新斗記 (已結業)

今晚友人要返去加拿大，作為最後一餐，必定動作一定嚟新斗記。今日係星期一，大約七點半都唔需要等位，記得以前打電話嚟，但仲要排隊。希望係星期一嘅關係所以得幾枱。燒乳豬係我嘅至愛！新斗記嘅燒乳豬簡直係冇得彈！乳豬皮食落口滿載油香，香脆之餘底部又冇黐住啲肥膏。乳豬本身啲肉比較瘦一點，如果肥一點就好啦今次啲粟米斑塊炸得好乾身，魚肉本身好似好扁，冇乜肉食，我仲覺得有啲乾乾地添冇以前咁好食聖子本身又大又肥美，其實佢哋可以切細啲，一抬10個人，每人都分唔到一條。要睇返Menu先知道係用豆腐同埋魚做嘅。味道適中，豆腐味比較重，魚味欠奉。

是夜的飯局有人要食乳豬，小人即時想起非新斗記莫屬了……先來鎮店名物乳豬是也。擺盤很搞笑，但別理那甩頭甩骨的模樣，真的勁好食呢！皮是超脆的，只是較為油膩，小人吃了兩件即止，可能傳統乳豬就是如此，不肥不夠甘香吧。除了乳豬之外，粟米斑塊亦是必食之選。店方聰明地把粟米汁另上，令炸得香脆的魚塊不會弄到杰撻撻的糊成一堆。當炸魚遇上香甜的粟米汁，太正了……椒鹽魷魚亦屬佳品，椒鹽和炸魷魚和得很好，不會椒鹽還椒鹽、魷魚還魷魚，入味又香口，送啤酒一流。肉食之後，來一個啫啫生菜煲清一清肉毒。難得的是以砂鍋保溫的生菜仍是爽身，大家極速清煲！其實新斗記不單乳豬好吃，每樣餸菜俱佳，吃得大顆兒盡慶而歸！

我们六点不到就来了，一共没几桌，居然叫不到服务员，吃完了，还没来得及说菜已经全部被收走了。菜蛮好吃，但服务实在太差！这些服务员完全无视客人的要求！好像一直在忙，但不知忙什么！

今日兩口子去銅鑼灣行街，行下行下行到六點左右突然覺得有D肚餓，又想食中餐，第一時間就諗起新斗記。原先叫咗鹽焗奄仔，後來無奄仔，經理就介紹咗個籠仔荷葉蒸魚頭，再加返個例牌小食滷水豬腳仔，然後再整返個啫啫雞煲，完美。籠仔荷葉魚頭好鮮美，蒸得啱啱好。啫啫雞煲雞新鮮有雞味，重有幾塊雞潤，不過雞潤要先食，因為放耐咗變硬，所以要先食潤再食雞，最難得連配菜都好好味，葱鮮味唔在講，蒜頭夠香兼且帶甜，值得一試

係銅鑼灣飲茶，選擇話多唔多，話少唔少。但始終無一間做到飯堂直到琴日去咗呢度飲茶，即刻想介紹朋友去。點心好味，每款都有水準。當中我仲揾到我既至愛，蛋煎糯米雞！仲有唔少得脆卜卜既粟米班塊！個碗粟米汁係另上既，非食不可！佢仲有個乳豬性價比好高。有乳豬，菜，炒麵，同苦瓜班腩煲！啲斑腩好入味，好香口！不能夠唔提係佢既煲仔飯，原來都唔錯，仲有飯焦添！當然佢既點心選擇唔算好多，但我個人覺得都算足夠！下次去飲茶，我絕對會再提議去呢度！

由於openrice 推薦呢間半芝連新斗記,我book 左兩圍枱,拉隊去試試......誰知好失望!某些菜色過咸,一些過淡,最離譜是服務態度好差!開餐無幾耐有個經理sale我做會員,我回覆話考慮下先,居然即刻黑面,坦白講,我嚟食得既,無諗住話攞咩優惠,加上入唔入會是客人選擇仲離譜有是,我Book 左7點鐘,但我哋六點半前已經陸續到達,叫起菜時,同我講隻乳豬未燒好,但上菜時隻豬唔係熱辣辣囉~我們唯有上其他菜先……完全無諗過會咁樣情況經過呢餐後,我以後唔會再幫襯呢間新斗記話哂係一間米芝蓮推介, 點解可以做到咁差!好多人都會因為咁而試下, 點知真係名不符實!食物質素差、服務質素可以講話無!!! 食完今次真係無下次!店大欺客 

