新城潮州飯店

營業中

休息中

#九龍城美食 #小蓮星呑食九龍城🔻 新城潮州飯店 九龍城衙前塱道30號地下/🧃馳名蠔仔粥 $108蠔仔份量都幾多，個湯夠晒鹹香同埋鮮味，不咗幾碗食！/🧃潮州滷水鵝 $98大推，個滷水汁好特別，有少少藥材味，意外地非常好食，鵝件非常入味，有趙口得嚟好滑/🧃馳名蠔仔餅 $88新鮮滾熱辣炸起，放入口仲有少少辣口，炸到非常酥脆，入面啖啖蠔肉/🧃韭菜豬紅 $58豬紅嘅份量多過韭菜好多，豬紅冇怪味，唔會一夾就散，亦都唔會太油或者過分濃味，啱啱好，韭菜仲有驚喜，竟然唔韌無渣，竟然仲有鮮甜感覺/#food #foodie #hkfood #hkfoodie #foodporn #foodstagram #hkfoodblogger #foodblogger #foodlover #foodphotography #hkig #九龍城

星期六收工懶得煮晚餐的我想食潮式晚餐，之前見大圍的店太多人，所以想去其他區，突然想起很少去九龍城，所以就捉了男友看看那裡有得吃，行行吓見到這間，左右兩間是一樣，我們就行入去有門那間。我們幸運地找到卡位就坐下，原來這間老店只有現金支付，我和男友只是跟平日的點差不多的食物，有幸手上的現金剛好夠付是次費用。韮菜豬紅，食落除了熱熨外，還有點辣（吃得辣的人會覺得好普通），好在有啤酒，否則怕辣的我一定頂唔到~~~鹵水鵝片，個人覺得份量足又唔算厚切，食落唔會咸，可以食到肉的味道~~~煎蠔餅一上碟係新鮮熱辣辣，食落比較軟身但都有少少脆，個人覺得幾好食，最重要係夠大份~~~我和男友都是喜歡間中去不同的店食潮式美食，不過二人真的不敢叫多幾款菜，以色眼闊肚窄，本身有叫一碗飯二人分享，但我們只顧吃而忘記拍照

九龍城以前係食宵夜嘅好地方經過疫情洗禮夜晚黑已經冇咁多選擇嗰日經過開，諗住重壞風味少少失望除咗個椒鹽鮮魷同埋魚麵好之外其他就真係麻麻地同埋唔知係咪人手短缺嘅問題落單真係好耐等又等好耐希望佢哋可以做返以前嗰種水準

幾乎食勻九龍城打冷店，集郵只賸這家，已屆晚上7:30繁忙搵食時間，被指示往右面分舖，一行四人就被安排坐舖面最深入之四人圓枱。此枱位置是是否三剎位不得而知，但右面是後巷、出菜、倒廚餘必經之推拉門，行人伙計每隔幾十秒至一分鐘進出都「砰砰聲」，坐正門旁腎氣差點恐會耳鳴；同時坐位頂上天花板是裝了一大個紫外光滅蟲燈箱，又不明此店飛蟲特多，每每直撲，部分屍首直墮枱上，本枱點的餸菜杯碗沒「中招」接收簡直萬幸。隔鄰的四人、二人枱也好不了多少，二人枱有客抵受不了頭上沒風擋的冷氣，儘管洗完杯碗筷也棄枱去別舖；四人枱有二人穿着雨絨吃飯（當時室外是廿度氣溫，穿的還是廿餘歲的年青人）。環境有點不堪，既然已點餐，即管餸來將口，調味倒有點功架。客多，廚房吞吐不來，四餸一飯，上菜幾乎隔十分鐘才逐碟上。潮州滷水鵝片$138切片厚薄恰到好處，保留肉滑有嚼口，少許肥邊的鵝皮是油香四溢。馳名蠔仔餅$88蛋漿成份不太起眼，亦有可能只動用蛋白汁，並且脆漿薄身，做到鬆脆不膩口，蠔仔爆汁。豉椒炒蜆狀態不似預期，頗多空殼，有三隻閉口。招牌小炒王$128碟頭略嫌偏小，驚喜是蝦乾不像平素既硬且靭，反倒腍身有蝦味，調味鹹甜適中。欖菜肉鬆炒飯

好耐沒食過打冷，新城潮洲飯店最招牌的菜是反沙芋和糖醋麵，糖醋麵煮成心形的，兩面煎得焦黃香脆，配搭砂糖和醋一起吃，自己下調料酸甜自己控制。反沙芋要在飯菜吃的差不多時才叫，用香甜脆口的反沙芋做完美結尾。

好耐冇食大排檔，琴晚大概七點去到已經排晒隊，等咗都起碼半個鐘先入到，嚟到呢度梗係要食佢嘅潮州滷水鵝片($138)，蠔餅($78)，同埋炒蜆(時價)。味道質素真係唔錯，嘢食都來得好快，不過我覺得個蠔餅如果多啲蠔會味道更佳👍🏽😋: 4/5🤑: total $300

