新志興至尊燒鵝大王

營業中

休息中

文公子都好耐無坐過大牌檔，今晚與朋友一聚於牛池灣村新志興。來到新志興，當然要食燒鵝，今晚叫了$118例牌要上庄，肉鬆骨香，皮帶脂香，水準依然。個蒜蓉炒豆苗，質地就比較粗糙，開季已經唔嫩!仲夠膽收$98貴過好多地方...同前一晚文公子在銅鑼灣太湖的嫩豆苗，真係打邊爐與打pat pat的分別!反而薑蔥蜆芥田雞煲有驚喜，$78大大煲又多田雞腿，食到最尾竟然見到好多蜆芥在煲底，證明斤兩都非常足。食物出品還可以，環境就...今晚要坐街邊，不過最緊要係良朋共聚，一邊吹吹風，一邊吹吹水~人生快事，合該如此~

話說今天去完西貢行山，搭車到彩虹順便同幾個老死吃餐飯吹吹水，揀左呢間大排擋，我地去街市買左條海魚同聖子加工，我他一行4人6點半到達坐底左，拎左海鮮俾侍應叫佢加工，另外叫左倒牌燒鵝同，召鹽鲜尤，叫左幾支藍妹啤啤佢，開頭一路正常，點知勞氣嘅野開始發生，份燒鵝催左佢3次，侍應都話得得得，冇問題，幫你跟左架喇，等多陣，就快到。 到第5次喇，我地話整左未，有冇跟架，未整要取消，位男侍應先去問廚房，但最尾話賣曬，燒緊，新先出爐，要等20分鐘，大家O曬嘴😱，算我地即管等下，出到來燒鵝係熱，不過干爭爭，D肉又硬，冇乜特別，出面周圍都食倒啦！ 再講個聖子，基本蒜容蒸，味道正常，但是廚房完全冇處理乾淨，就蒸俾D客人食，好多沙，一啲都吾認真，食左一半已冇食，隔壁台情況都一樣，佢地買左帶子，都係好多沙，係度向侍應投訴，鬧到佢7彩，其實都吾關侍應事，係廚房問題！ 老友話算啦當買個教訓！😡😡😡希望個老闆可以改善一下，海鮮吾係平，吾好浪費食物，建議打算加工嘅朋友真係唸清楚，真係冇下次！

今晚同男朋友一齊跑完步，跑完沖埋涼都差不多9點鐘，同幾個跑友諗都吾使諗啦，就去左側邊既牛池灣村醫肚先。中式牛柳$78 牛柳好食，只係略嫌落太多粉o拿到太焾, 另外，中式牛柳既洋蔥係幾入味架！ 每次食大排檔都會叫既椒鹽魷魚$78 ，食得出係即炸，因為入口仲係熱辣辣同好脆口，不過如果可以薄多小小粉，口感就更好啦☺️芝士焗西蘭花芝士鋪係上面既厚度岩岩好，可以扯到拉絲出黎🤣總括而言，都幾好食！對小菜店始終有情意結

星期六日放下假，有時瞓覺都會瞓晏啲，瞓醒咗想去飲茶，但係早茶又過咗。有邊度好去處？就去牛池灣呢一間舊式嘅點心酒樓，環境方面，當然唔可以要求好似一般酒樓咁，不過都有得揀有冷氣嘅位置或者坐喺街出便，我咁識嘆當然要有冷氣啦！唔係食都食唔落。入到去，一定係搭枱坐㗎喇，入邊男女老少，一家人或者單身一族都有，點心都唔算少，有好多嘢揀，每樣都大大份，嗰粒牛肉呀真係可以一龍等於出面酒樓嘅兩龍嘅。味道方面都唔差，起碼比起一啲屋邨嘅酒樓，好味好多冇咁多油。雖然環境好似唔係好乾淨，但係佢真係用超滾水畀你清洗餐具，感覺上，好似好消毒。好過一啲酒樓，用膠嘅油淋淋，洗極都洗唔乾淨，所以有時放假得閒嚟飲下茶，都幾好㗎！

第一次試呢間舊式酒樓嘅點心，真係比佢點心個size嚇親，粒粒都好巨大，全部野都放大左咁好搞笑，不過真係好抵食嘅～講返味道，大多數都係中規中矩，雞扎好足料，而且係用魚肚唔係用豬皮～不過，佢哋有啲懷舊點心出邊都酒樓都木易，再叫左個楊州炒飯都幾好吵得幾乾身由於第一次唔知佢哋嘅點心係咁大粒，我哋係照返平時咁嗌，二人份量變咗三人份量，感覺真係好搞笑啊

