新星海鮮酒家 (已結業)

阿哥阿嫂話要同Daddy食多餐舊曆生曰飯.平時例牌星期曰早茶既新星又有超級promotion!!! 原價$480既東星斑,逢曰至四大特價$88!!! 之前DaddyMame都試過幾次佢地既特價魚,知道係超值所以今次又點會錯過呢! 旺角新星既interior幾得體,檯與檯之間又唔會窄.而且地方同restroom都好潔整. Mame訂左7:30,但去到發現一樓滿曬火鍋,因佢地同時間有買一送一火鍋. 唯有上二樓.我地一坐低就先叫佢地落order留東星斑($88),一窩嚮螺例湯($108),同一隻水晶雞($128). 佢地已經話得番一款例湯 - 海底椰煲雞. 見咁既情況Mame順便點埋其他菜. 阿哥一家8點先到,就叫佢地上菜.點知個部長話得番半隻水晶雞,一係要半隻一你要其他雞. 都唔知佢地點留野. 唯有照叫半隻再加個小菜.海底椰煲雞湯 - 超鮮濃味雞湯.湯渣都有成半隻雞.新鮮海底椰好爽口.$108 足夠7碗份量. 正!!清蒸東星斑 - 好大條東星斑!! 好似去飲o個條蒸既時間o岩o岩好~新鮮啖啖肉,好滑好正~~~ $88超底食!!!其實檯檯食晚飯都有一條囉~半隻水晶雞 - $78招牌菜.

我食開火鍋既,都知道會冇咩人招呼(最多都係有人幫手加下水咁)但係呢間新星火鍋完全唔掂,水都係自己加既事發當日我見到門口張海報寫住一送一,見咁抵咪試下囉一坐低之後叫左汽水飲,跟住有個女人(應該係部長級)問我要咩湯底我就叫左個香茜皮蛋湯底,跟住點選了火鍋配料過左一陣,配料來了,一大碟的(有D我點左都冇o黎到)等左好耐,湯底仍未到,我便追問剛才的部長他說等等就到,等左一陣有個好大個黑眼圈既男部長走過o黎問我地點左咩湯底?(我心諗一定入漏單)咪叫佢快少少得唔得(佢剩係識得講唔好意思)食到左咁上下湯底冇咩水啦,我見到D侍應好忙咁樣咪叫個黑眼圈黎加水囉,點知佢掛住睇電視(睇唔到我叫佢)谷鬼氣自己出去搵水壺加囉,我用完擺返水壺出去佢先見到我仲鬧其他侍應唔睇住個場(我心諗你呢D先係冇睇住,睇電視就有)睇住佢地做緊o野都比人鬧,有D唔知點咁最後-----我想講既係呢個黑眼圈同埋呢個女部長既服務唔係咁好食物尚算可以,價錢就真係超抵兩個人食都唔駛二百元如果服務好D既話,可以再試一次走往地下時見到呢個開飯網址有得投新星票咪上o黎留言,我諗投既話我都唔會投新星

今晚同阿WING 同佢家人為佢慶祝佢GE舊曆生日. 而阿WING 就係網上搵左一間幾好食評GE新星海鮮酒家.除左食物質素, 環境都非常不錯外, 佢地GE服務更係係旺角區我食過GE酒樓最好的一間. 泉章居(旺角分店), 學下人LA, 好似你地今時今日咁GE服務態度.... 唉!海哲熏蹄 - 好鬼好食, 一道未試過咁好食的!水晶雞 - 此店招牌菜, 最緊要係新鮮雞, 好食好食.鴨翼 - 又一讚不絕口之作新星出名流沙奶王包呀~~~~ 好流呀, 好香蛋黃味, 仲要唔算"漏"呀

星期五晚, 到了這間酒家排隊吃火鍋.朋友先在七時多到達等候, 等了約兩個多小時, 到九時多才入席吃任食火鍋.點了很多數量的食物, 來的卻不是很多, 都是一大碟的.食物質素還算可以, 特別推介的有粟米湯底及山根.山根浸在湯底, 變得軟化後及收那些湯, 加上原本的鮮味, 真的很不錯 侍應服務態度太好,會給客人倒茶倒飲品, 跟侍應說某些食物沒來的時候, 侍應都很熱心的抄下沒來的食物, 再送到我們枱上整體來說, 也算是不錯.不過那裏人真的太多, 等候時間太長.

前兩日是部門的聖誕聚餐, 一如以往, 又是去酒樓吃午飯, 今年同事提議放棄舊愛"富臨", 到了新歡"新星"飲茶. 幾枱人吃飯, 又是老闆們付賬, 大家當然盡情地吃! 幾乎所有點心都點了: 蝦餃, 燒賣, 牛肉, 蝦,牛腸粉, 小籠飽, 义燒飽, 牛柏葉, 雞扎........., 總之是堆積如山! 其中有好幾款招牌貨, 如桂花糕, 流沙飽, 椰皇焗布甸, 蜂巢糕, 楊枝甘露, 燒腩仔等. 食物比舊愛精緻, 賣相和部分食物味道也較佳, 但是說不上是好. 招牌貨也不太出色, 例如桂花糕沒有桂花味; 流沙飽太甜; 蜂巢糕沒有甚麼味道; 楊枝甘露竟然是一杯杯上的! 椰皇焗布甸是全日最佳, 賣相好, 但很"漏"不能多吃.酒樓環境很不俗, 坐得很舒服. 侍應的服務也是ok的, 不過上菜速度慢, 後加的食物要接近埋單時才送上,要扣分! 總的來說也ok, 應該下次部門聚餐也很大機會在這間新歡"再續前緣"!!!

