新品香粥麵店 (已結業)

幾日前二人同遊此店, 因而結下不解緣豬紅魚片粥 - $11 平就係平, 不過佢將貨就價呢, 豬紅數過得3舊, 少得離譜, 魚片我不停撈都撈到5片仔, 明顯係偷工減料, 食完完全唔會覺飽 粥煲得唔掂, 麻麻地, 水多過米, 有點兒過稀豬紅唔多得, 有D舖頭D豬紅係入味好正, 呢間普通豬紅一舊魚片無味無道, 失敗菜餃麵和雲吞麵 - $13各一 菜餃麵 - 得四舊菜餃, 呢間係用魚肉而唔係豬肉, 特別但係最衰魚肉無味無道, 失敗失敗, 碗麵唔熱架但個人OK, 不過麵淥得有點淋, 而湯底都係最普通不過, 不值一值, 總括就係好一般貨色雲吞麵 - 同上, 而雲吞係大部分豬肉豬膏, 加小分蝦仔, 唔多OK菜 - 細碟$7, 大碟$10 叫咗兩碟細第一碟芥蘭, 份量都幾少, 清灼唔油 (我怕有D地方落好多油), 但煮得有點老, 我鐘意清綠爽口架第二碟通菜, 份量叫做好番少少, 都係清灼, 但時間再短一點更好, 合格啦事後我地覺得可能叫大碟才著數, 真係笨啦呢間野可能大家覺得抵食, 對我黎講:以絕對角度黎睇, 價錢好多當然係平同好抵但以相對角度黎睇, 平就係平, 但料又比少番姐, 份量又唔多, 所以計

我是這裡的常客, 一來近公司, 二來夠平老老實實, 如果你是對環境好有要求的, 請不要來, 你只會貼錢買難受最喜歡吃這裡的菜心, 好淋, 我最喜歡吃淋的菜, 而且勁抵食平時出叫油菜, $10碟可能得幾條, 這裡, $10一盒可以裝滿一個飯盒減肥時買個菜已經可以當一餐, 好味得嚟又健康另外, 這裡的水餃也很不錯, 夠大粒豬潤麵也是我另一至愛, 但不能常吃

晨早想食粥, 但全行到半路聞到炒河香, 不過度度都只有炒麵無炒河, 行到呢度老闆居然話有, 二話不就叫左個炒河加白粥。不過等左一兩分鐘, 點解重未搞掂gei? 原來即炒比我! 係粥檔食早餐有即炒河粉真係第一次見!即製炒河$10:標價7蚊, 即炒就收左我10蚊, 豪比佢啦, 即製比你重想點?味道偏鹹, 河炒算係炒得開而係唔太油膩的。白粥$5:米加粘米粉加腐皮, 放耐左都係會水還水、米還米, 不過就唔夠綿。可能係大圍因素, 如各樣野都加左價, 上月白粥都係$4

喜歡來此吃炒麵，那兒的不像其他豉油黑黑的，麵身幼滑，而且七元平平，不過也是多油一點．粥品只是一般，但價錢相對是平宜，不想別太多，平平也可以，但清潔就差一點，或許近街市嘛，不過若果可以改善就更好啦！所以我多是外賣啊！

夜已深，雖然不覺餓，但想吃一點暖暖又甜甜的食物，強記關了門，而這裡是通宵營業，就來吃一碗芝麻糊。也很久未嚐過質數如此低的芝麻糊了，用匙羹掏幾下，完全不滑，內裡是結成一團團的，還是濃稀也有點不一致，真的說不是用粉開的，也沒有人會相信。6蚊一碗，是很便宜，但吃了半碗也放棄了，算是過了口癮。雖然這裡環境很一般，感覺是很不潔淨。但這裡人客可也是不少的，可能因為平的關係吧。

對上一次係食粥..唔好食d粥同炸麵都唔得..所以今次就試下d麵啦希望好味..叫左個豬潤麵..等一陣就有好大碗..不過第一啖食d麵就知以後都可以不用來啦..d麵一pat pat唔彈牙; 個湯或似白開水啦無味道; 豬潤都唔算好正...唯一好處就係平啦..無其他可取

這是一間環境~~~~的食品店...如果你要食環境...不須理會此食評愛此舖因為因為有人情味...你看觀察老街坊跟老闆打交道的言語..最強是師父認得我....我多數吃菜肉餃..或鯪球河....鯪球有果皮香...河粉就10 個吸水...但他們不介意你叫他加湯....湯是大地魚味...這裡的麵食全是沿用傳統的做法....所以好香的...

這店舖的食品大都很便宜,$3明火白粥,$6紅豆沙、綠豆沙,$8牛腩麵今天試了皮蛋碎牛粥,啲料不算少,味道一般

7 January 2007 (Sun) - 晚飯打完波唔可以食太多，否則會肥返，所以決定吃粥，好好友帶我黎呢度食，粥真係勁平，但係衞生環境就真係．．．．嘢食只係一般，可能見到佢擺晒喺度既牛腩都冇晒胃口．．．　一盆盆既牛腩個樣好似垃圾堆咁，真係唔多掂，但勝在食物唔太難食，只要食時唔好對住嗰啲處理中既食物會好啲，我哋叫咗一個牛肉粥一個魚片粥同一碟炸兩仲有荳漿，填肚還可以，如果當享受就真係不能啦！Anyways，還可以~~~

一清早要見客見仲有少少時間就來此店食碗粥暖下個肚. 一個人叫左個炸麵及白粥...個白粥唔夠綿認真麻麻..個炸麵仲唔得d粉皮好厚油炸鬼又唔脆淋patpat咁最重要係凍冰冰...平都無用.

經常路過此地, 今晚於是黎試下. 呢度好多粥麵都係十蚊, 而且開廿四小時.揀左個菜肉餃麵, 只不過係$8. 菜肉餃4 大粒, 味道普通. 麵都唔少, 但係就唔夠爽同彈牙.可幸的是仲要有幾條菜心, 實在難得.$8 既價錢, 但係有咁既份量, 已經好滿足了.