270
69
24
港鐵尖沙咀/尖東站 D1/ L1/ N5 出口; 重慶正門入口一直行(可由專人帶領,請詢問門口警衛) 繼續閱讀
電話號碼
23681682
營業時間
今日營業
12:00 - 15:30
18:00 - 23:30
星期一至日
12:00 - 15:30
18:00 - 23:30
付款方式
現金
其他資料
餐廳運作模式 - B類
電視播放
食評 (391)
等級4 2021-09-04
247 瀏覽
【初嚐重慶大廈正宗印度菜🤪】/////行到重慶大廈門口 南亞裔人士即刻超熱情派餐廳傳單圍住大家😳😳只要同佢講你想去或者book左邊間餐廳 就會好似明燈帶你搭lift🤩新德里餐廳環境比想象中乾淨 店員都好有禮貌 食食下飯仲叫大家smile好幽默🤣.👉🏻芝士烤餅 ($25)第二幅圖拉絲拉到超長👻澎湃嘅芝士🤫烤餅好新鮮 食落鬆軟得嚟有少少煙韌度配埋Butter chicken食又香又鹹鹹地(´▽`)對比起蒜蓉烤餅 呢個出色太多 必叫菜式!.👉🏻炸洋葱圈 ($36)呢個價錢有成十幾塊洋葱圈都幾多😽咖喱味炸粉可以厚身少少 洋葱🧅味道幾新鮮.👉🏻新德里炒飯 ($70)飯粒呈條狀 口感似米粉都幾特别~偏重香料味🤧有蘑菇 羊肉等等嘅配料.👉🏻香濃牛油鮮茄烤雞 ($74)上面烤餅提過嘅Butter Chicken😗醬汁小辣 配有少少鮮番茄🍅味道有甜有辣 加埋啲雞都幾嫩滑 好惹味🥰.👉🏻印度瑪莎拉奶茶☕️ ($15)最近養生想飲熱飲就叫左呢杯奶茶😎入口幾驚喜喎🤤少甜帶甘 仲有少少薑味————-📍新德里餐廳 (尖沙咀)尖沙咀彌敦道36-44號重慶大廈C座3樓3室 繼續閱讀
(以上食評乃用戶個人意見 , 並不代表OpenRice之觀點。)
有位印度朋友間唔中都會搞飯局老實講印度菜唔係我嘅至愛 不過鍾意食辣嘅我間唔中食下又覺得幾過癮重慶大廈比較龍蛇混集 有相熟朋友帶會比較好啲上到去餐廳好傳統嘅印度裝飾 餐廳有家庭式經營嘅感覺。座位都坐得舒服嘅 我哋四個人叫印度烤雞 咖喱硬芝士 咖喱魚塊 印度薄餅 ~當然唔少得芒果Lassi 雞好香好滑 鐵板咁樣上好惹味 魚塊就稍為硬咗D 似係雪藏貨我以前曾經去過印度多個城市 覺得呢度嘅味道同印度嘅好似 菜式屬於北部新德里嘅菜式 印度朋友話依度係其中一間香港最正宗嘅印度餐廳 咁啱我前排食過高級印度菜Chaat, 老老實實,覺得呢度仲好食啲平均埋單$200鬆啲一個人 間唔中食下都幾唔錯~ 繼續閱讀
(以上食評乃用戶個人意見 , 並不代表OpenRice之觀點。)
等級2 2021-08-26
173 瀏覽
今日同朋友阿爸阿媽一齊去重慶食咖哩 之前食過個啲都好地踎 無咩冷氣🤣今次決定去試間舒服啲既餐廳🍴見 okay 多朋友黎食呢間打卡🤪 位置方面應該多人提過就唔特別講啦!講下我地食左啲咩正野先❤️小菜 x 主餐🤍素咖喱角🌶 $8一隻,唔知係咩餡,塞得滿滿的,有啲似薯蓉,好細滑,食得好滿足🥰🤍蒜蓉烤餅同平時食啲印度🇮🇳烤餅唔一樣🤣好厚實好足料,似係貼係爐邊燒個隻烤餅,大大塊,啱晒點汁。不過聽講芝士烤餅最好食🤩再試!🤍新德里特式燴羊肉🐑This is the best among all!! 羊肉完全無膻味,又燴得夠冧,唔會太老,個汁又香又creamy,點烤餅黎食一流🤍新德里特式炒飯🌶🌶🌶以為印度米會好硬,但食落口感似炒米粉,頗香口,但有少少辣🤪入面啲牛肉都幾好食🤍磨菠菜芝士🌶唔🙊個芝士同平時食既唔同,好似煙韌版既豆腐乾,芝士味唔算出,菠菜汁攪得比較蓉,亦落左較重調味,可能係特式🤣就唔係好食到菠菜味飲品🥤🤍芒果🥭乳酪 Mango Lassi🤍香蕉🍌乳酪 Banana Lassi呢兩款野飲真係大大力推介嘅!唔會飲到任何糖水,飲得返原隻生果,無喳!甜度剛剛好🥰入口又滑 可以話係我飲過最生果既生果 smoothies 呢間野值得二刷😛😛😛 繼續閱讀
