新志興至尊燒鵝大王

營業中

休息中

朋友推薦去試大排檔，本身不是有太高期望，結果有驚喜，尤其是燒鵝同豬手。燒鵝皮脆肥美，油脂令鵝香滑可口。豬手爽彈，醬汁特別。令人回味無窮。椒鹽九肚魚外脆內軟都好味。

今日同一行九人行完飛鵝山，好自然就決定喺彩虹附近一帶搵食，有人提出仲有冇大牌檔感受下，印象牛池灣好似仲有，於是上 Openrice就搵到「新志興」😜唔知點解，去大牌檔好自然就會墮入大牌檔嘅角色🤪，第一件事首先就叫左幾支大藍妹（連冰筒），跟住再點幾個餸送酒，包括「燒鵝、滷水豬腳仔、炸蠔餅同黃金鮮魷」😍「燒鵝」差唔多每檯必食，隻鵝好大隻，皮下脂肪唔算多，燒得唔錯肉味鮮美👍「滷水豬腳仔」滷得好冧好入味，啖啖肉送啤酒一流😋如果將呢度「炸蠔餅」同真係潮州菜館出品比較，坦白講係有點遜色，但大牌檔風味就係平靚正，果頭廚房煮好好快就送到你面前，樣樣熱辣辣其實已經加分同埋好食😉「黃金鮮魷」做得非常好食，鹹蛋黃蓉包勻每件鮮魷，食落啖啖鹹香，真係唔使一陣，幾個餸就消耗左好幾枝大啤🤪見食到差唔多，繼續開放第二 round，再點多幾個菜「虎皮釀尖椒、柚子骨、蝦干浸豆苗、順德小炒王」🍻「虎皮釀尖椒」係另一個今晚好有印象嘅菜，蒜頭豆豉辣椒炒得好香，係咪大牌檔先有呢啲鑊氣呢🤔 辣椒好好味又唔會太辣，正👍「柚子骨」係靚仔哥哥（其實係呀叔🤣）介紹嘅，咁我哋當然唔會拒絕，最後都冇失望，柚子味濃肉排又冧，唔錯😋食咗咁多肉都要

今天懷着小時後回憶來這懷舊點心大排擋，回憶家人一起去茶樓飲茶的情境，每人一個大包，大包內餡料很豐富，因為可以飽肚，還有經典臘腸卷及燒腩卷，大大隻糯米雞，仲有糯米包，鵪鶉蛋燒賣，鴛鴦燒賣，蛋黃千層糕等等......這都是那年代的美食，依家好難有酒家茶樓有得食！這裡的點心全都即叫即蒸，我一坐低二話不說，就點了臘腸卷及燒腩卷，鷄球大包，鹹菜豬大腸，醬汁金錢肚，黑白糯米包，豉汁鳳爪，但可惜臘腸卷（無緣）賣晒！等了10分鐘點心上枱了，點心夠熱，燒腩卷味道普通，啲豬腩肉唔夠肥，冇肥油，冇肉汁，食落好乾，芋頭一般唔夠粉。大包冇小時候的咁好食，有一粒鵪鶉蛋及一舊好瘦乾哽叉燒，其他啲餡料好似燒賣咁及冇筍粒，食唔返小時候的風味。黑白糯米包算正常冇驚喜。醬汁金錢肚夠林，醬汁唔多醬汁，多番啲就好。豉汁鳳爪，鳳爪夠林入味，都算OK。鹹菜豬大腸超好味，豬大腸夠林好入味，醬汁夠味夠多，鹹菜剛剛好，唔會好鹹，小小脆身，不會太林，超有水準，值得推介！

跟關注組覓食~ 懷舊特色越來越少，重拾地踎感覺。點心好多款好想食，但係見到幾樣已絕跡嘅懷舊美點，勾起童年回憶。可惜沒有香口嘅炸物。食物大件中不失味道😋價錢不貴👍由於一心重捨舊的味道，所以沒有多想環境衛生因素，若然着重就不適合去了，始終是在街市範圍。

很久沒有和同事放工出去聚餐了，回想起對上一次來呢間大排檔已經係差不多兩年前，由於我地個個都好喜歡食懷舊中餐，而且食過呢度d燒鵝可以話係一試難忘，所以今次都揀返呢間豬肺菜湯，味道不過不失沙薑雞腳，沙薑是另外上的，所以不太入味，而且雞腳沒有燘淋，比較韌，好難咬豉汁雞腸，好多芽菜，芽菜同雞腸撈埋D汁一齊食幾夾燒鵝（半隻），雖然燒鵝仍然味道都唔錯，但比起我之前第一次食退步了，而且碟下面有三份之一都係只有骨和肥膏，所以我們都沒有食小炒皇炒得剛剛好椒鹽魷魚炸得幾好，皮只是薄薄的一層，不會太厚東風螺蘿白煲，呢煲野偏辣，啱哂喜歡食辣的朋友生炒骨，肉炸得很脆，而且呢到既生炒骨係多肉少骨，啖啖肉，好味👍🏻呢度食物水準平均都比酒樓及茶餐廳好食，而且價錢又合理，所以每次來都要預先book枱，希望招牌菜的秘製燒鵝可以保持水準，不要因為數量而影響到質量

