新天地人中華料理 (已結業)

呢排日日瘋狂OT都無咩時間食好野 今日終於無咁忙就早d收工打邊爐 我同朋友一個係葵芳一個係尖沙咀 最後就決定揀太子呢個中間位 咁大家都無咩概念食邊間 睇完openrice就決定試下呢間新餐廳. 首先呢間餐廳留俾我最深刻既印象係服務好 好有禮貌 可能今日仲係星期四 餐廳唔算太多人 待應可以慢慢去serve客 我既感覺當然係好好 待應哥哥同阿姨由介紹餐牌落單上菜 所有野 都係做得好 近期真係好難得遇到d餐廳係service做得咁好 連酒店都無咁好 very good. 我地叫咗2人套餐 唔好睇樣樣得少少 但食曬成個餐係好飽好飽 全部食物都非常新鮮 特別係蝦同蠔 好鮮甜好正 overall 我覺得用呢個價錢黎食呢餐 係好正好抵食 ;)) 唯一美中不足就係沙嗲湯底偏鹹 少少重口味.

同家人晚飯，揀食火鍋，各人喜好唔同，可以鐘意食乜就叫乜，火鍋最方便！之前去過太子基隆街食火鍋，有間都幾出名，揸車去到，原來現在已經好似關閉了，所以我地就去左間新開的，都是在基隆街，叫新天地人中華料理。老闆介紹佢地招牌野，椰青雞鍋， 手切牛，海鮮，刺身，咁我地就叫左個椰青雞鍋半隻雞，孖寶餐368蚊，有象拔蚌刺身+手切牛，老闆話可以補返差額轉做特大牛，加190蚊，緊係好啦，海鮮每樣叫d, 7孔鮑魚，聖子皇，愛爾蘭大蚌，海蝦，沙巴龍躉。其他就自己睇menu揀，美國桶蠔，黑豚肉，雲吞，響鈴，午餐肉，米線，蔬菜，皇帝菜，仲有好特別，有隻叫冰菜，我第一次食咋，好好味，口感幾正，望落菜上面好似有冰粒水珠咁。食到我地飽晒，老闆又送飲品，又送左個椒鹽粟米俾我地食，最後埋單時仲送雪糕糯米糍俾我地食，我爸爸好滿意，好high,好開心，不停同老闆吹水，老闆仲話下次再黎會俾9折，俾左張卡片我地。做生意既人係唔同d,識得哄客人，服務態度又好，好親切，食物價錢合理，好味，好新鮮，環境都幾舒服。值得再幫襯。

話說我餐晚飯10：30pm先食,因為朋友們太遲放工啦，我地10個人，係香港工作，有時真係想同朋友gathering都難約，難夾時間。我揀左去 新天地人中華料理，記得上次去係1月時，果時新老板剛剛接手，我覺得都算好味，抵食，夠飽。今次再黎，都想睇下老板係咪真係有用心去改良，加推新食物先。嘩，一睇就睇得出，多左好多款海鮮，我平時最鐘意食生蠔，師傅就推介流浮山生蠔，新鮮，唔似桶蠔太大隻，好漏，刺身，成條章紅魚刺身，再加椒鹽頭腩，好抵食，$580咋，朋友再叫埋加拿大象拔蚌刺身，見食評都幾多人讚佢地既象拔蚌。老闆話食到一半刺身先開始上鍋，所以刺身即刻落單等師傅快d開先，佢地全部都新鮮，章紅魚即刻在魚缸撈上黎切， 之後我地再揀鍋揀其他野。刺身非常得，好好味，下次再黎必叫，本地新鮮手切牛一定要食，唔好再食雪花牛啦，無得比，級數相差好遠，椰青雞鍋香到返屋企都仲掛住，好想買d椰青返屋企飲，好清甜。所有海鮮都好味，一夠新鮮就真係好味架啦，呃唔到人。最後，我地食到1：30，先走人，老闆又送雪糕又送涼茶汽水，真係好好人，自家經營係唔同d, 老闆落手落腳做野，好親切，師傅連海鮮都會送多幾隻蝦俾我地，又送多兩隻大