(以上食評乃用戶個人意見 , 並不代表OpenRice之觀點。)
相信大家都好少上重慶大廈食咖哩~今次同大家介紹下頗出名嘅新德里咖喱🍛已經是第二次吃了~不過大家都有心理準備,一入重慶大廈就會比人圍,問你食咩,之後就有人帶你去搭lift,一路係重廈大廈行果陣就有感去咗印度咁!不過都建議女仔唔好自己一個上去呀!驚你招架不住!首先會有前菜有幾塊胡椒餅比大家食,枱上分別有薄荷醬同紅色嘅醬比你沾。我加埋醬食感覺都偏咸,所以大家可以調節下食幾多醬。講真,我一開始唔知咩嚟,以為啲薄餅縮咗水😹😹經朋友提醒,哦~係papadum 嚟!✨椰汁咖喱雞🐓(小辣)$74呢盤應該必叫,啲雞都ok亂畫,啲咖喱都幾濃幾香。✨新德里特式燴雞🐓(小辣)$74唔難可接受。✨香濃鮮茄汁燴魚🐟(小辣)$84食落唔似魚,可能因為是鱈魚塊,啲肉比較實同硬少少,多層嘅魚肉~✨瑪莎拉燴羊肉🐏(中辣)$82有少少羊酥味,羊肉比較實。✨瑪沙拉薯仔燴椰菜花🥦(中辣) $67唔係講笑,真係spicy😂😂可能因為我唔食辣。✨燒烤五香雞件 $78酸酸地咸咸地嘅雞塊,用鐵板上熱辣辣,啲配菜好味哈哈🧅!一份有五舊!✨芝士烤餅🧀 $25勁正呢個!一定要試呢隻薄餅!✨蒜蓉烤餅 🧄 $23薄餅排第二,好香都好味!✨牛油烤餅🧈 $23對比其他薄餅較普通。✨新德里特色炒飯 $70大雜燴,咩肉都有,有舊羊肉都有雞肉,是印度啲長條飯,有好多雜香料,我自己唔中意食😂😂✨Mango Lassi $32✨Strawberry Lassi $32✨Banana Lassi $32好飲好濃但一啖都好甜了🥶老細幾好人嘅,不過打算未人齊果陣叫嘢食,佢叫我唔好住,話餐廳依家少人,啲food會come in 1min,所以人齊再呃。結果…呃人嘅!等咗都十幾分鐘,肚餓咖嘛T_T呀印度是唔吃牛同豬的,所以得羊雞魚蝦~ 繼續閱讀
(以上食評乃用戶個人意見 , 並不代表OpenRice之觀點。)
等級2 2021-08-12
284 瀏覽
因工作關係,去過印度不同的城市無數次,進入重慶大廈深處,已經重拾那種感覺。升降機門一打開,踏進餐廳的一瞬間,那股傳來的味道就是印度呀! 非常地道!大力推介Cheese Nan! Nan bread 外脆內煙韌,芝士餡豐富到由nan bread 漏出來!! 鹹香芝士味中,又帶一點奶香甜美。主菜推介最合香港人口味的Butter Chicken 和 Chicken Tikka。Butter Chicken並不是咖哩,而是印度香料蕃茄忌廉醬汁,蕃茄味香濃,加了大量忌廉烹調,入口順滑。Chicken Tikka 外面烤得非常香口,但裏面雞肉仍保持嫩滑,而且雞肉醃很入味。值得一提的是Lemon Soda,並不是一般餐廳的梳打水加幾片檸檬,他們加入了青檸再加青檸汁,清新止渴,驚喜之作。不過店員都只幫下巴戴口罩,到最後索性不戴,上菜時又會一直說話,請帶備一顆強大心臟去進食。• Lemon Soda $25• Mango Lassi $30• Butter Chicken $74• Chicken Tikka $78• Fish Masala $84• Aloo Gobi $67• Cheese Nan $25• Garlic Nan $23 繼續閱讀
(以上食評乃用戶個人意見 , 並不代表OpenRice之觀點。)