近期酒樓新貴新星，人氣急升，各分店到處都是人龍，尤其是下午茶時段。不甘人後，便專程來到廣華街分店試試它的下午茶點心；到場時，果真堆滿了等位的食客，大概廿多分鐘，好不容易才安排好座位。聽說這裡的金牌流沙包不錯，當然要叫一客吧！另外，還有四寶滑雞扎、鮮蝦菠菜餃、芥菜咸豬骨粥和冬菜牛肉腸粉。流沙包不過不失，可是太甜了，感覺上不太健康，包本身的皮不錯，如果餡料淡一點的話，這個流沙包要給它滿分了；雞扎跟平時吃過的不同，沒有了芋頭，換上了蟹柳，可能我不喜歡吃蟹柳，而鍾情於芋頭，所以，這個雞扎不不不！而且蟹柳一向不是中點採用，雖然是有點新意，但某些東西還是傳統的好；菠菜餃的皮做得黏口，打了折扣；芥菜咸豬骨粥的豬骨不是跟粥一起煲，所以粥底沒有豬骨味，又吃不到芥菜！牛腸大致尚可；整體上，這個下午茶只可以給它一個OK而已！

環境舒適，招呼很好，這個年代已經很難得，而且食物的水準很高，材料亦不馬虎，可能位置較偏僻，所以價錢比較低！　羊腩煲（70分）：特價$36，加菜及爐要 +$28，仍然好抵，絕無將貨就價。　花膠炆鵝掌（90分）：味道勝過很多酒樓，４隻大鵝掌炆得很淋，花膠也沒有腥味，連伴菜的冬菇也很厚肉，沒有用劣貨。令我眼前一亮的酒家。

惠顧午市，點了很多不同的點心，每款也有應有的水準。但這裡的脆香蝦米網卷真的很好味！外層超脆，而且內裡的蝦很新鮮，口感很好，一定要試。惠顧了幾間新星，好像得這間分店才有售！

一向是新星fans，有天途經旺角新星，見到合桃酥做特價$18(原價$28)，便立即買了一筒。買後在街上已急不及待地拆開進食，一筒大約有16塊，合桃酥好香、好脆，聽侍應說新星的合桃酥是自家製，沒有防腐劑，果然是用心之作。$18一筒真的很抵，而且家人和朋友都大讚好味，沒記錯應該全線分店均有發售，喜歡吃合桃酥的朋友應該一試

一向好鍾意飲茶! 又可以聊天、又可以嘆茶、仲可以睇下雜誌，都幾正。所以，一向的選擇都係，要坐得舒服、環境靚靚、食物好味、服務ok的酒樓~!一向有幫親開新星酒樓，出品一向不錯。最近佢地响旺角開分店，喜愛飲茶的我，梗係要嚟試下啦。好開心，响旺角的鬧市，難得有一處咁靚、咁舒適的地方。個裝修，一d都唔酒樓，有少少西式的感覺。最正係，lee度有d半廳房咁既間格，自成一角咁，既寧靜又熱鬧。好正!!!今日食左2個特別點心，其他酒樓未試過的。好好味!!!

上星期日與家人到新開不久的新星飲茶, 在諸聖中學對面, 嘩, 多人到不得了, 地下等位處又無冷氣供應, 如果得我一個人等, 肯定去第二間, 等位期間, 不下見到六七位客人與櫃台職員議論爭吵, 鬼咩, 咁熱, 唔嘈有鬼啦, 快些裝多部冷氣啦, 當天吃了好耐無吃過的勁無益點心, 牛柏葉, 鳳爪, 牛肚, 而最好味就是炸魷魚鬚, 肯定膽固醇升高幾度, 另外, 家人最喜歡就是他們的餃類點心拼盤, 每一種餃都有兩隻, 其實對兩人飲茶就最合適

