81
27
20
餐廳: 新星海鮮酒家
資訊:
出街都想食得健康啲? 梗係揀「有營食肆」啦!
認住「有營食肆」標誌,點選餐牌上貼有 標誌的「有營菜式」。
港鐵銅鑼灣站 C 出口, 步行約3分鐘 繼續閱讀
電話號碼
2838 2186
開飯介紹
新星海鮮酒家的任食火鍋配料選擇眾多,亦設超值宴餐,有海鮮、雞鴨等多道菜。 繼續閱讀
營業時間
星期一至日
07:00-02:30
付款方式
Visa Master 現金 銀聯
座位數目
130
其他資料
Wi-Fi
深夜營業
酒精飲品
自帶酒水
泊車
電話訂座
加一服務費
電視播放
任食火鍋
招牌菜
大閘蟹 肥牛 豬面青
食評 (142)
等級2 2015-10-05
7455 瀏覽
本來想同朋友搵黑夜壽司,點知行黎行去都見唔到,最後見到新星11點都仲未關門,所以臨時改去打邊爐。選擇唔算多,都係平價食材,不過價錢咁平都好正常。完全無味的竹蔗水,好似飲緊甜甜地的普通水咁。醉雞湯底唔錯,聞落非常香,雞件都幾滑。牛肉粒夠香濃,牛肉片嫩滑,象拔蚌彈牙,魷魚新鮮,蘿蔔唔夠清甜。點左長腳蟹柳,點知原來係長腳.蟹柳,而唔係長腳蟹.柳。魚唔夠滑,骨都幾多。漏單問題嚴重,廚房阿姐亂咁執,有畫個d就送唔齊,無畫個d就是但搭多幾條落碟,牛柏葉落單4次都無黎過,激死! 繼續閱讀
(以上食評乃用戶個人意見 , 並不代表OpenRice之觀點。)
等級2 2015-09-20
5439 瀏覽
成班男人打邊爐 肥牛淋 粉腸粉 雞子有口感 最緊要係 有酒啤一啤佢依家打邊爐任食少左好多選擇 好在新星仲做緊 而且價錢亦唔算貴 野飲亦係任飲最o岩我地成班男人喪啤一啤 一啖雞子  一啖啤 最好既享受! 女人係唔明的 haha火鍋料選擇都算多.... 亦有d熟食小吃比你任夾我地叫左個焉樣 一邊嚴茜湯, 一邊麻辣湯個嚴茜就好濃味 但個麻辣食落好似平時屋企一包包個d 打邊爐湯底咁...得個辣字 冇味d丸既味道真係好一般 如果冇乜要求 其實係可以接受, d炸魚片都算脆口 不過都偏碎最正係佢既鳥冬 唔係平時真空包裝cheap cheap烏冬 而係急凍讚岐烏冬 食落真係好滑口又有口感坐得都ok 一般酒樓 佢特登劃開 晚飯小菜區同打邊爐區 唔使我地打打下邊爐 係到隔離飯香 唔錯唔錯下次會再黎啤啤佢 繼續閱讀
(以上食評乃用戶個人意見 , 並不代表OpenRice之觀點。)
等級4 2015-08-03
5582 瀏覽
同公司同事飲茶,黎黎去去都係附近嗰幾間,佢地開始覺得悶,所以就提議行遠少少,試吓鵝頸橋底o既「新星海鮮酒家」,因見門外廣告牌上午市都好多特價菜式及套餐優惠 。「新星」係一間好典型o既港式酒樓,地下為接待處,行上樓梯則為餐店大堂。午飯時間,散座o既食客大多都一邊嘆茶,一邊睇報紙,店內工作o既都似乎係老伙計,健談又熟練。會計小姐同靚仔經理一早到步,叫好點心,似乎亦已同幾位樓面叔叔做咗好朋友添 。 椒鹽魷魚鬚:魷魚鬚炸得好香脆惹味,最緊要係唔會食到成口油,大大碟二十蚊有找,淨睇份量都覺得抵食 ! 原蝦燒賣皇($17.9):燒賣味道較清,明顯地蝦膠比肥豬肉多,食落爽口健康,但個人都係鍾意食返傳統嗰隻多啲。 荷香棉花雞($17.9):棉花雞則較咸,幸好雞胸肉唔嚡又唔乾,睇在價錢份上都算係合格 。 韭黃鮮蝦腸($18.9):蝦腸係幾款點心中最好味o既一款,腸粉軟滑,蝦隻爽脆,獨立分成細細件,更方便客人食用,絕對係必吃之選 ! 瑞士汁肥牛炒河($39.9):河粉轉用上瑞士汁及肥牛炒製,可以話係乾炒牛河o既升級版 。用咗瑞士汁炒o既牛河乾身、軟滑、甜美,加上薄薄o既肥牛肉味香濃,配合得天衣無縫,單售$39.9不但材料升咗級,份量亦冇減,真係難得的又抵又好食呀!「新星海鮮酒家」環境有啲古舊,但仍不失本土茶樓風味,午市特價點心粉麵質量偏高,而且大碟夾抵食,搵位又唔難,嘻嘻,睇黎「新星」將會成為公司飲茶首或次選地點。 繼續閱讀
(以上食評乃用戶個人意見 , 並不代表OpenRice之觀點。)
等級3 2015-01-24
6833 瀏覽
想系銅鑼灣搵間就腳又唔太嘈酒樓,新星都幾好選擇,呢度最多人黎系為任食火鍋,只系嫌佢得兩粒鐘,太趕囉,又包酒水包食其實就幾抵!不過約左d要盡爆心中情gei朋友,當然揀小菜啦,見佢有半隻豬,d皮都幾脆,佐酒真系幾好,諗住試下d小食,滷水掌翼就太差,滷多唔夠時間,硬骨骨又無味,失敗中gei失敗!反而個沙巴戥兩味,味道適中,魚塊又夠新鮮,走過油做得唔錯,同個fan不約而同大讚!至於個薑汁芥蘭,無論做工擺碟,實在用心,d菜條已刨去外皮,薑汁味濃又帶點甜,炒得火喉剛好,爽脆可口!又有日本啤酒減價,可惜羊腩煲已停止供應,不過傾下計又有兩味似樣已經好收貨! 繼續閱讀
(以上食評乃用戶個人意見 , 並不代表OpenRice之觀點。)
等級3 2014-09-11
9218 瀏覽
今日同學聚會去到新星海鮮酒樓打邊爐,8:00起計兩個鐘,$148一位,加一,姐係最後埋單每位$135,以係銅記地段,呢個價錢都尚算fair啦!成班朋友一去到即刻點左好多野吃,個個都餓鬼咁款,個個都嗌好肚餓,不過好彩呢間酒樓有d熟食,有天婦羅南瓜同茄子,可以醫住化骨龍個肚先哈!不過味道就比較咸 我食左兩舊就........而邊爐方面,我地叫左沙爹同清湯底,沙爹好香呀,唔會太重味,正‌!食物方面,最好吃都係肥牛,好新鮮,好多汁。另外仲有好多菇既選擇,材料都新鮮,同埋佢有好多唔洗加錢既野食,例如象拔傍,小花膠同新鮮海鮮,所以都幾抵吃。任食的邊爐有任飲罐裝汽水同啤酒應該係基本野,但係有埋jollysandy同埋1 jar jar的夏枯草,唔洗加錢!仲要幾好飲!真係好滿足呀!! 繼續閱讀
(以上食評乃用戶個人意見 , 並不代表OpenRice之觀點。)