新城潮州飯店

營業中

休息中

入曬關注組，才慕名而來。環境除咗逼就係逼，九龍城的地方，就是這樣。老闆娘態度差，十問九不應。很多人等位，不耐煩，問了數次也沒有回應。然後半推半就和他人搭檯入了旁邊的茶餐廳。叫餐時想叫鵝片，但老闆娘說鵝片不夠叫我們叫滷鵝吧，我們只能說好，畢竟潮州地方一定要叫鵝吧。然後我們見到搭檯的情侶來了一碟鵝片然後情侶走了又來了對情侶又有鵝片，就只有我被半推就叫滷鵝了，全場都是鵝片…蠔仔粥，只有蠔仔大顆，但個湯底一點鮮味也沒有，很淡的味道。蠔餅食到唔想食，油溢味很重，不脆，非常失望。照片也不想拍。由於未食過糖醋麵，叫了糖醋麵。但叫了幾次才送來糖和醋，個麵早已凍了，已經冇曬個風味。友人說簡直是不好吃，而且又有一陣味。第一次食的我也不覺得吸引順帶一提，食食下期間，冷氣機係突然倒水咁倒落地下，還有冰，幸好冇人中招，而且啲侍應都唔即刻處理，等咗一陣大約5-10分鐘才有人處理。應該沒有下次了….

成日心思思去打冷，去完離島玩左一日，返到黎就去左屋企附近呢間新城，好舊式既裝修，但正正係咁先地道。兩個人點左四樣野，剛剛好。胡椒鹹菜豬肚湯 ， 兩人其實剛剛好，每人分到幾碗仔，好暖胃，仲好入味，都好足料韭菜豬紅- 味道唔錯，都夠入味，不過再濃啲就更好，韭菜都唔算多炸蠔餅 - 大大件，好香脆，即叫即炸，蠔仔唔算多，但真係好鬆化，就算無咩蠔仔，都見到啲蛋漿炸都鬆化晒。滷水鵝 - 都好淋好入味，滷水味好濃，有豆腐係底，雖然無鵝片咁大啖肉，但成碟份量都好好肉，無咩骨，好正！老闆娘都好好人，價錢出奇地平民，唔係好平個種，但九龍城無天價就已經好開心了，值得再黎！

九龍城除左出名食泰國菜，潮州菜都都有唔少選擇，仲要係老字號。新城潮州飯店呢間老字號潮州菜館係疫情時期淨係得外賣冇堂食既時候，其中一間幫襯得最多既餐廳。今次都係第一次坐低食，當然味道比外賣好。🥢潮州滷水鵝片潮州菜點少得滷水，鵝片肥瘦適中，滷得夠腍，肉質都幾好。花生同豆腐比鵝片滷得入味🥢馳名蠔仔餅蠔仔餅非常惹味，蠔肉幾新鮮而且比一般蠔仔餅用既蠔仔大隻，但略嫌有啲油🥢韭菜炒蜆仔肉食一啖，成口都係蜆仔肉，非常滿足，用黎送飯一流

九龍城除咗多泰國菜館之外，其實都有好幾間高質素嘅潮州菜館，仲要係越傳統越冇裝潢嘅就越高質素越正宗。今日有個朋友就發起去九龍城打冷，我哋一行四人，相約7點喺新城潮州飯店門外等，估唔到平日晚市都座無虛席，等咗一陣先有位。一入門口就見到好多傳統嘅潮州菜食材，凍蟹、滷水鵝等等，全部都好吸引。一坐低店員就會奉上三款調味醬汁，包括有配搭滷水鵝嘅醋汁、魚露同潮州辣椒油。我哋先嚟一碗咸菜胡椒豬肚湯清一清個口腔，呢個胡椒豬肚湯望落清澈，估唔到胡椒味勁度十足，配合埋酸菜嘅味道，飲幾啖非常精神爽胃。食潮州菜我就最鍾意食滷水鵝片，上裝起片啖啖肉就最正喇，鵝肉肥美但又唔會有太多肥膏，亦都唔會滷得過鹹，而鵝片之下仲有豆腐同花生墊底，我同朋友唔使5分鐘就已經清晒成碟鵝片。另一個食潮州菜必食嘅當然就係炸蠔餅，蛋漿炸得金黃香脆，而入面嘅蠔仔粒粒飽滿，我就鍾意配合魚露一齊食，更能帶出炸蠔餅嘅鮮味。今次難得四個人一齊嚟，所以就叫咗條人多先試到嘅烏頭魚，店員會預先將烏頭魚打開，一上枱就見到白滑無比嘅魚肉，老店果然功架十足，烏頭魚處理得非常好，所以唔會過熟，啖啖肉夠鮮味。原本打算叫豉椒炒蜆餸啤酒，不過咁啱蜆賣晒，就改為豉椒炒蟶