靚女車話要搞返個開年團拜飯局 ，開年飯當然首選去食中國菜喇，咁先似樣㗎嘛 ！靚女Ivy話不如去食吖？！嘅然大家no objection就扑搥啦……是晚我地準時入座，大家翻閱餐單後，決定散叫，咁樣先可以試啲特別嘅菜式嘛 ！1.半隻即燒乳豬 : 皮夠脆，肉少少鹹，皮下肥膏唔夠 , 跟外間一般酒家相比，差別唔大, 驚喜欠奉！2.金瑤琵琶豆腐  : 咬落外層微脆，内裡係綿滑嘅豆腐， ！3.胡椒豬肚大蜆湯 : 嗰湯几辣吓，好暖胃, 豬肚爽, 蜆肉鮮。4.蛋白薑米絲香蟹飯 : 單睇賣相，啲飯白色 ，似乎無咩料到！食落口都ok嘅，有香蒜味，但就吸收唔到蟹嘅鮮味精華囉 ！至於蟹肉，肉質算新鮮唔錯，但少蟹肉。5.金銀蛋浸時蔬 : 鹹蛋皮蛋下火夠入味, 白菜仔鮮嫩好食，下飯至正 ！6.生炒上肉排 : 酸甜醒胃，咕嚕肉炸粉唔厚實，正正做到外酥内嫩 ！7.大澳蝦醬骨 : 有淡淡蝦醬味，炸肉排唔夠腍滑。8.粟米魚塊 : 魚塊同粟米獻汁特別分開上，就算攤涼了，魚塊依然酥脆無比，魚肉嫩滑！9.沙薑雞腳 : 口感非常軟諗。10.彿山燻蹄 : 冰涼爽口。11.香燻鴨胸 : 薄切

今晚老友記晚飯，再次選擇了這店，因地點交通方便，食物保持一向水凖。今晚预留了杏汁白肺湯，非常足料，又無味精，好香杏仁味，好多白肺，但全部食清。另一味大紅花蟹籠仔飯超正，花蟹清甜，蒜蓉好香，蟹汁撈飯，十分好味，個人吃了两大碗。此外還叫了乳豬和烧鵝，水準也可保持。豉椒炒蟶子也交得準，夠嫩滑，因如炒得太熟會好硬! 不過我最喜歡的姜葱生蠔煲就比較一般，蠔煮得太熟。

今天預祝母親節，太太訂了一隻燒鵝(注意是一隻)外賣回家吃，還要冒雨到取，怎知掃慶地發覺原來没了頭頸，年輕一輩可能不介意，但燒鵝頭頸是老人家至愛，打電話投訴，那接綫的居然堅稱有給，反正吃了一半也無從爭拗，不過奉勸大家外賣時要當場驗收，如果是全隻乳豬就只能自求多福了。其實此情况是否違反商品説眀條例？至於鵝肉，入口嫩滑，還是要給個讚，不過作為主角的母親未能品嚐頭頸，所以5分減去2，只可惜服務一欄不能給0分吧。

約了姑姐到銅鑼灣的新斗記午膳，出門前得知女兒放假，便叫她也來相聚。也許時間尚早，只得一、兩檯客人，我們呆站在知客檯前數分鐘，看著知客與另一女侍在爭拗外賣乳豬訂單的問題，漠視我們的存在似的，爭論完才帶我們坐下，其實，一切應以客為先，接待客人後才慢慢拗。芋角，蜂巢似的外層，充滿芋香，很鬆化，夠熱，餡料惹味；蟹粉小籠包，原來一籠只得一個，橙澄澄的蟹粉，很香，入口鮮美，皮也夠薄；燒賣，夠大粒，肉質彈牙，味道鮮美；雪山叉燒包，外皮似白色菠蘿包，好熱，咬開後，有熾熱的叉燒餡流出，整個包好好食，有水準；燒鵝瀨粉，點給姑姐吃，部位問題，不是件件都多肉，燒鵝不過不失；太極鴛鴛飯，一邊茄汁雞絲，一邊白汁蝦仁，炒飯底，茄汁酸酸地，幾開胃，雞絲亦頗多，白汁蝦仁，蝦肉新鮮彈牙，每人可吃幾碗；附送糖水，芋頭西米露，芋頭好香，好粉，好好味。除服務些少瑕疵，食物水準不錯，姑姐吃得滿意，會再來。

