43
10
9
港鐵銅鑼灣站 A 出口, 步行約2分鐘 繼續閱讀
所有分店 (6)
電話號碼
31628899
營業時間
今日營業
11:00-23:00
星期一至日
11:00-23:00
付款方式
Visa Master AE 現金 銀聯 JCB 支付寶
座位數目
260
其他資料
酒精飲品
自帶酒水 詳細介紹
VIP房 詳細介紹
電話訂座
加一服務費
招牌菜
生炒上肉排 金牌即燒乳豬 豉油皇煎花竹蝦 滷水鵝掌翼 碧綠蝦籽柚皮
食評 (68)
燒乳豬對於廣東人來說有著一種特別的情意結,由於賣相得體、紅皮赤壯意頭好,所以無論壽筵喜酌均少不了它的份兒。近年有多間食肆都以不同做法的燒乳豬作招徠,有米豬、炭燒奶豬等各有千秋,今次筆者與家人來到一間同樣以即燒乳豬而馳名的中餐廳食晚飯,位於銅鑼灣智選假日酒店 2樓,毗鄰時代廣場,交通方便,裝潢雖不算氣派堂皇,但地方尚算寬闊整潔,座位間一點也不算擁擠,環境氣氛舒適自在。數數手指已多年未有在此店用膳,想不到幾年間已在港九新界開設了六間分店,還挾著米芝蓮推介的名銜,版圖愈益擴展的同時,不知道質素又能否維持水準呢?先點來兩道前菜糖心皮蛋酸薑,糖心皮蛋真的每瓣也是流心的,味道濃香Creamy,蛋白亦呈啫喱狀,沒有濃烈的阿摩尼亞味,配上粉紅色的酸薑同吃,微甜少辣,軟彈爽脆,清香濃厚,兩者不愧為最佳拍檔,有時真的不能不佩服我們中國人的飲食大智慧!鹵水豬腳仔,小小的豬腳仔鹵得皮軟肉嫩,鹵水的味道完全滲透其中,還帶有淡淡的玫瑰露清香,是一道不錯的下酒前菜。接著到主角出場傳統的廣東燒乳豬有著兩種製作方法,分別為光皮和沙皮乳豬,光皮燒烤成品較硬脆,而沙皮則較鬆化,兩款口感均有其捧場客。而由於沙皮乳豬口感酥脆,賣相較佳,所以又相對較受大眾歡迎,一般酒樓筵席都有採用。這店的燒乳豬亦不例外,現場即叫即烤,乳豬皮的沙眼幼細均勻,顔色呈亮麗的啡紅,賣相吸引,單看已感受到其美味程度。師傅採用了起皮的切件方法,以細膩的刀功巧妙地把薄薄的乳豬脆皮和乳豬肉分開,上枱時乳豬皮仍然微温,盡去肥膏,突顯了如薯片般的薄脆口感,鬆化中帶點脂香,一點也不覺油膩。至於乳豬肉的調味也是剛好,沒有坊間一般偏鹹的弊病,肉質柔韌軟嫩,齒頰留香。唯一挑剔的是今次的乳豬肉部份膏脂的比例過多偏肥,有些實在未能通過自己的關口, 感覺不太健康。有彈當然有讚,即燒乳豬貴為店中的名物,差不多每枱客人也會點選,所以師傅會無間斷地燒烤斬件上枱,轉流快速,所以不需要等很長的時間,已能品嘗到熱辣新鮮的乳豬件,效率之快值得一讚。其他菜式還有大澳蝦醬骨,肉排炸得香脆乾身,滲著淡淡蝦醬香氣,鬆軟中帶點嚼勁,唯個人覺得獨欠了一點鹹香,缺少了應有的傳統惹味,雖然這樣說,但其實味道還算不錯。薑蔥美國桶蠔煲,原隻桶蠔先拍粉拉油,再以薑片及蔥段爆香同炒,上枱香氣四溢。每隻蠔皆做得乾身,沒有出水變得一團糊狀粉漿般,裙邊仍留有脆口,蠔身盡吸薑蔥的濃香,是為這道菜的靈魂,咬落肥美滑溜,滿有蠔汁,鮮甜惹味,要做到這個程度,現時坊間很多食店亦未必能達標。