新大光燈

一直想在紅磡找家好一點的粥麵店，無耐沒有靠不住和大帥傳，附近的店好像環境也一般，老婆也就與致缺缺。網上YT看到大島與龍威推介這花圈區的店，就決定來試一試。臨近九時，店內近乎滿座，還有一家8人在吃，整件事都很街坊。點的及第粥豬潤很爽彈；蝦籽面，大蝦的確是比較好的冰鮮大蝦，蝦籽量很足；炸兩有翻炸，很香很脆。評價而言，是大帥傳的價錢，稍遜於靠不住的用料，炸兩翻炸等細項偶更出色。想要的粥麵店終於有著落了。…查看更多

因係屋企附近，以前經常幫襯，但有感店員服務態度差，堂食及外賣都受過幾次氣後已漸漸不再幫襯。今日兒子想食先再幫襯，以前一直都自攜碗去買外賣，今日去到阿姐話我隻碗唔隔熱，驚佢同事會燙到，叫我自行打包入袋，叫佢同事裝食物落碗後推出黎俾我自己攪。第一，你驚燙到你同事，但客人係你店內燙到就無問題既？貴店唔需要負責？第二，作為一間食店，員工戴住手套，亦應有隔熱手套或用品，而客人需要徒手處理你認為會燙親既食物，合理嗎？第三，如果貴店不知何時改了規則不接受自攜碗裝外賣可以明言，不必為了幾蚊外賣盒錢而各種刁難完！永不再幫襯！…查看更多

最近我去了紅磡附近工作，天氣實在太熱，走到食店時已經感到暈暈的。坐下後，迫不及待叫了一杯凍奶茶，要求多冰，真的是解渴的好選擇。野食方面，我點了炸醬麵和炸両，這兩樣都是第一次嘗試。炸両非常正，外脆內滑，口感相當不錯。至於炸醬麵，就比較普通了，雖然有甜酸微辣的味道，但調味似乎不夠，遠遠比不上麥文記和正斗的水準。好在麵條爽彈，咬下去有彈性，湯底也做得不錯，但奇怪的是，裡面竟然有兩粒雲吞，不知道為什麼會這樣。另外，這間店還有水吧，這在尖東那間是沒有的，算是個小優勢。整體來說，雖然有些菜式不如預期，但還是有幾道讓人滿意的，未來有機會可以再來試試其他菜式！…查看更多

老字號麵家係尼頭打滾咁耐未試過聽聞尼區都好出名好似出名豬手麵見紅磡新鋪搬左一時間經過都無黎試剛好見外賣apps自取有優惠於是就黎外賣試一試叫左個艇仔粥蝦腸粉打開個艇仔粥見到都好足料撈一撈應該有既豬皮花生水魷都足料尼個粥有魚片既而個我覺得粥底好恰到好處唔係出面有啲店舖打左生粉水杰撻撻都煲到好棉同埋我都覺得算大碗既唔錯個蝦腸粉係即叫即拉外賣到打開食個皮都算係滑既都埋皮厚薄都算合適唔會過厚滑得黎少少煙韌同出面食個皮唔同當然絕對好過出面有啲地方過粉又或者過煙韌算剛剛好但係就望落份量好似少咗d唔知係個盒大定點啦下次可能去堂食試一試蝦🦐個size都算合適唔會太細但又未到酒樓咁大粒啦麵鋪黎講算係咁而且食落都新鮮爽口唔係蝦碎唔會梅整體比例唔會粉多過蝦比我尼d鐘意食蝦既人黎講就好好試過之後真係想再試下次可以試一試個街坊推薦既豬手麵…查看更多

大光燈既雲吞麵同炸鯪魚球一向馳名今次就試下佢其他出品每日下午6點前都會有優惠套餐實惠價錢連飲品都係50-60蚊左右已經食到好滿足今次食豬潤撈粗麵最喜歡佢面頭有大量蔥絲豬潤啱啱好唔會過熟套餐仲有兩粒雲吞湯送滿足選擇困難但又食量唔多既朋友…查看更多