我地一行八人七點半到店,未見有滿座情況.座位尚算舒服,不算太迫.我地分別叫左一個椰青雞同一個番茄湯薯仔湯底,今日主攻海鮮,因為係即叫即劏,最少等左十幾分鐘左右,各類海鮮先開始送上,餓死我地班餓鬼.好采老闆推介左幾款小食頂下肚送下啤酒!呢度既海鮮真係用料好新鮮,重點推介加拿大象拔蚌身非常新鮮切得好薄好鮮甜,蟶子皇,鮑魚爽口彈牙!另外除主打海鮮外，手切牛肉都比想像中更為甘香油潤,肉質脂肪分佈平均,呢度既脆肉鯇魚腩爽口,忍唔住一叫再叫!椰青雞湯底清甜雞肉肉質好滑,淨係飲湯都飲飽呀!番茄薯仔湯底同海鮮係絕配,真係鮮甜到不得了!價錢真係非常公道,抵食之選!!之前聽過朋友講依度啲嘢好新鮮，所以專程黎試下，果然無令我失望Encore

天時：突然轉冷地利：太子地鐵站行去唔洗5分鐘人和：一家人為老公慶祝生日妹妹男友提議上星期佢去過既太子小店 《天地人》話食材新鮮有誠意 支持小店既我地即刻舉手贊成去到見到小型魚缸 👀 真係游緊水叫左 椰青雞鍋 湯底，清甜 😋😋😋 特別推介：- 孖寶：手切肥牛（中size - 好重牛味！) + 象拔蚌 - 鮮甜- 聖子皇 無沙！- 桂花蚌 - 手打墨魚滑 小店今日仲有 萵筍 賣，真係爽！海鮮唔知係咪因爲即叫即劏 真係新鮮配少少生蒜 已經好好食 如果佢有 海鹽 提供應該好正可能因為都算新 太子人流唔算多價錢同服務都好合理 （妹妹男友去左3次，所以有9折，等於無+10s.c.已經好開心！）食完見到 2人 或 4人餐，影低同大家開心share 🤣期待下次再光顧！

第2次來，最近一想打邊爐就會諗起e度，即刻book位先，e度價錢合理，新鮮好味，服務態度良好！冷氣又夠！上次多人黎食，乜都可以叫黎試，今次得4個人，其中1個朋友遲join,哈哈，咁岩又有新優惠set出，睇到，諗都唔駛諗，即叫啦！椰青雞鍋，至夾孖寶，海鮮拼盤。先食象拔蚌刺身，好新鮮，之後上椰青雞鍋，滾起，侍應姨姨會杯湯，叫客人飲下先，超香超清甜，因為椰青水同椰青肉都倒晒落去！如果湯面有泡泡，仲會自動過黎幫客人片走d泡，好細心。手切牛，真係無得輸！非常值得推介。海鮮拼盤，送鮮魚片，嘩，睇到水吧廚師係魚缸撈上黎洗同切！係活生生架！仲有得加蒸盤蒸黎食，睇到變色，3分鐘到就食得。聖子皇好大隻，大蚌又係好大隻，好甜，好好味。之後再散叫菜，響鈴，午餐肉果d...同埋一定再食既招牌自家韮菜餃，粗薯粉都幾好味，幾有口感架。最後又有送雪糕糯米糍俾我地食。