窩貼小棠菜,現時比較少在大酒家見到這味菜式, 通常只在街坊小店才間中食到,可能是因賣相較地道不夠花巧,又或油炸做法用料不夠健康吧?!以墨魚膠包住切碎了的小棠菜,裹上粉漿炸得酥脆,炸皮薄薄的,入口外香脆內鬆軟爽口,沾上甜酸汁後味道更為豐富,完全能演繹出那舊有的味道。菜甫蠔仔煎蛋,一個傳統的家常菜,菜譜甜香爽脆,珍珠蠔仔份量亦沒欺場,蠔香夾著蛋香衝擊著味蕾,唯個人覺得蛋餅煎得不夠香口乾身,加上蠔仔有少許出水狀況,以致口感較濕溼,有點怪怪的感覺,但其實味道還算可以的。跟著是海鮮孖寶豉油皇海中蝦,看似簡單的一道菜,但要做得夠出色就不是每家中菜都可做得到。游水海中蝦剪腳去腸,師傅還細心的將蝦頭內的鰓及砂囊也除去,接著連殻以猛火泡油炸香,再以豉油快手爆炒,蝦殻經泡油後炸得就像薯片般香脆,完全可以連殼一起食,海中蝦本身肉質爽口,師傅火候控制得宜更使到蝦肉添上了點點脆口,加上醬油倍添鮮香,鹹中有甜香口惹味,可算是筆者近年吃過最好的一道豉油王煎中蝦。清蒸沙巴龍躉,沙巴龍躉一般以養殖魚居多,通常欠缺野生海魚的甜美結實口感,所以筆者都沒有太大的寄望,但有時當沒有期望的時候,往往會有驚喜,這條魚Size不算太大,大廚蒸得火喉剛好,肉質十分嫩滑,魚味亦算濃郁,配上自家調製的蒸魚豉油更覺鮮美,質素比想像中好上頗多。最後是蛋白薑米蒜香蟹飯, 一端上來已經聞到蒜香四飄, 但單看賣相花蟹不算大隻亦沒有蟹膏,飯粒呈白色看似清淡,感覺沒有預期的鮮美 ,但原來好戲在後頭,花蟹肉質一梳梳鮮度不錯,飯粒吸收了花蟹的鮮味和薑蒜的濃香,入口鮮香爽口,讓人吃完一啖接一啖,完全不覺膩滯,原來蛋白飯才是這道菜的精華所在,是頗有驚喜的一道菜。整餐味道與質素不俗,維持得到往日的水準,尤其那即燒乳豬和豉油皇海中蝦更是讓人驚喜,果然不失曾獲米芝蓮推介之名,雖然價錢不算便宜,屬中檔收費,較一般街坊小店高出少許,但論質素食環境也算合理,這一餐大家都食得很滿意。從網上見到很多關於這店招呼欠佳的評論,但就筆者當日所見,店員招呼尚算到位滿意,雖不算貼身服務但亦沒有錯單或招呼不周的情況出現,可能是個別員工態度或管理層已著手改善吧?!真心說如以價論貨這店實算是銅鑼灣一處不錯的選擇。 繼續閱讀
(以上食評乃用戶個人意見 , 並不代表OpenRice之觀點。)
8號風球下的晚餐 焦點食評
等級4 2017-10-16
81 瀏覽
到左十月份都仲有風打,是日本來約左朋友食西餐,但因為颱風來襲,餐廳未有營業,其實打風通常都係幫襯連鎖野,又或者係酒樓,多數都有營業。同朋友黎到銅鑼灣嘅新斗記,喺酒店2樓,位置闊落,雖然係打風天,都依然有唔少客人,既有家庭,亦有啲係兩小口食晚飯。咁我地今晚人少少,叫左幾款小菜試下首先係老火例湯,是日例湯係菜乾煲豬肺、豬肉,湯底完全唔油膩,冇乜味精感,啖湯都特別清甜,有潤肺之效。大概分到5碗,一人一碗多啲招牌乳豬:都係新斗記嘅招牌,豬皮好脆,而且去掉多餘嘅肥肉,基本上係呢度必點蔥油雞/半隻:雞肉唔算好嫩滑,但雞隻味道都好有鮮味,唔會好似啲雪藏雞咁。啫啫生菜:生菜略為失色,唔係好夠惹味。粟米班塊:班塊8件,另上一碗粟米汁。用上班塊魚肉,加薄薄炸漿炸,類似黃金炸豆腐果層皮咁,食落仲係好軟熟,唔會有一層好硬嘅脆皮。配埋粟米汁,甜甜地,很好下飯生炒上肉排:外皮咬落好脆口,甜酸度適中,現炸,肉唔韌唔老椒鹽鮮魷:份量比較少,唔係好夠鍋氣。臨尾仲送左幾碗湯水 - 紅豆沙俾我地,好貼心。因為天氣涼涼地,都幾暖胃。 繼續閱讀