位於紅磡幾間大酒店附近嘅新大光燈，一直都好多人去完大酒店會去食嘅舖頭，而且隔離係紅磡垃圾房，所以一向都好少堂食，但係偶爾都會買外賣返屋企食，但係今個星期買咗兩次外賣返屋企，因為第一次叫炸醬撈麵覺得好好食，所以隔咗兩日再買多次影相放上open rice，炸醬嘅味道非常好，亦唔會好咸，而麵雖然係外賣，但返到屋企食仍然爽口，當然最好返到屋企即刻食，放太耐一定又凍又唔爽，另外艇仔粥都好食，足料，好多魚肚同魷魚，仲可以要求比多啲花生…查看更多

📍<<新大光燈>>九龍紅磡必架街69號地下✏️雲吞麵，所有專業麵家嘅雲吞麵，都一定將麵放面的！如果見到個雲吞放喺麵上邊立即唔合格！所以很好！眼見面的質感爽而有光澤！可能期望有點高鹼水味有點重，唯獨依樣嘢扣咗少少分。雲吞皮薄餡靚豬肉並不太鹹👍🏻‼️再加多一碗淨粗麵，好味😋不過都係需要用一些紅醋，減低一些鹼水味。✏️豬手撈麵，豬手燒得邊皮脆！好味‼️💯膠質又夠，又夠大份。雲吞囉我就係Fong係湯入邊加一些胡椒粉，豬手就不用了。再加一碟油菜菜心爽甜。呢一餐都算完美了。🧡🧡🧡咁多樣嘢加埋凍檸茶凍檸水都係$124 ✔️💯...#雲吞麵 #紅磡美食 #雲吞麵關注組 #雲吞麵控 #紅磡 #支持小店 #雲吞麵檔 #吃貨人生 #吃喝玩樂 #相機食先 …查看更多

新大光燈是60年代紅磡橫巷一間雲吞麵，每晚，以一盞大光燈為記，燈亮着就有麵吃。後來在2013年重開，繼續使用「大光燈」之名開業。現址位於紅磡必嘉街69號E舖。20210925到紅磡辦事情，想吃點東西醫肚，又想到吃雲吞麵，想起朋友介紹大光燈雲吞麵質素不俗，就去試試:)時間約6時，客人未滿，不用等又可座卡位有超值套餐，由$45-$50不等，除了雲吞、牛腩麵，也有粥、腸粉餐供應，也可選擇單點我們選擇了一個單點雲吞麵$35，也選了一個湯麵套餐$45雲吞麵是傳統的雲吞在底，麵放在上的方式湯底有大地魚味、豬骨味、蝦殼味，鮮、香，湯底深色味濃，麵爽口彈牙雲吞皮薄夠滑，鮮蝦爽口彈牙，套餐包有油菜和餐飲($45)菜心烚得翠綠軟腍，可蘸蠔油提味，凍檸茶少甜，檸檬有三厚片，茶味濃，解渴埋單: $35+$45=$80相比麥系雲吞麵，$35單點一碗，價錢相當親民，味道水準之上，性價比高，喜歡雲吞麵的，絶對值得一試…查看更多

友人帶我來大光燈吃午飯，極力推薦炸兩，叫了一客來試試，水準極高，真正做到外軟內脆，足足值一百分。另外叫了豬手撈麵套餐，豬手十分入味且火喉足，午市50多元的套餐有3大件豬手的撈麵，加魚片角加飲品，好味又便宜，臨走前叫多一客豬手外賣，有5件或8件豬手可選，便叫了133元的8件豬手，這個價錢也比坊間平多了。雖然地方環境是一般舊式的粉麵檔裝修，但食物質素超水準、好味指數又爆燈，侍應姐姐也十大好招呼，就是這兩點已值得再次去光顧…查看更多