呢間大排檔都唔係第一次黎食，香港既大排檔真係買少見少，好食既當然要去支持下！餐廳喺牛池灣街市嗰頭，港鐵c出口行5分鐘就到。建議唔好經街市入去餐廳，沿途地下好濕淰淰，行近住小巴站條樓梯就perfect喇。大排擋格局，有分室內室外，咁屋企人都唔食煙，就坐左入房仔。房仔入邊都光猛干淨，地板唔會油淰淰。枱都分得幾開，同格離枱有啲距離，不過枱枱飲多兩杯，嘈就一定架喇，感覺好熱鬧。咁講番佢啲嘢食，除左小炒，佢都有做燒味，仲要做得相當有水準。眼見比較多人嗌既都係燒鵝同脆皮燒腩仔，老人家唔多中意鵝騷味，所以我哋淨係嗌左燒腩仔。上枱係暖既，坊間比較少有。食落每一舊都係脆既，無誇張，而且腌肉既分吋啱啱好，成舊可以放哂入口，個底唔會死咸。另外嗌多左幾個小菜炒嘢，嗌左焗魚腸。魚腸唔值錢，值錢既係手工，因為處理起比雞腸鵝腸豬腸更哂時間，好考功夫。食落唔腥唔苦，有魚香，唔錯！咁多碟中最有驚喜係小炒皇同豉油王炒麵，炒鑊炒得夠乾身同香口。小炒皇除左韮菜之外，配料都好重手，有魷魚銀魚仔菜甫，好鬼惹味，飲左好多枝啤酒！個炒麵一流，簡單配料都係啲基本嘢，師父功架十足，香口唔覺油膩。埋單每人大概300，以大排檔黎講唔平。不過

今早（16/2/2021）入西貢前，先來這食店飲餐茶，九點幾到，居然無位，比大酒樓還要旺場，全自助，無人理，等咗一陣，有個食客話比我哋知，這枱客已走，但未執枱，搵人執枱又等咗一陣，終於可以坐低。二個人，點了4個點心新志興鮮蝦餃，好味，皮有彈性，蝦好爽口豬肚雞燒賣，得一塊豬肚，唔夠分志興大包王，爆餡之作，餡有一件雞，一件叉燒，一隻鵪鶉蛋，好多肉，食一個，飽晒。乾蒸牛肉，都好味。點心還可以，服務就麻麻，可能人太多，好亂，有點心紙，劃咗四個點心，只來二個，另二個點心，叫侍應跟，又話無落單，入番單，又話一早已入單，總之就係亂。埋單$91。

每次去西貢玩，一定會黎彩虹食嘢先！不過商場就無咩好食，所以通常都係去牛池灣村或者熟食中心😋雖然環境唔算話好好，但係夠晒風味～今次去咗新志興食，基本上七、八成位都係喺室外👇🏻而且行人路😹就好似大排檔咁，不過可以放心，係乾淨嘅！鋪頭亦有少量室內位置！好似普通茶樓咁，有點心卡👇🏻～我地喺點心紙剔咗嘢食之後，啲姐姐就會送點心過黎🥰既然鋪頭名叫得燒鵝大王，當然叫碟例牌試下啦～皮燒得幾有光澤👍🏻亦都唔燶～而且啲肉唔鞋，幾juicy～配埋酸梅醬非常夾😹👆🏻蝦餃、👇🏻燒賣、👇🏻腸粉都係茶樓正常水準😋腸粉唔會一pat pat，全部勝在夠晒熱辣辣啊👍🏻👇🏻鮮蝦炒米粉🍲呢個就普普通通，不過都幾多隻鮮蝦🦐🦐🦐幾夠鑊氣～

真係唔可以睇小大排擋的力量，現在佢差不多都已經成條街咁長啦！人流非常熱閙！菜式夠和味又地道，尤其生炒骨及燒鵝味道也很好，疫情快d走，就可以再去吃和味晚飯！記得打電話去訂位呀！

就嚟入冬，梗係食燒味飯，暖下個胃咖啦！燒味簡直係香港地嘅平靚正不二之選，仲別具香港特色。今日嚟到牛池灣街市就試下新志興至尊燒鵝大王。🍛單拼燒味飯$45/雙拼$48✨好味指數：🌕🌕🌕🌑🌑畀餸畀得好闊綽，菜都畀咗幾條。鍾意食膶腸嘅朋友，極推介！好甘香，夠軟腍。至於燒鵝就一般般，皮唔脆，肉又太瘦...有啲失望🤦🏻‍♀️🤦🏻‍♀️🤦🏻‍♀️不過菜淥得太腍，不過咁多條送，算有誠意，就算啦～