同爸爸出去食晚飯，去左一間新開的火鍋店，爸爸之前同朋友去過食既，話食材好新鮮，e個質數如果去其他地方，例如九龍城果邊，人地起馬貴3分1價錢，我細路女，無佢食野咁叻唔駛我俾錢，就跟住食啦！哈哈我地2個人，食唔到咁多野，食老闆推介先，有個抵食孖寶，加拿大象拔蚌刺身+本地新鮮手切牛，只係$368！象拔蚌超爽甜牛好嫩好滑好軟熟，勁正！打邊爐一定係要食高級牛想補補，想靚靚，就叫左花膠筒，大大隻，第一次見火鍋店會咁大條花膠筒俾客，好有心！海鮮揀左流浮山生蠔，隻隻都又肥又圓，無穿無爛，好靚原來師傅每日自己去揀海鮮，真係細鋪頭先會做到好有heart，果d大集團一定係等交貨，食物會有靚有唔靚咁溝住俾客人食。仲有爸爸鐘意食魚，揀左白鱔，塊塊都好大塊，好鮮味！湯底揀左個清清地，芫荽皮蛋茶瓜湯底，落左茶瓜無咁熱氣，唔係度度有。老闆仲好好人，自帶酒無收我地開瓶費。開心豐富的一餐， 好味，環境舒服，唔嘈，又有少少音樂播住，又唔會太靜。一定會再幫襯！

收工搵飯食，上openrice睇吓有咩好嘢，見到哩間火鍋有孖寶優惠，加拿大象拔妦刺身加本地新鮮手切牛(中)都係$368 , 超抵食，而且大家都鍾意食刺身，一於打去訂位試吓，3個人叫咗半隻棷青雞鍋和一份孖寶試吓先，加拿大象拔妦刺身即叫即開真係好新鮮，棷青雞鍋個湯好好味好鮮甜,上枱時係你面前開個椰青倒落鍋,百分百新鮮，飲完先加湯打邊爐！手切牛一流,食得出係新鮮手切,肉質軟腍牛肉味濃!(最後再叫多ROUND孖寶)店員推介豬腳根，豬頸脊，鵝腸，愛爾蘭大蚌……雖然第一次光顧但印象唔錯，食物新鮮選擇多，店員服務好好，原來哩度有得蒸海鮮，不過要預訂，所以我地已經訂咗下星期再來食！

前兩日，我同屋企人同男朋友,男朋友媽媽一齊食餐飯，煩緊邊度可以搵個靜靜地，又坐得舒服又可以慢慢食既地方，等齊人放工都成9點先食得，點知阿妹話有朋友食過一間新火鍋店幾好味，又無限時，值得試，咁我就即刻book位，晚上8:30，6大人1BB, 慢慢傾計，食下小食，等齊人就打邊爐。去到鋪頭，裝修都幾特別，紅色門，有少少中國特色，有個大魚缸，播住懷舊經典金曲，有中文有英文歌，水吧廚師幾親切，幾好笑容，侍應哥哥似係老闆，熱情招呼我地，有主動問我地駛唔駛要BB櫈，之後傾計原來佢地係一家人一齊開鋪的，開張左2個月，講返正題， 食乜好呢？先叫左個炸椒鹽雞軟骨食住傾下計，又熱又香，老闆介紹招牌湯底，新鮮椰青雞鍋，本地手切手，水吧廚師介紹新鮮海鮮，愛爾蘭大蚌，韓國蚌，竹串海蝦，好啦，就試啦心諗唔駛自己諗食乜都幾好！媽媽同男朋友喜歡辣，叫左個4川毛血旺湯底鍋，其他火鍋配料就慢慢再揀， 鍋黎啦，椰青雞，真係倒左2個椰青落去滾湯，超香，每人即刻飲一碗先。陸陸續續其他野食都黎啦，個辣湯底裡面有豬皮，豬粉腸，聞到好香，而且好辣，我唔食得辣。招牌野真係讚，另外要大讚，9菜餃，我地食完一碟再加點食多一碟，好正，好香，

這店已經光顧過兩次，食材新鲜，刺身新鲜，所以今日約埋朋友來試下，見到愛爾蘭大蚌做特價$38兩隻，蟶子皇$68兩隻,每樣叫咗半打試吓(非常鮮甜)，之後再叫咗一條加拿大象拔蚌同章紅(非常鮮甜)，大家都非常滿意。湯底揀咗一個四川毛升血旺(麻辣豬什)一個花膠雞，佢地個麻辣好香，花膠雞香濃，我每次都會叫，配牛肉十分夾！主角牛肉出場，我叫咗，本地新鮮手切牛，肉質軟腍牛肉味濃，牛胸尖,爽口牛油味濃，其他火煱料点咗: 響令好香脆，黑牛栢葉，流浮山生蠔，墨魚滑（爽、彈），脆骨腩，花雕醉蝦，魚腐，白鱔片（爽脆），新鮮肥鵝腸，招牌豬腳根……。每樣都好新鮮，值得推介比朋友，我地個個都食得好開心！一定會再來！