朋友一家係呢間飯店常客，覺得我嘅口味同佢差唔多，推介我去試吓地道潮州菜。用料足，蠔仔新鮮、大隻；加埋肉碎、冬菇、方魚大塊但有啲硬。蠔仔都係好大隻、唔腥，但入口有啲油。上枱時已是切開咗，見唔到有鹽喺隻碟或魚身，唔知佢哋用乜嘢方法焗！魚肉好滑、仲有油流出，好香，一啲都唔咸，加少少普寧豆醬夠晒胡椒味，一碗都有好多料，大大塊咸菜有口感，豬肚好淋。鵝片雖然淋但唔夠入味，墨魚就一般啦，反而花生同豆腐索晒啲鹵水汁香料味。飯店做街方生意，見我哋得兩個人，叫我哋唔使點太多嘢，驚我哋食唔晒

老字號潮州菜館打冷店朋友遠道回港，帶拒去打冷店食地道潮州菜，簡左間九龍城老字號既打冷店！坐到滿曬座，等左陣有位，即刻叫左幾道菜😋滷水掌翼：$98好入味d滷水汁，一碟就有好多掌翼！食到停唔到口！韭菜豬紅：$48呢個都好入味，汁好濃，可以用利送飯！鹹菜胡椒豬肚湯：$58胡椒味香濃，豬肚同豬骨都好嫩，吾老。 潮州春菜：58菜心，芥蘭同蜡肉，好地道的一道潮州菜！蠔仔餅：$68最中意呢個菜，蠔仔好大隻，配合面粉槳炸到好香炸，點埋汁，好好味！都幾滿意今餐打冷，下次會再利呢！

香港的正宗潮州菜已經愈來愈少，哩間出左名既潮州打冷，經常客滿👍店內有不少地道潮州菜！菜式選擇不少呢👍胡椒豬肚煲是潮汕的一道家常菜，是用五花肉或排骨和鹹酸菜一起熬煮出來的一煲湯，胡椒味道相當濃郁，而且豬肚嘅份量相當多，連同排骨一齊熬製，個湯真係好好飲，好暖胃😍滷水鵝皮味道濃郁，不會過鹹，而鵝皮依然保持有彈性，鵝肉一啲都唔乾，👩‍🍳拿捏的恰到好處，底部用豆腐片墊住，豆腐雖然係配菜，好香既豆味同時吸收咗滷水嘅味道😍係精華嘅所在😝滷水拼盤，有鵝腸、豬大腸、紅腸、豬腩肉、豬耳同墨魚，仲有大豆芽墊底，份量十足🥰🥰食打冷又點少得韮菜豬紅呢？份量超多，豬紅香滑，唔會一咬就散，韮菜味香濃，索晒湯，唔錯，味道調校得好好👍蠔仔肉碎粥，呢煲蠔仔肉碎粥可以分到至少八碗，蠔仔漲卜卜，好鮮甜，灑上一些白胡椒更好喝，成個蠔仔肉碎粥就更有層次啦！潮洲春菜炆鹹豬肉，潮州菜的家常小炒也很不錯🥰

屯馬開通去九龍城方便了很多，今晚去了食潮洲滷味，餐廳離B2出口兩分鐘路程，非常方便。滷水鵝：滷豆腐及花生墊底，豆腐嫩滑又入味，花生炆得很腍，主角滷水鵝入味之餘又有肉香，而且不會太多油脂，肉質略有咬口且有肉汁。胡椒咸菜豬肚湯：胡椒味濃郁，入口帶胡椒辣香，豬肚煲得很腍，有些豬骨肉甜。蠔餅：兩大底的蠔底炸至表面金黃香脆，夾開中間的蛋香且綿，蠔肉大大隻且鮮，每位都脹卜卜。沙鑽魚及魚仔：即叫即炸的沙鑽新鮮熱辣，一咬開即冒煙，外脆肉嫩，有魚肉鮮甜而且啖啖肉。