(以上食評乃用戶個人意見 , 並不代表OpenRice之觀點。)
有保證中菜 焦點食評
等級4 2017-10-16
63 瀏覽
以往都食過新斗記好幾次,之前都係去開佐敦店,一向都覺得佢地嘅乳豬好食,其他小炒亦都有保證,基本上冇失望。週日約左朋友食飯,亦都選定新斗記,事緣佢即將離職,我地約佢食個飯,由於佢住喺港島區,所以我地都選擇喺銅鑼灣嘅分店用膳。銅鑼灣店位於智選假日酒店,平時都好少喺時代廣場出口出,想唔到呢個出口距離地面咁遠,都行到我一身汗,而且是日落住微雨兼刮風,有多少狼狽相。環境方面,呢間分店都幾闊落,一般酒樓格局,乾淨企理。餐牌供應多款小炒,招牌乳豬、燒鵝等燒味,小食、鮑參官燕、湯羹、海鮮、小炒、粉麵飯類,定價中上。晚市供應不少優惠孖寶,半席/一席菜式。本來一大班人,但有朋友臨時有事,所以我地只係點左幾款小炒,大部分都係「廚師推介」,味道整體依然有水準,我地同朋友都很滿意即燒乳豬 $188記得喺度食過即燒乳豬都係七百蚊唔洗,真係好好食架,今次人少,只可以點到細份量。豬皮燒得脆口,而且中間嘅肥膏已經起左,豬肉嫩滑,又有肉地,如果鐘意偏肥嘅乳豬就未必鐘意喇,但我鐘意瘦瘦地唔太肥的原本仲想試下煎大海蝦,見$48隻,價錢都ok,不過當日未有供應,比較可惜;咁係,世事哪有咁完美,就係留有少少遺憾,先教人印象深刻,希望友人去到新公司工作愉快是日老火湯 $128 - 菜乾豬肺湯按照過往慣例,一向少湯水嘅我地都點左份老火湯,是日係菜乾豬肺湯,十分足料。湯底滋潤,味道濃郁,完全無味精感,調味適中,實在係最近幾次中餐經驗中,質素比較好的。豬肺嘅份量都好多,湯渣都唔好浪費,沾上少少豉油,我地都一件不漏。一煲大概分到六碗,新鮮熱辣,我地仲笑言,好在有朋友失約呢。薑蔥覇皇雞 $178/半隻記得上次黎我地點左貴妃雞,都有驚豔到,味道唔錯啊,又夠肥美。今次就試左薑蔥雞,都一樣好食,點半隻送飯雞件好有肉地,食落啖啖肉,雞皮唔會太肥膩,豉油就唔係太多,如果薑蔥可以炒過更加正。啫啫生菜煲 $78本來想點啫什菜,不過口快快嗡錯左啫生菜。店員喺面前即場炒,都幾惹味,但份量唔多就真的。粟米大魚塊 $158粟米魚塊都算係招牌菜,好多人都會點的,我地都唔例外。雖然唔係咩複雜嘅做法,但確係做得幾好食,用上普通粟米湯底做成羹,同魚塊係分開上,以免魚塊會被湯羹浸淋。一份有8件魚塊,沾粉炸起,唔會太厚,食落雖然唔係好脆,不過魚肉滑溜無骨,又夠大塊,食嘅時候先沾上粟米羹,好美味,而且我仲鐘意用個羹黎送飯,輕鬆食完一碗,大人小朋友都會喜歡的椒鹽鮮魷 $118鮮魷嘅賣相本來覺得一般,仲擔心會不對味,不過我擔心黎都多餘,因為都幾好食啊。