新昌茶餐廳 (已結業)

係新蒲崗做野, 路過都會忍唔住入去食返個早or tea, 因為實在太正啦, 我初初都唔敢試, 入面d人好多老人家上年齡亞伯, 但試過一次真係不能回頭, 唔好以為佢又舊又殘, 其實衞生都ok架, 食物方面, 熱奶茶真係勁勁好飲, 而且早餐茶餐都咁抵食, 又有面包有湯粉有野飲, 而且好有懷舊風味, 呢類茶餐廳真係所餘無多, 值得回味也. 早餐個煎蛋真係好正, 又脆又lo邊, 蛋黃流出黎搽面包一流, 意粉湯底有味, 咁既價, 真係抵食. 必食, 熱奶茶, 煎蛋, 牛肉意粉, 通粉.

考試的第二天, 亦是最後一天, 又是由四美街出發, 行到大有街街尾, 另一間懷舊冰室把我吸入. 下著大大雨, 又要忙考試抱佛腳, 不打算細選慢尋. 點知選中的都是好野.午餐正正有超傳統的叉燒湯意, 包個火腿奄列, 同一個大大餐包, 意粉不太淋, 湯底雞精味, 正好是小時去茶餐廳既味道. 奄列比較普通, 但因為個餐包太大, 而沒有食.絲襪奶茶香濃香滑, 用上黑白淡奶, 地方, 味道, 環境, 令人回味非常.

今日和同事一齊去，感覺十分懷舊，像回到好幾十年前，但我們坐底左第一時間見到的唔係ｍｅｎｕ，係一隻FLY!同事話食品不過不失，便坐下試試。點了叉燒面，我一世人都未食過咁硬又無味的色素叉燒，仲要湯底係涼的，唔知關唔關天氣冷事，但個煎蛋都係涼的。外面已好冷，本想吃點東西暖肚，點知吃了一餐22蚊的涼面。個老闆常常笑笑口，有禮貌，但食品質數有待改善。

某天下午身在新蒲崗,想食個下午茶,見未來過便到這裡。舊式茶餐廳,除了瓷磚牆,還有掛鐘、木檯木椅,再望望人客,迎面而坐的婆婆,感覺上像回到二、三十年前。點個下午茶餐,西多士,想也沒有想便要杯凍檸賓,似乎自我破壞懷舊感覺,以前的茶餐廳沒有凍檸賓供應。不久便來的西多士,加了糖漿後,自己見沒有刀叉便走過隔離檯去拿叉,伙記見狀便立即去拿刀,並且帶笑容道歉。說回西多士,多士帶蛋香味惜完全腍身,無脆口感覺,中間的花生醬塗得足。至於凍檸賓,利賓納味較淡,檸檬味較重,飲落幾酸下。可能是叫錯食物,下次再來,會叫回麵食奶茶。

照道理,以新昌環境食物水準在呢個人人追求懷舊既時候理應幾多傳媒報導奇怪既係我從來冇見過有關報導或者佢地唔接受訪問?或者呢個係好事因為一經報導生意通常就會多好多生客平時佢地已經好多人,係朝早好早既時候或者好夜(5:00)先會比較少人講番食物,我食過唔少呢度食物通常點西多士,叉燒麵,五香肉丁公仔麵,三文治等飲品飲奶茶,咖啡等總括都幾好食同區來講佢係貴少少但係質素補番而且亦唔係貴好多環境幾好,主要係因為夠大,坐卡位真係幾好乾淨,阿姐幾勤快又好傾老闆(們)都好友善,成日笑容滿面,有禮貌經常會同茶客傾計講下笑咁如果要去食,最好避過下午(2-4)時間好多人,卡位肯定冇得坐只可以坐中間圓枱

昨日早上, 我特登由五芳街行到去新昌, 試下佢地既懷舊風味^o^ (我係60'S 迷) 一入門口, 梗係俾佢既掛牆鐘吸引住啦!d 伙計呀姐幾好人. 個早餐$19, 係果區黎講唔平(泰斗$14, Kitchen 都係$15就有COT 飲喇) 講返新昌, 杯奶茶幾好,方包有D白糖榚味道,幾得意.雙蛋不過不失, 碟通粉就唔知搞什麼鬼, 超多味精>_< ! 食到我好口"鞋" , 返到公司成個上午勁飲水>_< !!!!佢同我既至愛Art Deco "東方" 相比, 其實唔算差. 但真係唔好再落咁多味精>_< , 唔係咁多人頂得順....

打完羽毛球，朋友話想飲嘢，佢就提議這間。叫咗一杯紅豆冰，一杯凍檸茶，加個蛋治烘底。杯檸茶有茶味，個蛋治ｄ蛋啱啱熟，又熱好滑。朋友杯紅豆冰又多豆。落單個呀姐都好nice，而且間茶餐廳仲好有懷舊feel，都好企理。朋友話間茶餐廳已經有好耐歷史，推介鴛鴦冰(菠蘿+ 紅豆)。下次再嚟試。

無得頂！你同區講，奶茶數一數二！夠滑，永無"寡"口。而且好少舊式茶餐廳咁干淨。我鍾意佢餐，入面包，原本係"豬仔包"，但係可以轉"菠蘿包", 方包，餐包，我鍾意餐包，因為冇豬仔包咁硬，又唔太甜。另外，佢地d方包同多士同普通茶餐廳唔同，試下就知道！總之好味啦！

有事要過考試局, 咁未夠鐘, 就四圍搵地方飲杯野... 行行下見到呢間茶餐廳, 咁就入去喇...因為只係志在搵個地方坐坐, 咁就只係叫左杯熱咖啡...呢度環境超懷舊, o係香港已經買少見少, 不過唔好處係佢冇非吸煙區, 我一路飲咖啡一路吸二手煙...咁杯咖啡好滑, 我真係未試過飲咁滑既咖啡, 比起出面咖啡店既咖啡, 呢d港式咖啡真係別有一番風味。最緊要係價錢公道!一杯熱咖啡, 只係$9 ^^

第１次寫食評我同朋友點左1個特餐($22)..１碟雪菜米+涷奶茶..ｄ雪菜唔知用咩炒過..係其他地方食唔到..肉絲係火腿絲..有好多料..食得好飽另外仲有常餐..火腿奄列+餐包(可+＄２轉牛油多士)+雪菜米(可以有其他選擇)+１杯涷奶茶＄２０..奄列幾油..常餐碟粉比特餐碟粉細１倍.不過都算抵食..伙計and老板都常笑容滿面..有時更會主動幫客人開門..服務很好..

星期日約埋朋友幫手搬屋, 郁手前食過早餐, 見一間幾有60-70年代feel既茶餐廳, 所以入去一坐, 懷舊下都好. 一開門老闆已經好有禮貌, 坐低時仲幫我地個位開風扇, 加埋我地好唔小心咁叫野食, 要兩次為我地改單, 仲好好禮貌, 服務態度真係唔錯.我自己叫左一個常餐, 餐肉麵, 煮得都幾好, 另外叫左涷啡都唔錯, 朋友就話佢杯奶茶好香滑.同朋友閒談之間, 留意到台面餐牌上既電話號碼, 竟然係6個數字仲分字頭o個隻, 一算之下起碼都20年已上. 另外見到餐牌上有句好特別的句子"西餅麵包恕不回尾", 真係見識小, 同友人百思不得其解, 埋單時好奇地問一問老闆, 老闆笑笑口咁話, o係50-60年代有d客人會order好多麵包西餅, 食唔晒會回返俾餐廳, 所以佢地寫"恕不回尾", 真係幾得意!