新德里餐廳

營業中

休息中

in fact, i have been full at the time arrving this indian restaurant. we just ordered two dishes. but they were too delicious! i almost finished one of the dishes....good!

一直都想到重慶試印度菜,昨晚決定去試,一行六人在update mall 等齊才上去,等的中途,待應們已在門口望實,到人齊起行時,他們已一窩蜂的沖來,早已決定到新德里,新德里的待應便帶我們去搭”車立”,當時的情況雖然幾混亂,但對於未試過的我覺得幾得意.入到店內,環境同留下完全不同,裝修不錯又乾淨.坐得亦算舒服.送的脆薄餅---很薄很脆,有些黑椒味,但越食越辣印度啤酒---味道淡淡的,不苦拉茶---很滑亦不太甜,有另一種味道,但叫一杯大家share就夠了甜乳酪---個人覺得麻麻,芒果味乳酪可能會較好,但家姐說好味素咖喱角---內裏是薯仔茸,伴甜酸汁更正!!特式烤餅+洋蔥烤餅+芝士烤餅---三樣都正新德里炒飯---炒得幾好,乾身得來不會乾口,幾好鐵板魚---有四件,賣相很好,魚的表面看來很乾,吃下又不是,肉汁仍在,很正菠菜茸羊肉---看似細細兜,但其實都夠份量.正,不吃羊肉的我都可以接受,菠菜茸點烤餅亦正洋蔥茄汁燴雞---是老闆介紹的,真的不錯,完全不辣,酸酸甜甜很野味,略嫌不夠雞肉不用加一,又有九折咭,三百蚊食得大家開心,是很抵的一餐,本以為印度菜會很辣的,所以再三叮嚀待應要小辣,下次會再

是寫番月前的飯局，同老朋友相約在尖沙咀吃飯，佢想食咖哩，問我有無好介紹，咁尖沙咀好的咖哩舖，真的為數不少。她對去重慶森林探險幾有興趣，咁順理成章，當然來這裡。來時雖只是星期二的八時許，是照舊的坐滿客人，好在事先找主理人占士留了檯。已經縮埋一邊，仍比他認了出來，是仍然的熱情好客。叫菜時朋友起了難題，要叫不太辣又少汁的印度菜。不辣不難，Makhanwala、Shahi Korma及Sagwala都是不辣的，不過要少汁，就一定是Jhalfraizie了，所以就叫了Mutton Jhalfraizie，加個烤魚塊Fish Tikka同青瓜乳酪。澱粉質方面，要了炸麥餅Poori及餐牌上沒有的甜Naan。這裡的菜色是堅持即叫即煮，等候的時間是長了一點，但絕對值得。好像Fish Tikka是熱辣辣，一客四件大大件，份量好夠。香料醃得好入味，魚肉保持口感又不會太乾，在這裡叫tikka，魚絕對好過雞；青瓜乳酪幾酥香，怕吃乳酪的一定不要試。但其實酸酸的乳酪加咖哩，味道不錯的，我地兩個爭住食晒；Mutton Jhalfraizie的羊肉切丁方，質大粒蔬菜同煮，幾香，不辣又少汁，羊肉味道又不錯，朋友吃得好滿意

叫左4樣野:1. 咖哩角: 都係咁好食, 但加左價, $4加到$52. garlic naan: 好好味, 有d garlic 係上面3. 腰果汁羊肉: 個汁好好吁, 好濃, 唔辣既4. 唔知咩薯仔椰菜: 中辣, 幾好味d waiter好nice, 好風趣~

上兩個星期四蒙得大皇是日邀請來到這裡開餐，兼做小型訪問，出席者除了預設的麻甩外，還加入了廿八歲，一切都由大皇及記者拍板。Papadum 淋左，要扣分；Samosa 即是印式炸油角，內裡幾乎係薯仔，但稍為乾身一些。Takki Chicken 醃得入味，燒得香；Takki Fish 的味道冇雞濃，但幾fresh；Masala Chicken 幾滑，不算太辣，適合一般人口味；炒什菜好似冇乜人食，我反而一匙一匙咁食；Vindaloo羊肉，係當日最辣的菜式，食落去隔一陣先感受到辣的境界可以去到好深；Naan有三款之多：牛油、芝士、洋蔥，我個人喜歡芝士。總括來講這裡可以試到港式與正宗印度之間的咖喱，可說是另一種食法，絕對適合香港人的口味，不過這裡的油份頗多，不然的話都唔會這麼滑漏。

跟随一班男人食飯,平時少食咖喱,作個嘗試吧!6個人叫了一枱餸及烤餅,肉食方面有不同煮方的魚,雞,羊.也叫了個炒什菜.咖喱的名稱太難記,相中的那個是巴辣羊肉,在我而言是辣了點,我比較喜歡那個用波菜(綠色)的咖喱羊,帶甜少辣正合我口味.烤餅有芝士,蒜味及洋葱.洋葱略勝.7-8個餸,4-5份烤餅,都係$300.