九龍城🚇呢間新城潮州飯店🤩已經屹立多年，絕對係區內嘅老字號🇨🇳潮州飯店🥢。🚪門口位同好多潮州飯店🥢一樣放滿各種😍打冷食品🤤。當中不乏🥰經典春菜同埋😋各款滷水食物。入面地方唔算太大👌，係一貫老式🇨🇳潮州飯店格局。潮州菜中嘅🤩經典之一「春菜」佢哋係做得👍幾啱我口味，而且唔會太過鹹🤤。春菜煮得好腍😋好入味，加上豬肉🐖十分香口。呢度嘅🐷豬紅份量十足👍，幾抵食💰。入口香軟😍而且十分之入味，少少🤏香辣🌶️好開胃。佢哋嘅🦪蠔餅炸得好鬆脆🤩，而且勁大件！入面啲🦪蠔仔好飽滿又🤤鮮味，好正！鼓椒🔥炒花甲好夠火候👍，花甲肥美😋肉厚鮮味十足🤤，咸香微辣🌶️，好啱我口味！

九龍城唔止泰國菜出名，其實仲有其他好野食～😏今次我哋去咗1996年創立嘅「新城潮州飯店」，開業至今27年，係區內嘅潮州菜老字號，以招牌反沙芋和糖醋麵而聞名，平民小店格局，入夜後座無虛席。潮州春菜（$58）傳統潮州春菜，與腩肉同煮，春菜味道獨特，帶少許甘澀，剛好中和一下五花腩嘅潤感，加上腩肉肥瘦適中，配白粥或佐飯皆宜。☺️韭菜豬紅（$58）豬紅鮮香嫩滑無腥味，不過韭菜份量就比較少。花生豬手（$68）一碟份量都唔少，豬手炆得鬆化，味道香甜味美，不錯吃！食潮州菜，梗係要食滷水鵝！⭐️推薦❗ 潮州滷水鵝（$98/例）用嘅滷水係幾十年嘅滷水膽，鵝肉吸收了滷湯的日月精華，肉嫩入味。😋⭐️推薦❗ 馳名蠔仔餅（$88）蠔餅以半煎炸炮製，蠔餅外層香脆不膩，內裏保持軟綿，採用大粒珍珠蠔，蠔味香濃，軟硬適中，唔會一夾就散。椒鹽瀨尿蝦（時價）有差不多半隻手臂咁大，肉質肥美，打冷點少得啤酒🍻～呢度嘅啤酒價錢合理，青島都只係$25/大支裝，抵！😎👍🏻

店開6:00pm, 我同朋友7:00 就到，二間鋪已經坐滿晒，同時門口都已經排左好多人。 但係非常混亂，無飛仔。唔會知叫到幾號或前面有幾張枱。但好彩我地排左30分鐘左右就入到。今次我地點左最出名的蠔仔粥，糖醋麵及反沙芋。蠔仔粥細size 已經好大碗 ， 可以分4-6 碗小碗。超多蠔仔，用料十足，而且好新鮮。糖醋麵係心型， 非常可愛，麵十分脆口，加上醋及砂糖，別有一番風味。反沙芋，大大碟，每一粒都有砂糖包住，超超超正！下次會同多d 朋友一齊去，試多幾個餸

今日難得嚟到九龍城，冇理由唔識下啲潮州打冷嘢，於是揀咗呢間都幾多人排隊嘅潮州菜館☺️滷水鵝片拼鵝腸，果然係招牌菜，鵝肉超級入味，而且啖啖肉，鵝腸又夠晒爽脆，配搭埋酸爽嘅醋，簡直係味蕾一絕嘅享受❤️潮州春菜好特別，係我第一次食，感覺都唔錯，春菜好似芥菜，識落爽脆清甜；欖菜肉碎炒四季豆，鹹鹹香香，四季豆脆身，兩度餸都好好味🤤另外仲叫咗個豬肚湯，非常之好飲，胡椒味都幾香濃，而且好足料，有排骨、酸菜同埋好多塊豬肚，天氣涼涼哋飲呢個湯一流😆餐廳上菜速度都好快，而且人龍不絕，好受歡迎😍