雖不是潮州人，也沒去過潮州，潮州菜卻是我的comfort food。九龍城出名美食雲集，除了泰國菜外，潮州菜也是必吃之選。今晚揀選的小店很有人氣，晚上或許需要等位呢。韮菜豬紅份量十足的豬紅，滿滿的一整碗把韮菜都遮蓋掉，豬紅咬下去清爽感覺，不會黏黏的，有其獨特香味，韮菜吸收了豬紅的香味，調味帶辣勁，頗惹味。用來送粥也不錯。炸蠔餅上菜時嘩了一聲，幾件炸蠔餅疊起來，同樣有份量，但吃著吃著，二人也很快清掉，可能是香口的食物，特別吸引一口接一口吃，大大粒蠔仔肉夾在中間，滿有鮮味的。胡椒豬肚湯這個湯入口感覺胡椒味突出，相當有辣勁，豬肚洗得乾乾淨淨，可以邊渴湯邊吃，加上酸菜，配搭感覺很舒服。滷水鵝吃潮州菜少不了要吃滷水鵝，這裡的鵝肉很香嫩，有三種調味配搭，我喜歡蘸酸汁，伴碟底下有滷水豆腐和花生。總括來說，這間潮州小店價錢親民，製作用心，吃到潮州特別的風味，味蕾很有新鮮感，而份量也是相當抵食。

足料足味 潮州打冷👍🏼潮州滷水鵝片$118鵝肉非常嫩滑，滷水汁味道適中，唔會過鹹或者過甜，墊底的滷豆腐同花生，簡直係完美嘅點綴🧚🏻馳名豪仔餅$68粉漿炸得鬆脆而且蛋香味濃郁，豪仔大大粒又鮮甜。一碟有三大塊， 滿足，滿足😋韭菜豬紅$48非常入味，超級大碟，個汁用嚟撈飯一流👍🏼鹹菜胡椒豬肚湯$58老闆娘推介，健脾又醒胃，胡椒味香濃，豬肚同豬骨都充滿胡椒味，而且唔柴🍲潮州春菜$58又係老闆娘推介，好特別，有啲似芥菜，煮得入味，好腍🌱

自宋皇臺站開通後，B3出口行幾步就到嘅老字號「新城潮州飯店」（應該有差不多30年）真心性價比好高 ！門口是長這樣子的，一邊係潮州菜，一邊係茶餐廳，但其實兩邊都係可以食鹵水鵝架啦！九龍城嘅老字號，門面自然就有股懷舊氣息，咁先有風味嘛哈哈！努力切鹵水鵝的師傅，可以咁樣睇清楚D添！炸黃魚，個人就唔鐘意呢啲傳統油炸食物了。墻上有menu，基本潮州菜必備嘅一應俱全。上湯魚麵（$58）：最最最極力推介！鯪魚肉整嘅魚麵非常鮮味彈牙，豬骨湯同豬肉碎都好清甜，簡直令人一般食、一邊讚「好好味啊」！鹵水鵝片（$118）個人覺得鵝片還可以，最好味係花生浸咗鹵水汁後嘅香氣。鮮咸菜豬肚湯（$88/窩）食得出用料好新鮮，咸菜只係相對醃製左較短時間，健康D少少鹹味都不錯！韭菜豬紅（$48）味道偏鹹反沙芋頭（$88）好正宗、糖皮酥脆唔黏口。

自從地鐵開咗宋王臺站，成日心思思想去九龍城搵嘢食。九龍城雖然出名多泰國嘢，但原來都好多潮州嘢食。 今日就去咗間食間比較地道同舊式嘅潮州菜。 門口掛住潮州嘢成日有嘅橙色墨魚，滷水鵝，紅腸等等。仲有好多一盤盤嘅潮州地道野食🤤。酥炸豪餅 $78 價錢唔算太貴而且超級大份 ，有脆邊之餘又唔會太多粉。 啲蠔仔仲要大大粒肥嘟嘟，本身已經好夠味，連魚露都唔使點。韭菜豬紅 $48 豬紅唔會整到太爛，仲有少少咬口❤️ 我就係鍾意呢隻質地。都係大大份！ 40幾蚊真係抵食。 超級入味，但唔適合唔食得辣嘅朋友！滷水鵝片 $118 滷水味道濃郁，又唔會切得太薄， 咬落有口感而且非常鬆軟，價錢亦相對比出邊平。椒鹽鳳尾魚$68 呢個餸我記得公公好鍾意食，而家已經唔係好多地方有得食。鳳尾魚炸到好酥脆，如果加多支啤酒真係一流。胡椒豬肚湯 $58 老闆娘極力推介我哋咁當然要試下，佢話而家夏天濕熱，呢個湯健脾暖胃又去濕。食飯時間入邊都算幾多人，可能撞啱宋王臺站啱啱通車。等咗幾個字終於都有位啦！ 因為都幾肚餓，一坐低唔睇餐牌就嗌左幾樣嘢（酥炸豪餅，韭菜豬紅，滷水鵝片），老闆娘仲推介我哋飲胡椒豬肚湯同椒鹽鳳尾魚！ 埋單先發現原來

