新天地人中華料理 (已結業)

中秋節同家人book枱吃飯，家庭人數達20人，想慢慢食，吹下水，唔會催枱，又要食材新鮮，價錢合理的話，就真係要試試「新天地人中华料理」其實自己同朋友已幫襯過好幾次，每次啲食材一到，都係忍唔住即淥，本身無相機食先呢個習慣的我，都係第一次寫食評。因為今次爸爸媽媽都食得好滿足！由於上次黎食見到餐牌有象拔蚌刺身，已想order試下，但原來無預早訂係無得食！😅所以今次我預早一星期訂定位，仲指明要食龍蝦刺身同象拔蚌刺身！龍蝦刺身同象拔蚌刺身非常新鮮，彈牙！但我唔知係我訂得小定係咩？上碟後每人三幾片已KO左只3斤幾重既龍蝦刺身，大家都唔太夠喉！🤤🤤之後龍蝦頭再攞黎打邊爐，完美配合！😍😍本身唔食牛的我，但其餘19人都食牛，因此我地先order 左2碟試下掂唔掂先，到最後re-order 左2次，即係total食左6碟肥牛😨好唔好食應該不用多說了🤤🤤其他游水中蝦，響鈴魚皮，餃類就唔多寫了！仲有服務態度好好，未齊人比我地坐住等！食到咁上下要影相又主動黎幫手影！重有一樣野好重要，就係門口泊到車！坐地鐵又近！市區係邊度揾？總之一定會再幫襯！

姨姨服務好 座位坐得舒服5人行叫4人套餐已經好夠食 仲要有生猛海鮮點生猛法？花螺上菜嗰陣全部都識郁㗎！縮下縮下咁哈哈 套餐湯底揀咗芫茜皮蛋同蕃茄薯仔牛肉質素唔差 呢個價錢嚟講抵食另外散叫咗烏冬啊 響鈴啊 牛豬拚盤咁埋單都係每人284蚊！推介鮮腐竹！一層層真材實料，唔會一煮就爛！套餐汽水可以轉羅漢果菊花茶 似自己煲 唔會死甜 仲超大渣！坐得耐姨姨唔會趕客仲問洗唔洗飲啲茶太子大把火鍋店排曬長龍，大家happy friday嚟食唔洗餓住等位嘛！

朋友推介下，同舊同事一行五人去咗試呢間新天地人，佢位置近太子站出口都好易搵，入門見店舖細細只係有數張枱，好彩提早打電話黎老闆留左間房仔過我哋~ 我哋叫咗胡椒豬肚湯底、手切肥牛、三鮮滑、黑栢葉、雲吞、脆肉脘，仲有老闆推介既蚌仔; 首先，啖湯底香得黎又少少辛口，過癮得黎亦唔會搶左其他配料鮮味，另外我最推薦既係手切牛，雪花均勻，老土D講句真係牛有牛味，唔錯~ 另外老闆推介既蚌仔亦都好鮮甜，唯一如果要挑骨頭就係如果脆肉鯇切返厚身少少就口感一流~ 同朋友開吹下水拾下拾下時間好快就過~ 總括而言真心唔錯

很久沒見的大學同學們相約，當然要選家口袋名單內的餐廳想相聚。碰巧天氣開始冷，我便提議到這家「新天地人中華料理」打邊爐。冬季時分，好一點的火鍋店都很滿座。另外還要分時段，要不6時半，要不9時半入座，完全不適合朝九晚六的打工仔們。到這裏吃就毋需擔心以上問題，更不怕被催還枱，只需提早一兩天打去訂枱便可。椰子雞鍋 (半隻) 拼沙嗲鍋這裏的雙拼鍋只不過是加十元，隨鍋的雞件雖說只點半隻，但份量絕對給得均真，肉質也不錯，吃這裏的已經足夠，不需另點火鍋雞件了。沙嗲鍋是點來給不吃辣的朋友，當然和方榮記的沒法比，但還可以。新鮮游水竹串蝦來這裏必點的海鮮一定是竹串蝦，新鮮程度是不用多說的，上枱時蝦腳還不停地動。另外就是尺寸之大，足足有成人打開手板，姆指到尾指的長度。這麼新鮮的蝦下鍋，肉質一定不會霉，反之是結實鮮甜，吃得所有朋友都大讚。本地手切牛 (中)喜歡這家火鍋店的原因，就是價錢和份量給得合比例。現在去很多店點個手切牛中份，上枱就那麼5、6小塊，夠膽索價近3百大元，無話可說。再看這裏，滿滿的一碟，質素又有保證，牛味足，油脂分佈算是中上，還有什麼可挑剔呢？椒鹽粟米在座若有愛辣的朋友，不妨一客椒鹽粟米來過下口