自己對印度菜的認識不多, 朋友即興的來一個印度菜午餐聚會當然不會錯過. 朋友帶著我們左穿右插的跑上三樓的新德里餐廳. 燈光偏藍帶著一點新秘的氣氛, 朋友們在研究點菜的時候先來了一杯甜的乳酪, 味道偏酸淡有點像喝飲奶昔的感覺, 人齊後即來了好幾度菜, 先來了香炸魚件和串燒五香雞, 兩者的感覺香料味道偏重, 肉質亦偏鞋; 咖哩角是一個漲卜卜的三個包子賣相可愛, 外表香口脆皮, 但中間只有咖哩和薯仔粒, 味道和質感偏單調了一點; 巴辣羊肉偏向辛辣, 味道盡蓋了羊肉的羶味, 而羊肉本身亦偏韌了半點; 菠菜茸羊肉, 菠菜茸味道輕清, 羊肉尚留有羶味而且肉質腍討好; 再來的瑪沙拉雞可說是當日最欣賞的一度菜, 瑪沙拉味道輕清, 雞肉肉質香滑; 嘩嘩雜菜是一碗雜菜碎粒, 雜菜質感新鮮只是略嚴多油了一點. 印度菜當然小不了烤餅, 試了三隻不同的烤餅, 牛油烤餅, 芝士烤餅和洋蔥烤餅, 還是洋蔥的做法最對脾胃.

今日第一次黎呢度食飯~~~ 6點就黎到了!! 所以間餐廳冇咩人~! 第一次點菜唔係太識, 點了openrice食家推介的菜外, 仲問問了waiter 有咩好食~~~ 兩人點了以下的菜:1. 咖哩角三客: 果然好食!! 又熱又脆, 入面好像咖哩味的薯蓉~ 很不錯~! 一客只售4蚊~~ 好抵!2. 兩客烤餅: 分別係洋蔥及蒜蓉烤餅! 烤餅內夾了很多洋蔥, 口感不錯, 但味道只是ok, 不是太特出! 另外的蒜蓉就好好食!!! 很香, 味道很好!!! ^^3. 印度炒飯: 雖然本人很喜歡吃印度飯, 但實在食得太多, 有點滯! 雖然冇咩料去炒, 有點寡, 但都唔錯!! 4. 咖哩雞: 很細碟....有點不值.... 但味道唔錯! 雞肉嫩,都算ok!5. 甜乳胳及拉茶: 甜乳胳好好飲, 見到有幾圍客人都點了!! 幾受歡迎~~~ 拉茶都錯, 唔會太甜!! 味道特別~~~ 可以一試~~6. 免費的脆脆: 不嬲都好鐘意食~~~ 听人講可以refill的....rite?? 但係唔係要主動叫佢先有得refill呢???overall來說, 環境ok, 感覺乾淨, 野食某些比較特出~~ 其他都算唔錯~~ 兩

1. 免費烘餅小食: 很脆，伴綠色的sauce味道不錯，但單食塊餅就咸了些。2. 椰汁咖哩雞: 雞很嫩，咖哩有椰汁味，不錯。3. Mutton masala: 咖哩汁內有很多番茄，羊肉只有很少很少"so"，質感似牛腩，但沒有根，不"un"。4. 嘩嘩雜菜: 此咖哩雜菜味道亦很好，但較上述兩個咖哩多了些油。5. Naan: 不差，但不是很脆的那種。6. House naan: 其實是普通的naan加了蛋，幾得意。另外，盛載咖哩的器皿雖小，但其實當中肉/菜的份量都不算少。

今日我阿娘大壽打算試新菜不要每年都中菜西菜，在openrice 見到新德里的食評很好雖然在重慶大廈亦要勇往直前。在重慶門口真的給十分落力的推銷員嚇親好彩有管理員哥哥幫忙以沖出重圍。上到去按openrice 食評介紹點菜，真的十分正，我十分喜歡的咖哩角充滿咖哩味又熱辣辣。咖哩魚沒有一般的雪藏和魚腥味，點菜時仲好有禮貌問要幾辣。但雜菜就有點怪，因是茄汁什豆。要了3個烤餅，4個，1個炒飯和3杯飲品都是$300，真的十分抵。

一般妤嘅炒飯嘅元素都有齊:唔太油 夠乾身 粒粒挺身最難得嘅係彈牙(用basmati米炒嘅原故?),口感分明水準絕對响大部分餐廳之上!配料方面,加咗一啲白色嘅乳酪(芝士?),响口感同味道方面完全配合呢個係我食過之中,最好嘅炒飯,絕冇誇張必食! 啲咖哩角都好好食但係啲咖哩呢,我覺得唔夠香料味......