今晚同老公試下新嘅屯馬線,去到宋皇臺站落車,踏進九龍城,見到形形色色嘅泰國食店,老公建議今餐食下潮州菜,於是我哋走進了一間新城潮州飯店吃晚飯。*餐廳有點大排檔的風格,雖然沒有什麼裝修,但卻令我感到一種濃厚的人情味,一踏進店舖,服務員已對我們作出殷勤的招待,難怪店內座無虛席,最重要是這裏的餸菜碟碟也份量十足,下次一定會再帶家人來吃。👍👍1）蠔仔餅$78呢碟蠔仔餅份量十足,兩大片的蠔餅放在碟上,加上蔥花,賣相是非常美！吃起來不但美味,而且鬆脆可口,蠔的份量非常多,而且粒粒肥美,但完全沒有腥味,中間的薯粉和蛋混起來,有很香的蛋味,整個蠔餅的油份不算多,吃起來沒有油賦的感覺,沾上魚露來吃,另有一番風味2）鹵水鵝$98鵝肉表面呈現著點點粉嫩色,可見鵝肉非常新鮮,質地非常嫩滑,而且有彈性,鵝皮的油脂不算肥美,令我忍不住將皮也吞落口；鵝下面的豆腐不但香滑,更做得非常入味,加上獨家秘製的鹵水汁,鹵水味很濃,味道絕妙👍3）韭菜豬紅$48潮州打冷必食嘅小食之一,濃濃的醬汁中一塊塊軟腍豬紅,簡直無懈可擊👍豬紅份量非常多,煮得入味而且嫩滑,稍嫌有點辣,辣得來有一種麻的感覺,愛吃辣的人不妨來一試！4）胡椒豬肚湯

屯馬線6月27日就通車啦，趁通車之前人少少黎九龍城食下打冷野，呢間「新城潮汁飯店」我由細幫襯到大，以前成日黎都要坐出門口，勁旺又多人，疫情下佢地都好少開檯係出面lu, 但野食仍然正宗抵食好味😚.🍴潮州滷水鵝片$118超抵食既鵝片，每次必點👍🏻 皮薄肉嫩，用上陳年滷水汁夠入味，切得夠薄片。.🍴墨魚拼大腸$78滷水雙拼又係抵食之作，睇相都見到份量真心多，墨魚有咬口，豬大腸又夠煙韌。.🍴馳名蠔仔餅$78炸蠔餅蛋香十足，加上煎蠔餅微脆中帶點煙韌，配上鮮美的蠔仔🦪，潮州野必點之選。.🍴椒鹽鮮魷$88餸啤酒名物椒鹽鮮魷，呢度椒鹽類既炸粉相對比較厚身，魷魚🦑彈牙有咬口。.🍴胡椒豬肚湯$58(碗)又係勁足料既豬肚湯，成大舊豬肚好似唔使錢咁俾我地🤣 豬肚湯最緊要夠香濃胡椒味同夠晒辣。.餐廳超爆，但好彩好多熟客都食得快，等一陣就可以入座，開左地鐵一定勁多人🤣因為個出口只需要行1分鐘就到😅 勁抵食打冷👍🏻

作為一個90後潮州人，疫情期間不能離開香港，就只能在香港尋找家鄉味。九龍城這間潮州菜，鹵水鵝確實唔錯，蠔烙粉多咗少少，但也還可以。但今日想講下服務態度。不知人手唔夠定喺點，成間餐廳好似冧嗮檔咁。寫野一定要事頭婆先得，事頭婆又好似成日唔得閒，明明入邊有位，又要開張檯喺街度比人，搞到成個人好亂，又黑嗮面。有啲人明明只想加多一樣野就要等好耐，因為職員唔可以寫野，一定要等事頭婆，外面客人冇位就要企好耐。講咗三樣野又寫漏一樣，吃到一半碗白飯都未黎就算，追咗三四次，A職員好似冇咗件事，同B職員講，又話要搵返A職員，C職員又成日企喺度冇野做，明明一碗白飯咁簡單嘅事都可以咁混亂。不過平心而論味道ok，想嘗試最好都係外賣，如果唔喺就要好有耐性同愛心，燥底嘅人就要想清楚先好堂食