好彩訂左位唔係真係有排等...加上今日係假期又起CWB食唔爆至奇啦!!~專登過黎都係諗住食乳豬, 因為呢間都係乳豬比較出名主打乳豬半隻，皮脆肉嫩！切得夠薄 好食~乾煸四季豆，充滿蒜香，正蔥油雞，雞係輔助，蔥花先係精華，成碟清曬粟米斑塊，斑塊結實魚味濃，應該係新鮮魚炸，魚香茄子，平實之輩烤魷魚，硬到....唔知以前食緊D咩...蒸肉餅，不值一提....魚骨腩煲，唔猩幾好味, 甜酸排骨，個醬較得岩岩好芥蘭海鮮煲，一上檯就咋咋響，正塞螃蟹，第一次食，無味道可言乾燒伊面，太飽食唔曬，比我當飯帶

傳統粵菜有時比人感覺肥膩不健康，但這裡款式精簡選擇也不少，地方開揚感覺舒服。我們一行四人六時多入坐餐廳內差不多八成滿；再遲一點到必定又要等位。我們先選了麻香黑木耳作前菜，味道開胃適中。招牌菜即燒乳豬味道不錯，外皮比想像中鬆脆。另一招牌菜粟米魚塊必吃。眼見多枱也要了生炒上肉排，也點了來嘗試，味道甜甜酸酸，好味道 ，我們還要了碗瀨粉來配，也是不錯的選擇。最後侍應生送上甜品及生果拼盤，很滿足。

這裏飲茶好正！又可book位,價錢ok,如果「懶」人鍾意食泥鯭魚粥,呢度就啱哂佢地啦！事關呢度嘅魚粥係拆咗骨嘅,泥鯭超鮮甜係呢度必食！正嘢陸續有嚟！黄沙豬潤腸好「沙」, 一試難忘！另外,腐皮卷嘅腐皮超新鮮,配合少少上湯,簡直係perfect match ! 比係其他酒樓嘅「行貨」, 呢個價錢絕對超值!由於價廉物美的關係,一到lunch hour , 職員就拿拿林催我地埋單走人,這是唯一的不好處

馳名乳豬果然香脆，而且皮與肉之間既肥膏都同你切走，咁就食多多都唔怕肥。鹵水乳鴿醃得夠入味。生炒肉排個汁不會太酸，而且皮脆內軟。蝦子柚皮已經很少地方可以食到，蝦子很香而且夠多蝦子，而柚皮食落去亦有種甘味，很多地方吃過柚皮都有苦澀味，新斗記這間做得不錯！沒有這澀味。生菜煲也保持以往水準，味濃而不鹹！生菜亦夠爽脆！最后他們送上新鮮西瓜及紅豆沙。整晚食物滿意。

大伙兒14人吃飯好：乳豬好吃班塊類好，厚切肉感很好（吃了炒球，班腩煲及粟米班塊咕嚕肉外脆內軟豉油王炒麵香口乾身差：Dining experience 非常古怪：1. 起初想散叫，但我地叫任何一樣餸都話唔夠食，叫我地起雙。炒蜆都話唔夠一人一隻！ 2. 每點一個餸，都話：「嗌一圍嘅餐抵d！」3. 叫貴妃雞，佢話，燒鵝啦。我地話：貴妃雞啦，佢話，燒鵝啦。重複幾次。4. 最後比佢說服叫12人餐。waiter 又話唔夠食！再叫加野起雙～～～～5. 然後⋯⋯當然係太多嘢啦⋯⋯6. 一圍嘅餐「送月餅2盒」，出單係梗係分開打單，個餐價錢減低，然後當你買2盒月餅啦。咁我地冇損失，但就明白點解狂sell 餐囉。7. 上菜非常慢，半小時以上先上第一道！餐喎！8. 12人餐嘅湯係2個例湯的分量。我知係因為，佢直接拎兩煲例湯出嚟，倒出嚟都費事。例湯感覺是茶餐廳level. 埋單每人近四百。咁私人愚見係：1. 嘢食OK，但以我們點的食物來説，CP值很低 . 這價位，選擇非常多。其實我期望是「貴得值！」2. 跑數壓力太明顯，食客員工兩難。點菜過程非常吃力3. 希望 店家對於份量給予老實的建議，否則造成浪費。4.名店