２００８／８／２晚餐新星的屯門店就去得多，而今晚就去新開的旺角分店一試。六點半到達，在陝小的接待位確認位子後，就沿著樓梯上去。酒樓只有一層，全場約有大大小小檯共三十張，佔地二分一為半開放式的房間，人多之選；餘下二分一，打邊爐區和小菜區再細分為50/50。沒有套餐之下，就散要了幾味餸。其中有服務員推介的蠔皇海鮑片$50及水晶雞(半隻$68全隻$108)﹑餐單上新款推介的脆香蝦味骨$58以及加一碟鹵水鴨翼$48。蠔皇海鮑片最先來，與三少之選的餐牌上的圖片一樣:份量足。鮑片塊塊都大，炆得不會過淋不會太硬，有趙頭；而墊底的唐生菜是估不到的最出色!用的菜本身又新鮮又爽脆的了，加上蠔汁去炆，額外多分甜味。簡簡單單，又非常完味的一道菜!之後的鹵水鴨翼，用四隻字形容那就是'津津有味'，吃了一隻翼後的我簡直不想放過其他的!鹵水味非常非常惹人回味，加上無論是翼的皮，翼的肉，翼的筋，每啖吸盡鹵水汁，吸得剛剛好，不會多一點不會少一點。另跟有鴨腳和鴨掌也是同一級數。每條細骨之間也不能放過的!盡力啜!享愛著那批鹵水煮得非常入味的骨頭的同時，脆香蝦味骨也來到了，抽了時間吃了一口肉先，第一個吃感是微脆﹑很香。過了一陣

成日經過見到廣告牌 講到個金牌流沙奶皇飽咁勁專誠早45mins起身 飲個早茶先返工帶位姐姐話「兩個人一定要搭枱架喇」好啦好啦,,,如果好味 搭枱是沒關係的 =p去到 早茶大中小點一律 $9.5@_@ look大對眼 點呀點呀點- 流沙奶皇飽 唉...枉我專程黎試...都okay失望 一咬, 聞到係一陣蛋黃香,,先流出黎既係蛋黃油, 而最大問題係..太流喇..好似水咁..稀冧冧.... 不過..樣佢還是有的..但真係得個樣 -.-" 如果好耐之前食過萬基大廈豪華既流沙奶皇飽既朋友,,就知咩叫真正流沙。 可惜既係..豪華今時不同往日..轉左師傅之後..我都好耐沒吃過流沙飽 =(- 點心拼盤 兩個飽, 兩粒燒賣, 四粒定六粒餃..純粹係平, 但唔好食..因此不算抵!- 豆沙角 太油! 油到用油紙索極都仲好油.. 不過豆沙好味! 夠滑..配合煙煙un un糯米層,幾好的..如果唔怕油的話- 魚肚滑? 定魚肚乜..唔記得左-.-" 好好味!!!! 魚肚索晒d汁! 十二分入味!- 蜆蚧鯪魚球 ...-.- d鯪魚球個樣好似貧窮神咁..又巢皮又唔飽滿..都唔忍心食佢 =.=- 雞扎

上星期飲茶, 點心一般, 不過不失, 聽講平日一至五上午有點心拼盤, 嘜都有的, 幾底食, 但當天是星期日, 唔知有無, 但無叫, 佢地介紹個蟹粉生煎包就認真麻麻, 底煎得不夠脆, 皮身不夠軟熟, 肉餡太干, 只有小小黃色部份, 食唔出係蟹粉, 其他點心, 總括而言, 算底食, 過左一星期, 昨天再幫襯, 食晚飯, 一行五人, 我遲到, 無參與落單, 一來到已經有碟雞, 幾靚吖, 黃衿衿, 食落都幾好味, 起碼好過大部分個的”海南雪雞飯”鋪, 算有鮮雞味, 又唔太肥, 另外甚麼…蝦味骨, 唔記得全名, 即是有蝦膏味的炸排骨, 又係幾好味, 出面未食過, 再有XO醬翠玉瓜炒魚腐, 阿姐知我我最憎食魚腐, 所以叫比我既,…幾有我心呀…! 不過都幾好味, 因為有XO醬, 所以些少辣, 再加雙菇西蘭花, 都好味, 草菇夠大, 西蘭花爽脆不太”林”, 還有一條魚, 應該係”斑”, 不過唔知嘜”斑”, 魚肉夠彈口, 唯蔥不夠多, 最後送埋甜品”木瓜雪耳”所有餸連白飯都只係四百蚊, 好底食!

補回食評* *6月份..因為新開張既關係.所以呢度推出左好多優惠吸引人黎食飯,,例如晚飯9點前有$1一支大生力(任叫).$88大東星斑..而我就係比呢條大東星斑吸引左黎!!!清蒸東星斑($88): 名碼實價．絕冇欺場．真係好大條! (<<好似幫佢賣緊廣告咁-_-哈!)我男朋友話蒸既時間岩岩好．食落口真係啖啖肉．好滑好正..我地2個人自己成條魚食晒．一啖都不留依家諗起都流晒口水．好想再食多次..可惜過左6月已經變返正價..依家要$888先可以食到~魚翅撈飯($38) : 呢個完全唔得.真係就咁叫碗白飯都冇咁嬲!同餐牌果個樣完全貨不對辦既,食落好似食緊雞湯+飯..稀到呢~而且魚翅得果2舊 (咁正常既.其實$38應該預左係咁上下水準既~)皮蛋xx皇帝菜($38) : 呢個清清地幾好味~不過普通左d..其實平時自己係屋企都可以整到．所以呢個可試可唔試!由於呢個食評已經係6月..我諗依家7月好似應該冇左已經呢個優惠喇,所以我都未必會再黎呢度食晚飯..因為如果黎呢度就咁叫d小菜食..都幾貴下．咁既價錢可以有其他選擇!