同事之前幫襯過，極力推介，所以約了一齊再去試，我們預先訂了位，因為怕熱，所以選了室內有冷氣的蠔餅入面都有幾多蠔仔，都幾大塊，唔會炸到好漏，味道唔錯椒鹽鮮魷，味道ok, 但如果有腳位就更好豉椒炒蜆大大隻，味道ok來這兒必吃的燒鵝，話明燒鵝大王點可以唔試下， 燒鵝好入味，肥瘦適中，真係好好味呢味豬腸都好味總體而言，呢間大排檔d野食幾好，對比其他大排檔味道屬於中上，但由於人手唔夠，所以服務未能周到，點餐盡量一次過點完，但上菜速度快，而且價錢親民，可以值得一試

6月尾時, 疫情未第3波的時候,  當晚全場好滿座, 我地walk in, 所以坐最開報紙檔同髮型屋外的位位就唔係好好嫁喇, 有種被遺忘的感覺,  但冇咩所謂啦黎得呢間野, 睇店名都知必定要食燒鵝咁呢隻鵝呢, 其實都係冇裕記或者一樂個D好食的咁其實總結完LOL瀨粉OK的, 湯底都會係食開的水準個晚去水缸揀的游水瀨尿蝦同唔知咩班瀨尿蝦質地合理, 但其實個椒鹽係唔入味的即係又係椒鹽還椒鹽, 蝦還蝦咁好大問題的其實多肉的隻蝦本身, 但如果唔理D椒鹽, 其實隻蝦冇咩鮮味魚好食的, 亦好嫩好新鮮通菜都係正常水準-成餐飯千一蚊左右, 都OK但如果要食令人驚豔的海鮮或燒鵝, 就唔好去呢間但如果只係象徵式想有呢兩味野, 而又相對平D, 又唔會難食, 又夠飽咁呢間就十分適合

新志興的燒鵝真是食過返尋味，燒鵝新鮮皮脆，啖啖肉，四個人食一隻燒鵝是很滿足的，再加上可以自己帶紅酒去飲，不收開瓶費，看見大部份人都有叫砂礓豬手，於是也叫了一碟，可惜豬手不太淋，但是那碟砂礓香蔥豉油，超級好味。潮式煎蠓餅，非常香口。今次去要等位，下次一定要先預訂座位。

幾日前約咗幾個老朋友食飯，估唔到食飯當日之後，只可以四人同台食飯，都叫做好好彩呀。我哋有訂到枱，去到當時已經好多人，本着今朝有酒今朝醉的原則，政治經濟嘅嘢全部放埋一邊，今晚一定要大杯酒大塊肉。　講返食物，每一碟份量也超級足夠，而且價錢在九龍區來說可以算是合理，當然你唔可以同大酒樓相比，呢度嘅衛生情況只是一般，如果去廁所嘅話要行到村口嘅公廁，都幾污糟下。每一碟食物鑊氣十足，只是略嫌太過重手，可能預咗大家飲啤酒，酒類人士應該覺得10分好味。當晚就坐後叫咗兩支啤酒，之後即刻奉上一包消毒濕紙巾，總算彌補這裏衛生的不足。最後埋單1300，五個人食，抵食與否見仁見智，但是當晚我哋叫咗成10個餸同埋差唔多10支啤酒，所以叫做都好經濟，最重要係當晚有老細萬歲！

小巴由西貢返市區，總站到彩虹，由於太肚餓，老公提議附近醫肚好了。他帶我來到新志興，說上次和一大班同事吃過，味道很不錯，所以今次想試試他家的其他菜。這大排檔超旺超多人，都坐滿了人，好快店員為我們加枱，然後我打開菜單，可能太餓，感覺所有食物都好吸引因為我遲遲下不了決定，最後還是由老公發板。老公點了避風塘釀茄子，蠔餅和蠔仔粥。茄子到的一刻，有點驚呆，份量好大呀，眼看已經覺得可口了。果然，味道真心不錯，茄子釀了魚肉，每口都是脆脆的，但不會成口油，炸得剛好~避風塘風味果然濃！蠔餅上的時候，也是一大碟，二人吃真的太多了啦～但有小小失望，蛋漿實在太多，未至於每口都有蠔仔。而且兩款炸物，吃得有點滯。蠔餅，還是要吃潮州風味的好。蠔仔粥，由於點了兩款炸物，相比下，蠔仔粥就清得多了，可以舒緩下乾的嘴巴。蠔仔份量還可以，粥不腥，味道是不錯的~