次次行過呢間天地人火鍋都冇入過去試，但今次家姐睇完open rice後話覺得唔錯就去試下啦，我地首先叫左個海鮮拼盤，花膠雞煲半隻，因為之前我在旺角一間火鍋店個花膠雞好大煲同好多料，以為今次呢間都係，所以唔叫其他嘢住，但原來呢間好小料，花膠係得幾塊，咁食哂D雞飲左D湯就開始食海鮮拼盤啦，D海鮮有6吋海蝦，聖子，貴妃蚌，鮑魚同埋D蜆，抵讚係非常新鮮，D蝦同蜆係仲識郁，食完係未飽嘅，所以就再叫多個皇帝菜同黑豚肉，整體覺得唔太抵食！不過服務係幾好，唔知係咪因為冇客，所以好照顧我地，個花膠雞煲完個面勁多油，個侍應主動幫忙整走D油，勁細心

第一次食火鍋感到人情味 依家香港火鍋緊有一間起左近。 話就話新鮮 天花龍鳳 但幾多間會食完想番去再食。 呢間太子 天地人 完全感受到食物新鮮100保證 之餘 仲有老闆介紹唔同食法 仲有親自落手落腳問你好唔好食 湯夠唔夠 同你傾計 親切的人情味。最深刻係老闆講嘅一句 「我地錢唔放得太多 寧願將錢放起食物到 都唔放起宣傳廣告到」 香港依家周圍都係飲食業 個個都放資金落廣告宣傳上 完全忽略客人需要及食物質素。 呢間火鍋起好偏僻 但食過一次 下次行過太子都係會諗起食呢間 天地人

响香港要揾一間食完唔口渴，食物新鮮有品質，服務窩心有質素的火鍋店，實在係一件非常困難的事。感恩，終於出現了。選擇左滋補花膠雞湯底，雞肉嫰滑，湯夠清甜，未開始打邊爐已經飲左成㷛湯。筒蠔肥美，不是一般有沙有渣的貨。手切肥牛，牛味濃郁有𡁻口。九菜餃是自家製作，包着超多九菜但仍有肉汁，好食到不得了。蔬菜叫了西洋菜+豆苗，清脆鮮嫩無渣，真的連菜都一流。從食物質素就可以肯定店主不是求其入平價貨。識食的，快d去幫襯下支持小店啦!PS. 多謝店內每位給我們愉快的一餐

第一次寫食評比餐廳因為實在大推介其實一星期之前已經去過餐廳食左一次太驚喜 所以第二次再帶好朋友去食記得第一次因為跟朋友去食 人數好多 所以叫左好多野食 象拔蚌刺身 一啲魚類嘅刺身 仲叫咗個龍蝦刺身 價錢都係加百零蚊就有一隻大大隻 老闆係我地面前新鮮捉左再整俾我哋食 除左新鮮甜美 我都無咩形容詞表達我地叫左個椰青雞湯 食之前飲左個湯底 真係好好味 食得出個湯底係用時間煲出嚟 絕對唔係嗰啲即食湯底 我自己好鍾意食羊肉所以叫咗兩碟羊肉食 估唔到啲肉食都可以咁新鮮 完全冇一種老左嘅味道喺度 個so味都係啱啱好 牛肉都係一樣 顏色紅白分明 絕對有足份量唔係出面果d薄切牛肉 印象中都係＄70左右一碟已經有成1x片絕對夠2個人食 之後太專心食嘢冇咩影相所以淨係影咗兩張相但係呢間餐廳真係絕對推介 嚟緊有機會打邊爐都會繼續去食！

今晚喺旺角，一直搵火鍋，搵左三十分鐘，除左啲任食之外無乜選擇，今晚真係想食靚嘢！醒起之前去過天地人，要帶佢食粟米！即刻飛的。舒服，有禮貌，我揀坐位又避風口位，又想睇電視，老闆同伙記絕無怨言，仲同你諗埋點坐好！今晚試佢個夜香花冬瓜鍋，入面啲肉好好食，女朋友都話冬瓜同個湯都好味！食物蟶子皇真材實料，佢個油炸鬼亦係正，炸到熱辣辣！食物重要，但服務質素更重要！真係因爲呢間嘢，我會更加多啲留意窩心小店！重點推介: 椒鹽粟米

