢平，但食物麻麻，有些還很差；沒有什麼要求，只要飽肚就沒有什麼所為。

(21/12/05)姊姊愛上出街打邊爐,雖然做左冬,當一家人食餐飯o羅。烚o下烚o下,都無乜野好講,不過想講,特別好食的有,駝鳥肉、四寶丸(手打的墨魚丸,蝦丸,鯪魚肉丸,豬肉丸)好彈牙、流汁蟹黃鱈魚丸(勁正)、脆肉鯇魚。騎呢野有,鹿根─好像炸魚肚咁,爽Do既,我唔鍾意。四川粉皮,好像河粉,但口感完全唔同,爽爽地,所以唔會入味,亦唔推介。帶子餃,俾個名扼左,無期望多帶子,但少到咁,不如叫佢,韮菜餃貼切Do羅。四個人,叫左十幾碟野,一jar竹庶水(OK架),價錢同任食火鍋差唔多,貴少少。咁食物新鮮,環境唔錯,食得過。

在2005年12月9日下午1:20pm門口位果位所為主任,她給了我們門口的一張桌子,我們上了去後發覺位置不太好,所以要求可否有人結脹才換桌子給我們,但她竟然發惡鬧我,你要換位不如頭先否好上來啦,浪費我時間,好太聲,連其他桌子的人都說洗吾洗發皮氣,我覺得佢可以有禮貌地說聲吾好意思因太多人安排吾倒咁咪算lo,吾知為什麼要發惡,我問你這樣態度不太好,佢竟然話我已經好好態度就行左去,回來的時候還用不禮貌眼神愁視我,我本來覺得果度食品都好好,但服務態度就真係一流。