雖然份量唔算好多,但炸粉唔厚,鮮魷煙煙韌韌,只係略嫌唔夠香脆,爭咁啲鍋氣。生炒上肉排 $98生炸肉排又係佢地另一款招牌,味道一流因為用上上肉排,食落唔會肥淋淋。而且炸粉薄薄一層,唔會發到好大舊,反而係細細粒,外皮香脆,裡面軟淋淋,推薦之選。白飯 $12/碗、汽水 $15/樽裝總括黎講,小菜黎計,新斗記都相當有保證,特別係鐘情佢地嘅乳豬,其他小菜亦都好食,雖然份量唔多,但人年紀大左,食飯都係貴精不貴多,寧願食多幾款好食嘅好過。呢度環境都可以啊,可能落住大雨,人流唔算好多,都係街坊為主;服務方面亦都唔錯喎,個個都好有禮 繼續閱讀
(以上食評乃用戶個人意見 , 並不代表OpenRice之觀點。)
慶節美味晚餐 焦點食評
等級4 2017-10-05
321 瀏覽
中秋節約了位於銅鑼灣Holiday Inn Hotel 二樓的新斗記與家人做節。到達門前人山人海,幸好預先訂了位,等了十分鐘左右就有位了。縱使人多又忙碌,職員仍保持到禮貌,不過旺場時間會有甩碌,但是體諒的。$10/茗茶 花生$5/位 這裡最出名的就是乳豬,點了半隻($358)師傅細膩的刀功巧妙的把乳豬皮和乳豬肉分開,特顯乳豬皮如薯片般的薄和酥脆,更易於入口,而且一點不油膩,味道口感一流,驚喜十足。金瑤琵琶豆腐 $88豆腐拌有獻汁菜心和瑤柱。豆腐鬆軟入味,當中混有冬菇粒更添口感。唯菜心有點硬,老人家吃得較吃力。蝦子柚皮伴鵝掌 $168鵝掌彼大隻有肉,而且夠入味,喜歡吃鵝掌等朋友不要錯過!柚皮厚而燉得夠軟稔入味,而且蝦籽很提味。這道菜很難在一般中菜館吃到,這裡又弄得很美味,值得一試。梅子子薑蒸魚雲 $128魚雲配有酸酸甜甜的梅子醬汁十分惹味開胃,魚雲份量很多,佈滿整整一隻大碟。魚雲肉多又厚,魚肉又嫩滑,配上紫薑更添惹味!看看餐牌沒有甜品,原來餐廳有糖水贈送,今晚有陳皮蓮子紅豆沙,起沙的,好吃! 繼續閱讀
(以上食評乃用戶個人意見 , 並不代表OpenRice之觀點。)
等級4 2017-10-21
0 瀏覽
當我仲喺荃灣住嘅時候就有見過呢間酒家,但都未有機會去試。反而今日同朋友飯局就揀咗位於銅鑼灣假日酒店嘅新斗記真係有緣千里能相聚。原來即燒乳豬係呢度嘅招牌,但例牌點樣即燒呢,不過最重要都係好食鬆脆入口即化嘅乳豬皮,享受緊脆口嘅同時有帶有豬油嘅甘香,真係唔錯薄薄沙皮夾有一層油脂,又確係油而不膩金瑤琵琶豆腐,豆腐做得比較普通,但個瑤柱汁就做得好好,好多地方做出黎係得個名有金瑤,但呢度嘅師傅就將個汁煮出一股瑤柱香。生劏龍躉倆食都係$398,喺銅記食到真係唔算貴,而且食材新鮮翡翠炒班塊清蒸頭腩,份量都足夠4-5人食用生炒上肉排,即係咕嚕肉,酸甜醬岩岩包住炸香左嘅肉排,又酸又甜又脆---精,好味碧綠川椒雞,平時都係喺潮州菜館食到,估唔到呢度都做得好好,除左菠菜葉炸得略肚,其他無論雞嘅口感同汁嘅香都做得好好椒鹽鮮魷,如果可以再炸得脆啲就更好最後有糖水送,但眼濶肚窄真係滿意 繼續閱讀
(以上食評乃用戶個人意見 , 並不代表OpenRice之觀點。)