外賣焼鵝例牌（四分一隻）HK$108.00幾個月前試早午茶市的點心，點心大件, 牛肉球的份量可說一碟等於 🎣👴🏻的三倍，雞絲粉卷大碟過腸粉。味道只是合格分數，但大件搭夠，當埋單之際，原來出名燒鹅，可惜肚已飽，了能試食燒鵝。昨晚就專程去買燒鵝，我這四分一不是趣皮的，肉質有點過火，嘗試這個汁，味通一流，以及這個梅醬，是兒時的味道，亦是一流之作，相信在出爐後未凍前食，是高水準之作。會再次去堂食，順便試試其他的菜。

one of my favorite local street stall style restaurant. the quality is consistently good, taste great especially on all the stirr fried dishes and the pot dishes. everything (i think and I notice) are cook to order, even though during their peak hour. nalways full in the evening of weekend, beer is cheap and good too. the crowd may get a bit noisy sometimes, but what else do you aspect from street stall? highly recommended for anyone. All dish are good, maybe can skip the sea food dishes, as I t

去獅子山行山，朋友提議先飲茶，帶我來這間茶樓。平日一早八點來到，想不到，仍然人山人海，座無虛席，幸好有對公公婆婆剛食完，我和朋友才找到位坐。朋友住彩虹，她説這是她最喜愛的茶樓，點心又大件又好食。她去拿點心，一看，嘩了一聲，真的好大件。一食，味道真的不錯。兩個人食了一個鳳爪排骨飯，一籠牛肉球，鮮竹卷，燒賣。朋友説呢四種都係她至愛，所以特意拿來給我一試。真的好吃，別看它的衛生情況，它的食物，無論份量，味道都是一流的

牛池灣村確是一個吃早餐的好地方，除了這裡開滿好多又平、又抵，又好食的隱世茶餐廳及酒樓外，更是九龍市區裡碩果僅存擁有兩百多年歷史的古村落，值得順道遊覽一番。在牛池灣村不計街市，這一條小鄉村已有兩間鐵皮棚屋茶樓可以飲早茶食點心。附近的老街坊天未光就在這些舊式茶樓打躉，全因這裡的傳統風情滿瀉，點心當然也是古早風味啦！其中一家「新龍城茶樓」我已光顧過，而這一間「新志興至尊燒鵝大王」地方比較新，但仍然保留了少少老味道。 「新志興」飲茶除了地踎外點心價錢也算相宜又大碟，不過不要期望上好的招呼，衛生程度也不能有太大要求。茶市分為兩區，茶資按室內冷氣房收HK$4, 室外收HK$3。我個人認為好天的話當然要坐戶外半露天的座位，享受下大自然的空氣，綠色帳篷頂，十足昔日街坊茶居的特色。茶樓的點心部設在門外位置，早上十時半前點心及醬料可以自己取，但十時半後點心不再擺出樓面，改為用點心紙落單叫服務員阿姐幫你送到。想再回味這種自得其樂的自助式懷舊茶居風味，又要等到翌晨清早才會出現。 室內冷氣房，茶資收HK$4 戶外半露天的座位茶資收HK$3，綠色帳篷頂，十足昔日街坊茶居的特色 自己

住左係西貢四年，呢間係我成日去既茶樓，每次收通宵，放工搭小巴返屋企之前都會黎幫襯佢，食到連啲樓面阿姐都已經認得我啦我真係好鐘意佢既點心，鐘意到一個人都會黎飲早茶，同啲公公婆婆搭枱坐。至鐘意食佢既鳯爪排骨飯，好鬼入味，佢啲排骨勁好食，煮到啱啱好，唔會又乾又老，啲飯就完全吸晒佢啲汁，超正，必食。因為大部份既時間都係自己一個人去食，每次除左叫個鳳爪排骨飯，另外只可以叫多一籠點心。佢啲點心真係好大份，每次食完都好鬼滿足，捧住個肚走。好多款點心我都好鐘意架～最常食既係鮮竹卷，或者係燒賣。佢燒賣一籠有四粒，粒粒都大大粒，啖啖肉，正～比起出面既連鎖大茶樓，呢度既衛生係相對無咁好，但食物方面真係正好多。價錢又相宜，份量同味道都好正有時，男朋友放假，就會搵埋佢一齊食，咁我就可以一次過食多幾款點心。其實佢既牛肉球都好正架就算依家搬左，都會間唔中返去飲番個早茶，嘆番幾籠點心