收工時間已經晚上12時，和朋友周圍在附近睇下有咩好野食，見到呢間火鍋店有優惠，加拿大像拔妦刺身 + 手切肥牛 都係只係 $368，決定入去一試，店員服務很好，很有禮貌，叫了一客花膠雞火鍋，店員主動替我們盛走湯上的油脂，細心，值得一讚，雞湯鮮甜好味，另外叫了海鮮拼盤，海鮮也很新鮮

呢間鋪門面唔eye-catching, 不過野食質素好有驚喜，服務都好好，店員好熱心咁推薦有咩好食店員大力推薦既$288海鮮拼盤d蝦好生猛，一上碟佢地d腳係咁郁，忍唔住高聲讚嘆"嘩，d海鮮新鮮到呢"其他海鮮都又肥美又鮮味，真係好正本地手切牛都好正。厚切，有牛味，夠肥。（我要求要肥d, 最怕d手切肥牛瘦到好似鮮牛片咁）雖然其他配菜冇咩特別（叫左牛丸，魚皮餃，鱔），但淨係上述既海鮮拼盤同手切牛都已經值得我一再幫襯!

琴晚同幾個朋友坐房的，我每隔十分鐘就會見到店員在門外望一望，睇下我地有無需要加水，叫嘢等等！會先同你溝通好我地想點上餐，最後上餐嘅時間亦安排得好好，愛上左窩心小店！刺身亦好新鮮，推介粟米必食

2個人唔知食乜好，又唔係好肚餓，又想食好野， 諗下食壽司定係食火鍋好，結果，揀左去新天地人食火鍋啦，講真，外面d放題任食火鍋，係便宜，但質素唔高，邊有靚牛肉同靚海鮮食架。288蚊海鮮拼盤，海鮮生猛，又甜又爽，手切牛肉依然香嫩，果然係招牌，勁Like!叫個清湯底，加少少菜，夠晒飽啦。香港人，有時辛苦工作完，要食餐靚晚餐，好好對待自己，地方坐得舒服，服裝細心，傾計開心，relax一下，明天放假，plan下去邊好定係做宅女，哈哈。

一年一度生日飯好多謝姊妹們一番心意，知道我喜歡食海鮮，所以專登㨂左哩間有自設魚缸火煱店，價錢好合理經濟，火煱後同店主傾左幾句，原來係家庭式生意，店主好有心機由去㨂魚養魚成個魚缸自己搞掂🐠每個家庭成員不同崗位👭👫感覺好家的愛,內裡裝修好有獨特風氣，又有型又帶點古色古香，感覺好好，乾淨舒服一行六人，今晚點左個海鮮4人套餐（有幾多野食相片自己睇）好多蝦上檯仲跳下跳下既，啲水餃、雲吞、九菜餃食得出自己包既條魚無得輸呀超甜囉（不過唔記得咩名)豬、牛、羊都有後加小食「鬼鬼馬馬」後加一份超大桶蠔（超肥，滾完唔縮水）套餐仲有蝦滑，魚滑，再加小食（香口豬軟骨，仲有三文魚刺身，黎個前菜沙津，仲有4罐汽水送，真係超勁，問你夠未成個套餐連埋後加生蠔，烏東，鬼鬼馬馬小食，仲有幾支啤酒，都係一千蚊左右咋，堅抵到爛囉原來店主話新開，所以都係想薄利多銷，贏口碑。所以我同姊妹們都會再支持。

去開太子常路經附近，見到一小店自成一閣，今晚姑且一試。今日係平日同埋可能都夜啦，我泥到都十一點幾啦，過咗晚市時間冇乜人， 我哋幾個人可以痛痛快快咁慢慢食啦。一來到店已熱情地招呼我們入座，又有WIFI可用。點咗佢哋個招牌 花膠雞鍋， 好期待食佢啲花膠同埋飲曬佢個湯呀!店員會溫馨提示你啲鮮雞千祈唔好滾咁耐呀，耐咗啲雞肉就會冇咁鮮嫩， 滾起咗三分鐘後 就熄火焗分半鐘。新鮮手切牛均勻嘅雪花怖滿整塊牛肉身上， 重要係滾耐左都唔韌，肉質軟腍牛肉味濃!。海鮮每樣叫d, 美國桶蠔，聖子皇，愛爾蘭大蚌，紐西蘭青口，沙巴龍躉。每樣都好新鮮，鮑魚爽口彈牙!值得推介比朋友!最後埋單時仲送雪糕糯米糍俾我地食。今晚真係食得好開心呀,老闆同員工都好好人,服務好好^^