影片
好友話去呢度食飯，屯馬綫能夠到嘅地方，仲要食日本嘢，我一定到。星期二晚去，客人的確唔係好多。一坐低見到一大幅壁畫，仲要係寫晒舖頭名，舖頭嘅佈置都好有心思下喎，抵讚。生啤做特價，$38/48一大杯！好抵飲！諗都唔諗就叫咗，仲送枝豆，慢慢飲住諗食咩。想搵肉食，叫咗個牛脷串，冇揀錯外少少脆內非常軟。白鱔串都出奇地好味，鮮味之餘亦都有油香味，仲要燒得夠熱、皮脆到不得了！正！說時遲那時快，刺身師傅滿頭大汗咁走出去介紹五點刺身拼盤要點食，天然真鯛配酸汁、帶子配山葵漬…… 擺盤靚味道鮮美。我第二朝早睇返張相就發現好似去咗日本旅行咁。夾雜住其他燒物，其實都飽飽地。但朋友們又覺得想搵佐酒小吃，叫多個泰式腸拌蒜片。蒜片搵酸醋醃過，同泰式腸勁夾，算係一個完美嘅句號。呢間舖定名為爐端燒/居酒屋，我覺得有啲嘥咗個名。廚師會出嚟同你傾吓計，仲問每一個客人今晚啲嘢啱唔啱食。深宵夜堂唔係就係咁咩？
繼續閱讀
作為九龍城原居民，眼看有食肆屹立十幾年又有見食肆輪轉快過我轉工。呢間舖我裝修前嚟過、裝修後嚟過，今日舊地重遊，師傅嘅水準保持得好好，串燒同刺身都好有水準。個人最鐘意喺原隻海膽（師傅醃嘅魚子好夾）同燒白膳。之前嘅餐牌就無左要À la carte，不過性價比仍然高。九龍城多好嘢食就多人知，禁多嘢揀，食肆要企得住好講質素。如果鐘意小店環境同人情味，呢間不妨試吓。
繼續閱讀
2021年9月6日 未裝修前我成日食 野食ok 但今日咁大個人第一次俾人搵笨 叫左個豬軟骨湯拉麵拎走 58蚊 返到屋企竟然係豬骨湯底嘅拉麵 一舊肉都冇 打電話落去問佢佢話$58係剩豬骨湯底拉麵 係無肉既 裝修前都唔係咁 永遠唔會要幫襯
繼續閱讀
去九龍城一定係食泰國菜？原來都有好多居酒屋！ 朋友就揀左間新開張居酒屋試下！爐端燒Omakase套餐 一 竹 $380（前菜 3款 燒物 6款 海鮮 2款 蔬菜 4款）同朋友傾計期間 燒物一路keep上 就大概介紹下最有印象！冬菇 翠玉瓜 豆卜 - 本身以為會燒得好乾 但食落去都好多汁！燒菠蘿就真係無得輸！ 好甜😋雞翼 - 燒得幾好～ 不過略嫌味道不足牛脷 - 勁厚切！ 好淋身雞心 雞皮 雞軟骨 - 爽口！ 海鮮有大蝦同馬友！ 蝦好彈牙 不過用燒既方式 令到個蝦身無咩味道 淨得蝦殻有味 有少少可惜！ 燒馬友最有驚喜！ 肉質好嫩 咸香味 正！ 份量大大份！主食（稻庭冷烏冬/冷麵）烏冬份量岩岩好！ 亦都好彈牙爽口！額外再order 韓牛1++ 😜 真係入口即溶🤤居酒屋無揀酒飲 反而揀左桂花酸梅湯！仲有酸梅湯果凍～ 好fresh👍🏻overall以呢個價錢食到咁豐富食物！ 都覺得物超所值👍🏻
繼續閱讀
平時去九龍城多數係食泰國菜同甜品，今次去食呢間爐端燒都幾高質！呢間美食亭走居酒屋風格，除左飲酒同食爐端燒，仲有鏢機玩！.爐端燒Omakase套餐 竹 $380.套餐有前菜3款，燒物6款，海鮮2款，蔬菜4款，加主食（稻庭冷烏冬或冷麵）.前菜有牛蒡醬油漬，醃蘿蔔及味付螺肉，牛蒡比較少見，口感幾特別，唔錯。串燒食物一路食一路上，先上蔬菜，豆卜脆卜卜，冬菇又香又腍，茄子有少少硬身，車厘茄juicy。燒物有雞翼，牛脷，牛柳粒，雞軟骨，雞心，菠蘿。牛脷腍身，牛柳粒無筋，雞軟骨少少脆口，菠蘿好甜好Juicy，正過平時放題食好多！海鮮有大蝦同馬友，蝦肉大隻，肉質爽口；馬友平時都係醃鹹魚食，原來新鮮燒黎食都好味。以為十串串燒唔會夠飽，但原來食下飲下都幾有飽腹感，個稻庭冷烏冬差點食唔晒。不過烏冬少少煙韌，浸埋個秘製醬油好好食，所以我都係食晒！最後仲送個果凍，味道幾清新，原來係酸梅湯口味！正！.食串燒任啤酒真係幾夾，店家推出$168/2小時任飲生啤，可選Asahi或1664。叫個10款蔬菜爐端燒 Omakase $138，或者6/8款精選串燒 $88/98開心Share邊食邊飲邊吹水都幾抵。（前提係好飲得...哈）我唔係好飲酒就飲酸梅湯，甜度酸度剛剛好，正！（係同果凍一樣味！）.另外我仲試左整鹽燒白果，白果連少少皮，幾得意。仲有燒日本淮山，有啲似薯仔，但有少少爽口。.最後最後壓軸要推介韓牛1++ $88，入口溶化的韓牛！真係一試難忘！
繼續閱讀