在牛池灣附近, 有幾間舊式餐館, 好多時都坐滿人呢度夜晚做小炒, 早上中午有得飲茶食點心, 好多老人家, 一家大細黎好唔容易搵到個位搭枱雖然點心種類唔算多, 但係都有D 懷舊點心, 例如鵪鶉蛋燒賣, 黑白糯米包呢度可以寫點心紙, 或者自己拎點心牛肉球夠大粒, 有粒粒爽口馬蹄最喜歡食雞扎, 可以食哂幾種材料, 芋頭好粉嫩, 而且夾住真魚肚, 因為曾經被騙, 有些點心鋪會用豬皮扮魚肚魚肚好大塊又吸汁, 雞又滑, 腐皮亦好大塊棉花雞同雞扎差唔多黑白糯米包,  飽肚又大個, 阿爸阿媽就鍾意食, 因為夠懷舊, 已經好少地方有得食, 不過個人覺得麻麻馬拉糕, 做得非常鬆軟有彈性, 個人覺得不夠甜, 但家人話甜度適中菜苗餃, 很飽滿,  包住既菜又多又新鮮, 而且未見過咁巨形菜苗餃, 超抵食糯米雞, 味道正常, 但因為已經太飽, 而且糯米雞太大個, 真係食唔哂

冬大過年一早就book定位落黎做冬小菜都幾大碟椒鹽魷魚好味 炸得幾香脆 魷魚都好爽口彈牙馬拉盞時菜開頭以為馬拉盞一定係通菜 黎碟白菜真係 o左下Um... 有啲格格不入咁豆腐魚腩有老人家叫呢個餸就最好唔會咬唔到都幾多魚腩 個味都調得唔錯做冬一定要斬料做節既我地就叫左呢到最出名既燒鵝唔熱既>< 感覺同平時街市買到既差唔多不過賣相都幾好 幾大隻 肉質都ok 係我對燒鵝大王呢個名太大期望姐，，，餸既質素唔錯 可惜衛生真係好差 我地就坐二樓既 上去既時候要經過條樓梯係廚房中間啲裝住生食物既盤就擺哂係地下俾食客見到 行過既時候就好似 '攬'火盤咁 好懷疑自己鞋底會唔會跌左啲乜然後自己食番唉，，feel so bad

以前呢間早茶, 晚飯都好正,  好有懷舊風味, 吾知點解而家人多左, 越嚟越差燒鵝又好肥, 唉! 我哋一班朋友己經將新志興列入黑名單,吾會再幫襯. 黑椒豬手無黑椒味, 燒鵝又肥, 油泡鮮尤似白勺鮮尤, 腰果䉜丁腰果又吾脆,  全脕D餸菜只得一味啫嗜生菜最有味道

點心好食嘅茶樓真係買少見少呀！我真係好鍾意喺呢度飲茶。平時飲茶一班人除返開都係三十蚊到一個人。佢啲點心真係好大碟，份量超多！而且啲炒飯都真係好香好好食！ 今次相裏面見到嘅係鯪魚球，牛肉球，同埋排骨。好耐冇見過咁大碟嘅點心啦！而且味道重調得好好！其實我最鍾意食嘅係佢嘅燒賣， 好足料，而且一籠有四大粒。 另外我覺得好好食嘅係雞紥。入面雞又好滑啦，芋頭又好粉啦，火腿又好厚啦，魚肚又好吸味吸汁啦，腐皮又好香啦！ 真係樣樣都超正呀！

同兩個麻甩（哥哥同爸爸）食晚飯，天氣又涼就揸車落牛池灣村食大排檔，爸爸話呢間野轉左三次手啲野好食左。去到周圍黑媽媽唯獨呢個位超熱鬧，幾個舖位滿晒，啲人企晒響度等，兩個麻甩都食煙既，侍應大叔話內街有位就開枱俾你👍🏻咁就坐到遠遠（所以影相唔夠光😂）仲有風扇，枱布乾淨，俾茶洗杯碟，OK乾淨既。一坐低麻甩佬就叫左兩支啤酒，啤酒姐姐幾靚女仲斟埋酒好招呼。麻甩佬同麻甩仔掛住講政治，咁我就自己亂叫野食😂食大排檔當然食鑊氣啦，雖然佢叫至尊燒鵝大王，但我唔食燒味既所以無叫😂。我就叫左薑蔥爆田雞，同賣飛佛西蘭花炒鮮魷，見到有海鮮賣原來諗住白灼蝦，但係坐街好呢hea就放棄左，叫左都有蝦既錦江鮮蝦豆腐煲。先黎爆田雞，好多田雞好開心食極都有，田雞肉厚仲好惹味好。西蘭花鮮魷唔油，西蘭花唔係灼左先炒仲脆口，仲自動跟蝦醬上菜👍🏻唯一覺得鮮魷唔夠厚肉。錦江鮮蝦豆腐煲，豆腐好滑，開邊蝦爽口有啲雲耳咁好健康。周圍環境就特色好懷舊下，周圍三層高住宅，我怕我地嘈親街坊，以前舊香港就係咁周街坐，我好貼地OK既，附近仲有貓貓😻😻咁就無米奇啦。