幾經辛苦終於上到去啦, 因為下面d人實在太煩啦, 叩你食呢間成o個間~叫左1. 加哩角, 2. 椰汁加哩雞, 同埋3. 印度炒飯~1. 加哩角-- 一定要試, 大大隻都係$4ja, (之後係ifc citysuper賣$11隻, 真係賺到佢笑呀), 熱"lat lat", 裡面你d薯容, 好好味.2. 椰汁加哩雞-- 唔係好食到椰汁味, 但都好食.3. 印度炒飯-- d米好正, 加左d白料令個飯好好味.個waiter好nice, 教我地點食個加哩角~

成日都想去食下重慶D阿星咖哩, 但係好怕比D阿星"圍", 好多次想去都無去到, 個日咁岩見到雜誌介紹呢間新德里, 加上Openrice又多人讚, 一於係男友護駕之下勇闖重慶森林!!去到重慶大廈果然人山人海, 混亂不堪, 個個都勁隊d傳單埋黎, 幾經辛苦先可以去到lift口, 上到三樓, 原來呢度荖左九成食客係港人, 咁都安心d, 一埋位就有一籃薄脆咖哩片, 好脆好香口, 亦都幾辣架! 食完阿星又會幫你refill, 叫了2件samosa 咖哩角(本來想叫4件, 但阿星話2件夠食), $4一件, 皮似油角, 料有大大舊咖哩薯仔同什菜, 有小小油啦, 但超抵食又好食!!! 一個新德里羊肉$48, 個sauce白白地色, 唔太辣但好香, 送飯一流, 羊肉又唔un又有帶d羶味, 肉量少左d, 但味道最好, 另一個瑪沙拉雞$48, 紅紅地色, 開始食個時唔太辣, 但食左一陣就feel到個咀開始發熱, 味道雖好但好似辣過頭, 雞肉唔太多但係煮得過左時, 有d鞋口, 好勁啊!!! 芝士naan$12, 要個口好清無咩味先feel到芝士味, 但係個餅係好好味, 好soft個texture又正! 相信其

第一次到重慶吃飯, 一早作好心理準備。但不知道昨晚發生了甚麼特別事情, 大廈裡竟然冷冷清清的, 不但沒有給人圍著, 連派傳單的人亦不見蹤影, 哈!其他舊食客都說很奇怪,還說我們兩個女孩子走運呢~餐廳裝修很新很漂亮, 整個餐廳都以藍色作主調, 入門天花板上雕了個很有歐陸色彩的花紋圖案, 整個餐廳的的牆邊都鑲上四方鏡, 正中位置還有兩把吊式二頁扇, 很特別呢。想不到這樣的小餐廳也願意花錢布置。朋友是素食者, 所以晚餐選了新德里特色雜菜, 咖哩茄子,芝士naan 和新德里特色naan, 還有兩杯甜lassi。新德里特色雜菜- 比想像中好吃, 想不到素的咖哩也可以弄得很美味的。芝士naan比特色naan 好吃, 濃滑的芝士味加上餅的鬆軟,只配香草汁和甜汁也非常味美!lassie其實是較濃的甜乳酪, 質感以奶昔,對於乳酪愛好者(像我^^)一定會很喜歡, 不過我的朋友就不太習慣這種味道了。服務很好, 侍應很有禮貌, 而且不論中文或英文都說得很標準!!只可惜當日人太多,我們等了差不多半小時才吃到晚餐呢^_^"

因為之前看過食評都好好,所以我係二十一號晚上去左試下,我都未行入重慶大廈已經有大班阿差包圍住,好彩有個問我係咪去新德里,我咪跟住佢行,去到電梯大堂佢重幫我按電梯,真係好禮貌.果晚我本來叫半打咖哩角,個侍應對我說,你地兩個人四隻已經夠晒,我心想有錢都唔賺,還有他叫我唔好要咸乳酪,話無咁好飲,原來佢地d服務態度一流,果晚我叫左四隻咖哩角,咖哩羊和鐵板魚和薄餅和兩杯甜乳酪,全部結交帳全係$141,好抵,無加一,講返d野食,咖哩角原來每人食兩隻已經好「流」,加d紅色醬食正,咖哩羊加薄餅一流,羊又唔「鬚」,但有d「un」,鐵板魚好香,有四大件,加紅色醬食正,個待應重控制到食完一樣菜先上第二樣菜,唔會凍晒,服務態度一流,比貼士都比多d,香港d侍應應該學下人.