🌟餐廳：新城潮州飯店📍地址：九龍城衙前塱道30號地下💰價位：～$100 - $200⏰營業時間：星期一至日 18:00 - 04:00📱電話：2716 9949講起潮州打冷，相信大家都會諗起九龍城～該區既潮州菜館百花齊放，加上屯馬線開通，去九龍城區就變得更加方便～今日收工同朋友去咗間充滿傳統特色既潮州菜館「新城潮州飯店」，佢地已經係九龍城區屹立左26年，可以好好感受下懷舊潮州風味！———————————————————🔹滷水鵝片 拼 墨魚滷水鵝片絕對潮州菜既招牌菜式，烹調過程繁複，每次食潮州菜都會必點！鵝片食落油香肉嫩，厚薄適中，而作為潮州菜靈魂既滷水汁咸香味濃，配合啖啖肉既鵝片同爽彈煙韌墨魚，呢個組合真係勁夾！———————————————————🔹炸蝦棗另一傳統潮州家鄉菜式，蝦棗用蝦肉手打至起膠，混合芫茜、胡椒粉再炸至金黃色，賣相一流！食落啖啖蝦肉，熱辣辣，爽口彈牙，勁滿足～記得點埋秘製金桔醬汁，呢個係配搭潮州蝦棗既最佳選擇!———————————————————🔹椒鹽沙追魚/風尾魚潮州人好鍾意食魚，處理及烹調魚類更有一手～第一次試椒鹽沙追魚拼鳳尾魚，兩種魚先用鹽醃制，待魚吹到乾身

呢間老字號潮州菜館，實在無華麗既外表，樸素非常。但除左人情味濃之外，試過佢嘅既菜色，相信都會想返轉頭🫶🏻［韮菜豬紅］好常見既菜色，但係食過最濃味最惹味既一次。豬紅好滑，韮菜好嫩唔會又老又多根。個汁好濃郁又辣辣地，我同老公用個汁撈左成碗飯🤤［胡椒豬肚湯］豬肚好爽口，胡椒味非常夠，仲低調地加左少少人蔘落去煲😳飲完成個人暖笠笠好暖胃，超滿足。［滷水鵝片］滷水汁既味好夠濃。鵝片肥瘦適中，啖啖肉，肉味齒頰留香。仲有埋滷水豆腐。老闆娘叮囑一定要點埋醋同辣椒油，成個味更加突出，正🫶🏻［反沙芋］潮州既特色甜點，好巧工夫架。芋條外層炒到好香脆乾身，但裡面就熱辣辣。外層仲包住一層炒到好脆身既沙糖，好味呀🤤

好耐無黎新城食，而家多人左好多😵😨😨😨 要排隊等位。今日得兩個人黎食，就叫左4樣野。.🍴馳名蠔仔餅 $88勁鍾意食呢間既蠔餅，蠔仔俾得好豪爽，又多又大粒又無沙，蠔餅炸得夠脆但唔覺好油。.🍴咸菜豬肚湯 $58大大碗，呢2日凍返啲飲呢個湯真係好鬼暖胃。.🍴潮州鹵水鵝件 $98必點鹵水鵝，$98呢個價真係無得輸，平絕九龍城，同埋最緊要係抵食夾大份🤭. 🍴椒鹽鮮魷 $128炒野都唔錯架，椒鹽類最好食，薄薄一層粉，食到個鮮味👍🏼

今晚同老友去左九龍城shopping, 路經一間老牌食檔，內裡坐滿食客，反正好耐無食潮州野，不如一試😍果然無失望，傳統地道菜式好有風味😋😋😋必食滷水鵝片，秘製酸醋是靈魂所在🤩再加個鹹肉韭菜花，好惹味🤤唔少得兩碗潮州白粥，平衡番個味蕾☺️有機會經過會再光顧的😬

自疫情後，其實都好難可以約到一班人出黎食飯，今次難得約齊腳，就揀佐一間好local既潮州打冷店過一下男人的浪漫。餐廳位於九龍城，以前一定要揸車先過到黎，自從地鐵站開通黎，過黎食飯真係方便佐好多。平日時間大約8:00到達，估唔到已經座無虛席，非常旺場。打開餐牌，大部分既菜式都圖文並茂，就算外國遊客都可以輕鬆點菜，難怪店內都可見2枱外藉人士。韭菜豬紅 $58非常大碗，豬紅煮得夠熱，底部有大量韭菜，湯底加佐薑煮，鮮甜好味。春菜潮州菜既signature，除佐喺潮州飯店，其他地方真係食唔到，好大碗，加佐肥豬肉煮更鮮甜美味。潮州鹵水鵝 $98鹵水鵝有2款，有骨既叫鹵水鵝，無骨既叫鹵水鵝片，爭$40，我自己就鐘意食有骨既多d，配埋啤酒絕對無敵，個底再墊有鹵水豆腐，其他餐廳多數會俾豆腐多過肉，而呢度就岩岩相反，俾佐勁多鵝，好抵食。潮州炒蟶子 $108餐廳用佐細隻既蟶子去豉椒炒，可以更加入味，好大碟，而且蟶子好肥美。馳名蠔仔餅 $78店員放上枱既時候我地全部都大嚇一跳，真係好大碟，有3大塊，蠔仔既份量好多，蛋餅底煎得香脆，配上魚露真係有幸福感。而潮州菜配上青島啤酒絕對係絕配，一班男仔有講有笑食到差唔多