一向都中意去唔同既地方食野， 特別係一d 有心既小店， 一定支持！ 今日同老婆行過呢間新天地人中華料理， 睇個名都唔知原來係做火鍋。見門口個哥哥仔咁落力介紹， 就入去試下啦， 果然哥哥仔無介紹錯！試左佢推介既椰青雞鍋(全隻雞) 同手切牛，個鍋2個椰青倒落去，焗一陣再著番火， 個湯真係一流， 飲得出個湯底真材實料無味精， 再加埋d 椰青味， 正， 2個人都飲左差唔多半鍋湯之後再試個大手切牛，一食就知係新鮮手切，係咁依浸一下湯就食， 很嫩很有牛味， 絕對值得推介俾中意食牛食好野既人士下次會帶朋友再去食，希望小店繼續保持水準

又係時候打邊爐！ 鍾意打邊爐嘅朋友應該同我有同一個問題， 就係怕熱氣！怕油膩！ 所以我今次選擇咗新鮮椰青雞煲！ 正當我好興奮起勢咁飲啲湯嘅時候， 老闆話最近買咗好多雞殼和豬骨淆湯底， 難怪啲湯咁好飲！ 因為今次我哋多人呀，所以叫到成枱都係嘢食； 如果你哋人少少，其實雞煲入面已經有雞食！ 等我讚埋個湯先， 椰青味重！ 我個人推介新鮮手切牛， 牛胸尖，新鮮肥鵝腸！ 堅好食！仲有立魚刺身， 好新鮮！另外D火鍋配料都好好食，炸魚皮又夠脆，蔬菜拼盤夠新鮮！整體來講食物超出我預期！

我經常去開基隆街食飯、第一次同朋友來這間新開的店舖、一去到感覺很不錯、環境很舒服、我同朋友坐低就看看他的餐牌、一看大部份食材每間火鍋店都有、好啦！我就開口問有什麼推介、經理推介了本地手切肥牛、椰青雞窩、還有時令海鮮、魚蝦蟹、我就叫了一條游水原條䲞魚刺身、冇得輸、比起一般日本菜食刺身來講、價錢很便宜、但是很新鮮、之後在叫了一個大棷青雞窩、本地手切肥牛、還有超大隻的蟶子皇😍、慢慢吃之餘見到隔離枱叫了一碟豬腳筋、我就問經理什麼來、他說每一隻豬腳只得一條細細的腳筋、我聽完就試吓、叫了一碟、新鮮👍🏽👍🏽👍🏽！今次就試住咁多先，下次一定再來幫襯😁😁

早幾日同幾個朋友一齊去咗試吓，我哋叫咗個二人套餐$368，估唔到二人套餐都好豐富，首先有沙律，刺身，加$100叫咗條紅魚，另外再叫咗一條象拔蚌，醉海蝦，同老闆推介本地手切肥牛。鍋底揀咗麻辣同蕃茄薯仔湯底，雙拼加$10。套餐入邊已經包左幾款肉類，餃子，蔬菜。所以真係超飽!點知再嚟過甜品雪米糍。😍值得一讚象拔蚌係超鮮甜👍手切肥牛好靚，整體來講，價錢合理，食物新鮮好味。👍👍👍不單止食物，老闆和員工態度非常親切友善。一定會再去！

與友人進食 享受不一樣的火鍋文化「慢」。第一次嘗試卻有意想不到的驚喜，享用新鮮食材，活魚即叫即切，章紅刺身味道更勝三文魚刺身體驗小店經營，用心的服務，即使消費不多，也能慢慢享用火鍋美食。