白事完結後肚餓了，便到附近遠近馳名的新大光燈填飽肚子。🎣這個是鯪魚球麵，每一粒鯪魚球都大過一個乒乓波，咬落去新鮮、超彈及足料，是高質素嘅鯪魚球。麵條都十分有咬口，每條咬落都有回彈的感覺。湯底太咸，怕咸的人盡量唔好飲咁多湯。#鯪魚球 #新大光燈 #紅磡 #巨型 …查看更多

[🇭🇰香港- 紅磡].好難得係即叫即做嘅炸兩,薄滑嘅腸粉充滿米香,包住脆口嘅油炸鬼,真心出色👍🏻豬手撈都唔錯,炆到超腍;不過位置真係好偏僻😅.🔻🍽 新大光燈📌 地址: 紅磡必嘉街69號E舖.…查看更多

事隔不夠兩星期，我們又想念那個味道了，晚上又來到「新大光燈」，今次要試試他們的粥品，點了及第粥、鮮滑雞粥、招牌火鴨絲豬潤腸粉和至愛的豆漿。及第粥很足料，一件件浮上粥面，非常有胃口。至於雞粥，我倒有興趣想知道怎樣煮出爽口的雞肉呢?平時外面吃到的雞件都是粉粉的，他們家的是爽爽的、肉質結實。火鴨絲豬潤腸粉，豬潤很嫩沒有做得過老，配搭火鴨絲不錯，可以一試。今天跟掌櫃和員工們聊起外送服務，我感覺到小店在時代中的與時共進，即使再新的科技亦有漏洞，還是不及店家的靈活變通，又夠人情味，有時食好東西也不及人情濃緊要。…查看更多

最近看過YOUTUBE介紹「新大光燈」，有晚跟老公提起便決定要來一試，全因為招牌鯪魚球和炸醬麵，記起中學時代第一次吃港式炸醬麵，味道又酸又甜的肉絲撈麵，已經非常愛上。所以基本上餐牌有炸醬麵的話，便都二話不說「必食」。小店位於大酒店附近的街角上，作為餐廳地點算不上好，賣的都是粥粉類。我們坐下來點餐，餐牌上有很多推介食物都想試，可惜今天有點飽，我們就隨自己喜好點餐。老公點了豬手撈麵，他說豬手燘得夠嫩滑，雖然他偏好爽口一點的，但味道做得很不錯，有著我們至愛的70/80年代的味道，而且麵很爽口完全沒有鹼水味，超讚。我當然點了炸醬撈米，一看色水就跟平時外面吃的不同，偏向啡橙色，味道是偏酸味多一點的，不會死酸死甜的，吃得到古老一點的味道來，而且份量很多呢。另外，我們點了腩汁菜心、凍奶茶和豆漿，特別推介豆漿，不會做得超甜帶點點豆香，可以一試。總括: 果真YOUTUBE沒有介紹錯，如果喜歡小店懷舊味道的，這裡絕對是一個選擇。…查看更多

今晚去咗紅磡，諗住去食雲吞麵，點知去到沾仔記無開，於是就睇吓附近有無其他麵檔。行行吓見到呢間，於是入去試吓。今次叫咗個雲吞撈粗，唔駛等好耐就好快上枱。先講吓啲雲吞先，有五粒雲吞，啲雲吞都正常，不過就唔夠另一間大粒，食落去都有咬口，中規中矩。至於到個撈粗，首先啲麵比較淋(唔知係咪因為無過冷河)，同埋都幾重梘水味，不過佢啲蠔油唔算太鹹，甜甜地，當係補救返個麵嘅不足。整體嚟講都正正常常，不過都係沾仔記好食啲。…查看更多

有幾十年歷史的老麵店，從以前近漆咸道的舊舖搬到必嘉街，更方便幫襯數十年的老街坊。最吸引人之處莫過於店子用大地魚泡製的湯底，每一啖都不想浪費！雲吞每天新鮮人手製作，加入自家製蝦籽，十分有特式另推介牛筋腩、豬手也是不二之選搬去新舖後，加入了粥品、腸粉，更多選擇，吸引更多新客戶幫襯…查看更多